ಯೊಹಾನ 8:12 - ಕ್ಹುದಾನಿ ಕ್ಹರಿನಿ ವಾಕ್ಯಾ

¹² ಪಾಚಾ಼ತಾ, ಯೆಸು ವರಿ ಮನಕ್ಹೊನಾ ಕ್ಹಾತೆ ಬೊಲ್ತೊ"ಮಿಜ಼ ಎ ದುನಿಯಾನೆ ಉಜಾಲು ವ್ಹೈ. ಮಾರಾ ಪಾಚೊ಼ ಆವಾಲೊ ಯಕ್ಲೊಬಿ ಅಂದಾರಾಮಾ ಕೆಳಾಮಾಜ ಚಾಲ್ತೊನೈ. ತೆ ಜ಼ಲಮ ದಿವಾನು ಉಜಾಲು ವ್ಹಂದಿಲಿದಲವಾಲೊ ಥಾವಸ ಕದ್ಯೊ.

ಯೊಹಾನ 8:12 ပူးပေါင်းရင်းမြစ်များ

ಮತ್ತಾಯ 5:14

ತುಮೆ ದುನಿಯಾನೆ ಉಜಾಲು ಥಯಾಸ. ಡೊಂಗರಪರ ಭಾಂದಲ ಗಾಮ ನೈ ಝಕಾತು.

ಲುಕ ಬರ್ದಲ ಸುವಾರ್ತಾ 2:32

ತೆ ಯೆಹೊದ್ಯೊ ನೈ ರ‍್ಹಯಲ ಮನಕ್ಹೊನೆ ತಾರಿ ವಾಟ ದೆಕಾಡಾನು ಉಜಾಲು ವ್ಹೈ. ತಿನಾಕ್ಹು ತಾರಾ ಮನಕ್ಹೊ ರ‍್ಹಯಲ ಇಸ್ರಾಯೆಲರೊನೆ ಮರ್ಯಾದಿ ಮಳಸ.

ಯೊಹಾನ 12:35

ತಿನೆ ಯೆಸು"ಹಜು಼ನ ದಕ್ಹಿಯೆಳ ಉಜಾಲು ತುಮಾರಾ ಕ್ಹಾತೆ ರ‍್ಹವಸ. ತಿನಾಹುತಿ ಉಜಾಲು ತುಮಾರಾ ಕ್ಹಾತೆ ರ‍್ಹತಾಮಾಜ ಚಾ಼ಲೊ. ತೆಳಾಮಾ ಅಂದಾರು ತುಮೊನೆ ಸುತ್ತಿ ಲೆತು ನೈ. ಕಾಕದ್ಯಾಮ ಅಂದಾರಾಮಾ ಚಾಲಾಲಾನೆ ತೆ ಕಿಜಾ಼ ಚಾಲ್ಯೊಸ ಕವಾನು ಗ್ವತ್ತ ನೈ ಥಾತು.

ಯೊಹಾನ 12:36

ತಿನಾಹುತಿ ತುಮೊಕನ ಉಜಾಲು ಹಜು಼ನ ರ‍್ಹತಾಮಾಜ ತಿಪರ ಬರೊಕ್ಹೊ ಮ್ಹೆಲೊ. ತೆಳಾಮಾ ತುಮೆ ಉಜಾಲಾನಾ ಬಚ್ಚಾ ಥಾವೊಶಿ" ಕೈನ ಕದ್ಯೊ. ಎ ಸಂಗತಿಯೊ ಕದಲ ಪರ ಯೆಸು ತ್ಯಾಂತೊ ಗೈನ, ತಿನೆ ಮನಕ್ಹೊ ನೈಸೊ ಹುಡಕಾನಿ ಜ಼ಗಾಯೆ ಗಯೊ.

ಯೊಹಾನ 12:46

ಮಿ ದುನಿಯಾಮಾ ಉಜಾಲು ಥೈನ ಆಯೊ. ಕಾಕದ್ಯಾಮ ಕುನ್ನ ಮಪರ ಬರೊಕ್ಹೊ ಮ್ಹೆಲಸ ತೆ ಅಂದಾರಾಮಾ ರ‍್ಹೌ ನೈ.

ಯೊಹಾನ 14:6

ಯೆಸು "ಮಿಜ಼ ವಾಟ ವರಿ ಕ್ಹರಿ ವರಿ ಜ಼ಲಮ ಥಯೊಸ. ಕಿನೆಬಿ ಮಾರಾ ಮುಲಕ ನೈಸೊ ಬಿಜಾ಼ ಕಿನಾಜ ಮುಲಕ ಬಾಕನ ಆವಾನೆ ನೈ ಥಾತು.

ಯೊಹಾನ 3:19

ತೆ ನ್ಯಾಯನೊ ಫೈಸಲೊ ಅಮ್ಮ ರ‍್ಹವಸ ಉಜಾಲು ದುನಿಯಾಮಾ ಆಯು ವರಿಬಿ ಮನಕ್ಹೊ ಉಜಾಲಾನಾ ಬದಲ ಅಂದಾರಾನೆ ಮಯಾ ಕರ‍್ಯಾ ಕಾಕದ್ಯಾಮ ತಿನಾ ಕಾಮೊ ಕೆಟ್ಟ ವ್ಹೈ.

ಯೊಹಾನ 7:17

ಕ್ಹುದಾ ಆಸ ಕರಾನು ಕರಾಲಾನೆ ಮಾರು ಉಪದೆಶ ಕ್ಹುದಾತಿ ಆಯುಸ ತೆನೈಸೊ ಮಾರು ಸ್ವಂತ ನ್ಹವೈ ಕೈನ ಗ್ವತ್ತ ಥಾವಸ.

ಯೊಹಾನ 9:5

ಮಿ ಆ ದುನಿಯಾಮಾ ರ‍್ಹತಾಮಾ, ಮಿಜ಼ ಆ ದುನಿಯಾನೆ ಉಜಾಲು ಥಯೊಸ" ಕದ್ಯೊ.

ಅಪೊಸ್ತಲೊ 13:47

ಕಾಕದ್ಯಾಮ ಪ್ರಭು ಹಮೊನೆ ದಿದಲ ಆಜ್ಞಾ ಅಮ್ಮ ಛೆ ದುನಿಯಾನಾ ಲಾಸ್ಟ ಲಕ್ಕಾ ಕ್ಹಾರಾ ಮನಕ್ಹೊನೆ ತು ವಚಾ಼ಡಾಲೊ ಥೌ ಕೈನ ಮಿ ತುನೆ ಬಿಜಾ಼ ಜನಾಂಗೊನೆ ಉಜಾಲು ಕರ‍್ಯೊಸ. (ಯೆಶಾಯ 49:6)

ಅಪೊಸ್ತಲೊ 26:23

ಕ್ರಿಸ್ತಾ ದುಕ ಕರಲಿನ ಮರಿನ ಮರೆಲಮಾತೊ ಪೈಲಾನೊ ಥೈನ ಉಟಿನ ಐನ ಯೆಹುದಿಯೊನೆ ವರಿ ಯೆಹುದಿಯೊನೆ ನೈಸೊ ಮನಕ್ಹೊ ಕ್ಹಾರಾ ರಕ್ಷಣೆ ಉಜಾಲು ಲಾವಸ ಕೈನ ಪ್ರಸಿದ್ದಿ ಕರಾವಾಲೊ ಥಾಶಿ ಕೈನ"

2 ಪೆತ್ರಾ 2:17

ತೆ ಸುಳ್ಳಬೊದಕೊ ಪಾನಿ ನೈಸೊ ಖಾಲಿ ರ‍್ಹಯಲ ಇರೊ ಲಿಂಗತ ರ‍್ಹವಸ. ತ್ಯುನೆ ಮ್ಹೊಟೊ ವಾರೊ ಐನ ಮ್ಹಾಡನೆ ಉರಾಡ್ಲಿನಿಂಜಾ಼ವಾಲಿಂಗತ ರ‍್ಹವಸ. ತ್ಯುನಾ ಹುತಿ ಅಂದಾರಾನಿ ಜ಼ಗಾ ಕೈದಿನ ಮ್ಹೆಲ್ಯಾಸ.

2 ಪೆತ್ರಾ 2:4

ದೆವದುತೊ ಪಾಪೊ ಕರತಾಮಾ, ತ್ಯುನೊನೆ ಶಿಕ್ಷಾದಿದ್ಯಾವಾಚಿ಼ ಛೊಡ್ಯೊನೈ. ತೆ ತ್ಯುನೊನೆ ಬೆಡಿಯೊ ಭಾಂದಿನ ನರಕ್ಕಮಾ ಢಕ್ಕಲ್ಯೊ. ಅಂದಾರು ರ‍್ಹಯಲ ಖಾಡಿಮಾ ಘಾಲ್ಯೊ. ತ್ಯುನೊನೆ ಫೈಸಲೊ ಥಾಯೆಲಕ್ಕಾ ತ್ಯಾಜ಼ ರ‍್ಹವಸ.

1 ಯೊಹಾನ 1:6

ತಿನಾಹುತಿ ಕ್ಹುದಾನಾ ಕ್ಹಾತೆ ಅನ್ಯುನ್ಯೆತಾಮಾ ಛೆ ಕೈನ ಹಮೆ ಕೈಲಿನ, ಅಂದಾರಾಮಾ ಜಿವಸ್ತಾ ರ‍್ಹಯ್ಯಾಮ ಸುಳ್ಳ ಕದಲಲಿಂಗತ ಥಯ್ಯು. ಕಾಕದ್ಯಾಮ ಅಪೆ ಕ್ಹರಿ ಪಾಲನ ನತ್ತಿ ಕರಾಡ್ಯಾ.

ಯುದ ಬರ್ದಲ ಪತ್ರ 1:13

ಇವ್ನೆ ಸಮುಂದರಮಾ ರ‍್ಹಯಲ ಧಡ್ಕಿಯೊ ಲಿಂಗತ ಛೆ. ಎ ಧಡ್ಕಿಮಾತು ಆವಾನು ಬುರುಕ ಲಿಂಗತ ಇವ್ನೆ ಸರಮ ನೈಸೊ ಕಾಮೊ ಕರಾಡಾಸ. ಎ ಮನಕ್ಹೊ ಹಬಾಳಮಾ ಫರಾನಿಯೊ ಚಿಕ್ಕಿಯೊ ಲಿಂಗತ ಛೆ. ತ್ಯುನಾಹುತಿ ಹಮಾಶಾಬಿ ಅಂದಾರಾ ರ‍್ಹವಾನಿ ಜ಼ಗಾಮಾಜ಼ ರ‍್ಹವಾಲಗಾಡಸ.

ಯುದ ಬರ್ದಲ ಪತ್ರ 1:6

ದೆವದುತೊ ಅದಿಕಾರ ವ್ಹಂದ್ಯಾತಬಿ ತೆ ವಚಾ಼ಡಿಲಿದ್ಯಾವಾಚಿ ಸ್ವಂತ ರ‍್ಹಯಲ ಜ಼ಗಾ ‍ಚೊಡಿನ ಗಯಲ ಶೆ ಕರೊ. ತಿನಾಹುತಿ ಪ್ರಭು ತೆ ದೆವದೊತೊನೆ ಅಂದಕಾರಮಾ ಮ್ಹೆಲ್ಯೊ. ತ್ಯುನೊನೆ ಹಮೆಶಾಬಿ ಬೆಡಿಯೊಮಾ ಭಾಂದಿನ ಮ್ಹೆಲ್ಯೊ.ಮ್ಹೊಟಾ ದಿನ್ನ ದಿನ್ನೆ ತ್ಯೊನೊನೆ ಫಸ್ಒ ಥಾವಾನಾ ಹುತಿ ತ್ಯಾ ಮ್ಹೆಲ್ಯೊ.

ಪ್ರಕಟನೆ 21:24

ಬಕ್ರಾನು ಬಚ್ಚು಼ ಥಯಲವಾಲು ದಿವಾನಾ ಉಜಾಲಾಕ್ಹುಜ಼ ದುನಿಯಾಮಾ ರ‍್ಹಯಲ ಮನಕ್ಹೊ ಚಾ಼ಲಸ. ದುನಿಯಾಮಾ ರ‍್ಹಯಲ ರಾಜಾ಼ ತ್ಯುನಿ ಕ್ಹಾರಿ ಆಸ್ತಿ. ತೆ ಗಾಮನೆ ಲಾವಸ.