ಯೊಹಾನ 21:15 - ಕ್ಹುದಾನಿ ಕ್ಹರಿನಿ ವಾಕ್ಯಾ

¹⁵ ತ್ಯುನೆ ಖಾದಲ್ಪರ ಯೆಸು ಪೆತ್ರಾನೆ "ಯೊಹಾನನೊ ದಿಕ್ರಾ ಸಿಮೊನ, ನ್ಹ್ಯಾ ರ‍್ಹಯಲ ಇವ್ನೆ ಮನೆ ಮಯಾ ಕರಾತಿಬಿ ತು ಮನೆ ಜಾಸ್ತಿ ಮಯಾ ಕರಶಿ ಸು? ಕೈನ ಪುಚ್ಯೊ. ಪೆತ್ರಾ "ಹೊ ಪ್ರಭು ಮಿ ತುಪರ ಮಯಾ ಛೆ ಕವಾನು ಕದ್ಯೊ. ಯೆಸು ಪೆತ್ರಾನೆ "ಮಾರಾ ಬಕ್ರಾವೊನೆ ಚರಾ ಕೈನ ಕದ್ಯೊ.

ಯೊಹಾನ 21:15 ပူးပေါင်းရင်းမြစ်များ

ಮತ್ತಾಯ 10:37

ಬಾಪನಾ ಉಪ್ಪರ ರ‍್ಹವಾದೆ ಮಾನಾ ಉಪ್ಪರ ರ‍್ಹವಾದೆ ಮಾರಾ ಉಪ್ಪರ ಮ್ಹೆಲಾತಿ ಜಾಸ್ತ ಮಯಾ ಕರಾಲೊ ಮನೆ ಯೊಗ್ಯ ನತ್ತಿ; ದಿಕ್ರಾನಾ ಉಪ್ಪರ ರ‍್ಹವಾದೆ ದಿಕ್ರಿನಾ ಉಪ್ಪರ ರ‍್ಹವಾದೆ ಮಾರಾ ಉಪ್ಪರ ಮ್ಹೆಲಾತಿ ಜಾಸ್ತ ಮಯಾ ಕರಾಲೊ ಮನೆ ಯೊಗ್ಯ ನತ್ತಿ.

ಮತ್ತಾಯ 16:17

ಯೆಸು, ಯೊನನೊ ದಿಕ್ರೊ ಥಯಲ ಸಿಮೊನ, ತು ಧನ್ಯ ವ್ಹೈ. ಕಾಕದ್ಯಾಮ ಎ ಮನಕ್ಹಕಂತು ತುನೆ ಗೊತ್ತ ನತ್ತಿ ಥಯು, ಪರಲೊಕಮಾ ರ‍್ಹವಾಲೊ ಮಾರೊ ಬಾಜ಼ ಎ ಕ್ಹಾರು ತಿಳ್ಸಾಯೊಸ ಕೈನ ಕದ್ಯೊ.

ಮತ್ತಾಯ 18:10

ಆ ನ್ಹಾನಾವೊಮಾ ಯಕ್ಲೊಬಿ ರ‍ಹೈತಬಿ ತಪ್ಪ ಕರೆವಾಚಿ ದೆಕಿಲಿವೊ. ಕಾ ಕದ್ಯಮ ಪರೊಲೊಕಮಾ ರ‍್ಹವಾನಾ ದುತೊ ಮಾರಾ ಸ್ವರ್ಗನೊ ಬಾನೂ ಮ್ಹೊಡಾನೆ ದೆಕ್ತಾ ರ‍್ಹವಸತೊ ಕೈನ ತುಮೊನೆ ಕೌಸ.

ಮತ್ತಾಯ 26:33

ತೆನೈಸೊ ಪೆತ್ರಾ ತಿನೆ, ಕ್ಹಾರಾಜ಼ನಾ ಮಾರಾ ವಿಷಯಮಾ ಘಾಬ್ರಾಥೈನ ಪಾಚಾ ಸರಕ್ಯಾ ಮಿತೊ ಕೆಳಾಮಾಜ ಪಾಚೊ಼ ಸರಕ್ತೊ ನೈ ಕೈನ ಉತ್ತರ ದಿದ್ಯೊ.

ಮತ್ತಾಯ 26:35

ಪೆತ್ರಾ ತಿನೆ ಮಿ ತಾರಾ ಕ್ಹಾತೆ ಮರಣ ಆಯುತಬಿ ಮಿ ತುನೆ ಇನ್ಕಾರ್ತೊ ನೈ ಕೈನ ಕದ್ಯೊ.

ಮಾರ್ಕ 14:29

ಪೆತ್ರಾ ಯೆಸುನೆ - ಕ್ಹಾರಾ ತುನೆ ಛೊಡಿನ ಗಯಾತಬಿ ಮಿ ತುನೆ ಛೊಡಿನ ಜಾ಼ತೊನೈ.

ಲುಕ ಬರ್ದಲ ಸುವಾರ್ತಾ 12:32

"ನ್ಹಾನು ಮನಕ್ಹೊನು ಗುಂಪ ಭುಚ಼ಕೊ ನಕೊ, ತುಮೊನೆ ತೆ ರಾಜ್ಯ ದಿವಾನೆ ತುಮಾರಾ ಬಾನೆ ಆಸ ಛೆ.

ಲುಕ ಬರ್ದಲ ಸುವಾರ್ತಾ 22:32

ತಾರೊ ಬರೊಕ್ಹೊ ಕಮ ಥೌನೈ ಕೈನ ಮಿ ಪ್ರಾಥನಾ ಕರ‍್ಯೊ! ತು ಫರಿನ ಆಯಲ್ಪರ ತಾರಾ ಭಾಯೊನೆ ತು ತಾಕತ ಥೌ. ಕದ್ಯೊ.

ಯೊಹಾನ 1:42

ತೆ ಸಿಮೊನನೆ ಯೆಸುಕನ ಬಲೈ ಲಾಯೊ. ಯೆಸು ಸಿಮೊನನೆ ದೆಕಿನ"ಯೊಹಾನನೊ ದಿಕ್ರೊ ರ‍್ಹಯಲ ತಾರು ನಾಮ ಸಿಮೊನ ವ್ಹೈ. ತು ಕೆಫ ಕೈನ ಕವೈಲೆಸಿ" ಕೈನ ಕದ್ಯೊ. ಕೆಫ ಕದ್ಯಾಮ ಮ್ಹೊಟೊ ದಗ್ಡೊ ವ್ಹೈ.

ಯೊಹಾನ 13:37

ಪೆತ್ರಾ"ಪ್ರಭು, ಹಮ್ನಾ ಮಿ ತಾರಾ ಪಾಚೊ಼ ಆವಾನೆ ಕಾ ನೈ ಥಾತು? ಮಿ ತಾರಾ ಹುತಿ ಮರಾನೆಬಿ ತಯ್ಯಾರ ಛೆ" ಕೈನ ಕದ್ಯೊ.

ಯೊಹಾನ 16:27

ಹೊ, ಬಾಜ ಕ್ಹುದ್ದ ತುಮೊನೆ ಮಯಾ ಕರಸ. ತುಮೆ ಮನೆ ಕಯಾ ಕರಲ ಹುತಿ ವರಿ ಮಿ ಕ್ಹುದಾ ಕಂತೊ ಆಯೊಸ ಕೈನ ತುಮೆ ಬರೊಕ್ಹೊ ಕರಲ ಹುತಿ ತೆ ತುಮೊನೆ ಮಯಾ ಕರಸ.

ಯೊಹಾನ 21:12

ಯೆಸು ತ್ಯುನೊನೆ "ಐನ ಖಾವೊ" ಕೈನ ಕದ್ಯೊ. ಶಿಷ್ಯಾವೊಮಾನಾ ಯಕ್ಲೊಬಿ "ತು ಕುನ್ನ ವ್ಹೈ? ಕೈನ ತಿನೆ ಪುಚ್ಯಾ ನೈ. ತೆ ಪ್ರಭು ವ್ಹೈ ಕೈನ ತ್ಯುನೊನೆ ಗ್ವತ್ತ ವ್ಹತ್ತು.

ಯೊಹಾನ 21:7

ಯೆಸುನೊ ಮಯಾನೊ ಶಿಷ್ಯಾನೆ"ತೆ ಮನಕ್ಹನೆ ಪ್ರಭು, ಕೈನ ಕದ್ಯೊ. ತೆಳಾಮಾಜ಼ ಪೆತ್ರಾ ತಿನು ಅಂಗ್ಡು ಘಾಲ್ಲಿನ ಪಾನಿಮಾ ಉಡ್ಯೊ. ಪೆತ್ರಾ ಪೈಲಾಜ ತಿನು ಅಂಗ್ಡು ಕಾಡಿನ ಮ್ಹೆಲ್ಯೊತೊ.

ಯೊಹಾನ 8:42

ಯೆಸು ತೆ ಯಹುದಿಯೊನೆ"ಕ್ಹುದಾ ಕ್ಹರಿಮಾಜ಼ ತುಮಾರೊ ಬಾ ರ‍್ಹಯೊಮ, ತುಮೆ ಮನೆ ಮಯಾ ಕರ್ತಾತಾ. ಕಾಕದ್ಯಾಮ, ಮಿ ಕ್ಹುದಾ ಕಂತೊ ಆಯೊಸ ವರಿ ಮಿ ನ್ಹ್ಯಾ ಛೆ. ಮಿ ಆಯಲ ಮಾರು ಸ್ವಂತ ಅದಿಕಾರಕ್ಹು ನ್ಹವೈ. ಕ್ಹುದಾಜ ಮನೆ ಮೊಕ್ಲ್ಯೊಸ.

ಅಪೊಸ್ತಲೊ 20:28

ಕರ್ತಾ ತಿನಾ ಸ್ವಂತನು ರಗತಕ್ಹು ಕಮಾಯಲ ಕ್ಹುದಾನಿ ಸಬೆವಾಲಾ ಪಾಲನ ಕರಾನಾಹುತಿ ಪವಿತ್ರ ಆತ್ಮಾ ತುಮೊನೆ ಎ ಗುಂಪಮಾ ಸಭಾದಕ್ಷ ಕರಿನ ಮ್ಹೆಲಲ ಹುತಿ ತುಮಾರಾ ಹುತಿ, ಕ್ಹಾರಿ ಗುಂಪನಾ ಹುತಿ ಹುಷಾರಮಾ ರ‍್ಹವೊ.

ಅಪೊಸ್ತಲೊ 20:29

ಮಿ ಗಯಲ್ಪರ ಘನ್ನಾ ಕ್ರುರ ರ‍್ಹಯಲ ರಾನ್ನಾ ಕುತ್ರಾ ತುಮೊಮಾ ಆವಸ ಕೈನ ಮನೆ ಗ್ವತ್ತ ಛೆ; ತೆ ಹಿಂಡನೆ ಮರಗತಾ ನೈ.

ರೊಮಾಪೂರ 14:1

ಬರೊಕ್ಹಾಮಾ ಕಮ್ಜೊ಼ರ ರ‍್ಹಯಲ ಮನಕ್ಹನೆ ತುಮಾರಾ ಕ್ಹಾತೆ ಮಳೈ ಲಿವೊ ತಿವ್ನಾ ಸ್ವಂತ ವಿಷಯಮಾ ತಿನಾ ಕ್ಹಾತೆ ವಾಗ್ವಾದ ಕರೊ ನಕೊ.

ರೊಮಾಪೂರ 15:1

ತಿನಾಹುತಿ ಬರೊಕ್ಹಾಮಾ ಕಮಿ ರ‍್ಹಯಲ ವಾಲಾವೊನೆ ಕಮಜೊ಼ರ ರ‍್ಹಯಲ ಮನಕ್ಹೊನೆ ಅಪೆ ತಡ್ದಿಲ್ಯು. ಅಪೆ ಕ್ಹಾಲಿ ಅಪ್ನು ಯಕ್ಕಜ಼ ಚೊ಼ಕು ದೆಕಿಲ್ಯು ನೈ.

1 ಕೊರಿಂಥ 8:11

ಎ ತಾರಾ ಗ್ಯಾನಕ್ಹು ಕಮಜೊ಼ರ ರ‍್ಹಯಲ ಭೈ ನಾಶನೆ ಗುರಿ ಥಾವಸ. ಯೆಸು ಕ್ರಿಸ್ತ ತಿನಾಹುತಿಬಿ ಜ಼ಲಮ ದಿದ್ಯೊ ನೈ ಸು?

ಗಲಾತ್ಯ 5:6

ಯಕ್ಲೊ ಕ್ರಿಸ್ತ ಯೆಸುಮಾ ರ‍್ಹತಾಮಾ ಸುನ್ನತಿ ಥೈಸು ನತ್ತಿ ಕೈನ ಕವಾನು ಖಾಸ ನ್ಹವೈ. ಖಾಸ ಸುವೈ ಕದ್ಯಾಮ ಮಯಾಕ್ಹು ಕರಾನೊ ಬರೊಕ್ಹೊ.

ಎಫೆಸ 4:14

ತಿನಾಹುತಿ ಅಪೆ ಹಮ್ನಾತಾ ಬಚ್ಚಾ಼ ಥೈನ ರ‍್ಹೌ ನೈ. ಸಮುಂದರನಿ ಧಡ್ಕಿಯೊ ಹೈತಿ ಜಾ಼ವಾನಾ ಹಡ್ಗೊ ಲಿಂಗತ ಗಲಿ ಬಿಲಿ ಥೌ ನೈ. ಅಪೊನೆ ಮೊಸ ಕರಾನೆ ಮನಕ್ಹೊ ಕವಾನಾ ಕಯಾಜ಼ ನವಾ ಉಪದೆಶೊಕ್ಹು ಅಪೆ ಕಳವಳ ಥೌ ನೈ. ಮನಕ್ಹೊನೆ ಮೊಸ ಕರಿನ ಕೆಟ್ಟ ವಾಟಮಾ ಚ಼ಲೌ ಕವಾನಿ ಉದ್ದೆಶಕ್ಹು ತೆ ಕೆಟ್ಟ ಬೊದಕೊ ಬಿಜಾ಼-ಬಿಜಾ಼ ತರಾನಾ ವಿಚಾರೊ ಕರಸ.

ಎಫೆಸ 6:24

ಅಪ್ನೊ ಪ್ರಭು ಥಯಲ ಯೆಸು ಕ್ರಿಸ್ತನೆ ಹಮೆಶಾನಿ ಮಯಾಕ್ಹು ಮಯಾ ಕರಾಲಾ ತುಮೊಪರ ಕ್ಹುದಾನಿ ಕೃಪಾ ಹಮೆಶಾಬಿ ರ‍್ಹವಾದೆ.

ಇಬ್ರಿಯ 13:20

ಹಮೆಶಾ ರ‍್ಹಯಲ ವಡಂಬಡಿಕೆನೆ, ರಗತಕ್ಹು ಪುರಾ ಕರಾನಾ ಹುತಿ, ಸಭೆ ಕವಾನು ಹಿಂಡನೆ ಮ್ಹೊಟೊ ಪಾಲಕ ಥಯಲ ಅಪ್ನೊ ಕರ್ತಾ ಥಯಲ ಯೆಸುನೆ ಮರಲವಾಲಾಮಾತೊ ಆವಾಲಗಾಡ್ಯಲ, ಶಾಂತಿದಾಯಕ ಥಯಲ ಕ್ಹುದಾ,

ಇಬ್ರಿಯ 4:13

ಅಪೆ ಕಿನೆ ಲೆಕ್ಕೊ ವಪ್ಸಾನು ಛೆ, ತಿನಾ ಡೊಳೆ ಸುಜ಼ ಝಕಾಯಲ ನತ್ತಿ. ತಿನೆ ಕ್ಹಾರುಜ಼ ದಿಕ್ಹಸ. ತಿನೆ ಕ್ಹಾರು ಗೊತ್ತ ಛೆ ಅಪೆ ಅಪ್ನಾ ಜಿವಿತನಾ ಹುತಿ ಲೆಕ್ಕೊ ದಿವಾನು ತಿನೆ ಯಕ್ಲಾನೆಜ಼ ವ್ಹೈ.

1 ಪೆತ್ರಾ 1:8

ತುಮೆ ಕ್ರಿಸ್ತನೆ ನೈ ದೆಕ್ಯಾತಬಿ ತುಮೆ ತಿನೆ ಮಯಾ ಕರೊಶಿ. ಹಮ್ನಾ ತುಮೆ ತಿನೆ ನೈ ದೆಕ್ಯಾತಬಿ ತಿಪರ ಬರೊಕ್ಹೊ ಮ್ಹೆಲ್ಯಾಸ. ತುಮೊಮಾ ನೈ ಕವಾನಾ ಯಕ್ಕಲಿ ಖುಶಿ ಛೆ. ತೆ ಖುಶಿ ದೆಕಾಡಾನೆ ವ್ಹೈ.

1 ಪೆತ್ರಾ 2:2

ಹಮ್ನಾ ಹುಟ್ಟಲ ಬಚ್ಚಾ಼ವೊ ಲಿಂಗತ ರ‍್ಹವೊ. ತುಮಾರಿ ಆತ್ಮಾ ಜ಼ತ್ತನ ಕರಲ ಲಿಂಗತ ಶುದ್ಧ ದುದ್ದನೆ (ಕ್ಹುದಾನಿಯೊ ವಾತೊ) ಆಸ ಕರೊ. ತುಮೆ ತೆ ಪಿದ್ಯಾಮ ಬೆಳ್ದಿನ ರಕ್ಷಣೆ ವ್ಹಂದೊಶಿ

1 ಪೆತ್ರಾ 2:25

ತುಮೆ ವಾಟ ಚು಼ಕಲ ಬಕ್ರಾವೊ ಲಿಂಗತ ಛೆ. ವರಿಬಿ ತುಮಾರೊ ಕುರುಬುರ‍್ಯಾಕನ ಕದ್ಯಾಮ ತುಮಾರಿ ಆತ್ಮಾನೆ ವಚಾ಼ಡಾಲಾಕನ ಫರಿನ ಆಯಾಸ.

1 ಯೊಹಾನ 4:19

ಕ್ಹುದಾ ಪೈಲಾತೊಜ ಅಪನೊನೆ ಮಾಯಾ ಕರಲಕ್ಹು ಅಪೆ ತಿನಿ ಮಯಾ ಕರಿಯೆಸ.

1 ಯೊಹಾನ 5:1

ಯೆಸು ಕ್ರಿಸ್ತ ವ್ಹೈ ಕೈನ ಬರೊಕ್ಹೊ ಕರಾಲೊ ಹರಯಕ್ಲೊ ಕ್ಹುದಾಕ್ಹು ಹುಟ್ಟಲವಾಲೊ ವ್ಹೈ, ಕುನ್ನ ಹುಟ್ಸಯಲ ಬಾಪನೆ ಮಯಾ ಕರಸ ತೆ ತಿನಾ ಬಾಪಕ್ಹು ಹುಟ್ಟಲವಾಲಾ ಹರಯಕ್ಲಾನೆ ಮಯಾ ಕರಸ.

ಪ್ರಕಟನೆ 2:23

ಯಕ್ಲಾನೆ ತ್ಯುನಾ ತ್ಯುನಾ ಕಾಮೊನೆ ತಕ್ಕ ಪ್ರತಿಫಲ ದ್ಯುಸ.