ಯೊಹಾನ 17:12 - ಕ್ಹುದಾನಿ ಕ್ಹರಿನಿ ವಾಕ್ಯಾ

¹² ಮಿ ಇವ್ನಾ ಕ್ಹಾತೆ ರ‍್ಹತಾಮಾ ತಾರಾ ನಾಮನಿ ತಾಕತ ಕ್ಹು ಇವ್ನೊನೆ ಕೈದಿನ ವಚಾ಼ಡ್ಯೊ. ತೆ ನಾಮ ಮನೆ ತು ದಿದ್ಯೊತೊ. ಪವಿತ್ರ ಗ್ರಂಥಮಾ ರ‍್ಹಯಲ ಪುರಾ ಥಾವಾನಾ ಹುತಿ ಮಿ ತ್ಯುನೊನೆ ವಚಾಡು ವರಿ ತ್ಯುನೊಮಾನೊ ಯಕ್ಲೊಬಿ ಹಾಳ ಥಯೊ ನೈ. ವಿನಾಶನೊ ದಿಕ್ರೊ ಥಯಲವಾಲಾನೆ ಛೊಡಿನಜವೈ ಜಾ಼ವಾನೆ ಇನಿಲಿದಲ (ಯುದ ಕವಾಲೊ) ಯಕ್ಕಲೊಜ ಇವ್ನೊಮಾ ಹಾಳ ಥಯೊ.

ಯೊಹಾನ 17:12 ပူးပေါင်းရင်းမြစ်များ

ಯೊಹಾನ 13:18

"ಮಿ ತುಮಾರಾ ಕ್ಹಾರಾವೊನಾ ಹುತಿ ಬೊಲಾಡ್ಯೊ ನತ್ತಿ. ಮಿ ಇನಿಲಿದಲ ಮನಕ್ಹೊನಾ ಹುತಿ ಮನೆ ಗ್ವತ್ತ ಛೆ. ತೆನೈಸೊ "ಮಾರಾ ಕ್ಹಾತೆ ಖಾದಲವಾಲೊ ಮನೆ ಮೊಸ ಕರ‍್ಯೊ "ಕವಾನಿ ಎ ಪವಿತ್ರ ಗ್ರಂಥಮಾನಿ ವಾತ ಪುರಾ ಥೌ.

ಯೊಹಾನ 17:6

"ತು ಎ ದುನಿಯಾನಾ ಮನಕ್ಹೊನೆ ಮನೆ ದಿದ್ಯೊ ಮಿ ತ್ಯುನೊನೆ ತುನೆ ದೆಕಾಡಿನ ದಿದ್ಯೊ. ತ್ಯುನೆ ತಾರಾ ವ್ಹತ್ತಾ, ತೆನೈಸೊ ತು ತ್ಯುನೊನೆ ಮನೆ ದಿದ್ಯೊ ವರಿ ತ್ಯುನೆ ತಾರಿ ಆಗನ್ಯಾವೊನೆ ವಿಧೆಯ ಥಯಾ.

ಯೊಹಾನ 18:9

"ತು ಮನೆ ದಿದಲ ಮನಕ್ಹೊಮಾ ಮಿ ಜವೈಲಿದ್ಯೊ ನೈ" ಕೈನ ಯೆಸು ಪೈಲಾಜ ಕದಲ ವಾತ ಅಮ್ಮ ಕ್ಹರಿ ಥೈ.

ಯೊಹಾನ 6:37

ಮಾರೊ ಬಾ ದಿವಾನಾ ತೆ ಕ್ಹಾರಾ ಮನಕ್ಹೊ ಮಕನ ಆವಸ. ವರಿ ಕುನ್ನ ಮಕನ ಆವಸ ತ್ಯುನೊನೆ ಮಿ ಕೆಳಾಮಾಜ ಢಕ್ಲಿಪಾಡ್ತೊ ನೈ.

ಅಪೊಸ್ತಲೊ 1:25

ತೆಳಾಮಾ ತ್ಯುನೆ ಅಮ್ಮ ಪ್ರಾಥನಾ ಕರ‍್ಯಾ" ಪ್ರಭು ತು ಕ್ಹಾರಾ ಮನಕ್ಹೊನು ಮನಸ್ಸ ತಿಳ್ದಿಲಿದ್ಯೊಸ. ಎ ಕಾಮ ಕರಾನಾ ಹುತಿ ಎ ಬೆ ಜ಼ನಾವೊಮಾ ತು ಕಿನೆ ಇನಿಲಿದ್ಯೊಸ ಕವಾನು ಹಮೊನೆ ದೆಕಾಡ. ಯುದ ಎ ಕಾಮನೆ ವಿರುದ್ದ ಥೈನ ತೆ ಕಿಜಾ಼ ಜಾ಼ವಾನು ವ್ಹತ್ತು ತ್ಯಾ ಗಯೊ. ಪ್ರಭು, ತಿನಿ ಜ಼ಗಾಪರ ಅಪೊಸ್ತಲ ಕುನ್ನ ಥೌ ಕೈನ ಹಮೊನೆ ದೆಕಾಡ"

ಫಿಲಿಪ್ಪಿ 2:9

ಇನಾಹುತಿ ಕ್ಹುದಾ ತಿನೆ ಘನಿ ಮ್ಹೊಟಿ ಸ್ಥಾನ ದಿನ ಕ್ಹಾರಾ ನಾಮ್ಮತಿ ಶ್ರೆಷ್ಠನಾಮ್ಮ ತಿನೆ ದಿದ್ಯೊ.

2 ಥೆಸಲೊನಿಕ 2:3

ಕುನ ಕೈ ತರಾಮಾ ತುಮೊನೆ ಮೊಸ ಕರಾನೆ ಮೌಕೊ ದಿವೊ ನಕೊ ಲಾಸ್ಟಾಮಾ ವೈರಿ ಆಯೆಲಕ್ಕಾ ವರಿ ವಿರೊದ ಉಟೆಲಕ್ಕಾ ಪ್ರಭುನೊ ದಿನ್ನ ಆತೊ ನೈ.

ಇಬ್ರಿಯ 2:13

ತೆ ವರಿ ಅಮ್ಮ ಕವಸ; ಮಿ ಕ್ಹುದಾಪರ ಬರೊಕ್ಹೊ ಮ್ಹೆಲುಸ. ವರಿ ಯಕ್ಕ ಸಲಾ ತೆ ಕವಸ; ಮಿ ನ್ಹ್ಯಾಛೆ. ಕ್ಹುದಾ ಮನೆ ದಿದಲ ಬಚ್ಚಾ಼ವೊನಾ ಕ್ಹಾತೆ ಛೆ.

1 ಯೊಹಾನ 2:19

ಕ್ರಿಸ್ತನೊ ದುಶ್ಮನೊ ಅಪ್ನಾ ಗುಂಪಮಾ ರ‍್ಹಯಾತಬಿ. ತ್ಯುನೆ ಅಪೊನೆ ಛೊಡಿನ ಗಯಾ. ತ್ಯುನೆ ಕ್ಹರಿಮಾಜ಼ ಅಪ್ನಾ ನ್ಹೊತಾ. ತ್ಯುನೆ ಕ್ಹರಿಮಾಜ಼ ಅಪ್ನಾ ಸಭೆವಾಲಾ ರ‍್ಹವತ್ತೊ ಅಪ್ನಾ ಕ್ಹಾತೆ ರ‍್ಹತಾತಾ. ತೆನೈಸೊ ತ್ಯುನೆ ಗೈ ಪಡ್ಯಾ. ತ್ಯುನೆ ಕ್ಹರಿಮಾಜ಼ ಅಪ್ನಾ ನ್ಹೊತಾ ಕವಾನು ಇಕ್ಹು ದೆಕಾಡಿನ ದಿವಸ.

ಪ್ರಕಟನೆ 19:12

ತಿನಾ ಡೊಳಾ ಆಗ್ನಿ ಕಂಡಾಲಿಂಗತ ವ್ಹತ್ತಾ. ತಿನಾ ಮಾತಾಪರ ಘನ್ನಾ ಕಿರಿಟೊ ವ್ಹತ್ತಾ. ತಿಪರ ಯಕ್ಕ ನಾಮ ಬರ್ದಲ ವ್ಹತ್ತು, ತೆನೈಸೊ ತೆ ನಾಮನೊ ಮತ್ಲಬ ತಿನೆ ಯಕ್ಕಜ಼ ವ್ಹರತಾಗಿ ಬಿಜಾ಼ ಕಿನೆಜ಼಼ ಗ್ವತ್ತ ನಹೊತು.