ಯೊಹಾನ 16:25 - ಕ್ಹುದಾನಿ ಕ್ಹರಿನಿ ವಾಕ್ಯಾ

²⁵ "ಮಿ ತುಮೊನೆ ಎ ಸಂಗತಿಯೊ ಕಾನಿಯೊನಾ ಮುಕಾಂತರ ಕದ್ಯೊ. ವರಿ ಟೈಮ ಆವಸ. ತೆಳಾಮಾ ಮಿ ಕಾನಿ ಕದ್ಯಾವಾಚಿ ಮಾರಾ ಬಾನಾ ಹುತಿ ಸಿದಾ ವಾತೊಮಾ ಕೌಸ.

ಯೊಹಾನ 16:25 ပူးပေါင်းရင်းမြစ်များ

ಮಾರ್ಕ 4:13

ತೆಳಾಮಾ ಯೆಸು ತ್ಯುನೊನೆ ಪುಚ್ಯೊ ತೆಜ಼ ವಾತ ತುಮೊನೆ ನೈ ಗೊತ್ತ ಥೈಯುಮ? ಬಿಜಿ಼ ಕೈ ವಾತ ತುಮೊನೆ ಕಿಮ ಗೊತ್ತ ಥಾವಸ?

ಮಾರ್ಕ 4:34

ಯೆಸು ಮನಕ್ಹೊನಾ ಕ್ಹಾತೆ ಬೊಲ್ತಾಮಾ ಸಾಮ್ಯಲಿನ ಕತೊತೊ. ತೆನೈತೊ ಯೆಸು ಯಕ್ಲೊ ರ‍್ಹತಾಮಾ ತಿನಾ ಶಿಷ್ಯಾವೊನೆ ಕ್ಹಾರು ಫೊಡಿನ ಕತೊತೊ.

ಮಾರ್ಕ 8:32

ತೆ ತೆಳಾಮಾ ಯೆಸು ಎ ವಾತೊ ಝಾಕಿನ ಮ್ಹೆಲ್ಯಾ ವಾಚಿ಼ ಕದ್ಯೊ. ತೆಳಾಮಾ ಪೆತ್ರಾ ತಿನೊ ಹತ್ ಧರಿನ ತಿನೆ ಗದರಸಾನೆ ಚ಼ಾಲು ಕರ‍್ಯೊ.

ಯೊಹಾನ 10:24

ತೆಳಾಮಾ ಯೆಹುದಿಯೊನಾ ಅದಿಕಾರಿಯೊ ಯೆಸುನಾ ಅಗಾ ಪಾಚಾ಼ ಹುಬ್ರಯಾ. ತ್ಯುನೆ ತಿನೆ"ಹಜು಼ನ ಕೆಕ್ಲಿ ಯೆಳ ತಾರಾ ಹುತಿ ಹಮೊಕ್ಹು ಕೆಕ್ಲಾ ದಿನ್ನ ಝಾಕಿನ ಮ್ಹೆಲ್ಸಿ? ಕ್ಹರಿ ಸು ಛೆ ಖುಲ್ಲಾ ಕೆ. ತು ಕ್ರಿಸ್ತ ವ್ಹೈ ಸು? ಕೈನ ಪುಚ್ಯಾ.

ಯೊಹಾನ 10:6

ಯೆಸು ಕದಲ ಎ ಸಾಮ್ಯ ತ್ಯುನೊನೆ ಕದ್ಯೊ. ತೆನೈಸೊ ಇನು ಮತ್ಲಬ ತ್ಯುನೊನೆ ಗ್ವತ್ತ ಥಯು ನೈ.

ಯೊಹಾನ 16:12

ಮಿ ತುಮೊನೆ ಕವಾನಿಯೊ ಸಂಗತಿಯೊ ಹಜು಼ನ ಘನಿಯೊ ಛೆ. ವರಿಬಿ ತೆ ಸಂಗತಿಯೊ ತುಮೆ ಸಹಿಸಿ ನೈ ಲೆತಾ.

ಯೊಹಾನ 16:2

ತ್ಯುನೆ ತುಮೊನೆ ಸಭಾಮಂದಿರೊಮಾತಾ ಭಾರಾ ಘಾಲಸ. ವರಿ ಯಕ್ಕ ಟೈಮ ಆವಾಡೊಸ ತ್ಯುನೆ ತುಮೊನೆ ಮಾರಸ ವರಿ ತ್ಯುನೆ ಅಮ್ಮ ವಿಚಾರ ಕರಸ ತ್ಯುನೆ ಕ್ಹುದಾನಿ ಸೆವಾ ಕರ‍್ಯಾಸ ಕೈನ.

ಯೊಹಾನ 16:32

ಮನೆ ಐಕೊ ತುಮೆ ಜುದಾ ಥಾವಾನೊ ಟೈಮ ಆಯೊಸ. ತುಮೊಮಾ ಹರಿ ಯಕ್ಲೊ ತಿನಾ ಸ್ವಂತ ಘರೆ ಜಾ಼ವಸ. ತುಮೆ ಮನೆ ಯಕ್ಲಾನೆಜ ಛೊಡಿನ ಜಾವೊಸಿ. ತೆನೈಸೊ ಕ್ಹರಿಮಾಜ಼ ಮಿ ಕೆಳಾಮಾಜ ಯಕ್ಲೊ ನತ್ತಿ. ಕಾಕದ್ಯಾಮ ಬಾ ಮಾರಾ ಕ್ಹಾತೆ ಛೆ.

2 ಕೊರಿಂಥ 4:2

ಸರಮ ಆವಾನು ಕಾಮ ಝಾಕಿಲಿನ ಕರಾನಾ ಕಾಮೊ ಅಪೆ ಛೊಡಿನ ಅಪೆ ಕುತಂತ್ರ ಉಪಯೊಗ ಕರ್ತಾಜ ನೈ. ಕ್ಹುದಾನು ಉಪದೆಶ ಬದಲಿ ಕರ್ತಾಜ ನೈ. ಅಪೆ ಕ್ಹರಿ ರ‍್ಹಯಲಜ ಕೈಯೆಸ. ಹಮೆ ಕುನ್ನ ವ್ಹೈ ಕವಾನು ಮನಕ್ಹೊನೆ ದೆಕಾಡಿನ ದಿಯೆಸ. ಇಮ ಹಮೆ ಕ್ಹುದಾನಾ ಕ್ಹಾಮಾ ಕೆವಾ ಛೆ ಕವಾನು ತ್ಯುನಾ ಮನಸೊಮಾ ತಿಳದಿಲಿವಸ.