ಯೊಹಾನ 3:26 - ಕ್ಹುದಾನಿ ಕ್ಹರಿನಿ ವಾಕ್ಯಾ

²⁶ ತಿನಾಹುತಿ ಶಿಷ್ಯಾ ಯೊಹಾನ ಕನ ಐನ"ಗುರು, ತುನೆ ಶೆ ಛೆಸು? ತೆ ಮನಕ್ಹ ಯೊರ್ದನನಿ ಪುರ್ವ ದಿಕ್ಮಾ ತಾರಾ ಕ್ಹಾತೆ ವ್ಹತ್ತೊ ವರಿ ತು ತಿನಾ ಹುತಿ ಕದ್ಯೊತೊತೊ? ತೆ ಮನಕ್ಹೊನೆ ಬಾಪ್ತಿಸ್ಮ ದಿಲಾವಾಡ್ಯೊಸ. ಘನ್ನಾ ಮನಕ್ಹೊ ತಿಕನ ಚಾ಼ಲ್ಯಾಸ "ಕೈನ ಕದ್ಯಾ.

ಯೊಹಾನ 3:26 ပူးပေါင်းရင်းမြစ်များ

ಮತ್ತಾಯ 23:7

ವಾನಿವಾಯೊಮಾ ರಸ್ತಾವೊಪರ ಪಗೆ ಪಡೈಲಿವಾನು ಮನಕ್ಹೊನಾ ಹತೆ ಗುರುವೊ ಕೈನ ಕವೈಲಿವಾನು; ಹೌ ಕ್ಹಾರುಜ಼ ತ್ಯುನೊನೆ ಪಸಂದ ವ್ಹೈ.

ಮತ್ತಾಯ 23:8

ವರಿಬಿ ತುಮೆ ಭೊದಕೊ ಕೈನ ಕವೈಲಿವೊ ನಕೊ; ಕಾ ಕದ್ಯಾಮ ಕ್ರಿಸ್ತ ಯಕ್ಕಲೊಜ಼ ತುಮಾರೊ ಭೊದಕ ವ್ಹೈ. ವರಿ ತುಮೆ ಕ್ಹಾರಾ ಭಾಯೊಜ಼ ವ್ಹೈ.

ಯೊಹಾನ 1:15

ಯೊಹಾನ ತಿನಾಹುತಿ ಸಾಕ್ಷಿ ದಿನ್ನ ವರಿ ವದ್ರಿನ ಕದ್ಯೊ" ಎ ತೆಜ಼ ವ್ಹೈ ಕಿನಾಹುತಿ ಮಿ ಕದ್ಯೊ, ತೆ ಮಪರ್ತೊ ಆವಸ, ಮುಪರತೊ ಆವಾಲೊ ಯಕ್ಲೊ ಮುತ್ತಿ ಮ್ಹೊಟೊ ವ್ಹೈ. ತೆ ಮಿ ಹುಟ್ಟಾತಿ ಪೈಲಾಜ ಕಾಕದ್ಯಾಮ ತೆ ಅಸ್ತಿತ್ವಮಾ ವ್ಹತ್ತೊ.

ಯೊಹಾನ 1:7

ಯೊಹಾನ ಉಜಾಲಾನಾ ಹುತಿ ಮನಕ್ಹೊಕನ ಆಯೊ. ತಿನಾ ಮುಕಾಂತರ ಕ್ಹಾರಾ ಮನಕ್ಹೊ ತೆ ಸಂದೆಶ ಐಕಿನ ತಿನೆ ನಂಬು ಕೈನ ಆಯೊ.

ಯೊಹಾನ 1:9

ಕ್ಹರಿನು ಉಜಾಲು ವ್ಹತ್ತು. ಎ ದುನಿಯಾಮಾ ಆವಾನು ವ್ಹತ್ತು. ತೆಜ಼ ಕ್ಹರಿನು ಉಜಾಲು ಕ್ಹಾರಾ ಮನಕ್ಹೊ ಪರ ಚಮಕಸ.

ಯೊಹಾನ 11:48

ಎ ಕಾಮೊ ಕರಾನೆ ಹಮೆ ತಿನೆ ಮೌಕೊ ದಿದ್ಯಾಮ ಮನಕ್ಹೊ ಕ್ಹಾರಾ ಇನಾ ಉಪ್ಪರ ಬರೊಕ್ಹೊ ಕರಸ. ತೆಳಾಮಾ ರೊಮನಾ ರಾಜ್ಯವಾಲಾ ಐನ ಅಪ್ನಾ ದೆವಾಲಯನೆ ಅಪ್ನಾ ದೆಶನೆ ಹಾಳ ಕರಸ" ಕದ್ಯಾ.

ಯೊಹಾನ 12:19

ತಿನಾಹುತಿ ಫರಿಸಾಯರೊ ಕದ್ಯಾ "ದೆಕೊ! ಅಪ್ನಿ ವಿಚಾರ ಉಪಯೊಗ ನೈಸೊ ಥೈ. ಮನಕ್ಹೊ ತಿನೆಜ ಹಿಂಬಾಲಕೊ ಥಾವಾಡ್ಯಾಸ" ಕೈನ ಯಕ್ಕನೆ ಯಕ್ಲಾ ಬೊಲಿಲಿದ್ಯಾ.

ಯೊಹಾನ 3:2

ಯಕ್ಕ ರಾತೆ ನಿಕೊದೆಮ ಯೆಸುಕನ ಆಯೊ. ನಿಕೊದೆಮ"ಗುರು, ತು ಕ್ಹುದಾ ವಳಾಯಲ ಮಾಸ್ತರ ವ್ಹೈ ಕೈನ ಮನೆ ಗ್ವತ್ತ ಛೆ. ತು ಕರಾನಾ ಆ ತರಾನಾ ಅದ್ಭುತೊ ಕ್ಹುದಾನೊ ಆಸ್ರೊವಾಚಿ ಕುನ್ನಜ ನೈ ಕರತು "ಕೈನ ಕದ್ಯೊ.

ಯೊಹಾನ 4:1

ತೆ ಯೊಹಾನತಿಬಿ ಹೆಚ್ಕಿ ಶಿಷ್ಯಾ ಕರಲಿನ ತ್ಯುನೊನೆ ಬಾಪ್ತಿಸ್ಮ ಕರಾವಾಡ್ಯೊಸ ಕೈನ ಕವಾನಿ ಸುದ್ದಿ ಫರಿಸಾಯರೊನೆ ಗ್ವತ್ತ ಥಯುಸ ಕೈನ ಯೆಸುನೆ ಗ್ವತ್ತ ಥಯು.

ಯೊಹಾನ 4:2

ಕ್ಹರಿಮಾಜ಼ ಮನಕ್ಹೊನೆ ಬಾಪ್ತಿಸ್ಮ ದಿಲಾಯಲ ಯೆಸು ನ್ಹವೈ. ತಿನಾ ಶಿಷ್ಯಾಜ಼ ದಿಲಾಯಾ.

ಯೊಹಾನ 4:31

ತೆಕ್ಲಾಮಾಜ಼ ಯೆಸುನಾ ಶಿಷ್ಯಾ "ಗುರು, ಅನ್ನ ಖಾ ಕೈನ ತಿನೆ ಘನ್ನಾ ಕದ್ಯಾ.

ಯೊಹಾನ 5:33

"ತುಮೆ ಯೊಹಾನ ಕನ ಸಂದೆಶ ಕವಾಲಾವೊನೆ ಮೊಕ್ಲ್ಯಾ. ತೆ ತುಮೊನೆ ಕ್ಹರಿನಾ ಹುತಿ ಸಾಕ್ಷಿ ದಿದ್ಯೊಸ.