ಯೊಹಾನ 16:10 - ಕ್ಹುದಾನಿ ಕ್ಹರಿನಿ ವಾಕ್ಯಾ

¹⁰ ಮಿ ಬಾಕನ ಜಾ಼ವಾನು ನಿತಿನಾ ಹುತಿ ತೆ ಮನಕ್ಹೊನೆ ದೆಕಾಡಿನ ದಿವಸ. ಇತ್ತಿ ಉಪ್ಪರ ಮನೆ ತುಮೆ ದೆಕ್ತಾ ನೈ

ಯೊಹಾನ 16:10 ပူးပေါင်းရင်းမြစ်များ

ಯೊಹಾನ 16:28

ಮಿ ಬಾಕಂತೊ ಎ ದುನಿಯಾಮಾ ಆಯೊ. ಹಮ್ನಾ ಮಿ ಎ ದುನಿಯಾ ಛೊಡಿನ ಬಾಕನ ವರಿ ಚಾಲ್ಯೊಸ "ಕೈನ ಕದ್ಯೊ.

ಯೊಹಾನ 16:5

ಹಮ್ನಾ ತುಬಿ, ಮನೆ ವಳಾಯಲವಾಲಾ ಕನ ಮಿ ಚಾಲ್ಯೊಸ. ತೆನೈಸೊ ತುಮೊಮಾ ಯಕ್ಲೊ ತುಬಿ"ತು ಕಿಜಾ಼ ಚಾಲ್ಯೊಸ? ಕೈನ ಮನೆ ಪುಚ್ಯಾ ನೈ.

ಯೊಹಾನ 3:14

"ಮೊಶೆ ಉಸುಕನಾ ಗಾಮಮಾ ತಾಂಬಾನಾ ಕ್ಹಾಪನೆ ಉಚ್ಚು ರ‍್ಹಯಲ ಖಾಂಪರ ಮ್ಹೆಲ್ಯೊ. ತಿನಾಲಿಂಗತಜ಼ ಮನಕ್ಹನಾ ದಿಕ್ರಾನೆಬಿ ಉಚೈನ ಉಚ್ಚು ರ‍್ಹಯಲ ಖಂಬಾಪರ ಮ್ಹೆಲಸ.

ಯೊಹಾನ 5:32

ತೆನೈಸೊ ಮಾರಿ ಹುತಿ ಸಾಕ್ಷಿ ದಿವಾಲೊ ಯಕ್ಕ ಮನಕ್ಹ ಛೆ. ತೆ ದಿವಾನಿ ಸಾಕ್ಷಿ ಕ್ಹರಿಜ ವ್ಹೈ ಕೈನ ಮನೆ ಗ್ವತ್ತ ಛೆ.

ಯೊಹಾನ 7:33

ತೆಳಾಮಾ ಯೆಸು"ಹಜು಼ನ ದಕ್ಹಾ ಟೈಮ ಮಿ ತುಮಾರಾ ಕ್ಹಾತೆ ರ‍್ಹೌಸ. ಪಾಚಲ್ತೊ ಮನೆ ಮೊಕ್ಲಲವಾಲಾಕನ ಜೌ಼ಸ.

ಅಪೊಸ್ತಲೊ 17:31

ಕಾಕದ್ಯಾಮ ತೆ‍ಸೃಷ್ಟಿ ಕರಲ ದಾಣಗಾನೊ ಹತಕ್ಹೊ ನಿತಿಕ್ಹು ಭುಲೊಕಮಾ ಫೈಸಲೊ ಕರನಾ ಹುತಿ ಎಕ ದಿನ್ನ ಗೊತ ಕರ್ಯೊ. ತಿನೆ ಮರೆಲ ಮಾತೊ ಜುತೊ ಕರಲ ವ್ಹೈ ಕೈನ ನಂಬಾ ಹುತಿ ಕ್ಹಾರಾವೊನೆ ಆ ಕಾನಿ ದಿದೊಸ ಕೈನ ಕದ್ಯೊ.

ಅಪೊಸ್ತಲೊ 2:32

ತಿನಾಹುತಿ ಕ್ಹುದಾ ಮರಲವಾಲಾವೊಮಾತೊ ಜಿವ್ತೊ ಕರಿನ ಉಟಾಡಲ ಯೆಸುನೆಜ಼ ಅಪೆ ಕ್ಹಾರಾ ಜ಼ನಾ ಸಾಕ್ಷಿಯೊ ಥಯಾಸ.

ಅಪೊಸ್ತಲೊ 3:14

ಯೆಸು ಪರಿಶುದ್ಧ ವ್ಹತ್ತೊ ವರಿ ಚೊ಼ಕು ವ್ಹತ್ತೊ. ತೆನೈಸೊ ತುಮೆ ತಿನೆ ಇನ್ಕಾರ‍್ಯಾ. ತಿನಾ ಬದ್ಲಿ ಕಲಾಸ ಕರಲವಾಲಾನೆ ಛೊಡು ಕೈನ ಪಿಲಾತನ ಕನ ಮಾಂಗಿಲಿದ್ಯಾ.

ಅಪೊಸ್ತಲೊ 7:52

ಜುವತ್ತಾ ರ‍್ಹಯಲ ಪ್ರವಾದಿಯೊಮಾ ಹರಯಕ್ಲಾನೆ ತಮಾರಾ ಪಿತೃವೊ ತ್ರಾಸ ಕರ‍್ಯಾ. ನಿತಿವಾಲೊ ಯಕ್ಲೊ ಆವಸ ಕೈನ ಘನ್ನಾ ಟೈಮನಾ ಪಚಾ಼ಜ಼ ತೆ ಪ್ರವಾದಿಯೊ ಕದ್ಯಾ. ತಿನಾಹುತಿ ತಮಾರಾ ಪಿತೃವೊ ತೆ ಪ್ರವಾದಿಯೊನೆ ಖಲಾಸ ಕರಿ ಪಾಡ್ಯಾ. ಹಮ್ನಾ ತಿನಾಲಿಂಗತ ಸುಜ಼ ತಪ್ಪ ನೈ ಕರಲವಾಲಾ ಯೆಸು ಕ್ರಿಸ್ತನಾ ವಿರುದ್ದ ಥೈನ ತಿನೆಬಿ ಖಲಾಸ ಕರಿ ಪಡ್ಯಾ.

ರೊಮಾಪೂರ 1:17

ಕಾಕದ್ಯಾಮ ಸುವಾರ್ತೆ ಎ ದೆಕಾಡಿನ ದಿವಸ ಕ್ಹುದಾ ಮನಕ್ಹನೆ ತಿನಾ ಕ್ಹಾತೆ ನಿತಿವಂತ ಥೈನ ಇಮ್ಮ ಕರಸ ಎ ಪೈಲಾತು ಲಾಸ್ಟ ಲಕ್ಕಾ ಬರೊಕ್ಹಾಕ್ಹು ಥಾವಸ. ಇನಾ ಲಿಂಗತ ಪವಿತ್ರ ಗ್ರಂಥ ಕವಸ; "ಕಯೊ ಮನಕ್ಹ ಕ್ಹುದಾನಾ ಕ್ಹಾಮೊ ತಿನಾಕ್ಹು ತಿನೆಜ ನಿತಿವಂತ ಕರಿಲಿವಸ ತೆ ಬರೊಕ್ಹಾಕ್ಹು ಜಿವ್ನಾ ಕರಸ"

1 ಕೊರಿಂಥ 1:30

ತುಮೊನೆ ಕ್ರಿಸ್ತ ಯೆಸುನಿ ಅನ್ಯುನೆತೆಮಾ ಕರಲವಾಲೊಜ಼ ಕ್ಹುದಾ ವ್ಹೈ. ಕ್ರಿಸ್ತ ತುಮಾರಾ ಹುತಿ ಕ್ಹುದಾಕ್ಹು ಆಯಲ ಗ್ಯಾನ ಥಯೊಸ. ಅಪೆ ನಿತಿವಂತ ಥಾವಾನೆ ಹುತಿ, ಪಾಪಕ್ಹು ಬಿಡುಗಡೆ ಥಾವಾನಾ ಹುತಿ ವರಿ ಪವಿತ್ರ ಥಾವಾನಾ ಹುತಿ ಕ್ರಿಸ್ತಜ಼ ಕಾರಣ ಥಯೊಸ.

2 ಕೊರಿಂಥ 5:21

ಕ್ರಿಸ್ತಮಾ ಪಾಪ ನ್ಹೊತು. ವರಿ ಅಪೆ ಕ್ಹುದಾನೆ ಸಮರ್ಪಕ ಥೈನ ನಿತಿವಾಲಾನಿಂಗತ ಕ್ಹುದಾ ತಿನಿ ಪಾಪನೊ ಸ್ವರುಪ ಕರ‍್ಯೊ.

ಗಲಾತ್ಯ 5:5

ತೆನೈಸೊ ಅಪೆ ಬರೊಕ್ಹಾನಾ ಮುಲಕ ನಿತಿವಂತವಾಲಾ ಥೈಯೆಸ ಕವಾನು ಆಸ ಅಪೊನೆ ಛೆ. ಕ್ಹುದಾನಿ ಆತ್ಮಾನಿ ಮದತಕ್ಹು ಎ ಆಸ ಥಾವಸ ಕೈನ ದೆಕಾಡಾಸ.

1 ತಿಮೊತಿ 3:16

ಕ್ಹುದಾನಿ ಭಕ್ತಿನೆ ಆದಾರ ಥಯಲ ಕ್ಹರಿ ವರಿ ಸಂಶೊವಾಚಿ ಅಪ್ನಿ ಅರಾಧನಾನಿ ಜಿವಿತ ದಡಿರ‍್ಹಯಲ ಮ್ಹೊಟಿ ವ್ಹೈ ಕ್ರಿಸ್ತ ಮನಕ್ಹನಾ ರುಪಮಾ ಅಪೊನೆ ದಿಕ್ಯೊ. ತೆಜ಼ ಕ್ರಿಸ್ತ ವ್ಹೈಕೈನ ಪವಿತ್ರ ಆತ್ಮಾ ದೆಕಾಡಿನ ದಿದಿ. ಕ್ಹುದಾನಾ ದುತೊನೆ ತೆ ದಿಕ್ಹ್ಯೊ. ತಿನಾ ಹುತಿ ಸುವಾರ್ತೆ ಕ್ಹಾರಾ ಮನಕ್ಹೊನೆ ಪ್ರಚಾರ ಕರ‍್ಯೊ. ಜಗತ್ಮಾ ರ‍್ಹಯಲ ಮನಕ್ಹೊ ತಿಪರ ಬರೊಕ್ಹೊ ಮ್ಹೆಲ್ಯಾ. ತೆ ಮಹಿಮಾನಾ ಕ್ಹಾತೆ ಸ್ವರಗಾಮಾ ಗಯೊ.

1 ಪೆತ್ರಾ 3:18

ತುಮಾರಾ ಪಾಪೊನಾ ಹುತಿ ಕ್ರಿಸ್ತ ಯಕ್ಕಸಲಾ ತ್ರಾಸ ಖೈನ ಮರ‍್ಯೊ ಕ್ಹರಿಕ್ಹು ರ‍್ಹಯಲ ತೆ ಅಪರಾದಿಯೊನಾ ಹುತಿ ಜ಼ಲಮ ದಿದ್ಯೊ. ತುಮೊನೆ ಕ್ಹಾರಾವೊನೆ ಕ್ಹುದಾ ಕನ ಚ಼ಲಾವಾನಾಹುತಿ ತೆ ತಿಮ್ಮ ಕರ‍್ಯೊ. ತಿನೊ ಅಂಗ ಖಲಾಸ ಕರಾಯಾ. ತೆನೈಸೊ ತೆ ಆತ್ಮಾನಿ ಸಂಭದಮಾ ಜಿವ್ತೊ ಥಯೊ.