ಯೊಹಾನ 16:3 - ಕ್ಹುದಾನಿ ಕ್ಹರಿನಿ ವಾಕ್ಯಾ

³ ಮನಕ್ಹೊ ಬಾನೆ ವರಿ ಮನೆ ನೈ ತಿಳ್ದಿಲಿದಲ ಹುತಿ ಎ ಕ್ಹಾರು ಕರಸ.

ಯೊಹಾನ 16:3 ပူးပေါင်းရင်းမြစ်များ

ಲುಕ ಬರ್ದಲ ಸುವಾರ್ತಾ 10:22

ಮಾರೊ ಬಾ ಮನೆ ಕ್ಹಾರುಜ಼ ದಿದ್ಯೊಸ. ದಿಕ್ರೊ ಕುನ್ನ ವ್ಹೈ ಕಿನೆಜ಼಼ ಗೊತ್ತ ನತ್ತಿ. ಬಾ ನೆ ಯಕಜ಼ ಗೊತ್ತ ಛೆ. ವರಿ ಬಾ ಕುನ್ನ ವ್ಹೈ ಕವಾನು ದಿಕ್ರಾನೆ ಯಕಜ಼ ಗೊತ ಛೆ. ದಿಕ್ರೊ ಬಾನಾ ಹುತಿ ಕಿನೆ ತಿಳ್ಸಸ ತೆ ಯಕ್ಕಲೊಜ಼ ಬಾನಾ ಹುತಿ ತಿಳದಿಲಿವಸ.

ಯೊಹಾನ 15:21

ಮನಕ್ಹೊ ಮಾರಾ ರ‍್ಹಯಲ ಹುತಿ ಎ ಕ್ಹಾರು ತುಮೊನೆ ಕರಸ. ಮನೆ ವಳಾಯಲವಾನೆ ತ್ಯುನೆ ತಿಳ್ದಿಲಿದ್ಯಾ ನತ್ತಿ.

ಯೊಹಾನ 15:23

"ಮನೆ ದ್ವೆಶ ಕರಾಲೊ ಮಾರಾ ಬಾನೆ ದ್ವೆಶ ಕರಾಲೊ ಥಯೊಸ.

ಯೊಹಾನ 17:25

ನಿತಿ ಕ್ಹು ರ‍್ಹಯಲ ಬಾ, ಎ ದುನಿಯಾ ತುನೆ ವಳಕಿ ನತ್ತಿ ವರಿಬಿ ಮಿ ತುನೆ ವಳಕ್ಕಯೊಸ. ವರಿ ತುಜ಼಼ ಮನೆ ಮೊಕ್ಕಲ್ಯೊಸ ಕವಾನು ಎ ಮನಕ್ಹೊನೆ ಗ್ವತ್ತ ಛೆ.

ಯೊಹಾನ 17:3

ಯಕ್ಲೊಜ ಕ್ಹರಿನೊ ಕ್ಹುದಾ ರ‍್ಹಯಲ ತುನೆ ವರಿ ತು ವಳಾಯಲ ಯೆಸು ಕ್ರಿಸ್ತನೆ ತಿಳ್ದಿಲಿವಾನುಜ ಹಮೆಶಾನೊ ಜ಼ಲಮ ವ್ಹೈ.

ಯೊಹಾನ 8:19

ತೆಳಾಮಾ ತ್ಯುನೆ"ತಾರೊ ಬಾ ಕಿಜಾ಼ ಛೆ? ಕೈನ ಪುಚ಼್ಚಾ. ಯೆಸು ತ್ಯುನೊನೆ "ತುಮೊನೆ ಮಿ ರ‍್ಹೈನೆಕಾ ಮಾರೊ ಬಾ ರ‍್ಹೈನೆಕಾ ಗ್ವತ್ತ ನತ್ತಿ. ಯಕ್ಕೆಳೆ ತುಮೆ ಮನೆ ತಿಳ್ದಿಲಿದಲ ರ‍್ಹವತ್ತೊ, ಮಾರಾ ಬಾನೆಬಿ ತಿಳ್ದಿಲಿದಲ ರ‍್ಹತಾತಾ" ಕೈನ ಕದ್ಯೊ.

ಯೊಹಾನ 8:55

ತೆನೈಸೊ ತುಮೆ ತಿನೆ ಕ್ಹರಿಮಾಜ಼ ವಳಕ್ಯಾ ನತ್ತಿ. ತೆನೈಸೊ ಮಿ ತಿನೆ ವಳಕ್ಯೊಸ. ಮಿ ತಿನೆ ವಳಕ್ಯೊ ನತ್ತಿ ಕದ್ಯಾಮ ತುಮಾರಾ ಲಿಂಗತ ಸುಳ್ಳ ಕವಾಲೊ ಥೌಸ. ಮಿ ತಿನೆ ವಳಕ್ಯೊಸ. ತೆನೈಸೊ ಮಿ ತಿನಿ ವಾಕ್ಯಾನೆ ವಿಧಯ ಥೌಸ.

ಅಪೊಸ್ತಲೊ 3:17

"ಭಾಯೊ ತುಮೆ ಕರಲ ರ‍್ಹವಾದೆ, ತುಮೆ ಗ್ವತ್ತ ವಾಚಿ ಯೆಸುನೆ ಇಮ್ಮ ಕರ‍್ಯಾಸ ಕೈನ ಮನೆ ಗ್ವತ್ತ ಛೆ. ತುಮಾರಾ ನಾಯಕೊಬಿ ತಿಳ್ದಿಲಿದ್ಯಾ ನೈ.

1 ಕೊರಿಂಥ 2:8

ಎ ದುನಿಯಾನಾ ಕಯಾಜ಼ ಅದಿಪತಿಯೊ ಎ ಗ್ಯಾನ ತಿಳ್ದಿಲಿದ್ಯಾ ನೈ ತ್ಯುನೆ ತಿಳ್ದಿಲಿದಲ ರ‍್ಹವತ್ತೊ, ಮಹಿಮಾನಾ ಪ್ರಭುನೆ ಶಿಲುಬಿ ಪರ ಚ಼ಡಾತಾ ನ್ಹೊತಾ.

2 ಥೆಸಲೊನಿಕ 1:8

ಪ್ರಭು ಯೆಸು ಕ್ರಿಸ್ತ ಸ್ವರಗತೊ ಆಗನಿ ಜ್ವಾಲಾನಾ ಕ್ಹಾತೆ ಆತಾಮಾ ಸುವಾರತೆನೆ ನೈ ವಿಧೆಯ ಥಯಲವಾಲಾವೊನೆ ವರಿ ಇನ್ಕಾರಲ ವಾಲಾವೊನೆ ಶಿಕ್ಷಾ ದಿವಸ.

1 ತಿಮೊತಿ 1:13

ಪೈಲಾ, ಮಿ ಕ್ರಿಸ್ತನಾ ವಿರೊದ ಬೊಲ್ಯೊತೊ. ತಿನೆ ಮಿ ತ್ರಾಸ ಕರ‍್ಯೊತೊ. ತಿನೆ ದುಖ ಥಾವಾವರಕ್ಹು ಕಾಮೊ ಕರ‍್ಯೊತೊ. ವರಿಬಿ ಮಿ ಸು ಕರಾಡ್ಯೊಸ ಕವಾನು ಮನೆ ಗ್ವತ್ತ ನೈರ‍್ಹಯಲ ಹುತಿ ಕ್ಹುದಾ ಮನೆ ಮರಗ್ಯೊ. ಬರೊಕ್ಹೊ ನೈ ರ‍್ಹತಾಮಾ ಮಿ ತೆ ಕ್ಹಾರು ಕರ‍್ಯೊತೊ.

1 ಯೊಹಾನ 2:23

ದಿಕ್ರಾನೆ ನೈ ನಂಬಲ ವಾಲೊ ಬಾನೆ ನೈ ವ್ಹಂದಿಲೆತೊ. ತೆನೈಸೊ ದಿಕ್ರಾನೆ ಮಳೈಲಿದಲವಾಲೊ ಬಾನೆ ಬಿ ಹೊಂದಲ ಲಿಂಗತ ವ್ಹೈ.

1 ಯೊಹಾನ 3:1

ಬಾ ಅಪೊನೆ ಘನ್ನೊ ಮಯಾ ಕರ‍್ಯೊ! ಕ್ಹುದಾನಾ ಬಚ್ಚಾ಼ ವ್ಹೈ ಕೈನ ಕವೈಲಿವಾನಾ ಯಕ್ಲೊ ಕ್ಹುದಾ ಅಪೊನೆ ಮಯಾ ಕರ‍್ಯೊ. ಅಪೆ ಕ್ಹರಿಮಾಜ಼ ಕ್ಹುದಾನ ಬಚ್ಚಾ಼ ವ್ಹೈ. ತೆನೈಸೊ ಜಗತ್ಮಾ ರ‍್ಹಯಲ ಮನಕ್ಹೊತೊ ಹಮೆ ಕ್ಹುದಾನಾ ಬಚ್ಚಾ಼ ವ್ಹೈ ಕವಾನು ತಿಳ್ದಿಲಿದ್ಯಾ ನತ್ತಿ. ಕಾಕದ್ಯಾಮ ತ್ಯುನೆ ಕ್ಹುದಾನೆ ವಳಕ್ಯಾ ನತ್ತಿ.

1 ಯೊಹಾನ 4:8

ಮಯಾ ನೈ ಕರಾಲೊ ಕ್ಹುದಾನೆ ವಳಕಾಲೊ ನ್ಹವೈ. ಕಾಕದ್ಯಾಮ ಕ್ಹುದಾ ಮಯಾನೊ ರುಪ ವ್ಹೈ.

1 ಯೊಹಾನ 5:20

ಕ್ಹುದಾನೊ ದಿಕ್ರೊ ಆ ದುನಿಯಾಮಾ ಐನ ಅಪೆ ಕ್ಹರಿನಾಜ ಕ್ಹುದಾನೆ ವಳಕಿಲಿವಾನಾ ಹುತಿ ಅಪನೊನೆ ಗ್ಯಾನ ದಿವಸ ಕೈನ ಅಪನೊನೆ ಗೊತ್ತ ಛೆ,ವರಿ ಹಮೆ ಕ್ಹುದಾನಾ ದಿಕ್ರೊ ಥಯಲ ಯೆಸುಕ್ರಿಸ್ತಮಾ ರ‍್ಹವಾಲೊ ಥೈನ ಕ್ಹರಿನಾ ಕ್ಹುದಾಮಾ ರ‍್ಹಹೆಲವಾಲಾ ಛೆ. ತೆ ಕ್ರಿಸ್ತ ಕ್ಹರಿನೊ ಕ್ಹುದಾ ವ್ಹೈ,ಹಮೆಶಾನೊ ಜ಼ಲಮ ಥಯೊಸ.