ಯೊಹಾನ 7:20 - ಕ್ಹುದಾನಿ ಕ್ಹರಿನಿ ವಾಕ್ಯಾ

²⁰ ಮನಕ್ಹೊ ಕದ್ಯಾ"ತುನೆ ಭುತಡು ಧರ‍್ಯುಸ. ತುನೆ ಕುನ್ನ ಮಾರಾನೆ ಕೊಶಿಶ ಕರಾಡ್ಯುಸ ಕದ್ಯಾ.

ಯೊಹಾನ 7:20 ပူးပေါင်းရင်းမြစ်များ

ಮತ್ತಾಯ 10:25

ಶಿಷ್ಯೊ ತಿನಾ ಗುರು ಲಿಂಗತ ಥಯೊಮ ಬಸ್ಸ. ಆಳ ತಿನಾ ಮಾಲಕ ಲಿಂಗತ ಥಯೊಮ ಬಸ್ಸ. ಘರನಾ ಮ್ಹೊಟಾನೆ ಬೆಲ್ಜೆಬುಲ (ಭುತಡು) ಕೈನ ಬಲಾಯಾಮ, ತೆ ಘರವಾಲಾವೊನಾ ಬಿಜಾ಼ವೊನೆ ವರಿ ದಕ್ಹಾ ಕೆಟ್ಟ ನಾಮೊಕ್ಹು ಬಲಾತಾ ನೈ ಸು?

ಮತ್ತಾಯ 12:24

ಮನಕ್ಹೊ ಎ ಕ್ಹಾರು ಬೊಲ್ಲಿವಾನು ಐಕಲ ಪರಿಸಾಯರೊ, ಯೆಸು ಬೆಲ್ಜೆಬೊಲನಾ ತಾಕತಕ್ಹು ಮನಕ್ಹೊನೆ ಭುತ್ಡಾವೊಕ್ಹು ಛೊಡಾವಸ. ಬೆಲ್ಜೆಬೊಲ ಭುತ್ಡಾವೊನೊ ಅಧಿಪತಿ ವ್ಹೈ” ಕದ್ಯಾ.

ಮತ್ತಾಯ 9:34

ತೆನೈಸೊ ಪರಿಸಾಯರೊ, ಎ ಕೆಟ್ಟ ಆತ್ಮಾವೊನಿ ಮಾಲಕನಿ ತಾಕತಕ್ಹು ಕೆಟ್ಟ ಆತ್ಮಾವೊನೆ ಛೊಡಾವಸ” ಕದ್ಯಾ.

ಮಾರ್ಕ 3:30

ಕಾಕದ್ಯಾಮ ಮನಕ್ಹೊ ಇನೆ ಕೆಟ್ಟ ಆತ್ಮಾ ಧರ‍್ಯುಸ ಕದ್ಯಾತಾ.

ಯೊಹಾನ 10:20

ತ್ಯುನೊಮಾ ಘನ್ನಾ ಜ಼ನಾ"ತಿನಾಮಾ ಭುತಡು ಛೆ. ಎ ಪಿಸಾಳೊ ಛೆ. ತಿನು ಕಾ ಐಕಾಡಾಸ? ಕೈನ ಕದ್ಯಾ.

ಯೊಹಾನ 8:48

ಯಹುದ್ಯೊ ತಿನೆ, ಸು ಹಮೆ ಕವಾನು ಕರೆಟ್ಟ ನ್ಹೊತು ಸು ತು ಸಮಾರ್ಯವಾಲೊ ವ್ಹೈ ಕೈನ ತಾರಾಮಾ ಕೆಟ್ಟ ಆತ್ಮಾ ಛೆ "ಕೈನ ಕದ್ಯಾ.

ಯೊಹಾನ 8:49

ಯೆಸು ತ್ಯುನೊನೆ"ಮಾರಾಮಾ ಕೆಟ್ಟ ಆತ್ಮಾ ನತ್ತಿ. ಮಿ ಮಾರಾ ಬಾನೆ ಮರ್ಯಾದಿ ದ್ಯುಸ, ವರಿಬಿ ತುಮೆ ಮನೆ ಮರ್ಯಾದಿ ದೆತಾ ನೈ.

ಯೊಹಾನ 8:52

ಯೆಹುದಿಯೊ ತಿನೆ"ಕ್ಹರಿಮಾಬಿ ತಾರಾಮಾ ಕೆಟ್ಟ ಆತ್ಮಾ ಛೆ ಕೈನ ಹಮ್ನಾ ಹಮೊನೆ ಗ್ವತ್ತ ಥಯು! ಅಬ್ರಹಾಮಬಿ ಮರ‍್ಯೊ ವರಿ ಪ್ರವಾದಿಯೊಬಿ ಮರಿಗಯಾ ತೆನೈಸೊ ವರಿಬಿ "ಮಾರಿ ಉಪದೆಶನೆ ವಿಧೆಯ ಥಾವಾಲೊ ಕೆಳಾಮಾಜ ಮರ್ತೊಜ ನೈ ಕೈನ ತು ಕವಾಡ್ಯೊಸ.

ಅಪೊಸ್ತಲೊ 26:24

ಇಮ್ಮ ಪೌಲಾ ತಿನಾಕ್ಹು ವಾದ ಕರೊತ್ತೊ ಕತ್ತಾಮ್ಮಾ ಫೆಸ್ತಾ. ಪೌಲಾ ತುನೆ ಪಿಸಾಳೊ ಧರ‍್ಯುಸು, ಘನು ಒದಾನು ತುನೆ ಪಿಸಾಳು ಕರಿಪಡಸ, ಕೈನ ವದರಿನ ಕದ್ಯೊ.