ಯೊಹಾನ 5:25 - ಕ್ಹುದಾನಿ ಕ್ಹರಿನಿ ವಾಕ್ಯಾ

²⁵ ಮಿ ತುಮೊನೆ ಕ್ಹರಿಜ ಕೌಸ ಮರಲವಾಲಾ ಕ್ಹುದಾನಾ ದಿಕ್ರಾನು ಅವಾಜ಼ ಐಕಾನೊ ದಿನ್ನ ಆವಸ. ತೆ ಹಮ್ನಾಜ ಆಯುಸ. ಕುನ್ನ ಐಕಸ ತ್ಯುನೆ ಜ಼ಲಮ ವ್ಹಂದಿಲಿವಸ.

ಯೊಹಾನ 5:25 ပူးပေါင်းရင်းမြစ်များ

ಲುಕ ಬರ್ದಲ ಸುವಾರ್ತಾ 15:24

ಮಾರೊ ದಿಕ್ರೊ ಜ಼ವೈ ಗಯೊತೊ, ಎ ತಪ್ಪಿನ ಗಯೊತೊ. ಹಮ್ನಾ ವರಿ ಮಳ್ಯೊಸ" ಕದ್ಯೊ. ತೆನೈಸೊ ತ್ಯುನೆ ಖುಶಿ ಕರಾಡಾತಾ.

ಲುಕ ಬರ್ದಲ ಸುವಾರ್ತಾ 15:32

ಅಪೆ ಖುಶಿ ಕರು ಕಾಕದ್ಯಾಮ ತಾರೊ ಭೈ ತೊ ಜ಼಼ವೈ ಗಯೊತೊ. ತೆ ಮರಿಗಯೊತೊ ಜಿವ್ತೊ ಥಯೊಸ ವರಿ ಅಪೊಕನ ಫರಿನ ಆಯೊಸ.

ಲುಕ ಬರ್ದಲ ಸುವಾರ್ತಾ 9:60

ಯೆಸು ತಿನೆ "ಮರಲ ಮನಕ್ಹೊ ತಿವ್ನೊಮಾ ಮರಿನ ಗಯಲವಾಲಾ ತ್ಯುನೆ ತೆ ಕರಾದೆ! ತು ಗೈನ ಕ್ಹುದಾನಿ ರಾಜ್ಯನಾ ಹುತಿ ಮನಕ್ಹೊಕನ ಕೆ "ಕದ್ಯೊ.

ಯೊಹಾನ 13:1

ಫಸ್ಕ ಸನ್ನ ಯಕ್ಕ ದಿನ್ನ ಪೈಲಾನು ದಿನ್ನ ಐಯುತು. ತೆ ಎ ಜಗತ ಛೊಡಿನ ಬಾ ಕನ ಜಾ಼ವಾನೊ ಟೈಮ ನಜಿಕ ಆಯುಸ ಕವಾನು ಯೆಸುನೆ ಗ್ವತ್ತ ಥಯು. ಎ ಲೊಕಮಾ ರ‍್ಹಯಲ ತಿನಾ ಮನಕ್ಹೊನೆ ತೆ ಹಮೆಶಾಬಿ ಮಯಾ ಕರ್ತೊತೊ. ವರಿ ತೆ ತ್ಯುನೊನೊಪರ ರ‍್ಹಯಲ ಘನ್ನಿ ಮಯಾ ದೆಕಾಡ್ಯೊ.

ಯೊಹಾನ 17:1

ಎ ಕ್ಹಾರಾ ಸಂಗತಿಯೊ ಕದಲ್ಪರ ಯೆಸು ಸ್ವರ್ಗ ಬಗಲ ದೆಕಿನ ಅಮ್ಮ ಪ್ರಾಥನಾ ಕರ‍್ಯೊ; "ಬಾ, ಟೈಮ ಆಯೊಸ. ತಾರಾ ದಿಕ್ರಾನೆ ಮಹಿಮಾ ಕರ. ತಿನಾಹುತಿ ತೆ ದಿಕ್ರೊ ತುನೆ ಮಹಿಮಾ ಕರಾದೆ.

ಯೊಹಾನ 4:21

ಯೆಸು ತಿನೆ"ಎ ಬಾಕ್ಡಿಮನೆ ನಂಬ! ತು ಹಬ್ದಾತಿ ಕೆಳಾಮಾಜ ಬಾನೆ ಯೆರುಸಲೆಮಾ ರ‍್ಹೈನೆಕಾ ಆ ಡೊಂಗರಪರ ರ‍್ಹೈನೆಕಾ ಆರಾಧನಾ ಕರಾನೆ ನೈ ಥಾತು.

ಯೊಹಾನ 4:23

ಕ್ಹರಿಕ್ಹು ಆರಾಧನಾ ಕರಾಲಾ ಬಾನಿ ಆರಾಧನಾ ಆತ್ಮಾಕ್ಹು ವರಿ ಕ್ಹರಿಕ್ಹು ಕರಾನೊ ಟೈಮ ಆವಸ. ತೆ ಟೈಮ ಹಮ್ನಾಜ ಆಯೊಸ. ವರಿ ತೆವಾಜ ಆರಾಧನಾ ಕರಾಲಾವೊನೆ ಬಾ ಹುಡ್ಕಸ.

ಯೊಹಾನ 5:21

ಬಾ ಮರಲವಾಲಾವೊನೆ ಉಟಾಡಿನ ತ್ಯುನೊನೆ ಜ಼ಲಮ ದಿವಸ. ತಿನಾಲಿಂಗತ ದಿಕ್ರೊಬಿ ತಿನೆ ಚಾ಼ಯೆ ಥಯಲವಾಲಾವೊನೆ ಜ಼ಲಮ ದಿವಸ.

ಯೊಹಾನ 5:28

"ತಿನಾಹುತಿ ಘಾಬ್ರಾ ಥಾವೊ ನಕೊ. ಕಾಕದ್ಯಾಮ ಮರಲವಾಲಾ ಕ್ಹಾರಾ ತಿನೊ ಅವಾಜ಼ ಐಕಾನೊ ದಿನ್ನ ಆವಸ.

ಯೊಹಾನ 6:60

ಎ ಐಕಲ ತಿನಾ ಶಿಷ್ಯಾವೊನಾ ಘನ್ನಾ ಜ಼ನಾ"ಎ ಉಪದೆಶ ಕಠಿಣ ಛೆ. ಇನೆ ಕುನ್ನ ವಪ್ಪಿಲಿವಸ? ಕದ್ಯಾ.

ಯೊಹಾನ 8:43

ಮಿ ಕವಾನಿಯೊ ಎ ಸಂಗತಿಯೊ ತುಮೆ ಕಾ ಕಳೈ ಲೆತಾ ನೈ? ಕಾಕದ್ಯಾಮ ಮಿ ಕದಲ ವಾತೊ ತುಮೊನೆ ತಡ್ದಿಲಿವಾನೆ ಥಾತು ನೈ.

ಯೊಹಾನ 8:47

ಕುನ್ನ ಕ್ಹುದಾನೊ ವ್ಹೈ ತೆ ಕ್ಹುದಾ ಕವಾನಿಯೊ ವಾತೊ ಐಕಸ. ಇನಾಹುತಿ ತುಮೆ ಮಾರಿ ವಾತೊ ನೈ ಐಕ್ತಾ. ಕಾಕದ್ಯಾಮ ತುಮೆ ಕ್ಹುದಾನಾ ನ್ಹವ್ಹೈ "ಕದ್ಯೊ.

ಯೊಹಾನ 9:27

ತೆ ಮನಕ್ಹ ತ್ಯುನೊನೆ"ತೆಳಾಮಾಜ಼ ತುಮೊನೆ ಕದ್ಯೊಸ್ತೊ. ತೆನೈಸೊ ತುಮೆ ಮನೆ ಕಾನ ದಿದ್ಯಾನೈ. ಹಮ್ನಾ ತೆ ವರಿ ಕಾ ಪುಚ್ಚಾಡ್ಯಾಸ? ತುಮೆಬಿ ತಿನಾ ಶಿಷ್ಯಾ ಥೌಸ ಕೈ ಕೈಲಿದ್ಯಾಸು? ಕೈನ ಕದ್ಯೊ.

ರೊಮಾಪೂರ 6:4

ತಿಮ್ಮ ರ‍್ಹತಾಮಾ, ಅಪೆ ಬಾಪ್ತಿಸ್ಮ ಕರಲೆತಾಮಾ, ಅಪೊನೆ ಕ್ರಿಸ್ತನಾ ಕ್ಹಾತೆ ಸಮಾದಿ ಥೈ ವರಿ ಅಪೆ ತಿನಾ ಮರಣಮಾ ಪಾಲ ಲಿವಾಲಾ ಥಯಾ. ಅಪೆ ಜಿವ್ತಾ ಥೈನ ಉಟಿನ ನಯಿ ಜಿವ್ನಾ ಕರುಕೈನ ಅಪೊನೆ ಕ್ರಿಸ್ತ ಕ್ಹಾತೆ ಸಮಾದಿ ಥೈ. ಕ್ರಿಸ್ತ ಬಾನಿ ಅದ್ಬುತ ಕರಾನಿ ತಾಕತ ಕ್ಹು ಮರ‍ಲವಾಲಾವೊಮಾತೊ ಜು಼ವ್ತೊ ಥೈನ ಆಯಲ ಲಿಂಗತ ಅಪೆ ಬಿ ಜಿವ್ತಾ ಥೈನ ಆಯಾಸ.

ಎಫೆಸ 2:1

ಪೈಲಾ ತುಮಾರಿ ಆತ್ಮಿಕ ಜಿವ್ನಾ, ತುಮಾರಾ ಪಾಪೊ ವರಿ ತುಮೆ ಅವಿಧೆಯತೆನಾ ಕಾಮೊಕ್ಹು ಮರಿ ಗಯಾತಾ.

ಎಫೆಸ 2:5

ಅಪೆ ಕ್ಹುದಾನೆ ವಿರುದ್ದ ಥೈನ ಕರಲ ಕಾಮೊಕ್ಹು ಆತ್ಮಿಕಮಾ ಮರಲವಾಲಾ ಥಯಾತಾ. ತೆ ನೈಸೊ ಅಪೊನೆ ಕ್ರಿಸ್ತನಾ ಕ್ಹಾತೆ ವಚಾ಼ಡ್ಯೊ. ತುಮೆ ಕ್ಹುದಾನಿ ಕೃಪಾಕ್ಹು ರಕ್ಷಣೆ ವ್ಹಂದಿಲಿದಲವಾಲಾ ಥಯಾಸ.

ಎಫೆಸ 5:14

ಹರಯಕ್ಕಬಿ ಚೊ಼ಕಿ ತರಾ ದೆಕಾಡಾನುಜ಼ ಉಜಾಲು ವ್ಹೈ. ತಿನಾಹುತಿ ಅಮ್ಮ ಬರ್ದಲ ಛೆ;

ಕೊಲೆಸ್ಸೆ 2:13

ಅಪರಾದ ಕರ‍ಲ ಹುತಿ ವರಿ ಶರಿರನಾಭಾವ ಕ್ಹು ಮರಲವಾಲಾ ಥಯಲ ತುಮೊನೆ ಕ್ಹುದಾ ಕ್ರಿಸ್ತನಾ ಕ್ಹಾತೆ ಜಿವ್ತೊ ಕರ‍್ಯೊಸ ವರಿ ತ್ಯುನೆ ಕರಲ ತಪ್ಪ ಕ್ಹಾರಾ ಮಾಫ ಕರ‍್ಯೊಸ.

ಪ್ರಕಟನೆ 3:1

ಸಾರದಿಸಮಾ ರ‍್ಹಯಲ ಸಬೆನಾ ದುತನೆ ಆ ಬರದ; ಕ್ಹುದಾ ಕ್ಹಾತ ಆತ್ಮಾ ವರಿ ಕ್ಹಾತ ಚಿಕ್ಕಿಯೊ ಹೊಂದಿಲಿದಲವಾಲೊ ಕವಾನು ಸು ವ್ಹೈ ಕದ್ಯಾಮ;ತು ಕರಾನು ಮನೆ ಗ್ವತ್ತ ಛೆ. ತು ಜಿವ್ತೊ ರ‍್ಹಯಲವಾಲೊ ವ್ಹೈ ಕೈನ ಮನಕ್ಹೊ ಕವಸ. ತೆನೈಸೊ ತು ಕ್ಹರಿಮಾಜ಼ ಮರಿ ಗಯೊಸ.