51 ಸ್ವರ್ಗತೊ ಉತ್ರಿನ ಆಯಲ ಜ಼ಲಮ ರ್ಹಯಲ ರೊಕ್ಲೊ ಮಿಜ಼ ವ್ಹೈ. ಎ ರೊಕ್ಲೊ ಖಾವಾಲೊ ಹಮೆಶಾಬಿ ಜಿವ್ತೊ ರ್ಹವಸ. ಎ ರೊಕ್ಲೊಜ ಮಾರು ಅಂಗ ವ್ಹೈ. ಎ ದುನಿಯಾನೆ ದ್ಯುಸ ಕಾಕದ್ಯಾಮ ತ್ಯುನೆ ಜಿವ್ತಾ ರ್ಹೌ.
ತೆನೈಸೊ ಮನಕ್ಹನೊ ದಿಕ್ರೊ ಸೆವೆ ಕರೈಲಿವಾನಾಹುತಿ ಆಯೊ ನತ್ತಿ, ಸೆವೆ ಕರಾನಾಹುತಿಬಿ, ಘನಾಜ಼ನಾವೊನೆ ಬಿಡುಗಡೆನಾಹುತಿ ತಿನೊ ಜ಼ಲಮ ದಿವಾನೆ ಆಯೊ ಕೈನ ಕದ್ಯೊ.
ವರಿ ಯೆಸು ದಕ್ಹೊ ರೊಕ್ಲೊ ಲಿನ ಕ್ಹುದಾನೆ ಸ್ತೊತ್ರಾ ಕೈನ ತೆ ಭಾಗಿನ ತಿನಾ ಶಿಷ್ಯಾವೊನೆ ದಿದ್ಯೊ. ಪಾಚಲ್ತೊ ಯೆಸು, ಮಿ ತುಮಾರಾ ಹುತಿ ದಿವಾನು ಮಾರು ಅಂಗ ವ್ಹೈ. ಮಾರಿ ಶೆನಾ ಹುತಿ ತುಮೆ ಇಮ್ಮ ಕರೊ.
ವಾಕ್ಯಾ ಕವಾಲೊ ಮನಕ್ಹನೊ ರುಪತಾಳಿನ. ತೆ ಪುರಾ ಕೃಪಾಕ್ಹು ವರಿ ಕ್ಹರಿಕ್ಹು ಭರ್ಯೊತೊ. ಅಪ್ನಾ ಕ್ಹಾತೆ ಜಿವ್ನಾ ಕರ್ಯೊ ಅಪೆ ತಿನಿ ಮಹಿಮಾ ದೆಕ್ಯಾ. ತೆ ಮಹಿಮಾ ಬಾನೊ ಯಕ್ಲೊಜ ದಿಕ್ರೊ ರ್ಹಯಲ ತಿನೆ ಮಹಿಮಾ ವ್ಹತ್ತಿ.
ಮರ್ನಾ ದಿನ್ನೆ ಯೊಹಾನ, ತಿಕನ ಆವಾನಾ ಯೆಸುನೆ ದೆಕ್ಯೊ ದೆಕಿನ "ದೆಕೊ, ಕ್ಹುದಾನು ಬಕ್ರಾನು ಬಚ್ಚು಼. ತೆ ಎ ದುನಿಯಾನಾ ಪಾಪೊ ಕಾಡಸ.
ವರಿ ಜಿವ್ತೊ ರ್ಹೈನ ಮಪರ ಬರೊಕ್ಹೊ ಕರಾಲೊ ಕೆಳಾಮಾಬಿ ಮರ್ತೊಜ ನೈ. ತು ಎ ಬರೊಕ್ಹೊ ಕರಶಿ ಸು? ಕದ್ಯೊ.
ಸ್ವರ್ಗತೊ ಉತ್ರಿನ ಆಯಲ ಮನಕ್ಹನೊ ದಿಕ್ರೊ ಯಕ್ಲೊಜ ವ್ಹೈ. ತೆನೈಸೊ ಬಿಜು಼ ಕುನ್ನಜ ಸ್ವರ್ಗನೆ ಗಯು ನತ್ತಿ.
"ಮೊಶೆ ಉಸುಕನಾ ಗಾಮಮಾ ತಾಂಬಾನಾ ಕ್ಹಾಪನೆ ಉಚ್ಚು ರ್ಹಯಲ ಖಾಂಪರ ಮ್ಹೆಲ್ಯೊ. ತಿನಾಲಿಂಗತಜ಼ ಮನಕ್ಹನಾ ದಿಕ್ರಾನೆಬಿ ಉಚೈನ ಉಚ್ಚು ರ್ಹಯಲ ಖಂಬಾಪರ ಮ್ಹೆಲಸ.
ಹೊ, ಕ್ಹುದಾ ದುನಿಯಾನೆ ಕೆಕ್ಲಿಕೆ ಮಯಾ ಕರಿನ ತಿನಾ ಯಕ್ಕಜ಼ ದಿಕ್ರಾನೆ ದಿದ್ಯೊ; ತಿನೆ ಬರೊಕ್ಹೊ ಕರಾಲೊ ಯಕ್ಲೊಬಿ ಹಾಳ ಥಯಾವಾಚಿ ಕ್ಹಾರಾ ಜ಼ನಾ ಹಮೆಶಾನೊ ಜ಼ಲಮ ವ್ಹಂದಿಲ್ಯು ಕೈನ ತಿನೆ ದಿದ್ಯೊ.
ಕುನ್ನ ದಿಕ್ರಾ ಪರ ಬರೊಕ್ಹೊ ಮ್ಹೆಲಸ ತಿನೆ ಹಮೆಶಾನೊ ಜ಼ಲಮ ಮಳಸ. ತೆನೈಸೊ ದಿಕ್ರಾನೆ ವಿಧೆಯ ನೈ ಥಾತೊ ತಿನೆ ತೆ ಜ಼ಲಮ ಕೆಳಾಮಾಜ ಮಳ್ತೊ ನೈ. ಕ್ಹುದಾನಿ ಶಿಟ್ಟ ತಿನಾ ಉಪ್ಪರ ರ್ಹವಸ" ಕೈನ ಉತ್ತರ ದಿದ್ಯೊ.
"ಮಿ ತುಮೊನೆ ಕ್ಹರಿಜ ಕೌಸ. ಮಾರಿ ವಾತ ಐಕಿನ ಮನೆ ಮೊಕ್ಲಲವಾಲಾನೆ ನಂಬಾಲೊ ಹಮೆಶಾನೊ ಜ಼ಲಮ ವ್ಹಂದಿಲಿದ್ಯೊಸ. ತಿನೆ ಫೈಸಲೊ ಥಾತೊ ನೈ. ತೆನೈಸೊ ತೆ ಹಮ್ನಾಜ ಮರಣ ದಾಟಿನ ಜ಼ಲಮಮಾ ಆಯೊಸ.
ಕ್ಹುದಾ ದಿವಾನೊ ತೆ ರೊಕ್ಲೊ ಸ್ವರ್ಗತೊ ಉತ್ರಿನ ಆಯೊಸ ವರಿ ದುನಿಯಾನೆ ಜ಼ಲಮ ದಿವಸ. ತೆಜ಼ ಕ್ಹುದಾ ದಿವಾನೊ ರೊಕ್ಲೊ ವ್ಹೈ.
ಯೆಸು ತ್ಯುನೊನೆ"ಮಿಜ಼ ಜ಼ಲಮ ದಿವಾನೊ ರೊಕ್ಲೊ ವ್ಹೈ. ಮಕನ ಆವಾಲಾನೆ ಕೆಳಾಮಾಜ ಭುಕ್ಕ ಲಾಗ್ತಿ ನೈ. ಮಪರ ಬರೊಕ್ಹೊ ಮ್ಹೆಲಲ ವಾಲಾವೊನೆ ಕೆಳಾಮಾಜ ತರಕ್ಹ ಲಾಗ್ತಿ ನೈ.
ಯಹುದ್ಯೊ ಯೆಸುನಾ ಹುತಿ ಗುಣ ಗುಟ್ಟಾಡಾತಾ. ಕಾಕದ್ಯಾಮ"ಸ್ವರ್ಗತೊ ಉತ್ರಿನ ಆವಾಲೊ ರೊಕ್ಲೊಜ ಮಿ ವ್ಹೈ ಕವಾಡೊತೊ.
"ಮಿ ತುಮೊನೆ ಕ್ಹರಿಜ ಕೌಸ. ನಂಬಲವಾಲೊ ಹಮೆಶಾನೊ ಜ಼ಲಮ ವ್ಹಂದಸ.
ಮಿಜ಼ ಜ಼ಲಮ ದಿವಾನೊ ರೊಕ್ಲೊ ವ್ಹೈ.
ತೆನೈಸೊ ಸ್ವರ್ಗತೊ ಉತ್ರಿನ ಆವಾನೊ ರೊಕ್ಲೊ ಕುನ್ನ ಖಾವಸ ತೆ ನೈ ಮರ್ತೊ.
ಮಾರಾ ಉಪ್ಪರ ಬರೊಕ್ಹೊ ಮ್ಹೆಲಲವಾಲಾನಾ ಪೆಟಮಾತು ಜ಼ಲಮನು ಪಾನಿನಿ ಝರಿಯೊ ವೈನ ಜಾ಼ವಸ. ಪವಿತ್ರ ಗ್ರಂಥ ತಿಳ್ಸಾವಾನು ಎಜ಼ ವ್ಹೈ "ಕೈನ ಜೊ಼ರ ವದ್ರಿನ ಕದ್ಯೊ.
ಕದ್ಯಾಮ ಕ್ಹುದಾ ಕ್ರಿಸ್ತಮಾ ಕ್ಹಾರಿ ಜಗತ್ನೆ ತಿನಾ ಕ್ಹಾತೆ ಸಮಾಧಾನ ಕರಿಲೆತೊತೊ.ಕ್ಹುದಾ ಕ್ರಿಸ್ತಮಾ ಮನಕ್ಹೊನು ಅಪರಾಧ ದೆಕಾಡತೊ ನೈ. ಎ ಸಮಾಧಾನನು ಸುದ್ದಿ ಮನಕ್ಹೊನೆ ಕೆ. ಕಾಮ ಕ್ಹುದಾ ಅಪೊನೆ ದಿದ್ಯೊಸ.
ಕ್ರಿಸ್ತಮಾ ಪಾಪ ನ್ಹೊತು. ವರಿ ಅಪೆ ಕ್ಹುದಾನೆ ಸಮರ್ಪಕ ಥೈನ ನಿತಿವಾಲಾನಿಂಗತ ಕ್ಹುದಾ ತಿನಿ ಪಾಪನೊ ಸ್ವರುಪ ಕರ್ಯೊ.
ಮಯಾಕ್ಹು ರ್ಹವೊ. ಕ್ರಿಸ್ತ ತುಮೊನೆ ಮಯಾ ಕರಲ ಲಿಂಗತ ತುಮೆ ಬಿಜಾ಼ವೊನೆ ಮಯಾ ಕರೊ. ಕ್ರಿಸ್ತ ಅಪ್ನಾ ಹುತಿ ತಿನೆ ತೆಜ಼ ಬಾಸನು ತೆಲ ಕಾಣಿಕೆ ಥೈನ ಯಜ್ಞ ಥೈನ ಕ್ಹುದಾನೆ ತೆನೈಸೊ ತಿನೆಜ಼ ದಿದ್ಯೊ.
ಮಾಟಿಯೊ, ಕ್ರಿಸ್ತ ಸಭೆನೆ ಮಯಾ ಕರಲ ಲಿಂಗತ ತುಮೆ ತುಮಾರಿಯೊ ಬೈಕೊನೆ ಮಯಾ ಕರು.
ತೆ ಅಪ್ನಾಹುತಿ ತಿನೆ ತೆಜ಼ ಒಪ್ಸಿನ ದಿದ್ಯೊಸ. ಅಪೊನೆ ಪಾಪಕ್ಹು ಛೊ಼ಡಾವಾನೆ ವರಿ ಕೆಳಾಮಾಬಿ ಚೊ಼ಕಾ ಕಾಮೊಜ಼ ಕರಾಲಾ ತಿನಾ ಪರಿಶುದ್ಧ ಮನಕ್ಹೊ ಥೈನ ಕರಾನೆ ತೆ ಮರಣ ವ್ಹಂದ್ಯೊ.
ತಿನಾ ಮುಲಕ ಘನು ಪರಿಶುದ್ಧ ರ್ಹಯಲ ಜ಼ಗಾ ಜಾ಼ವಾನೆ ಅಪೊನೆ ಭರೊಕ್ಹೊ ಮಳೊಸ
ಪ್ರಭು ಥಯಲ ಯೆಸುನೆ ಜ಼ಲಮ ರ್ಹಯಲ "ದಗ್ಡೊ ವ್ಹೈ" ಎ ಜಗತ್ನಾ ಮನಕ್ಹೊ ತ್ಯುನೊನೆ ತೆ "ದಗ್ಡೊ" ನಕೊ ಕೈನ ಫೈಸಲೊ ಕರ್ಯಾ. ತೆನೈಸೊ ತೆ ಕ್ಹುದಾ ಇನಿಲಿದಲ "ದಗ್ಡೊ" ವ್ಹೈ ತೆ ಕ್ಹುದಾನಿ ನಜ಼ರಮಾ ಚೊ಼ಕೊ ವ್ಹೈ. ತಿನಾಹುತಿ ತಿನಾ ನಜಿಕ ಆವೊ.
ಅಪ್ನಾ ಪಾಪೊ ವರಿ ಕ್ಹಾರಾ ಮನಕ್ಹೊನಾ ಪಾಪೊ ಪರಿಹಾರ ಕರಾನೆ ಯೆಸುಜ಼ ವಾಟ ವ್ಹೈ.
ಅಪೊಪರ ರ್ಹಯಲ ಕ್ಹುದಾನಿ ಮಯಾ ಕ್ಹರಿನಿಜ಼ ವ್ಹೈ. ಅಪೊನೆ ಕ್ಹುದಾಪರ ರ್ಹಯಲ ಕ್ಹರಿನಿ ಮಯಾ ನ್ಹವೈ. ಅಪ್ನಾ ಪಾಪ ನಿವಾರಣನಾ ಹುತಿ ಕ್ಹುದಾ ತಿನಾ ದಿಕ್ರಾನೆ ಮೊಕಲ್ಯೊ.
ಕ್ಹುದಾ ತಿನಾ ದಿಕ್ರಾನೆ ದುನಿಯಾನೆ ರಕ್ಷಕ ಕರಿನ ಮೊಕಲ್ಯೊ ಅಪೆ ದೆಕ್ಯಾಸ.