ಯೊಹಾನ 4:10 - ಕ್ಹುದಾನಿ ಕ್ಹರಿನಿ ವಾಕ್ಯಾ

¹⁰ ಯೆಸು ತಿನೆ"ಕ್ಹುದಾ ಸು ದಿವಸ ಕವಾನು ತುನೆ ಗ್ವತ್ತ ನತ್ತಿ ಪಾನಿ ಪುಚ್ತಾಮಾ ಮಿ ಕುನ್ನ ವ್ಹೈ ಕವಾನು ತುನೆ ಗ್ವತ್ತ ನತ್ತಿ. ತುನೆ ಎ ಕ್ಹಾರು ಗ್ವತ್ತ ರ‍್ಹವತ್ತೊ, ತು ಮಕನ ಮಾಂಗಿಲೆತಿತಿ, ವರಿ ಮಿ ತುನೆ ಜಿವ ಜಲ ದೆತೊತೊ "ಕದ್ಯೊ.

ಯೊಹಾನ 4:10 ပူးပေါင်းရင်းမြစ်များ

ಲುಕ ಬರ್ದಲ ಸುವಾರ್ತಾ 11:13

ತುಮೆ ಬಿಜಾ಼ವೊಲಿಂಗತ ಕೆಟ್ಟ ರ‍್ಹಯಾತಬಿ ತುಮಾರಾ ಬಚ್ಚಾ಼ವೊನೆ ಚೊ಼ಕೊಜ಼ ದಿವೊಸಿ, ತಿನಾಲಿಂಗತಜ಼ ಸ್ವರ್ಗಮಾ ರ‍್ಹಯಲ ತುಮಾರೊ ಬಾ ಬಿ ತುಮೆ ಮಾಂಗಿಲಿವಾನೆ ಪವಿತ್ರ ಆತ್ಮಾ ಕ್ಹರಿಮಾಜ಼ ದಿವಸ, ಕದ್ಯೊ.

ಯೊಹಾನ 16:3

ಮನಕ್ಹೊ ಬಾನೆ ವರಿ ಮನೆ ನೈ ತಿಳ್ದಿಲಿದಲ ಹುತಿ ಎ ಕ್ಹಾರು ಕರಸ.

ಯೊಹಾನ 17:3

ಯಕ್ಲೊಜ ಕ್ಹರಿನೊ ಕ್ಹುದಾ ರ‍್ಹಯಲ ತುನೆ ವರಿ ತು ವಳಾಯಲ ಯೆಸು ಕ್ರಿಸ್ತನೆ ತಿಳ್ದಿಲಿವಾನುಜ ಹಮೆಶಾನೊ ಜ಼ಲಮ ವ್ಹೈ.

ಯೊಹಾನ 3:16

ಹೊ, ಕ್ಹುದಾ ದುನಿಯಾನೆ ಕೆಕ್ಲಿಕೆ ಮಯಾ ಕರಿನ ತಿನಾ ಯಕ್ಕಜ಼ ದಿಕ್ರಾನೆ ದಿದ್ಯೊ; ತಿನೆ ಬರೊಕ್ಹೊ ಕರಾಲೊ ಯಕ್ಲೊಬಿ ಹಾಳ ಥಯಾವಾಚಿ ಕ್ಹಾರಾ ಜ಼ನಾ ಹಮೆಶಾನೊ ಜ಼ಲಮ ವ್ಹಂದಿಲ್ಯು ಕೈನ ತಿನೆ ದಿದ್ಯೊ.

ಯೊಹಾನ 4:14

ವರಿ ಮಿ ದಿವಾನು ಪಾನಿ ಕುನ್ನ-ಕುನ್ನ ಪಿವಸ ತ್ಯುನೊನೆ ಫರಿನ ತರಕ್ಹ ಲಾಗ್ತಿಜ ನೈ. ಮಿ ದಿವಾನು ಪಾನಿ ತ್ಯುನಾ ಮ್ಹೈತು ಜ಼ಲಮ ದಿವಾನು ಪಾನಿನು ಝರಿಲಿಂಗತ ರ‍್ಹವಸ. ವರಿ ತೆ ತ್ಯುನೊನೆ ಹಮೆಶಾನೊ ಜ಼ಲಮ ದಿವಸ" ಕೈನ ಕದ್ಯೊ.

ಯೊಹಾನ 6:35

ಯೆಸು ತ್ಯುನೊನೆ"ಮಿಜ಼ ಜ಼ಲಮ ದಿವಾನೊ ರೊಕ್ಲೊ ವ್ಹೈ. ಮಕನ ಆವಾಲಾನೆ ಕೆಳಾಮಾಜ ಭುಕ್ಕ ಲಾಗ್ತಿ ನೈ. ಮಪರ ಬರೊಕ್ಹೊ ಮ್ಹೆಲಲ ವಾಲಾವೊನೆ ಕೆಳಾಮಾಜ ತರಕ್ಹ ಲಾಗ್ತಿ ನೈ.

ಯೊಹಾನ 6:51

ಸ್ವರ್ಗತೊ ಉತ್ರಿನ ಆಯಲ ಜ಼ಲಮ ರ‍್ಹಯಲ ರೊಕ್ಲೊ ಮಿಜ಼ ವ್ಹೈ. ಎ ರೊಕ್ಲೊ ಖಾವಾಲೊ ಹಮೆಶಾಬಿ ಜಿವ್ತೊ ರ‍್ಹವಸ. ಎ ರೊಕ್ಲೊಜ ಮಾರು ಅಂಗ ವ್ಹೈ. ಎ ದುನಿಯಾನೆ ದ್ಯುಸ ಕಾಕದ್ಯಾಮ‍ ತ್ಯುನೆ ಜಿವ್ತಾ ರ‍್ಹೌ.

ಅಪೊಸ್ತಲೊ 9:11

ಪ್ರಭು ಅನನಿಯನೆ, ತು ಉಟಿನ ಮಿ ಕದಲ ವಾಟೆ ಜಾ಼ ತುನೆ ತ್ಯಾ ಯುದನು ಘರ ಮಳಸ ತೆ ಘರಮಾ ಗೈನ ತ್ಯಾ ತಾರ್ಸತೊ ಆಯಲ ಸೌಲನಾ ಹುತಿ ಪುಚ್ಚ ತೆ ಹಮ್ನಾ ತ್ಯಾ ಪ್ರಾರ್ಥನಾ ಕರಾಡೊಸ.

ರೊಮಾಪೂರ 8:32

ಕ್ಹುದಾ ತಿನಾ ಸ್ವಂತ ದಿಕ್ರಾನೆ ವಚಾ಼ಡಿ ಲಿದ್ಯಾವಾಚಿ ಅಪೊನೆ ಕ್ಹಾರಾವೊನಾ ಹುತಿ ವಪ್ಸಿನ ದಿದ್ಯೊ. ತಿನಾಹುತಿ ಹಮ್ನಾ, ಕ್ಹುದಾ ಯೆಸುನಾ ಕ್ಹಾತೆ ಅಪೊನೆ ಕ್ಹಾರುಜ಼ ಕ್ಹರಿಬಿ ದಿದ್ಯಾವಾಚಿ ರ‍್ಹವಸ ಸು?

1 ಕೊರಿಂಥ 1:30

ತುಮೊನೆ ಕ್ರಿಸ್ತ ಯೆಸುನಿ ಅನ್ಯುನೆತೆಮಾ ಕರಲವಾಲೊಜ಼ ಕ್ಹುದಾ ವ್ಹೈ. ಕ್ರಿಸ್ತ ತುಮಾರಾ ಹುತಿ ಕ್ಹುದಾಕ್ಹು ಆಯಲ ಗ್ಯಾನ ಥಯೊಸ. ಅಪೆ ನಿತಿವಂತ ಥಾವಾನೆ ಹುತಿ, ಪಾಪಕ್ಹು ಬಿಡುಗಡೆ ಥಾವಾನಾ ಹುತಿ ವರಿ ಪವಿತ್ರ ಥಾವಾನಾ ಹುತಿ ಕ್ರಿಸ್ತಜ಼ ಕಾರಣ ಥಯೊಸ.

1 ಕೊರಿಂಥ 10:4

ತ್ಯುನಾ ಕ್ಹಾತೆ ರ‍್ಹಯಲ ಆತ್ಮಿಕ ದಗ್ಡಾನು ಪಾನಿ ಪಿದ್ಯಾ. ತೆಜ಼ ದಗ್ಡೊ ಕ್ರಿಸ್ತಜ಼ ವ್ಹತ್ತೊ.

2 ಕೊರಿಂಥ 9:15

ಕ್ಹುದಾ ದಿದ ಮೊಜ಼ ಕೈನ ನೈಸೊ ದಿವ ಹುತ ಹುತಿ ನೈ ತಿನೆ ಸ್ತುತ ಕೈನ.

ಎಫೆಸ 2:8

ತಿನಾಹುತಿ ತುಮೆ ಬರೊಕ್ಹಾನಾ ಮುಲಕ ಕ್ಹುದಾನಿ ಕೃಪಾಕ್ಹು ರಕ್ಷಣೆ ವ್ಹಂದಿಲಿದಲವಾಲಾ ಥಯಾಸ. ತೆ ರಕ್ಷಣೆ ತುಮೊಕ್ಹು ಥಯಲ ನ್ಹವ್ಹೈ, ತೆ ಕ್ಹುದಾನು ವರ ವ್ಹೈ.

ಇಬ್ರಿಯ 6:4

ಕ್ರಿಸ್ತನಿ ವಾಟ ಮನಕ್ಹೊ ಛೊಡಿನ ಗಯಲ್ಪರ, ತುಮೆ ತ್ಯುನಾ ಜಿವ್ನಾ ಬದಲಿ ಕರಾನೆ ಥಾವಸ ಸು ವರಿ? ಮಿ ಕ್ಹರಿಜ಼ ವಳಕಿನ ಮನಕ್ಹೊನೆ ಹುತಿ ಬೊಲಾಡೊಸ.

1 ಯೊಹಾನ 5:20

ಕ್ಹುದಾನೊ ದಿಕ್ರೊ ಆ ದುನಿಯಾಮಾ ಐನ ಅಪೆ ಕ್ಹರಿನಾಜ ಕ್ಹುದಾನೆ ವಳಕಿಲಿವಾನಾ ಹುತಿ ಅಪನೊನೆ ಗ್ಯಾನ ದಿವಸ ಕೈನ ಅಪನೊನೆ ಗೊತ್ತ ಛೆ,ವರಿ ಹಮೆ ಕ್ಹುದಾನಾ ದಿಕ್ರೊ ಥಯಲ ಯೆಸುಕ್ರಿಸ್ತಮಾ ರ‍್ಹವಾಲೊ ಥೈನ ಕ್ಹರಿನಾ ಕ್ಹುದಾಮಾ ರ‍್ಹಹೆಲವಾಲಾ ಛೆ. ತೆ ಕ್ರಿಸ್ತ ಕ್ಹರಿನೊ ಕ್ಹುದಾ ವ್ಹೈ,ಹಮೆಶಾನೊ ಜ಼ಲಮ ಥಯೊಸ.

ಪ್ರಕಟನೆ 21:6

ಸಿಂಹಾಸನ್ಪರ ಬೈಟಲವಾಲೊ ಮನೆ ಅಮ್ಮ ಕದ್ಯೊ; "ಕ್ಹಾರುಜ಼ ಪುರಾ ಥಯು! ಮಿಜ಼ ಆದಿ ವ್ಹೈ ಮಿಜ಼ ಅಂತ್ಯ ವ್ಹೈ. ಮಿಜ಼ ಶುರು ವ್ಹೈ ಮಿಜ಼ ಸಮಾಪ್ತಿ ವ್ಹೈ. ಪಾನಿನಿ ತರಕ್ಹ ರ‍್ಹಯಲವಾಲಾವೊನೆ ಮಿ ಜ಼ಲಮ್ನು ಘನ್ನು ಪಾನಿ ಪುಶಕ್ಕಯಾಟಿ ದ್ಯುಸ.

ಪ್ರಕಟನೆ 22:17

ಪವಿತ್ರ ಆತ್ಮಾ ಹಿವಾನಿ ನೌರಿ"ಆ" ಕವಸ ಎ ಐಕಾಲೊ ಹರಿ ಯಕ್ಕ ಮನಕ್ಹ"ಆ" ಕೈನ ಕೌ. ತರಕ್ಹ ಲಾಗಲವಾಲೊ ಮಕನ ಆವಾದೆ; ತಿನೆ ಮನಸ ರ‍್ಹಯುಮ ಜಿವಜಲ ಪುಶಕ್ಕಯಾಟಿಲಿವಾದೆ.

ಪ್ರಕಟನೆ 7:17

ಸಿಂಹಾಸನ್ನಾ ವಚಾ಼ಮಾ ರ‍್ಹಯಲ ಬಕ್ರಾನು ಬಚ್ಚು಼ ಥಯಲ ತ್ಯುನೊ ಕುರಬುರ‍್ಯೊ ವ್ಹೈ. ತೆ ತ್ಯುನೊನೆ ಜ಼ಲಮ ದಿವಾನು ಪಾನಿನಿಯೊ ಹರಿಯೊಕನ ಬಲೈಲಿನ ಜಾ಼ವಸ. ತ್ಯುನಾ ಡೊಳಾ ಕ್ಹೊಪಡಾನು ಪಾನಿ ಕ್ಹುದಾ ನುಚ್ಚಿಪಾಡಸ. ಕೈನ ಕದ್ಯೊ.