ಯೊಹಾನ 5:19 - ಕ್ಹುದಾನಿ ಕ್ಹರಿನಿ ವಾಕ್ಯಾ

¹⁹ ತಿನಾಹುತಿ ಯೆಸು ತ್ಯುನೊನೆ"ಮಿ ತುಮೊನೆ ಕ್ಹರಿಜ ಕೌಸ. ದಿಕ್ರೊ ತಿನಾಕ್ಹು ತೆ ಸುಜ಼ ನೈ ಕರತೊ, ಬಾ ಕರಾನು ದೆಕಿನ ತೆಬಿ ತಿಮ್ಮಜ ಕರಸ. ಬಾ ಕರಾನಾ ಕಾಮೊಜ ದಿಕ್ರೊಬಿ ಕರಸ.

ಯೊಹಾನ 5:19 ပူးပေါင်းရင်းမြစ်များ

ಮತ್ತಾಯ 26:39

ತೆ ದಕ್ಹೊ ಅಗೊ ಗೈನ ಉಂದೊ ಪಡಿನ, ಮಾರಾ ಬಾ, ತುಕನ ಸಾದ್ಯ ಥಯುರೆ ಎ ತ್ರಾಸನೊ ಘಡೊ ಮನೆ ಛೊಡಿನ ಜಾ಼ವಾದೆ; ತೆನೈಸೊ ಮಾರಿ ಚಿತ್ತನಾ ಪ್ರಕಾರ ಥಯಾವಾಚಿ ತಾರಿ ಚಿತ್ತ ಲಿಂಗತಜ಼ ಥಾವಾದೆ ಕೈನ ಕ್ಹುದಾನೆ ಪ್ರಾರ್ಥನಾ ಕರ‍್ಯೊ.

ಲುಕ ಬರ್ದಲ ಸುವಾರ್ತಾ 21:15

ಕಾಕದ್ಯಾಮ ಮಿಜ಼ ತುಮೊನೆ ಬೊಲಾನು ಗ್ಯಾನ ದ್ಯುಸ. ತಿನಾಹುತಿ ತುಮಾರಾ ದುಶ್ಮನೊ ತುಮೆ ಪುಚ಼್ಚಲ ವಾತನೆ ಜ಼ವಾಬ ದೆತಾ ನೈ.

ಯೊಹಾನ 10:18

ಮಾರೊ ಜ಼ಲಮ ಮಕಂತೊ ಕುನ್ನಜ ನೈ ಉದಾಳೆ ಲೆಸಕ್ತು; ಮಿಜ಼ ತಿನೆ ಮಾರಿ ಇಷ್ಟಾಕ್ಹು ದಿವ್ಸ. ಮಾರೊ ಜ಼ಲಮ ದಿವಾನೆಬಿ ವರಿ ತಿನೆ ವಾಪಸ ಲಿವಾನೆಬಿ ಮನೆ ಹಕ್ಕ ಛೆ. ಇಮ್ಮ ಕರು ಕೈನ ಬಾಜ ಮನೆ ಆಗನ್ಯಾ ದಿದ್ಯೊಸ "ಕೈನ ಕದ್ಯೊ.

ಯೊಹಾನ 12:49

ಎ ಕ್ಹರಿ ವ್ಹೈ ಮಿ ಕದಲ ಕಾಕದ್ಯಾಮ, ಮಾರಾ ಅದಿಕಾರಕ್ಹು ಸುಜ಼ ಕದ್ಯೊ ನತ್ತಿ ಮನೆ ಕುನ್ನ ಮೊಕಲ್ಯುಸ.

ಯೊಹಾನ 12:50

ಬಾನಿ ಆಗನ್ಯಾ ಹಮೆಶಾನಾ ಜ಼ಲಮ ಕನ ಚ಼ಲಾವಸ ಕೈನ ಮನೆ ಗ್ವತ್ತ ಛೆ. ತಿನಾಹುತಿ ಬಾ ಮನೆ ಕದಲ ಸಂಗತಿಯೊಜ ಮಿ ಕೌಸ"

ಯೊಹಾನ 14:10

ಮಿ ಬಾ ಮಾ ಛೆ ವರಿ ಬಾ ಮಾರಾಮಾ ಛೆ ಕೈನ ತುಮೆ ಕ್ಹರಿಬಿ ಬರೊಕ್ಹೊ ನೈ ಕರ‍್ತಾ ಸು? ಮಿ ತುಮೊನೆ ಕವಾನಿ ಸಂಗತಿಯೊ ಮಾರಾಕ್ಹು ಆಯಲ ನ್ಹವೈ. ತೆನೈಸೊ ತೆ ಮಾರಾಮಾ ರ‍್ಹವಾನಾ ಬಾನಾ ವ್ಹೈ ವರಿ ತೆ ತಿನು ಕಾಮ ಕರಾಡ್ಯೊಸ.

ಯೊಹಾನ 2:19

ಯೆಸು"ಎ ದೆವಾಲಯ ಪಾಡಿಪಾಡೊ, ಅಗಲ್ಯಾ ತನ್ನ ದಿನ್ಮಾ ವರಿ ಫರಿನ ತೆ ಭಾಂದುಸ" ಕೈನ ಕದ್ಯೊ.

ಯೊಹಾನ 3:3

ಯೆಸು"ಮಿ ತುನೆ ಕ್ಹರಿಜ ಕೌಸ. ಯಕ್ಲೊ ನವೊ ಥೈನ ಹುಟ್ಟುಜ. ಯಕ್ಲೊ ನವೊ ಥೈನ ನೈ ಹುಟ್ಯೊಮ ತೆ ಕ್ಹುದಾನಿ ರಾಜ್ಯ ನೈ ದೆಕತೊ "ಕೈನ ಉತ್ತರ ದಿದ್ಯೊ.

ಯೊಹಾನ 5:21

ಬಾ ಮರಲವಾಲಾವೊನೆ ಉಟಾಡಿನ ತ್ಯುನೊನೆ ಜ಼ಲಮ ದಿವಸ. ತಿನಾಲಿಂಗತ ದಿಕ್ರೊಬಿ ತಿನೆ ಚಾ಼ಯೆ ಥಯಲವಾಲಾವೊನೆ ಜ಼ಲಮ ದಿವಸ.

ಯೊಹಾನ 6:38

ಕಾಕದ್ಯಾಮ ಮಿ ಸ್ವರ್ಗತೊ ಮಾರಿ ಚಿತ್ತ ಲಿಂಗತ ಕರಾನೆ ಆಯೊಸ ಕೈನ ತಿಳ್ದೊ ನಕೊ. ತೆನೈಸೊ ಕುನ್ನ ಮನೆ ವಳಾಯೊಸ ತಿನಿ ಚಿತ್ತ ಪುರಾ ಕರಾನೆ ಆಯೊಸ.

ಯೊಹಾನ 8:28

ತಿನಾಹುತಿ ತೆ ತ್ಯುನೊನೆ"ಕೆಳಾಮಾ ತುಮೆ ಮನಕ್ಹನಾ ದಿಕ್ರಾನೆ ಉಪ್ಪರ ಚಡಾವೊಶಿ, ತೆಳಾಮಾ ತೆಜ಼ ಮಿ ವ್ಹೈ ಕವಾನು ತುಮೊನೆ ಗ್ವತ್ತ ಥಾವಸ ವರಿ ಮಿ ಕರಾನು ಮಾರಾ ಸ್ವಂತ ಚಿತ್ತಕ್ಹು ನ್ಹವ್ಹೈ. ತೆನೈಸೊ ಮಾರೊ ಬಾ ಕದಲ ತಿಮ್ಮ ಮಿ ಶಿಕ್ಲಾವಾಡೊಸ ಕೈನ ಕದ್ಯೊ.

ಯೊಹಾನ 9:4

ಮನೆ ವಳಾಯಲವಾಲಾನು ಕಾಮ ಅಪೆ ದಿನ್ನ ರ‍್ಹತಾಮಾಜ ಕರು. ರಾತ ಆವಸ. ತೆಳಾಮಾ ಕುನ್ನಜ ಕಾಮ ನೈ ಕರತು.

ಅಪೊಸ್ತಲೊ 2:24

ಯೆಸು ಮೌತನೊ ತ್ರಾಸ ಖಾದ್ಯೊ. ತೆನೈಸೊ ಕ್ಹುದಾ ತಿನೆ ಛೊಡಾಯೊ. ಕ್ಹುದಾ ಯೆಸುನೆ ಮರಲವಾಲಾವೊಮಾತೊ ಜಿವ್ತೊ ಕರಿನ ಉಟಾಡ್ಯೊ. ಮೌತನೆಬಿ ಯೆಸುನೆ ಧರಲಿವಾನೆ ಥಯು ನೈ.

ರೊಮಾಪೂರ 6:4

ತಿಮ್ಮ ರ‍್ಹತಾಮಾ, ಅಪೆ ಬಾಪ್ತಿಸ್ಮ ಕರಲೆತಾಮಾ, ಅಪೊನೆ ಕ್ರಿಸ್ತನಾ ಕ್ಹಾತೆ ಸಮಾದಿ ಥೈ ವರಿ ಅಪೆ ತಿನಾ ಮರಣಮಾ ಪಾಲ ಲಿವಾಲಾ ಥಯಾ. ಅಪೆ ಜಿವ್ತಾ ಥೈನ ಉಟಿನ ನಯಿ ಜಿವ್ನಾ ಕರುಕೈನ ಅಪೊನೆ ಕ್ರಿಸ್ತ ಕ್ಹಾತೆ ಸಮಾದಿ ಥೈ. ಕ್ರಿಸ್ತ ಬಾನಿ ಅದ್ಬುತ ಕರಾನಿ ತಾಕತ ಕ್ಹು ಮರ‍ಲವಾಲಾವೊಮಾತೊ ಜು಼ವ್ತೊ ಥೈನ ಆಯಲ ಲಿಂಗತ ಅಪೆ ಬಿ ಜಿವ್ತಾ ಥೈನ ಆಯಾಸ.

ರೊಮಾಪೂರ 8:11

ಯೆಸುನೆ ಮೌತಕ್ಹು ಉಟಾಡಲ ಕ್ಹುದಾನಿ ಆತ್ಮಾ ತುಮೊಮಾ ರ‍್ಹಯಮ, ಕ್ರಿಸ್ತನೆ ಮೌತಕ್ಹು ಉಟಾಡಲವಾಲೊ ತುಮಾರಿ ಆತ್ಮಾ ಕಂತೊ ತುಮಾರಾ ಮರಲ ಅಂಗೊನೆ ಜ಼ಲಮ ದಿವಸ.

1 ಕೊರಿಂಥ 15:12

ಕ್ರಿಸ್ತ ಯೆಸು ಮೌತತೊ ಪುನರುತ್ಥಾನ ಹೊಂದಿಲಿದ್ಯೊ ಕೈನ ಹಮೆ ಕವಾಮಾ, ಮರಲವಾಲಾ ಪುನರುತ್ಥಾನ ನೈ ಥಾತಾ ಕೈನ ತುಮೊಮಾ ದಕ್ಹಾ ಜ಼ನಾ ಕವಾನು ಕಿಮ್ಮ ವ್ಹೈ?

2 ಕೊರಿಂಥ 4:14

ಪ್ರಭು ಥಯಲ ಯೆಸುನೆ ಮರಲವಾಲಾವೊಮಾತೊ ಉಟಾಡಲ ಕ್ಹುದಾ ಅಪೊನೆಬಿ ಕ್ರಿಸ್ತನಾ ಕ್ಹಾತೆ ಉಟಾಡಸ. ಕವಾನು ಅಪೊನೆ ಗ್ವತ್ತ ಛೆ. ಕ್ಹುದಾ ಹಮೊನೆ ತುಮಾರಾ ಕ್ಹಾತೆಜ ತಿನಾ ಕ್ಹಾಮೊ ಹುಬ್ರಾಡಸ.

2 ಕೊರಿಂಥ 5:10

ಅಪೆ ಕ್ಹಾರಾ ನ್ಯಾಯ ವಿಚಾರಣೆನಾ ಹುತಿ ಕ್ರಿಸ್ತನಾ ಕ್ಹಾಮಾ ಹುಬ್ರೌ. ಹರಿಯಕ್ಲೊ ದುನಿಯಾನಿ ಅಂಗಮಾ ರ‍್ಹತಾಮಾ ಕರಲ ಚೊ಼ಕಾನಾ ಹುತಿ ವರಿ ಕೆಟ್ಟನಾ ಹುತಿ ರ‍್ಹೈನೆಕಾ ತಿನೊ ಪ್ರತಿಫಲ ಹೊಂದಸ.

ಎಫೆಸ 2:5

ಅಪೆ ಕ್ಹುದಾನೆ ವಿರುದ್ದ ಥೈನ ಕರಲ ಕಾಮೊಕ್ಹು ಆತ್ಮಿಕಮಾ ಮರಲವಾಲಾ ಥಯಾತಾ. ತೆ ನೈಸೊ ಅಪೊನೆ ಕ್ರಿಸ್ತನಾ ಕ್ಹಾತೆ ವಚಾ಼ಡ್ಯೊ. ತುಮೆ ಕ್ಹುದಾನಿ ಕೃಪಾಕ್ಹು ರಕ್ಷಣೆ ವ್ಹಂದಿಲಿದಲವಾಲಾ ಥಯಾಸ.

ಎಫೆಸ 3:16

ಎ ತುಮಾರಾ ಆತ್ಮಾವೊನೆ ಘಟ್ಟ ಥೈನ ರ‍್ಹವಾನೆ ಚಾ಼ಯೆ ಥಯಲ ತಾಕತ ತಿನಿ ಮಹಿಮಾನಾ ಪ್ರಕಾರ ದಿವ್ ಕೈನ ಬಾ ಕನ ಮಾಂಗಿಲ್ಯುಸ. ತೆ ತಿನಿ ಆತ್ಮಾನಾ ಮುಲಕ ತುಮೊನೆ ತೆ ತಾಕತ ದಿವಸ.

ಫಿಲಿಪ್ಪಿ 3:21

ತೆ ಕ್ಹಾರುಜ ತಿನಾ ಅದಿನಮ್ಮಾ ಕರಲಿವಾನು ಕ್ಹಾರಾವೊ ಪರ ಅದಿಕಾರ ವ್ಹಂದಲವಾಲೊ ಥೈನ ದಿನ್ನ ಸ್ವಭಾವಾಲೊ ಥೈನ ಅಪನು ಅಂಗ ಘನು ತಾಕತವರ ಥೈನ ತಿನಾ ಅಂಗ ಲಿಂಗತ ರುಪಾಂತರ ಕರಸ.

ಫಿಲಿಪ್ಪಿ 4:13

ಕ್ರಿಸ್ತನಾ ಮುಲಕ ಕ್ಹಾರಾ ಕಾಮೊ ಕರ ಸಕುಸ. ಕಾಕದ್ಯಾಮ ತೆ ಮನೆ ತಾಕತ ದಿವಸ.

ಕೊಲೆಸ್ಸೆ 1:11

ತಿನಿ ಮಹಿಮಾನಿ ತಾಕತ ಲಿಂಗತ ಕ್ಹಾರಿ ತರಾಮಾ ತಾಕತ ಹೊಂದಿನ ಕ್ಹಾರಿ ರಾಕ್ಹು ತಡ್ಇಲಿವಾನು ಶಾಂತಿ ಸಮಾಧನಕ್ಹು ತಡ್ದಿಲ್ಯು ಕೈನ,

ಕೊಲೆಸ್ಸೆ 1:16

ಭುಪರ ಲೊಕಮಾ ರ‍್ಹಯಲ ದಿಕ್ಹಾನಿ ನೈ ದಿಕ್ಹಾನು ಕ್ಹಾರುಜ಼ ಸಿಂಹಾಸನ್ನ ರ‍್ಹೈನೆಕಾ ಕ್ಹಾರವೊಪರ ಅದಿಕಾರ ರ‍್ಹೈನೆಕಾ ತಿನಾಕ್ಹುಜ಼ ತಯ್ಯಾರ ಥಯು. ಕ್ಹಾರುಜ಼ ತಿನಾಕ್ಹುಜ಼ ವರಿ ತಿನಾಹುತಿಜ಼ ತಯ್ಯಾರ ಥಯು.

1 ಥೆಸಲೊನಿಕ 4:14

ತೆನೈಸೊ ವರಿ ಯೆಸು ಮರಿನ ಜಿವ್ತೊ ಥೈನ ಆಯೊಸ ಕೈನ ಅಪೆ ಬರೊಕ್ಹೊ ಕರಿಯೆಸ. ತಿನಾಲಿಂಗತಜ಼ ತಿಪರ ಬರೊಕ್ಹೊ ಮ್ಹೆಲಿನ ಮರಲವಾಲಾವೊನೆ ಕ್ಹುದಾ ಕ್ರಿಸ್ತಾನಾ ಕ್ಹಾತೆ ಉಟಾಡಸ.

1 ಪೆತ್ರಾ 3:18

ತುಮಾರಾ ಪಾಪೊನಾ ಹುತಿ ಕ್ರಿಸ್ತ ಯಕ್ಕಸಲಾ ತ್ರಾಸ ಖೈನ ಮರ‍್ಯೊ ಕ್ಹರಿಕ್ಹು ರ‍್ಹಯಲ ತೆ ಅಪರಾದಿಯೊನಾ ಹುತಿ ಜ಼ಲಮ ದಿದ್ಯೊ. ತುಮೊನೆ ಕ್ಹಾರಾವೊನೆ ಕ್ಹುದಾ ಕನ ಚ಼ಲಾವಾನಾಹುತಿ ತೆ ತಿಮ್ಮ ಕರ‍್ಯೊ. ತಿನೊ ಅಂಗ ಖಲಾಸ ಕರಾಯಾ. ತೆನೈಸೊ ತೆ ಆತ್ಮಾನಿ ಸಂಭದಮಾ ಜಿವ್ತೊ ಥಯೊ.

ಪ್ರಕಟನೆ 2:23

ಯಕ್ಲಾನೆ ತ್ಯುನಾ ತ್ಯುನಾ ಕಾಮೊನೆ ತಕ್ಕ ಪ್ರತಿಫಲ ದ್ಯುಸ.