ಯೊಹಾನ 20:26 - ಕ್ಹುದಾನಿ ಕ್ಹರಿನಿ ವಾಕ್ಯಾ

²⁶ ಯಕ್ಕ ಹಪ್ತೊ ಥಯಲಪರ ಕ್ಹಾರಾ ಶಿಷ್ಯಾ ಯಕ್ಕ ಘರಮಾ ಮಳ್ಯಾತಾ. ತೊಮಾ ತ್ಯುನ ಕ್ಹಾತೆ ವ್ಹತ್ತೊ. ಪುರಾ ಬಾಕಲೊ ಘಾಲ್ಯಾತಾ ತೆಳಾಮಾ ಯೆಸು ಐನ ತ್ಯುನಾ ವಚ್ಮಾ ಹುಬ್ರೈನ ತ್ಯುನೊನೆ ಶಾಂತಿ ತುಮೊಮಾ ರ‍್ಹವಾದೆ ಕೈನ ಕದ್ಯೊ.

ಯೊಹಾನ 20:26 ပူးပေါင်းရင်းမြစ်များ

ಮತ್ತಾಯ 17:1

ಛೆ ದಿನ್ನ ಥಯಲ್ಪರ, ಯೆಸು ಪೆತ್ರಾನೆ ಯಾಕೊಬನೆ ತಿನೊ ನ್ಹಾನೊ ಭೈ ಯೊಹಾನನೆ ಕುನ್ನಜ಼ ನೈರ‍್ಹಯಲ ಉಚ಼್ಚಾ ಡೊಂಗರಪರ ಬಲೈಲಿನ ಗಯೊ.

ಮಾರ್ಕ 16:14

ಲಾಸ್ಟೆ ತ್ಯುನೆ ಗ್ಯಾರಾ ಜ಼ನಾ ಶಿಷ್ಯಾ ಖಾವಾನೆ ಬೈಟಲ ಟೈಮಮಾ ತ್ಯುನೊನೆ ತೆ ದಿಖ್ಯೊ. ತೆ ಜಿವ್ತೊ ಥೈನ ಉಟಲ ದಿಕ್ಹಲ ವಾಲಾವೊನಿ ವಾತಪರ ನೈ ಬರೊಕ್ಹೊ ಕರಲಕ್ಹು ತ್ಯುನಿ ಯಕ್ಕ ಅಪನಂಬಿಕಿಕ್ಹು ತ್ಯುನಾ ಘಟ್ಟ ಥಯಲ ಮನಸೊನೆ ಭುಚ್ಕಾ಼ಡ್ಯೊ.

ಲುಕ ಬರ್ದಲ ಸುವಾರ್ತಾ 24:36

ತ್ಯುನೆ ಭಂಬಿಜ಼಼ನಾ ತೆ ಕ್ಹಾರು ಕತಾಮಾ, ತ್ಯುನಾ ವಚ಼ಮಾ ಯೆಸು ಐನ ತುಮೊನೆ ಚೊ಼ಕು ಥಾವಾದೆ ಕದ್ಯೊ.

ಲುಕ ಬರ್ದಲ ಸುವಾರ್ತಾ 9:28

ಎಕ್ಹಾರು ಕೈನ ಆಟದಿನ ಥಯಲ್ಪರ ಯೆಸು ಪೆತ್ರಾ ಯಾಕೊಬ ವರಿ ಯೊಹಾನನೆ ಬಲೈ ನಿಂಗೈನ ಪ್ರಾಥನಾ ಕರಾ ಹುತಿ ಡೊಂಗರಪರ ಗಯೊ.

ಯೊಹಾನ 11:16

ತೆಳಾಮಾ ಔಳಿ ಜೌಳಿ ಕವಾಲೊ ತೊಮ, ಆವೊ "ಅಪೆಬಿ ಗುರುನಾ ಕ್ಹಾತೆ ತ್ಯಾ ಗೈಯೆ ವರಿ ತಿನಾ ಕ್ಹಾತೆ ಮರಿಯೆ" ಕೈನ ಕದ್ಯೊ.

ಯೊಹಾನ 14:27

"ಮಿ ಶಾಂತಿ ದಿವ್ಸ. ಮಾರಿ ಶಾಂತಿ ತುಮೊನೆ ದಿವ್ಸ. ಮಿ ಎ ದುನಿಯಾ ದಿದಲಲಿಂಗತ ತುಮೊನೆ ದೆತೊ ನೈ. ತಿನಾಹುತಿ ತುಮಾರು ಮನಸೊ ಕಳವಳ ಥೌ ನೈ ವರಿ ತುಮೆ ಭುಚ಼ಕೊ ನಕೊ.

ಯೊಹಾನ 20:19

ತೆ ದಿನ್ನ ಐತ್ವಾರ ವ್ಹತ್ತೊ. ತೆ ದಿನ್ನಾ ಕ್ಹಾಂಜೆ ಶಿಷ್ಯಾ ಕುಡಿನ ವ್ಹತ್ತಾ. ಯೆಹುದಿಯೊನಾ ಅದಿಕಾರಿಯೊನೆ ಭುಚಿ಼ಕಿನ ಬಾಕಲೊ ಘಾಲ್ಲಿನ ಘರನಾ ಮ್ಹೈ ವ್ಹತ್ತಾ. ತೆಳಾಮಾ ಯೆಸು ತ್ಯುನಾ ವಚ್ಮಾ ಐನ ಹುಬ್ರೈನ ತ್ಯುನೊನೆ ಶಾಂತಿ ತುಮೊಮಾ ರ‍್ಹವಾದೆ ಕೈನ ಕದ್ಯೊ.

ಯೊಹಾನ 20:21

ಪಾಚಲ್ತೊ ಯೆಸು ವರಿ ಶಾಂತಿ ತುಮೊಮಾ ರ‍್ಹವಾದೆ ಬಾ ಮನೆ ಮೊಕಲ್ಯೊ. ತಿನಾ ಲಿಂಗತಜ ಮಿ ತುಮೊನೆ ಮೊಕಲಾಡೊಸ. ಕೈನ ಕದ್ಯೊ.

ಯೊಹಾನ 21:1

ತೆ ಥಯಲ್ಪರ, ವರಿ ಯಕ್ಕಸಲಾ ಯೆಸು ತಿನಾ ಶಿಷ್ಯಾವೊನೆ ತಿಬೆರಿಯಾ ಸಮುಂದರಕನ ದಿಕ್ಹ್ಯೊ. ತೆ ಅಮ ಥಯು;

ಯೊಹಾನ 21:14

ಯೆಸು ಪುನರುತ್ಥಾನ ಥಯಲ್ಪರ ತಿನಾ ಶಿಷ್ಯಾವೊನೆ ದಿಕ್ಹಲ ಎ ತನ್ವಾ ಸಲಾ ವ್ಹೈ.

ಅಪೊಸ್ತಲೊ 1:3

ಎ ತಿನಿ ಮೌತ ಥಯಲ್ಪರ ಥಯಲ ಸಂಗತಿಯೊ ವ್ಹೈ. ತೆ ಜಿವ್ತೊ ರ‍್ಹಯಲ ತೆ ಅಪೊಸ್ತಲೊನೆ ದೆಕಾಡಿನ ದಿದ್ಯೊ ವರಿ ತಿನಿ ತಾಕತಕ್ಹು ಘನ್ನಾ ಅದ್ಭುತ ಕಾಮೊ ಕರಾಕ್ಹು ತೆ ದೆಕಾಡಿನ ದಿದ್ಯೊ. ಯೆಸು ಜಿವ್ತೊ ಥೈನ ಉಟಿನ ಆಯಲ್ಪರ ಚಾ಼ಳಕ್ಹ ದಿನ್ನ ಲಕ್ಕಾ ಅಪೊಸ್ತಲೊ ತಿನೆ ಘನ್ನಿ ಸಲಾ ದೆಕ್ಯಾ. ಯೆಸು ಕ್ಹುದಾನಾ ರಾಜ್ಯನಾ ಹುತಿ ಅಪೊಸ್ತಲೊನಾ ಕ್ಹಾತೆ ಬೊಲ್ಯೊ.