ಯೊಹಾನ 6:68 - ಕ್ಹುದಾನಿ ಕ್ಹರಿನಿ ವಾಕ್ಯಾ

⁶⁸ ಸಿಮೊನ ಪೆತ್ರಾ ಯೆಸುನೆ"ಪ್ರಭು, ಹಮೆ ಕಿಕನ ಗಯ್ಯೆ? ಹಮೆಶಾನೊ ಜ಼ಲಮ ದಿವಾನಾ ವಾತೊ ತಾರಾಮಾ ಛೆ.

ಯೊಹಾನ 6:68 ပူးပေါင်းရင်းမြစ်များ

ಮತ್ತಾಯ 16:16

ತೆಳಾಮಾ ಸಿಮೊನ ಪೆತ್ರಾ, ತು ಜಿವ್ತೊ ರ‍್ಹಯಲ ಕ್ಹುದಾನೊ ದಿಕ್ರೊ ಥಯಲ ಕ್ರಿಸ್ತ ವ್ಹೈ ಕೈನ ಜವಾಬ ದಿದ್ಯೊ.

ಮಾರ್ಕ 8:29

ಯೆಸು ತ್ಯುನೊನೆ ವರಿ ತುಮೆ ಮನೆ ಕುನ್ನ ವ್ಹೈ ಕವೊಸಿ? ಕೈನ ಪುಚ಼ತಾಮಾ ತಿಮಾನೊ ಪೆತ್ರಾ ತು ಕ್ರಿಸ್ತ ವ್ಹೈ ಕದ್ಯೊ.

ಲುಕ ಬರ್ದಲ ಸುವಾರ್ತಾ 9:20

ತೆಳಾಮಾ ಯೆಸು ಶಿಷ್ಯಾವೊನೆ"ಮನೆ ತುಮೆ ಕುನ್ನ ವ್ಹೈ ಕವೊಸಿ" ಕೈನ ಪುಚ್ಯೊ ಪೆತ್ರಾ ಯೆಸುನೆ "ತು ಕ್ಹುದಾನೊ ಮಸ್ಸಿಹಾ ವ್ಹೈ" ಕದ್ಯೊ.

ಯೊಹಾನ 12:49

ಎ ಕ್ಹರಿ ವ್ಹೈ ಮಿ ಕದಲ ಕಾಕದ್ಯಾಮ, ಮಾರಾ ಅದಿಕಾರಕ್ಹು ಸುಜ಼ ಕದ್ಯೊ ನತ್ತಿ ಮನೆ ಕುನ್ನ ಮೊಕಲ್ಯುಸ.

ಯೊಹಾನ 12:50

ಬಾನಿ ಆಗನ್ಯಾ ಹಮೆಶಾನಾ ಜ಼ಲಮ ಕನ ಚ಼ಲಾವಸ ಕೈನ ಮನೆ ಗ್ವತ್ತ ಛೆ. ತಿನಾಹುತಿ ಬಾ ಮನೆ ಕದಲ ಸಂಗತಿಯೊಜ ಮಿ ಕೌಸ"

ಯೊಹಾನ 17:8

ತು ಮನೆ ದಿದಲ ಸಂದೆಶ ಮಿ ಇವ್ನೊನೆ ದಿದ್ಯೊಸ. ಇವ್ನೆ ತೆ ಸಂದೆಶ ಸ್ವಿಕಾರ ಕರಿಲಿದ್ಯಾಸ. ಮಿ ಕ್ಹರಿಬಿ ತುಕಂತೊ ಆಯೊಸ ತ್ಯುನೊನೆ ಗ್ವತ್ತ ಛೆ. ತುಜ಼಼ ಮನೆ ವಳಾಯಲ ವ್ಹೈ ಕೈನ ಇವ್ನೆ ಬರೊಕ್ಹೊ ಕರ‍್ಯಾಸ.

ಯೊಹಾನ 5:24

"ಮಿ ತುಮೊನೆ ಕ್ಹರಿಜ ಕೌಸ. ಮಾರಿ ವಾತ ಐಕಿನ ಮನೆ ಮೊಕ್ಲಲವಾಲಾನೆ ನಂಬಾಲೊ ಹಮೆಶಾನೊ ಜ಼ಲಮ ವ್ಹಂದಿಲಿದ್ಯೊಸ. ತಿನೆ ಫೈಸಲೊ ಥಾತೊ ನೈ. ತೆನೈಸೊ ತೆ ಹಮ್ನಾಜ ಮರಣ ದಾಟಿನ ಜ಼ಲಮಮಾ ಆಯೊಸ.

ಯೊಹಾನ 6:40

ದಿಕ್ರಾನೆ ದೆಕಿನ ತಿಪರ ಬರೊಕ್ಹೊ ಮ್ಹೆಲಾಲೊ ಹರಿ ಯಕ್ಲೊ ಹಮೆಶಾನೊ ಜ಼ಲಮ ವ್ಹಂದ್ಯೊಸ. ಲಾಸ್ಟನಾ ದಿನ್ಮಾ ಮಿ ತೆ ಮನಕ್ಹನೆ ಜಿವ್ತೊ ಕರಿನ ಉಟಾಡುಸ ಮಾರೊ ಬಾ ಆಸ ಕರಾನು ಎಜ಼ ವ್ಹೈ" ಕದ್ಯೊ.

ಯೊಹಾನ 6:63

ಜ಼ಲಮ ದಿವಾನು ಕ್ಹುದಾನಿ ಆತ್ಮಾ ವ್ಹೈ. ಮನಕ್ಹನಿ ಸಾಮರ್ಥನು ಸುಜ಼ ನತ್ತಿ. ಮಿ ತುಮೊನೆ ಕಯ್ಯೊ ವಾತೊ ಕದ್ಯೊತೊ ತೆ ಕ್ಹುದಾನಿ ಆತ್ಮಾ ವ್ಹೈ ವರಿ ತೆ ಜ಼ಲಮ ದಿವಸ.

ಅಪೊಸ್ತಲೊ 13:26

"ಮಾರಾ ಭಾಯೊ, ಅಬ್ರಹಾಮನಾ ಕುಟುಂಬನಾ ಬಚ್ಚಾ಼, ಕ್ಹರಿನಾ ಕ್ಹುದಾನೆ ಆರಾಧನಾ ಕರಾಲಾ ಯೆಹುದಿಯೊ ನೈ ರ‍್ಹಯಲವಾಲಾ, ಐಕೊ! ಎ ರಕ್ಷಣೆನಾ ಸಂದೆಶನೆ ವಳಾಯಲ ಅಪ್ನಾ ಹುತಿಜ಼ ವ್ಹೈ.

ಅಪೊಸ್ತಲೊ 4:12

ರಕ್ಷಣೆ ಯೆಸುಕ್ಹುಜ಼ ವ್ಹೈ ಬಿಜಾ಼ ಕಿಕನಜ಼ ನೈ ಮಳ್ತು. ತಿನಾ ನಾಮಕ್ಹುಜ಼ ನೈಸೊ ಹಬಾಳನಾ ಹೆಟಾ ರ‍್ಹಯಲ ಮನಕ್ಹೊನೆ ದಿದಲ ಬಿಜಾ಼ ಕಯಾ ನಾಮಕ್ಹುಬಿ ಅಪೊನೆ ರಕ್ಷಣೆ ನೈ ಥಾತು" ಕೈನ ಕದ್ಯೊ.

ಅಪೊಸ್ತಲೊ 5:20

"ಗೈನ ದೆವಾಲಯಮಾ ಹುಬರೈನ. ಯೆಸುಮಾ ರ‍್ಹಯಲ ಎ ನವಿ ಜಿವಿತನಾ ಹುತಿ ಹರಿ ಯಕ್ಕ ಮನಕ್ಹೊನೆ ಕವೊ" ಕದ್ಯೊ.

ಅಪೊಸ್ತಲೊ 7:38

ಇಸ್ರಾಯಲೊ ಉಸುಕನಾ ಗಾಮ್ಮಾ ಸಬೆ ಮಳ್ತಾಮಾ ತ್ಯುನಾ ಕ್ಹಾತೆ ರ‍್ಹೈನಜ಼ ಸಿನಾಯಿ ಡೊಂಗರಪರ ಬೊಲಲ ದೆವ ದುತನಾ ಕ್ಹಾತೆ ಅಪ್ನಾ ಪಿತೃವೊನಾ ಕ್ಹಾತೆ ಸಂಭಾಶಣೆ ಕರಲ ವಾಲೊಜ಼ ಎಜ಼ ವ್ಹೈ. ಜ಼ಲಮ ರ‍್ಹಯಲ ತೆ ವ್ಹಂದಿಲಿನ ಅಪೊನೆ ದಿದ್ಯೊ.

ಅಪೊಸ್ತಲೊ 8:37

ತೆ ವಾತೆ ಫಿಲಿಪ್ಪ ತಾರಾ ಮನಸ ಕ್ಹರಿನೆ ನಂಬಾನೊ ರ‍್ಹಯೊಮ ಬಾಪ್ತಿಸ್ಮ ಕರೈಲೆ ಸಕಸ ಕೈನ ಕದ್ಯೊ. ತೆ ವಾತೆ ಯೆಸು ಕ್ರಿಸ್ತನೆ ಕ್ಹುದಾನೊ ದಿಕ್ರೊ ವ್ಹೈ ಕೈನ ಮಿ ಬರೊಕ್ಹೊ ಕರುಸ ಕೈನ