ಯೊಹಾನ 16:14 - ಕ್ಹುದಾನಿ ಕ್ಹರಿನಿ ವಾಕ್ಯಾ

¹⁴ ಕ್ಹರಿನಿ ಆತ್ಮಾ ಮಾರಿಯೊಜ ವಾತೊ ಐಕಿನ ತುಮೊನೆ ಕವಾನಾ ಮುಲಕ ಮನೆ ಮಹಿಮಾ ಕರಸ.

ಯೊಹಾನ 16:14 ပူးပေါင်းရင်းမြစ်များ

ಯೊಹಾನ 14:21

ಯಕ್ಲೊ ಮಾರಿ ಆಗನ್ಯಾವೊನೆ ಸ್ವಿಕಾರ ಕರಿನ ತಿನಾ ಲಿಂಗತ ಚಾಲ್ಯೊಮ, ತೆ ಮನೆ ಮಯಾ ಕರಾಲೊ ಥಯೊಸ. ಕುನ್ನ ಮನೆ ಮಯಾ ಕರಸ ತಿನೆ ಮಾರೊ ಬಾ ಬಿ ಮಯಾ ಕರಸ ವರಿ ಮಿ ತಿನೆ ಮಯಾ ಕರುಸ. ವರಿ ಮಿ ತಿನೆ ಮನೆಜ ದೆಕಾಡಿನ ದಿವ್ಸ" ಕೈನ ಉತ್ತರ ದಿದ್ಯೊ.

ಯೊಹಾನ 15:26

"ಯಕ್ಕ ಸಹಾಯಕ ಆವಸ. ತೆ ಪವಿತ್ರ ಆತ್ಮಾ ವ್ಹೈ. ವರಿ ಕ್ಹುದಾನಿ ಕ್ಹರಿನೆ ದೆಕಾಡಿನ ದಿವಸ ವರಿ ತೆ ಬಾ ಕಂತೊ ಆವಸ. ಮಿ ತಿನೆ ಕ್ಹುದಾ ಕಂತೊ ವಳೌಸ ವರಿ ತೆ ಮಾರಾ ಹುತಿ ಸಾಕ್ಷಿ ದಿವಸ.

ಯೊಹಾನ 7:39

ಯೆಸು ಪವಿತ್ರಾ ಆತ್ಮಾನಾ ಹುತಿ ಎ ಕುನ್ನ ತಿಪರ ಬರೊಕ್ಹೊ ಮ್ಹೆಲಲವಾಲಾನೆ ತೆ ತ್ಯುನೆ ಪಡ್ದಿಲಿವಾನು ವ್ಹತ್ತು. ತೆಳಕ್ಕಾ ಪವಿತ್ರ ಆತ್ಮಾ ದಿದಲ ನ್ಹೊತಿ ಕಾಕದ್ಯಾಮ ಹಜುಬಿ ಯೆಸು ಮಹಿಮಾತು ಜಿವ್ತೊ ಥೈನ ಉಟ್ಯೊ ನ್ಹೊತೊ. ಕದ್ಯೊತೊ ತಿನೆ ಬರೊಕ್ಹೊ ಕರಲವಾಲಾ ವ್ಹಂದಿಲಿವಾನು ಪವಿತ್ರ ಆತ್ಮಾನಾ ಹುತಿ ಕದ್ಯೊ. ತೆ ಹಜು಼ನ ತಿನಿ ಮಹಿಮಾ ನೈ ವ್ಹಂದಿಲಿದಲಕ್ಹು ಪವಿತ್ರ ಆತ್ಮಾ ಹಜು಼ನ ದಿದ್ಯೊ ನ್ಹೊತೊ.

1 ಕೊರಿಂಥ 12:3

ಅಕ್ಲು ತುಮೊನೆ ಕರೆಟ್ಟ ಗ್ವತ್ತ ರ‍್ಹವಾದೆ; ಪವಿತ್ರ ಆತ್ಮಾನಿ ಪ್ರೆರಣೆಕ್ಹು ಬೊಲಾಲೊ ಕುನ್ನಬಿ "ಯೆಸುನೆ ದಿಕ್ಕಾರ" ಕೆ ನೈ ಸಕ್ತೊ. ತಿನಾ ಲಿಂಗತಜ಼, ಪವಿತ್ರ ಆತ್ಮಾನಿ ಪ್ರೆರಣೆ ನೈಸೊ ಕುನ್ನಬಿ"ಯೆಸುಜ಼ ಪ್ರಭು ವ್ಹೈ" ಕೈನ ವಪ್ಪಿ ನೈ ಲೆಸಕ್ತೊ.

2 ಕೊರಿಂಥ 4:6

ತಿನಾಹುತಿ ಅಂದಾರಾಮಾತು ಉಜಾಲು ಆವಸ ಕೈನ ಕ್ಹುದಾ ಯಕ್ಕ ದಿನ ಕದ್ಯೊ ಎಜ಼ ಕ್ಹುದಾ ಅಪ್ನಾ ತಿನು ಉಜಾಲು ಥಯೊಸ. ಕ್ರಿಸ್ತನಾ ಮ್ಹೊಡಾಪರ ರ‍್ಹಯಲ ಅಪೊನೆ ದೆಕಾಡಿನೆ ದಿವಾನಾ ಮುಲಕ ತೆ ಅಪೊನೆ ಉಜಾಲು ದಿದ್ಯೊಸ.

ಗಲಾತ್ಯ 5:5

ತೆನೈಸೊ ಅಪೆ ಬರೊಕ್ಹಾನಾ ಮುಲಕ ನಿತಿವಂತವಾಲಾ ಥೈಯೆಸ ಕವಾನು ಆಸ ಅಪೊನೆ ಛೆ. ಕ್ಹುದಾನಿ ಆತ್ಮಾನಿ ಮದತಕ್ಹು ಎ ಆಸ ಥಾವಸ ಕೈನ ದೆಕಾಡಾಸ.

1 ಪೆತ್ರಾ 2:7

ಬರೊಕ್ಹೊ ರ‍್ಹಯಲ ಮನಕ್ಹೊ ಥಯಲ ತುಮೊನೆ ತೆ ದಗ್ಡೊ (ಯೆಸು) ಘನ್ನೊ ಮೊಗಾನೊ ವ್ಹೈ. ತೆನೈಸೊ ನೈ ಬರೊಕ್ಹೊ ಕರಾಲಾ ಮನಕ್ಹೊನೆ ತೆ ಅಮ ಕದ್ಯೊಸ; "ಭಾಂದಾವಾಲಾ ನಕೊ ಕೈನ ಛೊಡಲ ದಗ್ಡೊಜ಼ ಮುಲಾನೊ ದಗ್ಡೊ ಥಯೊ" ಕಿರ್ತನೆ. 118:22

1 ಯೊಹಾನ 3:23

ಕ್ಹುದಾನಾ ಆಗನ್ಯೆ ಸು ವ್ಹೈ ಕದ್ಯಾಮ ತಿನೊ ದಿಕ್ರೊ ಥಯಲ ಯೆಸು ಕ್ರಿಸ್ತಮಾ ಅಪೆ ಬರೊಕ್ಹೊ ಮ್ಹೆಲಿನ ಯಕ್ನೆ ಯಕ್ಕ ಮಯಾ ಕರು ಕವಾನುಜ಼ ವ್ಹೈ.

1 ಯೊಹಾನ 5:20

ಕ್ಹುದಾನೊ ದಿಕ್ರೊ ಆ ದುನಿಯಾಮಾ ಐನ ಅಪೆ ಕ್ಹರಿನಾಜ ಕ್ಹುದಾನೆ ವಳಕಿಲಿವಾನಾ ಹುತಿ ಅಪನೊನೆ ಗ್ಯಾನ ದಿವಸ ಕೈನ ಅಪನೊನೆ ಗೊತ್ತ ಛೆ,ವರಿ ಹಮೆ ಕ್ಹುದಾನಾ ದಿಕ್ರೊ ಥಯಲ ಯೆಸುಕ್ರಿಸ್ತಮಾ ರ‍್ಹವಾಲೊ ಥೈನ ಕ್ಹರಿನಾ ಕ್ಹುದಾಮಾ ರ‍್ಹಹೆಲವಾಲಾ ಛೆ. ತೆ ಕ್ರಿಸ್ತ ಕ್ಹರಿನೊ ಕ್ಹುದಾ ವ್ಹೈ,ಹಮೆಶಾನೊ ಜ಼ಲಮ ಥಯೊಸ.

1 ಯೊಹಾನ 5:6

ಕಾಕದ್ಯಾಮ ಯೆಸು ಕ್ರಿಸ್ತ ಪಾನಿಕ್ಹು ರಗತಕ್ಹು ಸಾಕ್ಷಿ ಹೊಂದವಾಲೊ ವ್ಹೈ. ಪಾನಿಕ್ಹು ಯಕ್ಕಜ಼ ನೈ ರಗತಕ್ಹು ಸಾಕ್ಷಿ ಹೊಂದಲವಾಲೊ ವ್ಹೈ. ಆತ್ಮಾ ಸಾಕ್ಷಿ ದಿವಸ ಕಾಕದ್ಯಾಮ ತೆ ಆತ್ಮಾ ಕ್ಹರಿನಿ ಆತ್ಮಾ ವ್ಹೈ.

ಪ್ರಕಟನೆ 19:10

ತೆಳಾಮಾ ಮಿ ದೆವಧೂತನೆ ಆರಾಧನಾ ಕರಾನಾ ಹುತಿ ತಿನಾ ಪಗೊ ಕ್ಹಾಮೊ ಅಡ್ಡ ಪಾಡ್ಯೊ. ತೆನೈಸೊ ದೆವದುತ ಮನೆ "ಮನೆ ಆರಾಧನಾ ಕರು ನಕೊ. ಯೆಸುನು ಕ್ಹರಿ ವಳಕಲವಾಲೊ ತರಾ ಲಿಂಗತ ವರಿ ತಾರಾ ಭಾಯೊ ಲಿಂಗತ ಮಿಬಿ ಯಕ್ಕ ಸೆವಕ ವ್ಹೈ. ತಿನಾ ಹುತಿ ಕ್ಹುದಾನೆ ಆರಾಧನಾ ಕರ! ಕಾಕದ್ಯಾಮ ಯೆಸು ಕ್ಹರಿ ವ್ಹೈ ಕೈನ ಪ್ರವಾದನೆಜ಼ ಸಾಕ್ಷಿ ವ್ಹೈ" ಕದ್ಯೊ.