ಯೊಹಾನ 5:3 - ಕ್ಹುದಾನಿ ಕ್ಹರಿನಿ ವಾಕ್ಯಾ

³ ವ್ಹಂಡಕನ ರ‍್ಹಯಲ ಮಂಟಪಮಾ ಘನ್ನಾ ರೊಗಿಯೊ ಪಡಲ ರ‍್ಹತಾತಾ. ತ್ಯುನಾಮಾ ದಕ್ಹಾ ಜ಼ನಾ ಕುಡ್ಡಾ ವ್ಹತ್ತಾ. ದಕ್ಹಾ ಜ಼ನಾ ಲಂಗ್ಡಾ ವ್ಹತ್ತಾ, ವರಿ ದಕ್ಹಾ ಜ಼ನಾ ಲಕ್ವೊ ಮಾರಲವಾಲಾ ವ್ಹತ್ತಾ. ತ್ಯುನೆ ಪಾನಿ ಹಲ್ಲೆಲಕ್ಕಾ ಕೈದತಾ ರ‍್ಹತಾತಾ,

ಯೊಹಾನ 5:3 ပူးပေါင်းရင်းမြစ်များ

ಮತ್ತಾಯ 15:30

ತೆಳಾಮಾ ಮನಕ್ಹೊನು ಮ್ಹೊಟು ಗುಂಪ ತಿಕನ ಆಯಾ ಲಂಗಡಾ, ಕುಡ್ಡಾ, ಮುಕಾ, ಹತೊಪಗೊ ನೈ ರ‍್ಹಯಲವಾಲಾ ಹೆವಾ ಹಜು಼ನ ಘನ್ನಾ ಜ಼ನಾವೊನೆ ತ್ಯುನಾ ಕ್ಹಾತೆ ಬಲೈಲಿನ ತ್ಯುನೊನೆ ಯೆಸುನಾ ಪಗೊಕನ ಛೊಡ್ಯಾ. ತೆ ತ್ಯುನೊನೆ ಅರಾಮ ಕರ‍್ಯೊ.

ಮತ್ತಾಯ 4:24

ತಿನಿ ಸುದ್ದಿ ಸಿರಿಯಾ ದೆಶಮಾ ಫೈಲಿ ಗಯಲಕ್ಹು ಮನಕ್ಹೊ ಅರಾಮ ನೈ ರ‍್ಹಯಲ ವಾಲಾವೊನೆ ಕದ್ಯಾರೆ ತರಾ ತರಾನಾ ರೊಗೊಮಾ ರ‍್ಹೈನ ತ್ರಾಸ ಕ್ಹಾವಾವಾಲಾವೊನೆ ಬೆಹೊಶ ಥೈ ಜಾ಼ವಾನಾವಾಲಾವೊನೆ ಪಾರ್ಶಿಮಾರಾಲವಾಲಾವೊನೆ ತಿಕನ ಲಾಯಾ. ತೆ ತ್ಯುನೊನೆ ಅರಾಮ ಕರ‍್ಯೊ.

ಲುಕ ಬರ್ದಲ ಸುವಾರ್ತಾ 7:22

ಇಮ್ಮ ರ‍್ಹತಾಮಾ ಯೆಸು ಯೊಹಾನನಾ ಶಿಷ್ಯಾವೊನೆ ತಿಳಸಾ ಹುತಿ "ತುಮೆ ಗೈನ ದೆಕಲ ಎಕ್ಹಾರು ಯೊಹಾನನೆ ಕವೊ. ಕುಡ್ಡಾವೊನೆ ಡೊಳಾ ಆವಸ ಲಂಗ್ಡಾ ರ‍್ಹಯಲ ವಾಲಾ ಚಾ಼ಲಸ ಕುಷ್ಠ ರೊಗಿಯೊ ಚೊ಼ಕಾ ಥಾವಸ. ಕ್ಯುಡಾ ರ‍್ಹಯಲ ವಾಲಾ ಐಕಸ. ಮರಲವಾಲಾ ವಾಚ಼ಸ. ಗರಿಬೊನೆ ಸುವಾರ್ತೆ ಕವಸ.

ಯೊಹಾನ 5:2

ಯೆರುಸಲೆಮಾ ಪಾಂಚ಼ ಮಂಟಪೊ ಮಳಲ ಯಕ್ಕ ವ್ಹಂಡ ಛೆ. ಯಹುದಿಯೊನೆ ವಾತೊಮೊ ತಿನೆ "ಬೆತ್ಸಥ" ಕೈನ ಕವಸ. ಎ ವ್ಹಂಡ "ಬಕ್ರಾನು ಬಾಕಲ" ಕವಾನಿ ಜ಼ಗಾನಾ ನಜಿಕ ಛೆ.

ಯೊಹಾನ 5:4

ಕಾಕದ್ಯಾಮ ಹರಿಯಕ್ಕಸಲಾ ದಕ್ಹೊ ಟೈಮ್ಮ ಥಯಲ್ಪರ ಪ್ರಭುನೊ ದುತ ಹೆಟೊ ಉತ್ರಿನ ಐನ ತೆ ವ್ಹಂಡಮಾನು ಪಾನಿ ಹಲಾತೊತೊ ಅರಾಮ ನೈಸೊವಾಲೊ ಕಯೊಬಿ ಮನಕ್ಹ ಪಾನಿ ಹಲ್ತಾಮಾ ಪೈಲಾ ಗೈಯಾಮ ತೆ ಕಯಾಬಿ ರೊಗ್ಮಾ ರ‍್ಹಯೊತಬಿ ಅರಾಮಾ ಥಾತೊತೊ.

ರೊಮಾಪೂರ 8:25

ತೆನೈಸೊ ಅಪೆ ಹಜು಼ನಬಿ ನೈ ಹೊಂದಿಲಿದಲ ರ‍್ಹಯಲ ಆಸ ಕರತಾ ತಡ್ದಿಲಿನ ತಿನಾ ಹುತಿ ಕೈದಾಡ್ಯಾಸ.

ಯಾಕೊಬ 5:7

ಭಾಯೊ ಭೆನೊ ಕೈನ ತಾಳ್ಮೆ ರ‍್ಹ ಪ್ರಭು ಕರಲ ಯೆಸು ಆವಾನು ಛೆ ಕೈನ. ತೆ ತಿನಾಹುತಿ ತ್ಯ ಲಕ್ಕಾ ಕೈನ ತಾಳ್ಮೆ ರ‍್ಹ ತಿನಾ ನಾ ಬೆಳೆ ಜಿಮಿನ ಆವಸ ರೈತ ಕೈನ ಕಾಯಿದ. ಪೈಲಾ ವರಿ ಲಾಸ್ಟ ಪಾನಿ ತಿನಾ ಬೆಳೆ ರೈತ ಕಾಯಿದ.