ಯೊಹಾನ 18:33 - ಕ್ಹುದಾನಿ ಕ್ಹರಿನಿ ವಾಕ್ಯಾ

³³ ಪಾಚಲ್ತೊ ಪಿಲಾತನ, ಭವನಮಾ ಫರಿನ ಗೈನ, ಯೆಸುನೆ ಬಲೈನ"ತು ಯಹುದ್ಯೊನೊ ರಾಜೊ಼ ವ್ಹೈ ಸು? ಕೈನ ಪುಚ್ಚೊ.

ಯೊಹಾನ 18:33 ပူးပေါင်းရင်းမြစ်များ

ಮತ್ತಾಯ 27:11

ಯೆಸು ದೆಶಾದಿಪತಿನಾ ಕ್ಹಾಮೊ ಹುಬ್ರೆತಾಮಾ ದೆಶಾದಿಪತಿ ತಿನೆ ತು ಯಹುದ್ದಿಯೊನೊ ರಾಜೊ಼ ವ್ಹೈ ಸು?ಕೈನ ಪುಚ್ಯೊ. ಯೆಸು ತಿನೆ ತುಜ಼ ಕದ್ಯೊತೊ ಕೈನ ಕದ್ಯೊ.

ಮತ್ತಾಯ 27:27

ಪಿಲಾತನಾ ಸೈನಿಕೊ ಯೆಸುನೆ ರಾಜ್ಯ ಭವನಮಾ ಬಲೈ ಲಿನಗಯಾ. ಕ್ಹಾರಾ ಸೈನಿಕೊ ಯೆಸುನಾ ಸುತ್ತೆ ಹುಬ್ರಯಾತಾ.

ಮಾರ್ಕ 15:2

ಪಿಲಾತನ ತಿನೆ ತು ಯಹುದ್ಯೊನೊ ರಾಜೊ಼ ವ್ಹೈ ಕೈನ ಪುಚ಼ತಾಮಾ ಯೆಸು ತುಜ಼಼ ಕದ್ಯೊತೊ ಕೈನ ಜ಼ವಾಬ ದಿದ್ಯೊ.

ಲುಕ ಬರ್ದಲ ಸುವಾರ್ತಾ 23:2

ತ್ಯುನೆ ಯೆಸುಪರ ದೊಷ ಘಾಲಾನೆ ಶುರು ಕರ‍್ಯಾ ಆ ಮನಕ್ಹ ಹಮಾರಾ ಮನಕ್ಹೊನೆ ತಪ್ಪ ವಾಟಮಾ ನಿಂಜಾ಼ವಾನೆ ಕವಾಡ್ಯೊಸ. ಹಮೆ ಸಿಸರನೆ ಭುಭಾಡೊ ದಿವೊನಕೊ ಕೈನ ಎ ಕವಾಡ್ಯೊಸ. ತೆನೈಸೊ ಇನಾಕ್ಹು ಎಜ಼ ಕ್ರಿಸ್ತ ವ್ಹೈ ಕೈನ ಕೈಲಿವಾಡ್ಯೊಸ. ಇನಾಹುತಿ ಹಮೆ ಇನೆ ಧರಿನ ಲಾಯಾಸ.

ಯೊಹಾನ 1:49

ತೆಳಾಮಾ ನತಾನಿಯೆಲ ತಿನೆ"ಗುರು, ತುಜ಼಼ ಕ್ಹುದಾನೊ ದಿಕ್ರೊ ವ್ಹೈ. ತು ಇಸ್ರಾಯಲನೊ ರಾಜೊ಼ ವ್ಹೈ" ಕೈನ ಕದ್ಯೊ.

ಯೊಹಾನ 12:13

ಮನಕ್ಹೊ ಖಜುರನಾ ಗರಿಯೊ ಲಿನ ಯೆಸುನೆ ಮಳಾನೆ ಗಯಾ ವರಿ ಹೊಸನ್ನಾ ಕೈನ ಜೊ಼ರ ವದ್ರಾಡ್ಯಾ. ಧನ್ಯ ವ್ಹೈ ತೆ ಪ್ರಭುನಾ ನಾಮಪರ ಆವಾಡ್ಯೊಸ. ಧನ್ಯ ವ್ಹೈ ಇಸ್ರಾಯಲನೊ ರಾಜಾ಼ನೆ ಕ್ಹುದಾ ಆಶಿರ್ವಾದ ದಿವಾದೆ.

ಯೊಹಾನ 12:15

"ಸಿಯೊನಾನಾ ಮನಕ್ಹೊ, ಭುಚಕು ನಕೊ! ತುಮಾರೊ ರಾಜೊ಼ ಗದಡಾನಾ ಬಚ್ಚಾನಾಪರ ಬೈಟಿನ ಆವಾಡ್ಯೊಸ.

ಯೊಹಾನ 18:34

ಯೆಸು"ಎ ತಾರು ಸವಾಲ ವ್ಹೈ ಸು? ತೆನೈಸೊ ಮಾರಾ ಹುತಿ ಬಿಜಾ಼ ಮನಕ್ಹೊ ತುನೆ ತಿಳಸ್ಯಾ ಸು? ಕದ್ಯೊ.

ಯೊಹಾನ 18:37

ಪಿಲಾತನ"ತಿಮ್ಮ ರ‍್ಹಯುಮ ತು ರಾಜೊ಼ ವ್ಹೈ ಸು? ಕದ್ಯೊ. ಯೆಸು ತಿನೆ"ತುಜ಼಼ ಮನೆ ರಾಜೊ಼ ವ್ಹೈ ಕೈನ ಕವಾಡ್ಯೊಸ. ಮಿ ಮನಕ್ಹೊನೆ ಕ್ಹರಿ ಹುತಿ ಕವಾನೆ ಮಿ ಎ ದುನಿಯಾಮಾ ಹುಟ್ಯೊಸ. ಕ್ಹರಿಮಾ ರ‍್ಹಯಲ ಹರಿ ಯಕ್ಲೊ ಮಿ ಕದಲ ಐಕಸ ಕೈನ ಕದ್ಯೊ.

ಯೊಹಾನ 18:38

ಪಿಲಾತನ "ಕ್ಹರಿ ಕದ್ಯಾಮ ಸುವ್ಹೈ? ಕೈನ ಪುಚ್ಚಿನ ವರಿ ಯಹುದ್ಯೊಕನ ಭಾರೊ ಆಯೊ. ತೆ ಯಹುದಿಯೊನೆ"ಎ ಮನಕ್ಹಪರ ಅಪವಾದ ಘಾಲಾನೆ ಮನೆ ಸುಜ಼ ದಿಕ್ಹಾಡ್ಯು ನತ್ತಿ.

ಯೊಹಾನ 19:12

ಎ ಥಯಲ್ಪರ ಯೆಸುನೆ ಬಿಡುಗಡೆ ಕರಾನೆ ಪಿಲಾತನ ಕೊಶಿಶ ಕರ‍್ಯೊ. ತೆನೈಸೊ ಯೆಹುದಿಯೊ"ತಿನಾಕ್ಹು ತಿನೆ ರಾಜೊ಼ ವ್ಹೈ ಕೈನ ಕೈಲಿವಾನು ಕಯೊಬಿ ಮನಕ್ಹ ರ‍್ಹೈನಕಾ ಸಿಸರನೊ ವಿರೊಧಿ ವ್ಹೈ. ತಿನಾಹುತಿ ತು ಎ ಮನಕ್ಹನೆ ಬಿಡುಗಡೆ ಕರ‍್ಯೊಮ ತು ಸಿಸರನೊ ದೊಸ್ತ ನ್ಹವೈ ಕೈನ ತಿನೊ ಮತ್ಲಬ ವ್ಹೈ ಕೈನ ವದ್ರ್ಯಾ.

ಯೊಹಾನ 19:3

ಸೈನಿಕೊ ಹಗ್ಲೆಲ್ಲಾ ಯೆಸು ಕನ ಐನ"ಯಹುದ್ಯೊನಾ ರಾಜಾ಼ ತು ಘನ್ನಾ ಕಾಲ ಜಿವ್ತೊ ರ‍್ಹವಾದೆ" ಕೈನ ಕತಾ ತಿನಾ ಗಾಲೊಪರ ಮಾರ‍್ಯಾ.

ಯೊಹಾನ 19:4

ಪಿಲಾತನ ವರಿ ಭಾರೊ ಐನ, ಯಹುದಿಯೊನೆ"ದೆಕೊ ಮಿ ಯೆಸುನೆ ತುಮೊಕನ ಲಾವಾಡ್ಯೊಸ. ಮನೆ ತಿಮಾ ಕಯುಜ಼ ಅಪರಾದ ದಿಕ್ಹ್ಯು ನೈ ಕವಾನು ತುಮೊನೆ ಗ್ವತ್ತ ರ‍್ಹವಾದೆ ಕೈನ ಕದ್ಯೊ.

ಯೊಹಾನ 19:9

ವರಿ ಭವನಮಾ ಗೈನ ಯೆಸುನೆ"ತು ಕಿಜಾತೊ ಆಯೊಸ? ಕೈನ ಪುಚ್ಯೊ. ತೆನೈಸೊ ಯೆಸು ಸುಜ಼ ಕದ್ಯೊ ನೈ?

1 ತಿಮೊತಿ 6:13

ಪೊಂತ್ಯ ಪಿಲಾತನನಾ ಕ್ಹಾಮೊ ಸಾಕ್ಷಿ ದಿದಲ ಕ್ರಿಸ್ತ ಯೆಸುನಾ ಸನ್ನಿಧಾನಮಾಬಿ ಕ್ಹಾರಿ ಸೃಷ್ಟಿನೆ ಜ಼ಲಮ ದಿದಲವಾಲಾ ಕ್ಹುದಾನಿ ಸನ್ನಿಧಿಮಾಬಿ ಮಿ ತುನೆ ಕವಾನು ಸುವೈ ಕದ್ಯಾಮ,