ಯೊಹಾನ 17:25 - ಕ್ಹುದಾನಿ ಕ್ಹರಿನಿ ವಾಕ್ಯಾ

²⁵ ನಿತಿ ಕ್ಹು ರ‍್ಹಯಲ ಬಾ, ಎ ದುನಿಯಾ ತುನೆ ವಳಕಿ ನತ್ತಿ ವರಿಬಿ ಮಿ ತುನೆ ವಳಕ್ಕಯೊಸ. ವರಿ ತುಜ಼಼ ಮನೆ ಮೊಕ್ಕಲ್ಯೊಸ ಕವಾನು ಎ ಮನಕ್ಹೊನೆ ಗ್ವತ್ತ ಛೆ.

ಯೊಹಾನ 17:25 ပူးပေါင်းရင်းမြစ်များ

ಮತ್ತಾಯ 11:27

ಮಾರೊ ಬಾ ಮನೆ ಕ್ಹಾರು ದಿದ್ಯೊಸ. ಕುನಜ ದಿಕ್ರಾನೆ ವಳಕ್ಯು ನತ್ತಿ. ಬಾ ಯಕ್ಕಜ ದಿಕ್ರಾನೆ ವಳಕ್ಯೊಸ. ದಿಕ್ರೊ ಯಕ್ಕಜ ಬಾನೆ ವಳಕ್ಯೊಸ. ದಿಕ್ರೊ ಬಾನೆ ಕಿನೆ ದೆಕಾಡು ಕೈನ ಆಸ ಕರಸ ತ್ಯುನೆ ಬಾನೆ ತಿಳ್ದಿಲಿವಸ.

ಮತ್ತಾಯ 16:16

ತೆಳಾಮಾ ಸಿಮೊನ ಪೆತ್ರಾ, ತು ಜಿವ್ತೊ ರ‍್ಹಯಲ ಕ್ಹುದಾನೊ ದಿಕ್ರೊ ಥಯಲ ಕ್ರಿಸ್ತ ವ್ಹೈ ಕೈನ ಜವಾಬ ದಿದ್ಯೊ.

ಲುಕ ಬರ್ದಲ ಸುವಾರ್ತಾ 10:22

ಮಾರೊ ಬಾ ಮನೆ ಕ್ಹಾರುಜ಼ ದಿದ್ಯೊಸ. ದಿಕ್ರೊ ಕುನ್ನ ವ್ಹೈ ಕಿನೆಜ಼಼ ಗೊತ್ತ ನತ್ತಿ. ಬಾ ನೆ ಯಕಜ಼ ಗೊತ್ತ ಛೆ. ವರಿ ಬಾ ಕುನ್ನ ವ್ಹೈ ಕವಾನು ದಿಕ್ರಾನೆ ಯಕಜ಼ ಗೊತ ಛೆ. ದಿಕ್ರೊ ಬಾನಾ ಹುತಿ ಕಿನೆ ತಿಳ್ಸಸ ತೆ ಯಕ್ಕಲೊಜ಼ ಬಾನಾ ಹುತಿ ತಿಳದಿಲಿವಸ.

ಯೊಹಾನ 1:18

ಕ್ಹುದಾನೆ ಕುನ್ನಜ ಕೆಳಾಮಾಜ ದೆಕ್ಯಾ ನತ್ತಿ. ತೆನೈಸೊ ಯಕ್ಲೊಜ ದಿಕ್ರೊ ತೆ ಕ್ಹುದಾನ ಲಿಂಗತ ಛೆ ವರಿ ಬಾನಾ ಬಾಜು಼ಮಾ ಛೆ. ತೆ ದಿಕ್ರೊ ಕ್ಹುದಾನೆ ಅಪೊನೆ ದೆಕಾಡಿನ ದಿದ್ಯೊಸ.

ಯೊಹಾನ 10:15

ಮನೆ ಬಿಜಾ಼ ಬಕ್ರಾಬಿ ಛೆ. ತೆ ನ್ಹ್ಯಾ ರ‍್ಹವಾನಾ ಆ ಹಕ್ಕಿಮಾ ನತ್ತಿ. ಮಿ ತೆ ಬಕ್ರಾವೊನೆಬಿ ಮ್ಹೈ ಲೌಜ.

ಯೊಹಾನ 15:21

ಮನಕ್ಹೊ ಮಾರಾ ರ‍್ಹಯಲ ಹುತಿ ಎ ಕ್ಹಾರು ತುಮೊನೆ ಕರಸ. ಮನೆ ವಳಾಯಲವಾನೆ ತ್ಯುನೆ ತಿಳ್ದಿಲಿದ್ಯಾ ನತ್ತಿ.

ಯೊಹಾನ 16:27

ಹೊ, ಬಾಜ ಕ್ಹುದ್ದ ತುಮೊನೆ ಮಯಾ ಕರಸ. ತುಮೆ ಮನೆ ಕಯಾ ಕರಲ ಹುತಿ ವರಿ ಮಿ ಕ್ಹುದಾ ಕಂತೊ ಆಯೊಸ ಕೈನ ತುಮೆ ಬರೊಕ್ಹೊ ಕರಲ ಹುತಿ ತೆ ತುಮೊನೆ ಮಯಾ ಕರಸ.

ಯೊಹಾನ 16:3

ಮನಕ್ಹೊ ಬಾನೆ ವರಿ ಮನೆ ನೈ ತಿಳ್ದಿಲಿದಲ ಹುತಿ ಎ ಕ್ಹಾರು ಕರಸ.

ಯೊಹಾನ 16:30

ತುನೆ ಕ್ಹಾರಿಯೊ ಸಂಗತಿಯೊ ಕಳಿಯೊಸ ಕೈನ ಹಮೊನೆ ಹಮ್ನಾ ಕಳಿಯೊ. ಯಕ್ಲೊ ಪ್ರಶ್ನೆ ಪುಚ್ಚಾತಿ ಪೈಲಾಜ ತು ತಿನಾ ಪ್ರಶ್ನೆನೆ ಜವಾಬ ದೆಶಿ. ಇನಾಹುತಿ, ತು ಕ್ಹುದಾಕಂತೊ ಆಯೊಸ ಕೈನ ಹಮೆ ಬರೊಕ್ಹೊ ಕರಿಯೆಸ" ಕೈನ ಕದ್ಯಾ.

ಯೊಹಾನ 17:11

"ಹಮ್ನಾ ಮಿ ತುಕನ ಆವಾಡ್ಯೊಸ. ಹಜು಼ನ ಮಿ ಎ ದುನಿಯಾಮಾ ರ‍್ಹತೊ ನೈ. ವರಿಬಿ ಇವ್ನೆ ಹುಜನ ಎ ದುನಿಯಾಮಾ ರ‍್ಹವಸ. ಪವಿತ್ರ ಥಯಲ ಬಾ, ತು ಮನೆ ತಾರಾ ನಾಮನಿ ತಾಕತಕ್ಹು ಇವ್ನೊನೆ ಕೈದಿನ ವಚಾಡ. ತೆ ನಾಮನೆ ಮಿ ಹಮೆಶಾ ಮ್ಹೆಲು. ತುಬಿ ಮಿ ಮಳಿನ ರ‍್ಹಯಲ ಲಿಂಗತ ಇವ್ನೆ ಯಕ್ಕ ಥೈನ ರ‍್ಹವಾನೆ ತೆಳಾಮಾ ಥಾವಸ.

ಯೊಹಾನ 17:18

ತು ಮನೆ ಎ ದುನಿಯಾಮಾ ವಳಾಯಲ ಲಿಂಗತ ಮಿ ಇವ್ನೊನೆ ಎ ದುನಿಯಾಮಾ ಮೊಕ್ಲೊಸ.

ಯೊಹಾನ 17:21

ಬಾ, ಮಪರ ಬರೊಕ್ಹೊ ಮ್ಹೆಲಾಲಾ ಕ್ಹಾರಾ ಮನಕ್ಹೊ ಯಕ್ಕಜ಼ ಥೌ. ಕಿಮ್ಮ ತು ಮಾರಾಮಾ ಛೆ ವರಿ ಮಿ ತಾರಾ ಛೆ. ತ್ಯುನೆಬಿ ಅಪ್ನಾಮಾ ಯಕ್ಕ ಥಾವಾದೆ ತಿನಾಹುತಿ ದುನಿಯಾ ತುಜ಼಼ ಮನೆ ವಳಾಯೊಸ ಕೈನ ಬರೊಕ್ಹೊ ಕರಾದೆ.

ಯೊಹಾನ 17:23

ಮಿ ಇವ್ನೊಮಾ ರ‍್ಹೌಸ ವರಿ ತು ಮಾರಾಮಾ ಛೆ. ಇಮ್ಮ ತ್ಯುನೆ ಪುರಾಜ ಯಕ್ಕ ಥೈನ ರ‍್ಹವಸ. ತುಜ಼಼ ಮನೆ ಮೊಕ್ಲಲ ಹುತಿ ತು ಮನೆ ಮಯಾ ಕರಲ ಲಿಂಗತ ಎ ಮನಕ್ಹೊನೆಬಿ ಮಯಾ ಕರಶಿ ಕೈನ ಎ ದುನಿಯಾ ವಳಕಸ.

ಯೊಹಾನ 17:3

ಯಕ್ಲೊಜ ಕ್ಹರಿನೊ ಕ್ಹುದಾ ರ‍್ಹಯಲ ತುನೆ ವರಿ ತು ವಳಾಯಲ ಯೆಸು ಕ್ರಿಸ್ತನೆ ತಿಳ್ದಿಲಿವಾನುಜ ಹಮೆಶಾನೊ ಜ಼ಲಮ ವ್ಹೈ.

ಯೊಹಾನ 17:8

ತು ಮನೆ ದಿದಲ ಸಂದೆಶ ಮಿ ಇವ್ನೊನೆ ದಿದ್ಯೊಸ. ಇವ್ನೆ ತೆ ಸಂದೆಶ ಸ್ವಿಕಾರ ಕರಿಲಿದ್ಯಾಸ. ಮಿ ಕ್ಹರಿಬಿ ತುಕಂತೊ ಆಯೊಸ ತ್ಯುನೊನೆ ಗ್ವತ್ತ ಛೆ. ತುಜ಼಼ ಮನೆ ವಳಾಯಲ ವ್ಹೈ ಕೈನ ಇವ್ನೆ ಬರೊಕ್ಹೊ ಕರ‍್ಯಾಸ.

ಯೊಹಾನ 3:17

ಕ್ಹುದಾ ತಿನಾ ದಿಕ್ರಾನೆ ಎ ದುನಿಯಾಮಾ ವಳಾಯಲ, ತಿನಾ ಮುಲಕ ಎ ದುನಿಯಾನಾ ಮನಕ್ಹೊನೆ ಅಪರಾದಿ ವ್ಹೈ ಕೈನ ಫೈಸಲೊ ಕರಾನೆ ನ್ಹವೈ. ತೆನೈಸೊ ರಕ್ಷಣೆ ವ್ಹಂದಿಲ್ಯು ಕೈನ ಕ್ಹುದಾ ತಿನೆ ವಳಾಯೊ.

ಯೊಹಾನ 6:19

ತ್ಯುನೆ ಹುಟ್ಟ ಘಾಲತಾ ತನ್ನ ನೈತೊ ಚಾರ ಮೈಲ ಯಕ್ಕ ಹಡಗಾನೆ ಚಲಾಯಲ ಪರ ಯೆಸುನೆ ದೆಕ್ಯಾ. ತೆ ಪಾನಿ ಪರ ಚಾಲ್ತೊ ಹಡಗಾನಾ ನಜಿಕ ಆವಾನು ದೆಕಿನ ತ್ಯುನೆ ಭುಚ್ಕ್ಯಾ.

ಯೊಹಾನ 7:29

ತೆನೈಸೊ ಮಿ ತಿನೆ ವಳಕ್ಯೊಸ. ವರಿಬಿ ಮಿ ತಿನಾಕ್ಹುಜ ಆಯೊಸ. ವರಿ ತೆಜ಼ ಮನೆ ಮೊಕ್ಲ್ಯೊಸ" ಕದ್ಯೊ.

ಯೊಹಾನ 8:19

ತೆಳಾಮಾ ತ್ಯುನೆ"ತಾರೊ ಬಾ ಕಿಜಾ಼ ಛೆ? ಕೈನ ಪುಚ಼್ಚಾ. ಯೆಸು ತ್ಯುನೊನೆ "ತುಮೊನೆ ಮಿ ರ‍್ಹೈನೆಕಾ ಮಾರೊ ಬಾ ರ‍್ಹೈನೆಕಾ ಗ್ವತ್ತ ನತ್ತಿ. ಯಕ್ಕೆಳೆ ತುಮೆ ಮನೆ ತಿಳ್ದಿಲಿದಲ ರ‍್ಹವತ್ತೊ, ಮಾರಾ ಬಾನೆಬಿ ತಿಳ್ದಿಲಿದಲ ರ‍್ಹತಾತಾ" ಕೈನ ಕದ್ಯೊ.

ಯೊಹಾನ 8:55

ತೆನೈಸೊ ತುಮೆ ತಿನೆ ಕ್ಹರಿಮಾಜ಼ ವಳಕ್ಯಾ ನತ್ತಿ. ತೆನೈಸೊ ಮಿ ತಿನೆ ವಳಕ್ಯೊಸ. ಮಿ ತಿನೆ ವಳಕ್ಯೊ ನತ್ತಿ ಕದ್ಯಾಮ ತುಮಾರಾ ಲಿಂಗತ ಸುಳ್ಳ ಕವಾಲೊ ಥೌಸ. ಮಿ ತಿನೆ ವಳಕ್ಯೊಸ. ತೆನೈಸೊ ಮಿ ತಿನಿ ವಾಕ್ಯಾನೆ ವಿಧಯ ಥೌಸ.

ಅಪೊಸ್ತಲೊ 17:23

ಮಿ ತಮಾರಾ ಗಾಮ್ಮಾ ಮಿ ಫರತಾಮಾ ಮನೆ ತಮೆ ಪೊಜಾ ಕರಾನಾ ದೆವಸ್ಥಾನೊ ಮೊರ್ತಿಯೊ ದೆಕ್ತಾಮಾ ತಿಮಾ ಮನೆ ಎಕ ಬಲಿಪಿಟ ಡೊಳಾನೆ ಪಡ್ಯು ತಿನಾ ಉಪ್ಪರ ‘ಅಜ್ಞಾತ ರ‍್ಹಯಲ ದೆವಸ್ಥಾನ ಕೈನ ಲಿಕ್ಯಾತಾ. ತಿನಾ ಹುತಿ ತಮೆ ಸುಜ಼ ತಿಳದ್ಯಾವಾಚಿ ಪುಜಾಕರಾನು ತಮನೊನೆ ತಿಳಸಿನ ಕವಾನೆ ಆಯೊಸ ಕದ್ಯೊ.

ಅಪೊಸ್ತಲೊ 26:18

ತ್ಯುನೆ ಅಂದಾರಾಮಾತಾ ಉಜಾ಼ಲಾನೆ, ಸೈತನನಾ ಹತ್ಮಾತಾ ಕ್ಹುದಾಕನ ಫರಿನ, ಮಪರ ಬರೊಕ್ಹೊ ಮ್ಹೆಲಲಕ್ಹು ಪಾಪನಿ ಮಾಫಿ, ಪರಿಶುದ್ಧ ರ‍್ಹಯಲವಾಲಾವೊನಾ ಕ್ಹಾತೆ ತ್ಯುನು ಹಕ್ಕ ವ್ಹಂದಿಲಿವಾನಾ ಹುತಿ, ತ್ಯುನಾ ಡೊಳಾ ಕ್ಹುಲು ಕೈನ ಮಿ ತುನೆ ತ್ಯುನೊಕನ ವಳೌಸ” ಕದ್ಯೊ.

ರೊಮಾಪೂರ 1:28

ಕ್ಹುದಾನು ಕ್ಹರಿನು ಗ್ಯಾನ ಹೊಂದಿಲಿವಾನೆ ವಪ್ಪಿಲಿದ್ಯಾ ನೈ ತ್ಯುನೊನೆ ಕ್ಹುದಾ ತ್ಯುನೊನೆ ತ್ಯುನಾ ಅಯೊಗ್ಯ ಮನಸನೆ ವಪ್ಸಿನ ದಿದ್ಯೊ. ತಿನಾಹುತಿ ತ್ಯುನೆ ನೈಸೊ ಕರಾನಾ ಕಾಮೊ ಕರಸ.

ರೊಮಾಪೂರ 3:11

ಯಕ್ಲೊಬಿ ಶಾಣ್ಯೊ ನತ್ತಿ. ಕ್ಹುದಾನಿ ಆರಾಧನಾ ಕರಾಲು ಕುನ್ನಜ಼ ನತ್ತಿ.

ರೊಮಾಪೂರ 3:26

ಇಮ್ಮ ಕ್ಹುದಾ ತೆಜ಼ ನಿತಿವಂತವಾಲೊ ವ್ಹೈ ಕೈನ ವರಿ ಯೆಸುಪರ ಬರೊಕ್ಹೊ ಮ್ಹೆಲಲ ಕಯೊಬಿ ರ‍್ಹೈನೆಕಾ ನಿತಿವಂತವಾಲೊ ಥಾವಸ ಕೈನ ದೆಕಾಡಿನ ದಿದ್ಯೊಸ.

1 ಕೊರಿಂಥ 1:21

ಎ ಕ್ಹುದಾನಿ ಗ್ಯಾನನಿ ವಿಚಾರ ಅಮ ವ್ಹತ್ತು. ದುನಿಯಾ ತಿನಿ ಸ್ವಂತ ಗ್ಯಾನನಾ ಮುಲಕ ಕ್ಹುದಾನೆ ತಿಳ್ದಿಲಿದಿ ನ್ಹೊತಿ. ತಿನಾಹುತಿ ಪಿಸಾಳಾ ಲಿಂಗತ ದಿಕ್ಹಾನು ಸಂದೆಶನಾ ಮುಲಕ ಬರೊಕ್ಹೊ ಕರಾಲಾವೊನೆ ವಚಾ಼ಡಾನು ಕ್ಹುದಾನೆ ಚೊ಼ಕು ಲಾಗ್ಯು.

1 ಕೊರಿಂಥ 15:34

ಗೌರ ಕರಿನ ವಿಚಾರ ಕರೊ! ನಿತಿವಂತವಾಲಾ ಥೈನ ಹುಶಾರಕ್ಹು ರ‍್ಹವೊ. ಪಾಪ ಕರೊ ನಕೊ. ದಕ್ಹಾ ಜ಼ನಾವೊನೆ ಕ್ಹುದಾನಾ ಹುತಿ ಗ್ಯಾನಜ಼ ನತ್ತಿ; ತುಮೊನೆ ಸರಮ ಔಜ಼ ಕೈನ ಎ ಕವಾಡ್ಯೊಸ.

2 ಕೊರಿಂಥ 4:4

ಎ ದುನಿಯಾನೊ ಅದಿಪತಿ ಬರೊಕ್ಹೊ ನೈಸೊವಾಲಾವೊನೆತ್ಯುನಾ ಮನಸೊ ಕುಡ್ಡಾ ಕರ‍್ಯೊಸ. ಕ್ರಿಸ್ತನಿ ಮಹಿಮಾನಾ ಹುತಿ ರ‍್ಹಯಲ ಸುವಾರ್ತೆನು ಉಜಾಲು ತ್ಯುನೆ ದೆಕ್ತಾ ನೈ. ಕ್ರಿಸ್ತ ಯಕ್ಲೊಜ ಕ್ಹುದಾನು ಪ್ರತಿರುಪ ಥಯೊಸ.

2 ಥೆಸಲೊನಿಕ 1:8

ಪ್ರಭು ಯೆಸು ಕ್ರಿಸ್ತ ಸ್ವರಗತೊ ಆಗನಿ ಜ್ವಾಲಾನಾ ಕ್ಹಾತೆ ಆತಾಮಾ ಸುವಾರತೆನೆ ನೈ ವಿಧೆಯ ಥಯಲವಾಲಾವೊನೆ ವರಿ ಇನ್ಕಾರಲ ವಾಲಾವೊನೆ ಶಿಕ್ಷಾ ದಿವಸ.

ಇಬ್ರಿಯ 8:11

ಎನೈಸೊ ಹರಿ ಯಕ್ಲೊ ತಿನಾ ಬಾಜು಼ವಾಲಾನೆ ತಿನಾ ಭೈನೆಬಿ ಕರ್ತಾನೆ ವಳಕೊ ಕೈನ ಕವಾನು ರ‍್ಹತು ನೈ. ಕಾಕದ್ಯಾಮ ನ್ಹಾನಾ ರ‍್ಹಯಲವಾಲೊಬಿ ಚೊ಼ಕೊ ರ‍್ಹಯಲವಾಲಾಲಕ್ಕಾ ಕ್ಹಾರಾಜ಼ ಮನೆ ವಳಕಸ.

1 ಯೊಹಾನ 1:9

ತೆನೈಸೊ ಅಪ್ನಾ ಪಾಪೊ ಕೈಲಿದ್ಯಾಮ, ತೆ ಬರೊಕ್ಹೊವಾಲೊ ನಿತಿವಂತವಾಲೊ ರ‍್ಹಯಲ ಹುತಿ ಅಪ್ನಾ ಕ್ಹಾರಾ ಕೆಟ್ಟ ಕಾಮೊ ಮಾಫ ಕರಿನ ಅಪೊನೆ ಶುದ್ಧ ಕರಸ.

ಪ್ರಕಟನೆ 13:8

ದುನಿಯಾಮಾ ರ‍್ಹಯಲ ಕ್ಹಾರಾ ಮನಕ್ಹೊ ತೆ ಖತರ್ನಾಕ ಜಾನ್ವರನೆ ಆರಾಧನಾ ಕರಸ. ದುನಿಯಾ ಶುರುತಿಬಿ ಖಲಾಸ ಥಯಲ ಬಕ್ರಾನಾ ಬಚ್ಚು಼ ಥಯಲ ಜಿವಭಾದ್ಯ ಪುಸ್ತಕಮಾ ಕಿನು ನಾಮ ಬರ್ದಲ ನತ್ತಿ ತೆಜ಼ ಎ ಮನಕ್ಹೊ ವ್ಹೈ.

ಪ್ರಕಟನೆ 16:5

ತೆಳಾಮಾ ಪಾನಿನೊ ಅಧಿಪತಿ ಥಯಲ ದುತ ಕ್ಹುದಾನೆ ಕದಲ ಮನೆ ಐಕು ಐಯು; "ತುಜ಼಼ ಕೆಳಾಮಾಬಿ ರ‍್ಹಯಲವಾಲೊ ವ್ಹೈ. ತು ಯಕ್ಕಲೊಜ಼ ಪರಿಶುದ್ಧ ವ್ಹೈ. ತು ದಿದಲ ಎ ಕ್ಹಾರಾ ಫೈಸಲಾ ತು ನ್ಯಾಯವಂತ ಥಯೊಸ.