ಯೊಹಾನ 16:33 - ಕ್ಹುದಾನಿ ಕ್ಹರಿನಿ ವಾಕ್ಯಾ

³³ "ತುಮೊನೆ ಮಾರಾಮಾ ಶಾಂತಿ ಮಳಾದೆ ಕೈನ ಮಿ ತುಮೊನೆ ಎ ಕ್ಹಾರಿಯೊ ಸಂಗತಿಯೊ ಕದ್ಯೊಸ. ಎ ದುನಿಯಾಮಾ ತುಮೊನೆ ತ್ರಾಸ ದಿವಸ. ವರಿಬಿ ಧೈರ್ಯಕ್ಹು ರ‍್ಹವೊ! ಕಾಕದ್ಯಾಮ ಮಿ ಎ ದುನಿಯಾನೆ ಝಿತ್ಯೊಸ" ಕೈನ ಕದ್ಯೊ.

ಯೊಹಾನ 16:33 ပူးပေါင်းရင်းမြစ်များ

ಮತ್ತಾಯ 9:2

ತೆಳಾಮಾ ದಕ್ಹಾ ಜ಼ನಾ ಯಕ್ಕ ಲಕ್ವೊ ಮಾರಲ ರೊಗಿನೆ ಯೆಸು ಕನ ಲಾಯಾ ತೆ ತಿನಾ ವಚ್ಚಾನಾಪರ ಕ್ಹುರಯೊತೊ. ಯೆಸು ಎ ಮನಕ್ಹೊಮಾ ರ‍್ಹಯಲ ಮ್ಹೊಟ್ಟೊ ಭರೊಕ್ಹೊ ದೆಕಿನ ಲಕ್ವೊ ಮಾರ ರೊಗಿನೆ, ಎ ಜಾಂಜಿಮಾನ ಪಟ್ಟಾ, ಕ್ಹುಶಿ ಥಾ. ತಾರಾ ಪಾಪೊ ಮಾಫ ಥಯಾಸ” ಕೈನ ಕದ್ಯೊ.

ಲುಕ ಬರ್ದಲ ಸುವಾರ್ತಾ 19:38

ಕ್ಹುದಾನಾ ನಾಮಪರ ಆವಾಲಾ ರಾಜಾ಼ನೆ ಆಶಿರ್ವಾದ ಥಾವಾದೆ ಸ್ವರ್ಗಮಾ ಸಮಾಧಾನ ಥಾವಾದೆ ಕ್ಹುದಾನಿ ಮಹಿಮಾ ಥಾವಾದೆ "ಕೈನ ವದ್ರ್ಯಾ.

ಲುಕ ಬರ್ದಲ ಸುವಾರ್ತಾ 2:14

ಉಪ್ಪರಲ್ಯಾ ಲೊಕಮ ಕ್ಹುದಾನಿ ಮಹಿಮಾ; ಭುಲೊಕಮಾ ಮನಕ್ಹೊಮಾ ಸಮಾದಾನ ಕ್ಹುದಾ ತ್ಯುನೊನೆ ವಲ್ದ್ಯೊಸ ಕೈನ ಕ್ಹುದಾನೆ ಸ್ತುತ್ತಿ ಕರತಾ ಕದ್ಯಾ.

ಯೊಹಾನ 12:31

ಎ ದುನಿಯಾನೆ ಫೈಸಲೊ ಥಾವಾನೊ ಟೈಮ ಹಮ್ನಾ ಆಯೊಸ.. ಹಮ್ನಾ ಎ ದುನಿಯಾನೊ ಅದಿಪತಿನೆ ಭಾರಾ ಕಾಡಸ.

ಯೊಹಾನ 14:1

ಯೆಸು ತ್ಯುನೊನೆ "ತುಮಾರು ಮನಸ ಕಳವಳ ಕರಿಲಿವೊ ನಕೊ. ಕ್ಹುದಾ ಪರ ವರಿ ಮಪರಬಿ ಬರೊಕ್ಹೊ ಮ್ಹೆಲೊ.

ಯೊಹಾನ 14:27

"ಮಿ ಶಾಂತಿ ದಿವ್ಸ. ಮಾರಿ ಶಾಂತಿ ತುಮೊನೆ ದಿವ್ಸ. ಮಿ ಎ ದುನಿಯಾ ದಿದಲಲಿಂಗತ ತುಮೊನೆ ದೆತೊ ನೈ. ತಿನಾಹುತಿ ತುಮಾರು ಮನಸೊ ಕಳವಳ ಥೌ ನೈ ವರಿ ತುಮೆ ಭುಚ಼ಕೊ ನಕೊ.

ಯೊಹಾನ 16:11

ಕ್ಹರಿನಾ ಫೈಸಲಾನಾ ಹುತಿ ಕ್ಹರಿನೊ ತೆ ಸಹಾಯಕ ಎ ಜಗತ್ನೆ ದೆಕಾಡಿನ ದಿವಸ, ಕಾಕದ್ಯಾಮ ಎ ಜಗತ್ನಾ ಅದಿಪತಿನೆ ಫೈಸಲೊ ಥೈಗಯೊಸ.

ಅಪೊಸ್ತಲೊ 14:22

ಯೆಸುನಾ ಶಿಷ್ಯಾವೊನೆ ಘಟ್ಟ ಕರಿನ, ಬರೊಕ್ಹಾಮಾ ಘಟ್ಟ ಥೈನ ರ‍್ಹವಾನೆ ತ್ಯುನೊನೆ ಪ್ರೊತ್ಸಾಹ ಕರ‍್ಯಾ"ಹಮೆ ಕ್ಹುದಾನಿ ರಾಜ್ಯನೆ ಘನ್ನಾ ತ್ರಾಸೊನಾ ಮುಲಕ ಜಾ಼ವಾನಾ ಛೆ "ಕೈನ ಬೊದನೆ ಕರ‍್ಯಾ.

ಅಪೊಸ್ತಲೊ 23:11

ಕೈನ ತೆ ರಾತೆ ಕರ್ತಾ ಪೌಲಾನಾ ಕ್ಹಾತೆ ಹುಬರೈನ "ಧೈರ್ಯಕ್ಹು ರ‍್ಹೊ; ತು ಯೆರುಸೆಲಿಮ್ಮಾ ಮಾರಾ ಸಂಗತಿಯೊ ಸಾಕ್ಷಿಯೊ ಥೈಯೆಲ ಕ್ಹು ರೊಮಾಪುರಮಾ ಬಿ ಸಾಕ್ಷಿ ಥೌ ಕೈನ ಕದ್ಯೊ.

ಅಪೊಸ್ತಲೊ 27:22

ಹಮ್ನಾ ತಬಿ ತುಮೆ ಧೈರ್ಯಕ್ಹು ರ‍್ಹೈ ಕೈನ ತಮನೊನೆ ಕವಾಡೊಸ. ತಮನೊಮ್ಮಾ ಯಕ್ಲೊಬಿ ನೈ ಮರತೊ. ತೆನೈಸೊ ಹಡ್ಗೊ ಹಾಳ ಥೈನ ಜಾ಼ವಸ.

ಅಪೊಸ್ತಲೊ 27:25

ತಿನಾಹುತಿ, ಮನಕ್ಹೊ ಧೈರ್ಯಕ್ಹು ರವೊ ಮನೆ ಕದಲ ಲಿಂಗತ ಥಾವಸ ಕೈನ ಕ್ಹುದಾನೆ ನಂಬೆಸೊ.

ಅಪೊಸ್ತಲೊ 9:31

ಇಮ್ಮ ರ‍್ಹತಾಮಾ ಯುದಾಯ ವರಿ ಗಲಿಲಾಯ ಸಮಾರ್ಯಾ ಸಿಮೆಮಾ ರ‍್ಹಯಲ ಸಬೆ ಸಮಾಧಾನ ವ್ಹಂದ್ಯು ವರಿ ಕರ್ತಾನಿ ಭೆಮಾ ಪವಿತ್ರ ಆತ್ಮಾ ಕ್ಹು ಪ್ರೊತ್ಸಾಹ ಹೊಂದಿನ ಬೆಳದತು ಆಯು.

2 ಕೊರಿಂಥ 1:3

ಅಪ್ನೊ ಕರ್ತಾ ಥಯಲ ಯೆಸು ಕ್ರಿಸ್ತನೊ ಬಾ ಥಯಲ ಕ್ಹುದಾನೆ ಸ್ತೊತ್ರ ಥಾವಾದೆ. ತೆ ಮರಗಾಲೊ ಬಾ ವರಿ ಕ್ಹಾರಿ ತರಾಕ್ಹು ಕಾಳಜಿ ಕರಾಲೊ ಕ್ಹುದಾ ರ‍್ಹೈನ,

2 ಕೊರಿಂಥ 13:11

ಲಾಸ್ಟಮಾ ಭಾಯೊ ಖುಶಿ ಕರೊ ಶಿದಾ ಕರ್ಲಿವೊ ಧೈರ‍್ಯಕ್ಹು ರ‍್ಹವೊ ಯಕ್ಕಜ಼ ಮನಸಕ್ಹು ರ‍್ಹವೊ ಸಮಾದಾನ ಕ್ಹು ರ‍್ಹವೊ ತೆಳಾಮಾ ಮಯಾಕ್ಹು ರ‍್ಹಯಲ ಶಾಂತಿದಾಯಕ ರ‍್ಹಯಲ ಕ್ಹುದಾ ತುಮಾ ಕ್ಹಾತೆ ರ‍್ಹವಸ.

2 ಕೊರಿಂಥ 2:14

ಕ್ಹುದಾ ಸ್ತೊತ್ರಾ ಥಾವಾದೆ ಕ್ರಿಸ್ತನಾ ಮುಲಕ ಕೆಳಾಮಾಬಿ ಅಪೊನೆ ಜಿತ್ತಾಡಾಲೊ ವ್ಹೈ. ಕ್ಹುದಾನು ಗ್ಯಾನನಿ ಚೊ಼ಕಿ ಬಾಸ ಕ್ಹಾರಿ ಜ಼ಗಾ ಫೈಲಾವಾನೆ ಅಪೊನೆ ಉಪಯೊಗ ಕರ‍್ಯೊಸ.

2 ಕೊರಿಂಥ 4:7

ಅಪೊನೆ ಎ ನಿಕ್ಷೆಪ ಕ್ಹುದಾಕ್ಹುಜ ಮಳ್ಯುಸ.ಅಪೆತೊ ನಿಕ್ಷೆಪ ಭರಲ ಗಾಡಗಿಯೊನಿಂಗತ ಛೆ.ಎ ಮ್ಹೊಟಿ ತಾಕತ ಆಯಲ ಕ್ಹುದಾಕಂತುಜ಼ ವ್ಹೈ ಕೈನ ದೆಕಾಡಿನೆ ದಿವಸ. ಅಪೊಕಂತು ನ್ಹವೈ.

2 ಕೊರಿಂಥ 6:4

ತಿನಾ ಬದಲ ಕ್ಹಾರ ವಿಷಯ ಹುತ ಹುತಿ ಕ್ಹುದಾ ಸೆವ ವ್ಹೈ ಕೈನ ಅಪ್ನ ಸೆವ ವಪ್ಪಿ, ಅಪೆ ಮಾ ತ್ರಾಸ ಕಮ್ಮ ರ‍್ಹ ಇಕ್ಕ ಮಾರ ಪಡ

2 ಕೊರಿಂಥ 7:4

ತುಮೊಮಾ ತುಮ ನೈ ಮನೆ ಘನ್ನೊ ಆತೊ ಬರೊಕ್ಹ ಛೆ ಕೈನ. ಘನ್ನು ಅಭಿಮಾನ ಛೆ ಕೈನ. ಮಿ ಕ್ಹಾರ ತರಾನಾ ಮಾ ತ್ರಾಸ ಹಬಾಳ ಕರ್ಲ ಯಕ್ಲೊ ಲುಕ್ಸಾನ.

ಗಲಾತ್ಯ 1:4

ಎ ಕೆಟ್ಟ ಜಗತ್ಮಾತಾ ಅಪೊನೆ ಛೊಡೌ ಕೈನ ಯೆಸು ಅಪ್ನಾ ಪಾಪೊನಾ ಹುತಿ ತಿನಾಕ್ಹು ತಿನೆಜ಼ ದಿಪಾಡ್ಯೊ. ಎ ಬಾ ಥಯಲ ಕ್ಹುದಾನಿ ಚಿತ್ತ ವ್ಹತ್ತಿ.

ಗಲಾತ್ಯ 6:14

ತೆಯ್ಯೊ ವಿಷಯನಾ ಹುತಿ ಮಿ ಮ್ಹೊಟೊ ಥಾತೊಜ಼ ನೈ. ಮಿ ಹೆಮ್ಮೆ ಪಡ್ದಾನೆ ಮನೆ ರ‍್ಹಯಲ ಯಕ್ಕಜ಼ ಕಾರಣ ಸು ವ್ಹೈ ಕದ್ಯಾಮ ಅಪ್ನೊ ಪ್ರಭು ಥಯಲ ಯೆಸು ಕ್ರಿಸ್ತನಿ ಶಿಲುಬೆಜ಼ ವ್ಹೈ. ಶಿಲುಬಿಪರ ಯೆಸುನೆ ಥಯಲ ಮರಣನಾ ಹುತಿ ಜಗತ ಮಾರಾ ಪಾಲೆ ಮರಿ ಗಯ್ಯುಸ. ಮಿ ಬಿ ಜಗತ್ನಾ ಪಾಲೆ ಮರಿಗಯೊ.

ಫಿಲಿಪ್ಪಿ 4:7

ಕ್ಹುದಾನಿ ಶಾಂತಿ ಕ್ರಿಸ್ತಯೆಸುಮ್ಮಾ ತುಮಾರಾ ಮನಸೊನೆ ಕಾಯಿದಸ. ಕ್ಹುದಾ ದಿವಾನಿ ಯೆ ಶಾಂತಿ ಅಪೆ ನೈ ತಿಳದಿಲಿವಾನಾಕ್ಲು ಘನಿ ಮ್ಹೊಟಿಶೆ.

ಕೊಲೆಸ್ಸೆ 1:20

ವರಿ ತೆ ಶಿಲುಬಿಪರ ಚುವಾಯಲ ರಗತಕ್ಹು ತಿಕ್ಹು ಸಮಾಧಾನ ಹುಟ್ಸಿನ ವರಿ ಭುಪರಲೊಕಪರ ರ‍್ಹಯಲ ಕ್ಹಾರುಜ಼ ತಿನಾ ದಿಕ್ರಾನಾ ಮುಲಕ ಸಮಾಧಾನ ಕರಿಲ್ಯು ಕೈನ ಬಾ ಥಯಲ ಕ್ಹುದಾ ಆಸ ಕರ‍್ಯೊ.

1 ಥೆಸಲೊನಿಕ 3:4

ಕಾಕದ್ಯಾಮ ಹಮೆ ತುಮಾರಾ ಕ್ಹಾತೆ ರ‍್ಹತಾಮಾ, ಅಪೆ ಕ್ಹಾರಾ ತ್ರಾಸ ಖಯೆಸ ಕೈನ ತುಮೊನೆ ಹಮೆ ಪೈಲಾಜ಼ ಕತ್ತಾ ವ್ಹತ್ತಾ. ಹಮೆ ಕದಲ ತಿಮ್ಮಜ಼ ತೆ ಥಯು ಕವಾನು ತುಮೊನೆ ಗ್ವತ್ತ ಛೆ.

1 ಥೆಸಲೊನಿಕ 3:7

ಭಾಯೊ ಭೆನೊ, ಹಮಾರಾ ಕ್ಹಾರಿ ತರಾನಾ ತ್ರಾಸಮಾ ವರಿ ಸಂಕಟಮಾ ತುಮಾರಾ ಹುತಿ ಹಮೊನೆ ಪ್ರೊತ್ಸಾಹ ಮಳ್ಯು.

2 ಥೆಸಲೊನಿಕ 3:16

ಶಾಂತಿ ದಾಯಕ ರ‍್ಹಯಲ ಪ್ರಭು ಕ್ಹಾರಾ ದಿನೊಮಾ ವರಿ ಕ್ಹಾರಿ ತರಾಮಾ ತುಮೊನೆ ಶಾಂತಿ ದಿವಾದೆ. ಪ್ರಭು ತುಮಾರಾ ಕ್ಹಾತೆ ರ‍್ಹವಾದೆ.

2 ತಿಮೊತಿ 3:12

ಕ್ರಿಸ್ತ ಯೆಸುಮಾ ಕ್ಹುದಾನಿ ಭಕ್ತಿಮಾ ಜಿವ್ಸಾಲಾ ಹರ ಯಕ್ಲಾ ತ್ರಾಸ ಕ್ಹಾವಸ.

ಇಬ್ರಿಯ 11:25

ತೆ ಪಾಪೊಕ್ಹು ಮಳಾನು ಸುಖನೆ ಇನಿಲಿದ್ಯೊ ನೈ. ತೆ ಸುಖಾ ಭೆಗಿನಜ಼ ಮುಗ್ದಿಜಾ಼ವಸ. ತಿನಾಹುತಿ ತೆ ಕ್ಹುದಾನಾ ಮನಕ್ಹೊನಾ ಕ್ಹಾತೆ ತ್ರಾಸ ಖಾವಾನುಜ಼ ಇನಿಲಿದ್ಯೊ. ತಿಮಾ ರ‍್ಹಯಲ ಬರೊಕ್ಹೊಜ಼ ಇನೊ ಕಾರಣ ವ್ಹೈ.

ಇಬ್ರಿಯ 7:2

ಅಬ್ರಹಾಮ ತಿನೆ ತಿಕನ ರ‍್ಹಯಲ ಕ್ಹಾರಾವೊಮಾನು ದಕ್ಹವಾನು ಯಕ್ಕ ಭಾಗ ದಿದ್ಯೊ. ಸಾಲೆಮೆನೊ ರಾಜೊ಼ ಥಯಲ ಮೆಲ್ಕಿದೆಜೆಕ ಕವಾನು ನಾಮನೊ ಬೆ ಮತ್ಲಬ ಛೆ. ಮೆಲ್ಕಿದೆಜೆಕ ಕದ್ಯಾಮ, ನಿತಿನೊ ರಾಜೊ಼” ಮತ್ಲಬ ವ್ಹೈ. ಸಾಲೆಮೆರಾಜೊ಼ ಕದ್ಯಾಮ” ಶಾಂತಿನೊ ರಾಜೊ಼ ವ್ಹೈ ಕೈನ ಮತ್ಲಬ ವ್ಹೈ.

1 ಪೆತ್ರಾ 5:9

ತುಮಾರಾ ಬರೊಕ್ಹಾಮಾ ಘಟ್ಟರ‍್ಹೈನ ತಿನೆ ದೆಕೊ. ಕಾಕದ್ಯಾಮ ಜಗತ್ಮಾ ರ‍್ಹಯಲ ತುಮಾರಾ ಭಾಯೊ ಭೆನೊ ತುಮೊನೆ ರ‍್ಹಯಲ ತ್ರಾಸ ಖಾವಾಡ್ಯಾಸ ತುಮೊನೆ ಗ್ವತ್ತ ಛೆ.

1 ಯೊಹಾನ 2:13

ಬಾವೊ, ಆದಿತೊ ರ‍್ಹಯಲವಾಲಾನೆ ತುಮೆ ತಿಳದಲ ಹುತಿ ಮಿ ತುಮೊನೆ ಬರ್ದಾಡ್ಯೊಸ. ಜಾಂಜಿಮಾನೊ, ತುಮೆ ಕೆಟ್ಟ ರ‍್ಹಯಲವಾಲಾನೆ ಹರಾಡಲ ಹುತಿ ಮಿ ತುಮೊನೆ ಬರ್ದಾಡ್ಯೊಸ.

1 ಯೊಹಾನ 4:4

ಮಾರಾ ಮಯಾನಾ ಬಚ್ಚಾ಼ವೊ, ತುಮೆ ಕ್ಹುದಾನೆ ಸೆರಲವಾಲಾ ವ್ಹೈ. ತೆನೈಸೊ ತುಮೆ ತ್ಯುನೊನೆ

1 ಯೊಹಾನ 5:4

ಮ್ಹೊಟೊ ಕುರಬುರ‍್ಯೊ (ಕ್ರಿಸ್ತ) ದಿಕ್ಹಾತಾಮಾ, ತುಮೊನೆ ಕಿರಿಟ ಮಳಸ. ಮ್ಹೊಟಿ ಮಹಿಮಾ ವ್ಹಂದಿಲಿದ್ಯಾಮ ತೆ ಕಿರಿಟ ತಿನು ಸುಂದ್ದರತಾ ಜವೈ ಲೈತೊನೈ.

ಪ್ರಕಟನೆ 12:11

ತ್ಯುನೆ ಜ಼ಲಂಪರಲಿ ಮಯಾ ಛೊಡಿನ ಬಕ್ರಾನು ಬಚ್ಚು಼ ಥಯಲವಾಲಾನಾ ರಗತಕ್ಹು ತ್ಯುನು ಕ್ಹರಿನು ಭೊದನೆ ಕ್ಹು ವರಿ ಸಾಕ್ಕಷಿಕ್ಹು ಝಿತ್ತ್ಯಾ.

ಪ್ರಕಟನೆ 3:21

"ಮಿ ಝಿತ್ತಿನ ಮಾರಾ ಬಾನಾ ಕ್ಹಾತೆ ತಿನಾ ಸಿಂಹಾಸನ್ಪರ ಬೈಟ್ಯೊಸ. ತಿನಾ ಲಿಂಗತಜ಼ ಝಿತ್ತಲ ಹರಿ ಯಕ್ಲೊ ಮಾರಾ ಕ್ಹಾತೆ ಸಿಂಹಾಸನ್ಪರ ಬೈಟಾನಾ ಲಿಂಗತ ಹಕ್ಕ ದ್ಯುಸ.

ಪ್ರಕಟನೆ 7:14

"ಸ್ವಾಮಿ, ತ್ಯುನೆ ಕುನ ವ್ಹೈ ಕವಾನು ತುನೆ ಗ್ವತ್ತ ಛೆ "ಕೈನ ಮಿ ಕದ್ಯೊ. ತೆಳಾಮಾ ತೆ ಶಾನೊ"ಎ ಮನಕ್ಹೊ ಘನ್ನೊ ತ್ರಾಸ ಖೈನ ಆಯಲವಾಲಾ ವ್ಹೈ. ತ್ಯುನೆ ಬಕ್ರಾನು ಬಚ್ಚಾ಼ನಾ ರಗತಕ್ಹು ತ್ಯುನಾ ವಣ್ಣಾ ಧ್ವಲಿದ್ಯಾಸ. ಹಮ್ನಾ ತ್ಯುನೆ ಹಸಾ ಥಯಾಸ ವರಿ ಧೊಳಾ ಥಯಾಸ.