ಯೊಹಾನ 3:5 - ಕ್ಹುದಾನಿ ಕ್ಹರಿನಿ ವಾಕ್ಯಾ

⁵ ತಿನೆ ಯೆಸು"ಮಿ ತುನೆ ಕ್ಹರಿಜ ಕೌಸ. ಯಕ್ಲೊ ಪಾನಿಕ್ಹು ಆತ್ಮಾಕ್ಹು ಹುಟ್ಟುಜ. ನೈತೊ ತೆ ಕ್ಹುದಾನಿ ರಾಜ್ಯನೆ ನೈ ಜಾತೊ.

ಯೊಹಾನ 3:5 ပူးပေါင်းရင်းမြစ်များ

ಮತ್ತಾಯ 18:3

ತ್ಯುನೊನೆ ತುಮಾರು ಮನಸ್ಸ ಬದಲಾವಣೆ ಥೈನ ನ್ಹಾನಾ ಬಚ್ಚಾವಿ ನಿಂಗತ ನೈ ಥಯಾಮ ತುಮೆ ಪರಲೊಕ ರಾಜ್ಯಮಾ ಆವಾನು ನೈಕೈನ ತುಮೊನೆ ಕ್ಹರಿಜ ಕೌಸ.

ಮತ್ತಾಯ 19:24

ಹಾಂ, ಮಿ ಫರಿನ ತುಮೊನೆ ಕೌಸ ಆಸ್ತಿ ರ‍್ಹಯಲವಾಲೊ ಕ್ಹುದಾನಿ ರಾಜ್ಯಮಾ ಜಾ಼ವಾತಿ ಹುಂಟ ಖ್ವಯಿನಾ ಡೊಳಾಮಾ ಜಾ಼ವಾನು ಆಸಾನ ವ್ಹೈ.

ಮತ್ತಾಯ 21:31

ಎ ಭಂಬಿ ಜ಼ನಾವೊಮಾ ಬಾಪನಿ ವಾತನೆ ಕುನ್ನ ವಿಧೆಯ ಥಯು? ಕೈನ ಪುಚ್ತಾ಼ಮಾ ತ್ಯುನೆ ಪಸ್ಟಲ್ಯೊ ಕೈನ ಕದ್ಯಾ. ತೆಳಾಮಾ ಯೆಸು ತ್ಯುನೊನೆ ಸುಂಕವಾಲಾ, ವೈಭಿಚಾರ ಕರಾಲಿಯೊ ತುಮೊತಿ ಪೈಲಾ ಕ್ಹುದಾನಿ ರಾಜ್ಯಮಾ ಜಾ಼ವಸ ಕೈನ ತುಮೊನೆ ಕ್ಹರಿಮಾಜ಼ ಕೌಸ.

ಮತ್ತಾಯ 28:19

ತಿನಾಹುತಿ ತುಮೆ ಗೈನ, ದುನಿಯಾಮಾ ರ‍್ಹವಾನಾ ಕ್ಹಾರಾ ಮನಕ್ಹೊನೆ ಮಾರಾ ಶಿಶ್ಯಾ ಕರೊ. ಬಾನಾ, ದಿಕ್ರಾನಾ ವರಿ ಪವಿತ್ರ ಆತ್ಮಾನಾ ನಾಮಪರ ತ್ಯುನೊನೆ ಬಾಪ್ತಿಸ್ಮಾ ಕರಾವೊ.

ಮತ್ತಾಯ 3:11

ತುಮಾರಾ ಮನಸೊ ಕ್ಹುದಾ ಬಗಲ ಫರ್xಯಾಸ ಕವಾನೆ ದೆಕಾಡಾನಾ ಹುತಿ ಮಿ ತುಮೊನೆ ಪಾನಿಮಾ ಬಾಪ್ತಿಸ್ಮಾ ಕರೌಸ. ತೆನೈಸೊ ಮಾರಾ ಪಾಚೊ಼ ಆವಾಲೊ ಮಾರಾತಿ ತಾಕತವಾಲೊ ವ್ಹೈ. ತಿನಾ ಚಪ್ಲೊ ಛೊಡಾವಾನೆಬಿ ಮಿ ಯೊಗ್ಯ ನ್ಹವೈ. ತೆ ತುಮೊನೆ ಪವಿತ್ರ ಆತ್ಮಾಮಾ ಆಗಮಾ ಬಾಪ್ತಿಸ್ಮಾ ಕರಾವಸ.

ಮತ್ತಾಯ 5:20

ಧರಮ ಉಪದೆಶ ಕರಾಲಾವೊತಿ ಫರಿಸಾಯರೊತಿಬಿ ತುಮೆ ಚೊ಼ಕು ರ‍್ಹಯಲ ಕರು. ನೈತೊ ತುಮೆ ಪರಲೊಕನಾ ರಾಜ್ಯನೆ ನೈ ಜಾ಼ತಾ.

ಮಾರ್ಕ 10:14

ತೆ ಯೆಸು ದೆಕಿನ ಶಿಟ್ಟಥೈನ ತಿನಾ ಶಿಷ್ಯಾವೊನೆ ಸು ಕದ್ಯೊ ಕದ್ಯಾಮ -ಬಚ್ಚಾವೊನೆ ಮಕನ ಆವಾನೆ ದಿವೊ ತ್ಯುನೊನೆ ಅಡ್ಡಿ ಕರೊ ನಕೊ. ಕ್ಹುದಾನಿ ರಾಜ್ಯ ಇವ್ನಾ ವರಕ್ಹಾವೊನೆ ವ್ಹೈ

ಮಾರ್ಕ 16:16

ಕುನ್ನ ಬರೊಕ್ಹೊ ಕರಿನ ಬಾಪ್ತಿಸ್ಮ ಕರೈಲಿವಾಲಾನೆ ರಕ್ಷಣೆ ಮಳಸ ಬರೊಕ್ಹೊ ನೈ ಕರಲ ವಾಲಾನೆ ಶಿಕ್ಷಾನೆ ಗುರಿ ಥಾವಸ.

ಮಾರ್ಕ 9:47

ತಾರೊ ಡೊಳೊ ತಾರೊ ಬರೊಕ್ಹೊ ನೈಸೊ ಕರಾನೆ ರ‍್ಹಯೊಮ ತಿನೆ ಕಿತ್ತಿನ ನಾಕಿಪಾಡ ಬೆ ಡೊಳಾ ರ‍್ಹೈನ ನರಕಮಾ ಘಲಾಯಿಲಿವಾತಿಬಿ ಯಕ್ಕ ಡೊಳಾಕ್ಹು ಕ್ಹುದಾನಿ ರಾಜ್ಯಮಾ ರ‍್ಹವಾನು ತುನೆ ಕೆಕ್ಲು ಚೊ಼ಕು ವ್ಹೈ.

ಲುಕ ಬರ್ದಲ ಸುವಾರ್ತಾ 13:24

ತೆ ವಾತೆ ಯೆಸು ಸ್ವರಗೆ ಜಾ಼ವಾನು ಅಗ್ದಿ ನ್ಹಾನಾ ಬಾಕಲಮಾತಾ ಜಾ಼ವಾನಾ ಹುತಿ ತ್ರಾಸ ಖಾವೊ! ಘನ್ನಾ ಮನಕ್ಹೊ ತ್ಯಾ ಜಾ಼ವಾನೆ ಕೊಶಿಶ ಕರಸ, ತೆನೈಸೊ ತ್ಯುನೊಕನ ಥಾತು ನೈ.

ಲುಕ ಬರ್ದಲ ಸುವಾರ್ತಾ 13:3

ಮಿ ನ್ಹವೈ "ತ್ಯುನೆ ತೆವಾ ಪಾಪಿಯೊ ನ್ಹೊತಾ, ತೆನೈಸೊ ತುಮೆ ತಮಾರಾ ಪಾಪನೆ ಪಶ್ಚಾತಾಪ ಪಡಿನ ಕ್ಹುದಾ ಬಗಲ ನೈ ಫರಯಾಮ ತ್ಯುನಾ ಲಿಂಗತಜ಼ ಹಾಳ ಥಾವೊಸಿ!

ಲುಕ ಬರ್ದಲ ಸುವಾರ್ತಾ 13:5

ನ್ಹವೈ, ತ್ಯುನೆ ತೆವಾ ಪಾಪಿಯೊ ನ್ಹೊತಾ! ತುಮೆ ತಮಾರಾ ಪಾಪೊ ಪಶ್ಚಾತಾಪ ಪಡಿನ ಕ್ಹುದಾ ಬಗಲ ನೈ ಫರಯಾಮ ತ್ಯುನಾ ಲಿಂಗತಜ಼ ತುಮೆ ಹಾಳ ಥಾವೊಸಿ"ಕದ್ಯೊ.

ಯೊಹಾನ 1:13

ಇವ್ನೆ ರಗತಕ್ಹು ರ‍್ಹೈನೆಕಾ ಅಂಗನಾ ಆಸಕ್ಹು ರ‍್ಹೈನೆಕಾ ದಾಣ್ಗಾನಾ ಆಸಕ್ಹು ರ‍್ಹೈನೆಕಾ ಹುಟ್ಟಲ ನ್ಹವೈ. ತೆ ಇವ್ನೆ ಕ್ಹುದಾಕ್ಹುಜ ಹುಟ್ಟಲ ವ್ಹೈ.

ಯೊಹಾನ 3:3

ಯೆಸು"ಮಿ ತುನೆ ಕ್ಹರಿಜ ಕೌಸ. ಯಕ್ಲೊ ನವೊ ಥೈನ ಹುಟ್ಟುಜ. ಯಕ್ಲೊ ನವೊ ಥೈನ ನೈ ಹುಟ್ಯೊಮ ತೆ ಕ್ಹುದಾನಿ ರಾಜ್ಯ ನೈ ದೆಕತೊ "ಕೈನ ಉತ್ತರ ದಿದ್ಯೊ.

ಯೊಹಾನ 3:4

ನಿಕೊದೆಮ"ಮನಕ್ಹೊ ಗಡಿಯೊ ಥಯಲ್ಪರ ಹುಟ್ಟಾನು ಕಿಮ್ಮ? ಯಕ್ಲೊ ತಿನಿ ಯಾನಾ ಪೆಟ್ಮಾ ವರಿಯಕ್ಕೆಮ ಜಾ಼ವಾನೆ ಸಾಧ್ಯ ಛೆಸು? ಕೈನ ಪುಚ್ಚೊ.

ಅಪೊಸ್ತಲೊ 2:38

ಪೆತ್ರಾ ತ್ಯುನೊನೆ"ತುಮೊಮಾನೊ ಹರಯಕ್ಲೊ ತುಮಾರಾ ಪಾಪೊನಾ ಹುತಿ ಪಶ್ಚಾತಾಪ ಪಡಿನ ಕ್ಹುದಾನಾ ಬಗಲ ಫರೊ ಯೆಸು ಕ್ರಿಸ್ತನಾ ನಾಮಮಾ ಬಾಪ್ತಿಸ್ಮ ಕರೈಲಿವೊ. ತೆಳಾಮಾ ಕ್ಹುದಾ ತುಮಾರಾ ಪಾಪೊ ಮಾಫ ಕರಸ. ತೆನೈಸೊ ಕ್ಹುದಾ ವಾಗ್ದಾನ ಕರಲ ಪವಿತ್ರ ಆತ್ಮಾನೆ ವ್ಹಂದಿಲಿವೊಶಿ.

ಅಪೊಸ್ತಲೊ 3:19

ತಿನಾಹುತಿ ತುಮೆ ತುಮಾರಾ ಪಾಪೊನಾ ಹುತಿ ಪಶ್ಚಾತ್ತಾಪ ಪಡಿನ ಕ್ಹುದಾ ಬಗಲ ಫರೊ. ತೆಳಾಮಾ ತೆ ತುಮಾರಾ ಪಾಪೊ ಮಾಫ ಕರಸ.

ರೊಮಾಪೂರ 14:17

ತೆ ನೈಸು ಕ್ಹುದಾನಿ ರಾಜ್ಯಮಾ ಖಾವಾನು ರ‍್ಹೈನೆಕಾ ಪಿವಾನು ರ‍್ಹೈನೆಕಾ ಖಾಸ ನ್ಹವೈ. ನಿತಿ ಸಮಾಧಾನ ಪವಿತ್ರ ಆತ್ಮಾನು ಥಾವಾನಿ ಖುಶಿ ತ್ಯಾ ಖಾಸ ವ್ಹೈ.

ರೊಮಾಪೂರ 8:2

ಕಾಕದ್ಯಾಮ ಯೆಸು ಕ್ರಿಸ್ತಮಾ ಜ಼ಲಮ ದಿವಾನಿ ಆತ್ಮಾನಿ ನಿಲಯ ಮನೆ ಮೌತನೆ ಲಿನ ಜಾ಼ವಾನಾ ಪಾಪನಾ ನಿಯಮಕ್ಹು ಮನೆ ಸ್ವತಂತ್ರ ಕರ‍್ಯುಸ.

1 ಕೊರಿಂಥ 15:50

ಮಯಾನಾ ಭಾಯೊ ಭೆನೊ, ಮಿ ಕವಾನು ಸುವ್ಹೈ ಕದ್ಯಾಮ, ಹಾಳ ಥಾವಾನು ಅಂಗ ಕ್ಹುದಾನಿ ರಾಜ್ಯನೆ ವಶಮಾ ನೈ ಕರಸಕ್ತು; ತಿನಾನ ಲಿಂಗತಜ಼, ಹಾಳ ಥೈನ ಜಾ಼ವಾನು ಅಮರತ್ವನೆ ಬಾದ್ಯ ಥಾವಾನೆ ಸಾಧ್ಯಾ ನತ್ತಿ.

1 ಕೊರಿಂಥ 2:12

ಅಪೆ ವ್ಹಂದಿಲಿದಲ ಕ್ಹುದಾಕ್ಹು ಆಯಲ ಪವಿತ್ರ ಆತ್ಮಾನೆಜ಼ ವ್ಹೈ ತೆನೈಸೊ ದುನಿಯಾನಾ ಹುತಿ ರ‍್ಹಯಲ ಆತ್ಮಾ ನ್ಹವ್ಹೈ. ಕ್ಹುದಾ ಅಪೊನೆ ಫ್ರಿಮಾ ದಿದಲ ತಿಳ್ದಿಲಿವಾನಾ ಹುತಿ ಅಪೆ ತಿನೆ ವ್ಹಂದಿಲಿದ್ಯಾ.

1 ಕೊರಿಂಥ 6:11

ಪೈಲಾ ತುಮೊಮಾನಾ ದಕ್ಹಾ ಜ಼ನಾ ತ್ಯವಾ ಥಯಾಸ. ತೆನೈಸೊ ತೆಳಾಮಾ ಯೆಸು ಕ್ರಿಸ್ತನಾ ನಾಮಮಾ ವರಿ ಕ್ಹುದಾನಿ ಆತ್ಮಾಮಾ ತುಮೆ ಶುದ್ಧ ಥಯಾಸ, ನಿತಿವಂತ ಥಯಾಸ ವರಿ ಕ್ಹುದಾನಾ ಕ್ಹಾತೆ ಚೊ಼ಕಿ ಸಂಬಂಧ ಹೊಂದಿಲಿದ್ಯಾಸ.

ಗಲಾತ್ಯ 6:15

ಕಾಕದ್ಯಾಮ ಯಕ್ಲಾನೆ ಸುನ್ನಿತಿ ಥೈಸು ಸುನ್ನಿತಿ ಥೈ ನತ್ತಿಸು ಕವಾನು ಮ್ಹೊಟು ನ್ಹ ವ್ಹೈ. ವರಿಬಿ ನೈ ಸ್ರಷ್ಠಿ ಥಾವಾನು ಮ್ಹೊಟು ವ್ಹೈ.

ಎಫೆಸ 5:26

ಕ್ರಿಸ್ತ ಸಭೆನೆ ಪರಿಶುದ್ಧ ಕರಾನಾ ಹುತಿ ಜ಼ಲಮ ದಿದ್ಯೊ. ಸುವಾರ್ತೆ ಕವಾನಾ ಮುಲಕ ಪಾನಿಕ್ಹು ಧ್ವಯಿನ ತೆ ಸಭೆನೆ ಪರಿಶುದ್ಧ ಕರ‍್ಯೊ.

1 ಪೆತ್ರಾ 1:2

ಕ್ಹುದಾ ತುಮೊನೆ ಪರಿಶುದ್ಧ ಕರಾನಾ ಹುತಿ ಘನ್ನಾ ದಿನ್ನ ಪಾಚೊ಼ ವಿಚಾರ ಕರಲಿದ್ಯೊತೊ. ತುಮೊನೆ ಪರಿಶುದ್ದ ಕರಾನೆ ಪರಿಶುದ್ದ ಆತ್ಮಾನು ತುಮೆ ಯೆಸು ಕ್ರಿಸ್ತನಾ ರಗತಕ್ಹು ಪರಿಶುದ್ದ ಥೈನ ತಿನೆ ವಧೆಯ ಥೌ ಕೈನ ಕ್ಹುದಾನಿ ವಿಚಾರ ವ್ಹತಿ. ಮರ್ಗಾ ವರಿ ಶಾಂತಿ ತುಮೊನೆ ಜಾಸ್ತಿ ಥಾವಾದೆ.

1 ಪೆತ್ರಾ 3:21

ತೆ ಪಾನಿ ಹಮ್ನಾ ತುಮೊನೆ ವಚಾ಼ಡಾನು ರ‍್ಹಯಲ ತೆ ದಿಕ್ಕಷಾಸ್ನಾನ ರ‍್ಹಯಲ ಲಿಂಗತ ಛೆ. ಬಾಪ್ತಿಸ್ಮ ಅಂಗನಿ ರಾಡಿ ಧ್ವಯಲ ಲಿಂಗತ ನ್ಹವೈ. ತೆ ಚೊ಼ಕಿ ಮನಸ ಸಾಕ್ಷಿ ಚಾ಼ಯೆ ಕೈನ ಮಾಂಗಿಲಿದಲ ಲಿಂಗತ ಛೆ. ಯೆಸು ಕ್ರಿಸ್ತ ಮರಣಕ್ಹು ಉಟಿನ ಆಯಲಕ್ಹು ತೆ ತುಮೊನೆ ವಚಾ಼ಡಸ್.

1 ಯೊಹಾನ 2:29

ಕ್ರಿಸ್ತ ನಿತಿವಂತವಾಲೊ ವ್ಹೈ ಕವಾನು ತುಮೊನೆ ಗ್ವತ್ತ ಛೆ. ತಿನಾಹುತಿ ಚೊ಼ಕು ಕರಾಲಾ ಮನಕ್ಹೊ ಕ್ಹುದಾನಾ ಬಚ್ಚಾ಼ ವ್ಹೈ ಕವಾನು ತುಮೊನೆ ಗ್ವತ್ತ ಛೆ.

1 ಯೊಹಾನ 5:1

ಯೆಸು ಕ್ರಿಸ್ತ ವ್ಹೈ ಕೈನ ಬರೊಕ್ಹೊ ಕರಾಲೊ ಹರಯಕ್ಲೊ ಕ್ಹುದಾಕ್ಹು ಹುಟ್ಟಲವಾಲೊ ವ್ಹೈ, ಕುನ್ನ ಹುಟ್ಸಯಲ ಬಾಪನೆ ಮಯಾ ಕರಸ ತೆ ತಿನಾ ಬಾಪಕ್ಹು ಹುಟ್ಟಲವಾಲಾ ಹರಯಕ್ಲಾನೆ ಮಯಾ ಕರಸ.