ಯೊಹಾನ 6:52 - ಕ್ಹುದಾನಿ ಕ್ಹರಿನಿ ವಾಕ್ಯಾ

⁵² ತೆಳಾಮಾ ಯಹುದ್ಯೊ"ಎ ಮನಕ್ಹ ತಿನಾ ಅಂಗನೆ ಅಪೊನೆ ಖಾವಾನೆ ಕಿಮ್ಮ ದಿವಾನೆ ಥಾವಸ? ಕೈನ ತ್ಯುನೊ ತ್ಯುನೊಮಾ ಶಿಟ್ಟಕ್ಹು ವಾದ-ವಿವಾದ ಕರ್ತಾ ಪುಚ್ಯಾ.

ಯೊಹಾನ 6:52 ပူးပေါင်းရင်းမြစ်များ

ಯೊಹಾನ 1:19

ತು ಕುನ್ನ ವ್ಹೈ? ಕೈನ ಯೊಹಾನನೆ ಪುಚ್ಚಾನಾ ಹುತಿ ಯೆರುಸಲೆಮನಾ ಯಹುದ್ಯೊನಾ ಅದಿಕಾರಿಯೊ ಯೊಹಾನಕನ ದಕ್ಹಾ ಯಾಜಕೊನೆ ವರಿ ಲೆವಿಯೊನೆ ಮೊಕಲ್ಯಾ.

ಯೊಹಾನ 10:19

ವರಿ ಎ ಸಂಗತಿಯೊ ಐಕಿನ ಯೆಹುದಿಯೊಮಾ ವರಿ ಭೆದ ಹುಟ್ಯು.

ಯೊಹಾನ 3:4

ನಿಕೊದೆಮ"ಮನಕ್ಹೊ ಗಡಿಯೊ ಥಯಲ್ಪರ ಹುಟ್ಟಾನು ಕಿಮ್ಮ? ಯಕ್ಲೊ ತಿನಿ ಯಾನಾ ಪೆಟ್ಮಾ ವರಿಯಕ್ಕೆಮ ಜಾ಼ವಾನೆ ಸಾಧ್ಯ ಛೆಸು? ಕೈನ ಪುಚ್ಚೊ.

ಯೊಹಾನ 3:9

ನಿಕೊದೆಮ"ಎ ಕ್ಹಾರು ಕಿಮ್ಮ ಸಾಧ್ಯ ಛೆ? ಕೈನ ಪುಚ್ಚೊ.

ಯೊಹಾನ 4:11

ತೆ ಬಾಕ್ಡಿ ಅಯ್ಯಾ, ತೆ ಜಿವ ಜಲ ತುನೆ ಕಿಜ್ಗಾ ಮಳಸ? ಇರ ಘನ್ನಿ ಉಂಡಿ ಛೆ ವರಿ ತಿಮಾತು ಪಾನಿ ಕಾಡಾನೆ ತುಕನ ಸುಜ಼ ಸಾಮನ ನತ್ತಿ.

ಯೊಹಾನ 6:41

ಯಹುದ್ಯೊ ಯೆಸುನಾ ಹುತಿ ಗುಣ ಗುಟ್ಟಾಡಾತಾ. ಕಾಕದ್ಯಾಮ"ಸ್ವರ್ಗತೊ ಉತ್ರಿನ ಆವಾಲೊ ರೊಕ್ಲೊಜ ಮಿ ವ್ಹೈ ಕವಾಡೊತೊ.

ಯೊಹಾನ 6:60

ಎ ಐಕಲ ತಿನಾ ಶಿಷ್ಯಾವೊನಾ ಘನ್ನಾ ಜ಼ನಾ"ಎ ಉಪದೆಶ ಕಠಿಣ ಛೆ. ಇನೆ ಕುನ್ನ ವಪ್ಪಿಲಿವಸ? ಕದ್ಯಾ.

ಯೊಹಾನ 9:16

ಫರಿಸಾಯರೊಮಾ ದಕ್ಹಾ ಜ಼ನಾ"ಎ ಮನಕ್ಹನೆ ಕ್ಹುದಾ ಕಂತೊ ಆಯಲವಾಲೊ ನ್ಹವ್ಯ. ಕಾಕದ್ಯಾಮ ಎ ಅರಾಮ ಕರಾನಾ ದಿನ್ನನೆ ಪಾಲನ ಕರ್ತೊ ನೈ "ಬಿಜಾ಼ ಮನಕ್ಹೊ"ಎ ಪಾಪಿ ರ‍್ಹಯೊಮ ಹವಾ ಅಧ್ಭುತ ಕಾಮೊ ಕಿಮ ಕರಸ? ಕದ್ಯಾ. ಇಮ್ಮ ತ್ಯುನೊ ತ್ಯುನೊಮಾ ವಾದ-ವಿವಾದ ಥಯು.

ಅಪೊಸ್ತಲೊ 17:32

ಮರೆಲ ಮಾತೊ ಜುತೊ ಥೈಲ ತ್ಯುನಾಹುತಿ ಐಕಿ ದಕ್ಹಾಜ಼಼ನಾ ಪೌಲಾನೆ ಹಿನಾಯಾ ತಿಮಾನಾ ದಕ್ಹಾಜ಼಼ನಾ ಕದ್ಯಾ ತು ಕದಲ ವಾತೊ ಹಮೆ ಹಜಿ ಎಕ ಸಲಾ ಐಕಿಯೆಸ ಕೈನ.

1 ಕೊರಿಂಥ 2:14

ಆತ್ಮಿಕ ನೈಸೊ ಮನಕ್ಹ ಕ್ಹುದಾನಿ ಆತ್ಮಾನಿಯೊ ವಾತೊನೆ ಇನ್ಕಾರಸ. ತೆ ತಿನೆ ಪಿಸಾಳು ಪನ ಥೈನ ದಿಕ್ಹಸ. ತೆ ಕ್ಹಾರು ತಿಳ್ದಿಲಿವಾನೆ ತಿಕನ ನೈ ಥಾತು. ಕಾಕದ್ಯಾಮ ತೆ ವಿಷಯೊ ಆತ್ಮಿಕ ಥೈನ ವಿಚಾರ ಕರಾನೆ ಸಾಧ್ಯ ಥಾವಸ.