ಯೊಹಾನ 17:14 - ಕ್ಹುದಾನಿ ಕ್ಹರಿನಿ ವಾಕ್ಯಾ

¹⁴ ಮಿ ಇವ್ನೊನೆ ತಾರಿ ವಾಕ್ಯಾ ದಿದ್ಯೊಸ. ಎ ದುನಿಯಾ ಇವ್ನೊನೆ ಶಿಟ್ಟ ಮ್ಹೆಲಸ. ಮಿ ಎ ದುನಿಯಾನೆ ಕೈ ತರಾ ಮಿ ನತ್ತಿ ಮಳ್ಯೊ. ತಿನಾ ಲಿಂಗತಜ ಇವ್ನೆ ಎ ಲೊಕನೆ ಮಳಲ ವಾಲಾ ನ್ಹವೈ. ತಿನಾಹುತಿ ಎ ದುನಿಯಾ ಇವ್ನೊನೆ ಶಿಟ್ಟ ಮ್ಹೆಲಸ.

ಯೊಹಾನ 17:14 ပူးပေါင်းရင်းမြစ်များ

ಮಾರ್ಕ 10:39

ತ್ಯುನೆ-ಥಾವಸ ಕದ್ಯಾ ತೆಳಾಮಾ ಯೆಸು ತ್ಯುನೊನೆ ಮಿ ಪಿವಾನಾ ತಾಂಬಿಯಾಮಾ ತುಮೆ ಪಿವೊಸಿ. ಮನೆ ಥಾವಾನು ಬಾಪ್ತಿಸ್ಮ ತುಮೊನೆ ಥಾವಸ.

ಯೊಹಾನ 17:16

ಮಿ ಎ ದುನಿಯಾಮಾ ಕಿಮ ನತ್ತಿ ಮಳ್ಯೊ ತಿನಾ ಲಿಂಗತಜ ಇವ್ನೆ ಎ ದುನಿಯಾನಾ ನ್ಹವೈ.

ಯೊಹಾನ 17:8

ತು ಮನೆ ದಿದಲ ಸಂದೆಶ ಮಿ ಇವ್ನೊನೆ ದಿದ್ಯೊಸ. ಇವ್ನೆ ತೆ ಸಂದೆಶ ಸ್ವಿಕಾರ ಕರಿಲಿದ್ಯಾಸ. ಮಿ ಕ್ಹರಿಬಿ ತುಕಂತೊ ಆಯೊಸ ತ್ಯುನೊನೆ ಗ್ವತ್ತ ಛೆ. ತುಜ಼಼ ಮನೆ ವಳಾಯಲ ವ್ಹೈ ಕೈನ ಇವ್ನೆ ಬರೊಕ್ಹೊ ಕರ‍್ಯಾಸ.

ಯೊಹಾನ 7:7

ಎ ದುನಿಯಾ ತುಮೊನೆ ದುಶ್ಮನಿ ನೈ ಕರ‍್ತು. ತೆನೈಸೊ ಎ ದುನಿಯಾ ಮನೆ ದೊಶ ಕರಸ. ಕಾಕದ್ಯಾಮ ಮಿ ಎ ದುನಿಯಾನಾ ಮನಕ್ಹೊನೆ, ತ್ಯುನೆ ಕರಾನಾ ಕೆಟ್ಟ ಕಾಮೊ ವ್ಹೈ ಕೈನ ಕೌಸ್ತೊ.

ಯೊಹಾನ 8:23

ತೆನೈಸೊ ಯೆಸು"ತುಮೆ ಹೆಟಲ್ಯಾ ವ್ಹೈ ಮಿ ಉಪ್ಪರಲ್ಯೊ ವ್ಹೈ. ತುಮೆ ಎ ದುನಿಯಾನಾ ವ್ಹೈ ತೆನೈಸೊ ಮಿ ಎ ದುನಿಯಾನೊ ನ್ಹವ್ಹೈ.

1 ಯೊಹಾನ 3:12

ತುಮೆ ಕಾಯಿನ ಲಿಂಗತ ರ‍್ಹವೊ ನಕೊ. ತೆ ಕೆಟ್ಟನಾ ಕ್ಹಾತೆ ರ‍್ಹಯಲವಾಲೊ ವ್ಹತ್ತೊ. ತೆ ತಿನಾ ಭೈನೆ (ಹೆಬಲ) ಖಲಾಸ ಕರಿಪಾಡ್ಯೊ. ತೆ ತಿನಾ ಭೈನೆ ಖಲಾಸ ಕರಲ ಶಾನಾ ಹುತಿ ವ್ಹೈ? ತಿನಾ ಕಾಮೊ ಕೆಟ್ಟಜ಼ ವ್ಹೈ. ತಿನಾ ಭೈನಾ ಕಾಮೊ ಚೊ಼ಕಾ ರ‍್ಹಯಲ ಹುತಿ ವ್ಹೈ.

1 ಯೊಹಾನ 3:13

ಭಾಯೊ ಭೆನೊ, ಎ ದುನಿಯಾಮಾನಾ ಮನಕ್ಹೊ ತುಮೊನೆ ದುಶ್ಮನಿ ಕರ್ತಾಮಾ ಘಾಬ್ರಾಥಾವೊನಕೊ.