ಯೊಹಾನ 3:2 - ಕ್ಹುದಾನಿ ಕ್ಹರಿನಿ ವಾಕ್ಯಾ

² ಯಕ್ಕ ರಾತೆ ನಿಕೊದೆಮ ಯೆಸುಕನ ಆಯೊ. ನಿಕೊದೆಮ"ಗುರು, ತು ಕ್ಹುದಾ ವಳಾಯಲ ಮಾಸ್ತರ ವ್ಹೈ ಕೈನ ಮನೆ ಗ್ವತ್ತ ಛೆ. ತು ಕರಾನಾ ಆ ತರಾನಾ ಅದ್ಭುತೊ ಕ್ಹುದಾನೊ ಆಸ್ರೊವಾಚಿ ಕುನ್ನಜ ನೈ ಕರತು "ಕೈನ ಕದ್ಯೊ.

ಯೊಹಾನ 3:2 ပူးပေါင်းရင်းမြစ်များ

ಮತ್ತಾಯ 22:16

ತಿಕನ ತ್ಯುನಾ ಶಿಷ್ಯಾವೊಎ ಯಹುದ್ದಿಯೊನಾ ಕ್ಹಾತೆ ಮಳೈನ ಮೊಕಲ್ಯಾ. ತ್ಯುನೆ ಯೆಸುನೆ, ಗುರು, ತು ಕ್ಹರಿನೊ ವ್ಹೈ ಕ್ಹುದಾನಿ ವಾಟ ದೆಕಾಡಾಲೊ ವ್ಹೈ, ಕಿನೆಜ಼ ಭುಚಕ್ತೊ ನೈ; ತು ಮನಕ್ಹೊನಾ ಮ್ಹೊಡಾ ದೆಕಿನ ಬೊಲಾಲೊ ನ್ಹವೈ ಕೈ ಹಮೊನೆ ಗ್ವತ್ತ ಛೆ.

ಮತ್ತಾಯ 23:7

ವಾನಿವಾಯೊಮಾ ರಸ್ತಾವೊಪರ ಪಗೆ ಪಡೈಲಿವಾನು ಮನಕ್ಹೊನಾ ಹತೆ ಗುರುವೊ ಕೈನ ಕವೈಲಿವಾನು; ಹೌ ಕ್ಹಾರುಜ಼ ತ್ಯುನೊನೆ ಪಸಂದ ವ್ಹೈ.

ಮತ್ತಾಯ 23:8

ವರಿಬಿ ತುಮೆ ಭೊದಕೊ ಕೈನ ಕವೈಲಿವೊ ನಕೊ; ಕಾ ಕದ್ಯಾಮ ಕ್ರಿಸ್ತ ಯಕ್ಕಲೊಜ಼ ತುಮಾರೊ ಭೊದಕ ವ್ಹೈ. ವರಿ ತುಮೆ ಕ್ಹಾರಾ ಭಾಯೊಜ಼ ವ್ಹೈ.

ಮಾರ್ಕ 12:14

ಇವ್ನೆ ಐನ ಭೊದಕ, ತು ಕ್ಹರಿನೊಜ಼ ವ್ಹೈ. ಕಿನೆಜ಼಼ ಭುಚ಼ಕಾಲೊ ನ್ಹವೈ; ತು ಮನಕ್ಹೊನಾ ಮ್ಹೊಡಾ ದೆಕ್ಯಾವಾಚಿ ಬೊಲಾಲೊ ವ್ಹೈ ವರಿ ಕ್ಹುದಾನಿ ವಾಟ ಕ್ಹರಿಮಾಜ಼ ದೆಕಾಡಾಲೊ ವ್ಹೈ ಕೈನ ಹಮೆ ತಿಳದಿಲಿದ್ಯಾಸ ರೊಮನನಾ ಚಕ್ರವರ್ತಿನೆ ಅಪೆ ಭುಭಾಡೊ ದಿವಾನು ಅಪ್ನಾ ನಿಯಮನಾ ವಿರುದ್ದ ವ್ಹೈ ಅಪೆ ದ್ಯುಸು ನೈ.

ಯೊಹಾನ 1:38

ಯೆಸು ಪಾಚೊ಼ ಫರಿನ ದೆಕ್ಯೊ ತ್ಯುನೆ ಪಾಚಾ಼ ಆವಾನು ದೆಕಿನ ತುಮೊನೆ ಸು ಚಾ಼ಯೆ? ಕೈನ ಪುಚ್ಯೊ. ತೆ ಬೆ ಜ಼ನಾ, ತಿನೆ ಉತ್ತರ ದಿದ್ಯಾ" ರಬ್ಬಿ, ತು ಕಿಜ್ಗಾ ರ‍್ಹಯೊಸ? ಕೈನ ಪುಚ್ಯಾ. ರಬ್ಬಿ" ಕದ್ಯಾಮ" ಗುರು" ಇನೊ ಮತ್ಲಬ ವ್ಹೈ.

ಯೊಹಾನ 10:38

ತೆನೈಸೊ ಮಿ ತಿಮ್ಮ ಕರಾನು ರ‍್ಹಯುಮ ತಿಮ್ಮ ರ‍್ಹಯುತಬಿ ತುಮೆ ಮನೆ ನಂಬಾಡ್ಯಾ ನತ್ತಿ. ಅದ್ಭುತನೆ ನಂಬೊ ಇಮ್ಮ ಬಾ ಬಿ ಮಾರಾಮಾ ಛೆ ವರಿ ಮಿ ತಿಮಾ ಛೆ ಕೈನ ತುಮೊನೆ ಗ್ವತ್ತ ಥಾವಸ.

ಯೊಹಾನ 12:37

ಯೆಸು ಘನ್ನಾ ಮ್ಹೊಟಾ ಕಾಮೊ ಕರ‍್ಯೊ. ಮನಕ್ಹೊ ತೆ ಕಾಮೊ ಕ್ಹಾರಾ ದೆಕ್ಯಾತಬಿ ತಿಪರ ಬರೊಕ್ಹೊ ಮ್ಹೆಲ್ಯಾ ನೈ.

ಯೊಹಾನ 14:10

ಮಿ ಬಾ ಮಾ ಛೆ ವರಿ ಬಾ ಮಾರಾಮಾ ಛೆ ಕೈನ ತುಮೆ ಕ್ಹರಿಬಿ ಬರೊಕ್ಹೊ ನೈ ಕರ‍್ತಾ ಸು? ಮಿ ತುಮೊನೆ ಕವಾನಿ ಸಂಗತಿಯೊ ಮಾರಾಕ್ಹು ಆಯಲ ನ್ಹವೈ. ತೆನೈಸೊ ತೆ ಮಾರಾಮಾ ರ‍್ಹವಾನಾ ಬಾನಾ ವ್ಹೈ ವರಿ ತೆ ತಿನು ಕಾಮ ಕರಾಡ್ಯೊಸ.

ಯೊಹಾನ 15:24

ಯಕ್ಕೆಳೆ ಮಿ ತ್ಯುನಾ ವಚ್ಮಾ ತೆ ಕಾಮೊ ನೈ ಕರತೊ ವರಿ ತೆ ಕಾಮೊ ಕುನ್ನಜ಼ ನೈ ಕರಲ ರ‍್ಹವತ್ತೊ, ತ್ಯುನೆ ಪಾಪ ಕರಲವಾಲಾ ಥಾತಾ ನ್ಹೊತಾ. ಹಮ್ನಾ ತ್ಯುನೆ ಎ ದೆಕ್ಯಾಸ ರ‍್ಹೈತುಬಿ ತ್ಯುನೆ ಮನೆ ವರಿ ಮಾರಾ ಬಾನೆ ದ್ವೆಶ ಕರಸ.

ಯೊಹಾನ 2:11

ಕಾನಾ ಕವಾನಾ ಗಾಮ್ಮಾ ಯೆಸು ಕರಲ ಪೈಲಾನು ಅದ್ಭುತ ಕಾಮ ವ್ಹೈ. ತೆ ತಿನಿ ಮಹಿಮಾ ತ್ಯಾ ದೆಕಾಡಿನ ದಿದ್ಯೊ. ತಿನಾ ಶಿಷ್ಯಾ ತಿಪರ ಬರೊಕ್ಹೊ ಮ್ಹೆಲ್ಯಾ.

ಯೊಹಾನ 20:16

ಯೆಸು ತಿನೆ"ಮರಿಯಳ" ಕದ್ಯೊ. ಮರಿಯಳ ಯೆಸು ಕನ ಫರಿನ, ಇಬ್ರಿಯ ಭಾಶಾಮಾ "ರಬ್ಬುನಿ" ಕದಿ. ರಬ್ಬುನಿ ಕದ್ಯಾಮ "ಗುರು ವ್ಹೈ"

ಯೊಹಾನ 3:26

ತಿನಾಹುತಿ ಶಿಷ್ಯಾ ಯೊಹಾನ ಕನ ಐನ"ಗುರು, ತುನೆ ಶೆ ಛೆಸು? ತೆ ಮನಕ್ಹ ಯೊರ್ದನನಿ ಪುರ್ವ ದಿಕ್ಮಾ ತಾರಾ ಕ್ಹಾತೆ ವ್ಹತ್ತೊ ವರಿ ತು ತಿನಾ ಹುತಿ ಕದ್ಯೊತೊತೊ? ತೆ ಮನಕ್ಹೊನೆ ಬಾಪ್ತಿಸ್ಮ ದಿಲಾವಾಡ್ಯೊಸ. ಘನ್ನಾ ಮನಕ್ಹೊ ತಿಕನ ಚಾ಼ಲ್ಯಾಸ "ಕೈನ ಕದ್ಯಾ.

ಯೊಹಾನ 4:31

ತೆಕ್ಲಾಮಾಜ಼ ಯೆಸುನಾ ಶಿಷ್ಯಾ "ಗುರು, ಅನ್ನ ಖಾ ಕೈನ ತಿನೆ ಘನ್ನಾ ಕದ್ಯಾ.

ಯೊಹಾನ 5:36

ತೆನೈಸೊ ಮಾರಿ ಸಾಕ್ಷಿ ಯೊಹಾನತಿಬಿ ಮ್ಹೊಟಿ ಸಾಕ್ಷಿ ಛೆ. ಮಿ ಕರಾನಾ ಕಾಮೊಜ ಮಾರಿ ಸಾಕ್ಷಿಯೊ ಥಯೊಸ. ಬಾ ಮನೆ ದಿದಲ ಎ ಕಾಮೊಜ, ಬಾ ಮನೆ ವಳಾಯೊಸ ಕೈನ ದೆಕಾಡಸ.

ಯೊಹಾನ 6:2

ಘನ್ನಾ ಮನಕ್ಹೊ ಯೆಸುನಾ ಪಾಚಾ಼ ಗಯಾ. ಕಾಕದ್ಯಾಮ ತ್ಯುನೆ ಯೆಸುನಾ ಮುಲಕ ರೊಗಿಯೊನೆ ಅರಾಮ ಕರಾನು ಅದ್ಭುತ ದೆಕ್ಯಾತಾ.

ಯೊಹಾನ 7:31

ತೆನೈಸೊ ಗುಂಪಮಾನಾ ಘನ್ನಾ ಮನಕ್ಹೊನು ಯೆಸುಪರ ಬರೊಕ್ಹೊ ಮ್ಹೆಲ್ಯಾ. ವರಿ ಕದ್ಯಾ ತ್ಯುನೆ"ಕ್ರಿಸ್ತ ಆವಾಡ್ಯೊಸ ಕೈನ ಹಮೆ ದೆಕಾಡ್ಯಾಸ. ಕ್ರಿಸ್ತ ಆತಾಮಾ ಎ ಮನಕ್ಹ (ಯೆಸು) ಕರ‍ಲತಿಬಿ ಹೆಚ್ಕಿ ಸುಚಕ ಕಾಮೊ ಕರಾಲೊ ವ್ಹೈ ಸು? ನ್ಹವೈ! ತಿನಾಹುತಿ ಎಜ಼ ಕ್ರಿಸ್ತ ವಸೆ" ಕದ್ಯಾ.

ಯೊಹಾನ 9:16

ಫರಿಸಾಯರೊಮಾ ದಕ್ಹಾ ಜ಼ನಾ"ಎ ಮನಕ್ಹನೆ ಕ್ಹುದಾ ಕಂತೊ ಆಯಲವಾಲೊ ನ್ಹವ್ಯ. ಕಾಕದ್ಯಾಮ ಎ ಅರಾಮ ಕರಾನಾ ದಿನ್ನನೆ ಪಾಲನ ಕರ್ತೊ ನೈ "ಬಿಜಾ಼ ಮನಕ್ಹೊ"ಎ ಪಾಪಿ ರ‍್ಹಯೊಮ ಹವಾ ಅಧ್ಭುತ ಕಾಮೊ ಕಿಮ ಕರಸ? ಕದ್ಯಾ. ಇಮ್ಮ ತ್ಯುನೊ ತ್ಯುನೊಮಾ ವಾದ-ವಿವಾದ ಥಯು.

ಅಪೊಸ್ತಲೊ 10:38

ನಜರೆತನಾ ಯೆಸುನಾ ಹುತಿ ತುಮೊನೆ ಗ್ವತ್ತ ಛೆ. ಕ್ಹುದಾ ತಿನೆ ಪವಿತ್ರ ಆತ್ಮಾನೆ ತಾಕಾತನೆ ದಿವಾನಾ ಮುಲಕ ತಿನೆ ಅಭಿಶೆಕ ಕರ‍್ಯೊ. ತೆ ಕ್ಹಾರಿ ಜ಼ಗಾ ಮನಕ್ಹೊನೆ ಚೊ಼ಕು ವರಿ ಅರಾಮ ಕರ್ತೊ ಫರ‍್ಯೊ. ಭುತ್ಡಾವೊಕ್ಹು ತ್ರಾಸ ಖಾವಾಲಾವೊನೆ ಯೆಸು ಅರಾಮ ಕರ‍್ಯೊ. ಕ್ಹುದಾ ಯೆಸುನಾ ಕ್ಹಾತೆ ವ್ಹತ್ತೊ ಕವಾನು ತೆ ದೆಕಾಡಿನ ದಿದ್ಯು.

ಅಪೊಸ್ತಲೊ 2:22

ಇಸ್ರಾಯಲನಾ ಮನಕ್ಹೊ ಎ ವಾತೊ ಐಕೊ ಕ್ಹುದಾನಜರೆತನಾ ಯೆಸುನಾ ಮುಲಕ ಕರಲ ಮ್ಹೊಟಾ ಕಾಮೊ ವರಿ ಅದ್ಭುತ ಕಾಮೊನಾ ಮುಲಕ ತೆ ಚೊ಼ಕಿ ತರಾ ದೆಕಾಡಿನ ದಿದ್ಯೊಸ. ಎ ಸಂಗತಿಯೊ ತುಮೆ ಕ್ಹಾರಾ ಜ಼ನಾ ದೆಕ್ಯಾಸ. ತಿನಾಹುತಿ ಎ ಕ್ಹಾರು ಕ್ಹರಿಜ಼ ವ್ಹೈ ಕೈನ ತುಮೊನೆ ಗ್ವತ್ತ ಛೆ.

ಫಿಲಿಪ್ಪಿ 1:14

ತೆನೈಸೊ ಭಾಯೊಮ್ಮಾ ಘನ್ನಾ ಜ಼ನಾ ಮನೆ ಜೆಲಮಾತ್ತಾ ಕರ್ತಾಮ್ಮಾ ಭರೊಕ್ಹೊವಾಲಾ ಥೈನ ಕ್ಹುದಾನಿ ವಾಕ್ಯ ಭೆವಾಚಿ ಕವಾನಾಹುತಿ ಹಜ಼ು ಹೆಚಕ್ಗಿ ಧೈರ್ಯ ವ್ಹಂದಿಲಿದ್ಯಾಸ..