ಯೊಹಾನ 5:20 - ಕ್ಹುದಾನಿ ಕ್ಹರಿನಿ ವಾಕ್ಯಾ

²⁰ ಬಾ ದಿಕ್ರಾನೆ ಮಯಾ ಕರಸ ವರಿ ತೆ ಕರಾನಾ ಕ್ಹಾರಾ ಕಾಮೊ ದಿಕ್ರಾನೆ ದೆಕಾಡಸ. ಇತ್ತಿಬಿ ಹೆಚ್ಕಿ ಕಾಮೊ ಬಾ ದಿಕ್ರಾನೆ ದೆಕಾಡಸ. ತೆಳಾಮಾ ತುಮೆ ಕ್ಹಾರಾ ಘಾಬ್ರಾ ಥಾವೊಶಿ.

ಯೊಹಾನ 5:20 ပူးပေါင်းရင်းမြစ်များ

ಮತ್ತಾಯ 11:27

ಮಾರೊ ಬಾ ಮನೆ ಕ್ಹಾರು ದಿದ್ಯೊಸ. ಕುನಜ ದಿಕ್ರಾನೆ ವಳಕ್ಯು ನತ್ತಿ. ಬಾ ಯಕ್ಕಜ ದಿಕ್ರಾನೆ ವಳಕ್ಯೊಸ. ದಿಕ್ರೊ ಯಕ್ಕಜ ಬಾನೆ ವಳಕ್ಯೊಸ. ದಿಕ್ರೊ ಬಾನೆ ಕಿನೆ ದೆಕಾಡು ಕೈನ ಆಸ ಕರಸ ತ್ಯುನೆ ಬಾನೆ ತಿಳ್ದಿಲಿವಸ.

ಮತ್ತಾಯ 17:5

ತೆ ಹಜ಼ುನ ಬೊಲ್ತೊ ರ‍್ಹತಾಮಾಜ಼ ಉಜಾಲಾನು ಮ್ಹಾಡ ಐನ ತ್ಯುನಾ ಉಪ್ಪರ ಐಯು. ತೆನೈಸೊ ತೆ ಮ್ಹಾಡಮಾತು ಎ ಮಾರೊ ಮಯಾನೊ ದಿಕ್ರೊ ವ್ಹೈ. ಇನೆ ಮಿ ಪಸಂದ ಕರ‍್ಯೊಸ. ಎ ಕವಾನು ಐಕೊ ಕೈನ ಅವಾಜ಼ ಅಯು.

ಮತ್ತಾಯ 3:17

ತೆಳಾಮಾ ಸ್ವರ್ಗಮಾತು ಆವಾಜ ಐಯು "ಆ ಮಾರೊ ಮಾಯಾನೊ ದಿಕ್ರೊ ಯೆಸು ವ್ಹೈ, ಅನೆ ಮಿ ಘನ್ನೊ ಮೆಚ್ಚೊಸ".

ಮತ್ತಾಯ 4:8

ಪಾಚಾ಼ತೊ ಸೈತಾನ ತಿನೆ ಘನ್ನೊ ಉಚ್ಚು ರ‍್ಹಯಲ ಡೊಂಗರಪರ ಲಿನ ಗೈನ ಆ ಲೊಕಮಾ ರ‍್ಹಯಲ ಹರಯಕ ರಾಜ್ಯ ದೆಕಾಡಿನ ತ್ಯಾ ರ‍್ಹಯಲ ಹರಯಕ ವೈಭವ ದೆಕಾಡಿನ

ಲುಕ ಬರ್ದಲ ಸುವಾರ್ತಾ 10:22

ಮಾರೊ ಬಾ ಮನೆ ಕ್ಹಾರುಜ಼ ದಿದ್ಯೊಸ. ದಿಕ್ರೊ ಕುನ್ನ ವ್ಹೈ ಕಿನೆಜ಼಼ ಗೊತ್ತ ನತ್ತಿ. ಬಾ ನೆ ಯಕಜ಼ ಗೊತ್ತ ಛೆ. ವರಿ ಬಾ ಕುನ್ನ ವ್ಹೈ ಕವಾನು ದಿಕ್ರಾನೆ ಯಕಜ಼ ಗೊತ ಛೆ. ದಿಕ್ರೊ ಬಾನಾ ಹುತಿ ಕಿನೆ ತಿಳ್ಸಸ ತೆ ಯಕ್ಕಲೊಜ಼ ಬಾನಾ ಹುತಿ ತಿಳದಿಲಿವಸ.

ಯೊಹಾನ 1:18

ಕ್ಹುದಾನೆ ಕುನ್ನಜ ಕೆಳಾಮಾಜ ದೆಕ್ಯಾ ನತ್ತಿ. ತೆನೈಸೊ ಯಕ್ಲೊಜ ದಿಕ್ರೊ ತೆ ಕ್ಹುದಾನ ಲಿಂಗತ ಛೆ ವರಿ ಬಾನಾ ಬಾಜು಼ಮಾ ಛೆ. ತೆ ದಿಕ್ರೊ ಕ್ಹುದಾನೆ ಅಪೊನೆ ದೆಕಾಡಿನ ದಿದ್ಯೊಸ.

ಯೊಹಾನ 10:32

ತೆನೈಸೊ ಯೆಸು ತ್ಯುನೊನೆ"ಮಿ ಬಾಕಂತೊ ಘನ್ನಾ ಚೊ಼ಕಾ ಕಾಮೊ ಕರಿನ ದೆಕಾಡ್ಯೊಸ. ವರಿ ಎ ಚೊ಼ಕಾ ಕಯಾ ಕಾಮ್ನಾ ಹುತಿ ತುಮೆ ಮನೆ ದಗ್ಡಾಲಿನ ಮಾರಾನೆ ದೆಕಾಡ್ಯಾಸ? ಕೈನ ಪುಚ್ಯಾ.

ಯೊಹಾನ 14:12

"ಮಿ ತುಮೊನೆ ಕ್ಹರಿಜ ಕೌಸ. ಮಪರ ಬರೊಕ್ಹೊ ಮ್ಹೆಲಾಲೊ ಮಿ ಕರಲಜ ಕಾಮೊ ಕರಸ. ತೆ ಮಿ ಕರಾನಾ ಕಾಮೊತಿಬಿ ಮ್ಹೊಟಾ ಕಾಮೊ ಕರಸ. ಕಾಕದ್ಯಾಮ ಮಿ ಬಾ ಕನ ಚಾ಼ಲ್ಯೊಸ.

ಯೊಹಾನ 15:15

ಹಮ್ನಾತೊ ಮಿ ತುಮೊನೆ ಮಾರಾ ಸೆವಕೊ ಕೈನ ಬಲಾತೊ ನೈ. ಕಾಕದ್ಯಾಮ ಮಾಲಕನಾ ಕಾಮೊ ಸೆವಕನೆ ಗ್ವತ್ತ ನೈ ರ‍್ಹತಾ. ತೆನೈಸೊ ಹಮ್ನಾ ಮಿ ತುಮೊನೆ ಮಾರಾ ದೊಸ್ತೊ ಕೈನ ಬಲೌಸ. ಕಾಕದ್ಯಾಮ ಮಾರಾ ಬಾ ಕಂತು ಐಕಲ ಹರಯಕ್ಕ ಮಿ ತುಮೊನೆ ಕದ್ಯೊಸ.

ಯೊಹಾನ 17:26

ಮಿ ತಾರು ಕ್ಹರಿನು ರುಪ ಇವ್ನೊನೆ ವಳಕ ಲಗಾಡ್ಯೊಸ. ಮಿ ತಾರು ರುಪ ವರಿ ಇವ್ನೊನೆ ದೆಕಾಡುಸ. ತೆಳಾಮಾ ತಾರಿ ಮಯಾ ಮಪರ ಕಿಮ್ಮ ಛೆ, ತೆಜ಼ ಮಯಾ ಇವ್ನೊಮಾ ರ‍್ಹವಸ ವರಿ ಮಿ ಇವ್ನೊಮಾ ರ‍್ಹೌಸ"

ಯೊಹಾನ 3:35

ಬಾ ದಿಕ್ರಾನೆ ಮಯಾ ಕರಸ. ಬಾ ದಿಕ್ರಾನೆ ಹರಯಕ್ಕ ಪರ ಅದಿಕಾರ ದಿದ್ಯೊಸ.

ಯೊಹಾನ 5:21

ಬಾ ಮರಲವಾಲಾವೊನೆ ಉಟಾಡಿನ ತ್ಯುನೊನೆ ಜ಼ಲಮ ದಿವಸ. ತಿನಾಲಿಂಗತ ದಿಕ್ರೊಬಿ ತಿನೆ ಚಾ಼ಯೆ ಥಯಲವಾಲಾವೊನೆ ಜ಼ಲಮ ದಿವಸ.

ಯೊಹಾನ 5:25

ಮಿ ತುಮೊನೆ ಕ್ಹರಿಜ ಕೌಸ ಮರಲವಾಲಾ ಕ್ಹುದಾನಾ ದಿಕ್ರಾನು ಅವಾಜ಼ ಐಕಾನೊ ದಿನ್ನ ಆವಸ. ತೆ ಹಮ್ನಾಜ ಆಯುಸ. ಕುನ್ನ ಐಕಸ ತ್ಯುನೆ ಜ಼ಲಮ ವ್ಹಂದಿಲಿವಸ.

ಯೊಹಾನ 5:29

ವರಿ ತ್ಯುನೆ ತಿವ್ನೊ ಮಾತೊ ಉಟಿನ ಆವಸ; ಕುನ್ನ ಚೊ಼ಕು ಕರಲ ರ‍್ಹವಸ ತ್ಯುನೆ ಜಿವ್ತಾ ಥೈನ ಉಟಸ, ವರಿ ಕುನ್ನ ಕೆಟ್ಟ ಕರ‍್ಯುಸ ಜಿವ್ತಾ ಥೈನ ತ್ಯುನೊನೆ ಪೈಸ್ಲೊ ಥಾವಸ.

2 ಪೆತ್ರಾ 1:17

ತೆ ಕ್ಹಾರಾವೊತಿ ಘನ್ನೊ ತಾಕತ ರ‍್ಹಯಲ ಕ್ಹುದಾನು ಅವಾಜ಼ ಐಕ್ಯೊ. ತೆಳಮಾಜ಼ ತೆ ತಿನೊ ಬಾ ಥಯಲ ಕ್ಹುದಾ ಕಂತೊ ತಾಕತ ವರಿ ಮಯಾಕ್ಹು ಮರ್ಯಾದಿ ವ್ಹಂದಿಲಿದ್ಯೊ "ಕೈನ ಕದ್ಯೊ. ತೆ ಅವಾಜ಼ ಆ ಮಾರೊ ಮಯಾನೊ ದಿಕ್ರೊ ವ್ಹೈ. ಇನೆ ಮಿ ಘನ್ನು ಪಸಂದ ಕರ‍್ಯೊಸ.