ಯೊಹಾನ 15:8 - ಕ್ಹುದಾನಿ ಕ್ಹರಿನಿ ವಾಕ್ಯಾ

⁸ ತುಮೆ ಘನ್ನು ಫಲ ದಿನ್ನ, ಮಾರಾ ಬಾನಿ ಮಹಿಮಾ ದೆಕಾಡೊ. ಇನಾಹುತಿ ತುಮೆ ಮಾರಾ ಶಿಷ್ಯಾ ಥಾವೊಶಿ.

ಯೊಹಾನ 15:8 ပူးပေါင်းရင်းမြစ်များ

ಮತ್ತಾಯ 5:16

ತಿನಾ ಲಿಂಗತ ತುಮೆ ಮನಕ್ಹೊನೆ ಉಜಾಲು ಥೈನ ರ‍್ಹೌ. ಇಮ್ಮ ತ್ಯುನೆ ತುಮಾರಾ ಚೊ಼ಕಾ ಕಾಮೊ ದೆಕಿನ ಸ್ವರ್ಗಮಾ ರ‍್ಹಯಲ ತುಮಾರಾ ಬಾನೆ ಸ್ತುತಿ ಕರಾದೆ.

ಮತ್ತಾಯ 5:44

ತೆನೈಸೊ ಮಿ ತುಮೊನೆ ಕವಾನು ಸುವೈ ಕದ್ಯಾಮ, ತುಮಾರಾ ದುಶ್ಮನೊನೆ ಮಯಾ ಕರೊ. ತುಮೊನೆ ಕಟ್ಟ ಕರಾಲಾ ಮನಕ್ಹೊನಾಹುತಿ ಪ್ರಾಥನಾ ಕರೊ.

ಮತ್ತಾಯ 9:8

ಮನಕ್ಹೊ ಎ ದೆಕಿನ ಘಾಬ್ರಾ ತಿಬ್ರ ಥಯಾ. ಮನಕ್ಹೊನೆ ಹೈ ಅದಿಕಾರ ದಿದಲಕ್ಹು ಮನಕ್ಹೊ ಕ್ಹುದಾನೆ ಸ್ತುತಿ ಕರ‍್ಯಾ

ಲುಕ ಬರ್ದಲ ಸುವಾರ್ತಾ 6:35

"ತಿನಾಹುತಿ ತುಮಾರಾ ದುಶ್ಮನೊನೆ ಮಯಾಕರೊ, ತ್ಯುನೊನೆ ಚೊ಼ಕು ಕರೊ, ತುಮೆ ತ್ಯುನೊನೆ ಸಾಲಾ ದೆತಾಮಾ ವರಿ ಫರಿನ ದಿವಸ ಕವಾನು ಆಸ ಮ್ಹೆಲೊ ನಕೊ. ತೆಳಾಮಾ ತುಮೊನೆ ಮ್ಹೊಟು ಪ್ರತಿಫಲ ರ‍್ಹಯಲ ರ‍್ಹವಸ, ವರಿ ಪರಾತ್ಪರ ಕ್ಹುದಾನಾ ದಿಕ್ರಾ ಥಾವೊಸಿ. ಕಾಕದ್ಯಾಮ ಕ್ಹುದಾ ಪಾಪಿಯೊನೆ, ಕೆಟ್ಟ ಮನಕ್ಹೊ ರ‍್ಹಯಲ ವಾಲಾವೊನೆ ಚೊ಼ಕೊ ವ್ಹೈ.

ಯೊಹಾನ 13:35

ಯಕ್ಕೆಳೆ ತುಮೆ ಯಕ್ನಾ ಯಕ್ಕ ಮಯಾ ಕರ‍್ಯಾಮ, ತುಮೆ ಮಾರಾ ಶಿಷ್ಯಾ ವ್ಹೈ ಕವಾನು ಕ್ಹಾರಾವೊನೆ ಗ್ವತ್ತ ಥಾವಸ ಕೈನ ಕದ್ಯೊ.

ಯೊಹಾನ 15:5

"ಮಿಜ಼ ದ್ರಾಕ್ಷಿಯೊನಿ ಬಳ್ಳಿ ವ್ಹೈ ತುಮೆ ಠೊಂಗಿಯೊ ವ್ಹೈ. ಯಕ್ಲೊ ಮಾರಾಮಾ ಮ್ಹೈ ಥೈನ ರ‍್ಹಯೊಮ ವರಿ ಮಿ ತಿನಾಮಾ ಮ್ಹೈ ಥೈನ ರ‍್ಹಯೊಮ, ತೆಳಾಮಾ ತೆ ಘನ್ನು ಫಲ ದಿವಸ. ತೆನೈಸೊ ತೆ ಮನೆ ಛೊಡಿನ ಸುಜ಼ ನೈ ಕರಸಕ್ತಾ.

ಯೊಹಾನ 8:31

ತಿನಾಹುತಿ ಯೆಸು ತಿಪರ ಬರೊಕ್ಹೊ ಮ್ಹೆಲಲ ಯಹುದಿಯೊನೆ"ತುಮೆ ಮಾರಾ ಉಪದೆಶನೆ ವಿಧೆಯ ಥಯಲ ರ‍್ಹವತ್ತೊ, ತುಮೆ ಕ್ಹರಿಬಿ ಮಾರಾ ಪಾಚಾ಼ ಆವಾಲಾ ಥಯಾಸ.

1 ಕೊರಿಂಥ 10:31

ತಿನೆ ಮಾರು ಜವಾಬ ಎ ವ್ಹೈ; ತುಮೆ ಖಾದ್ಯಾತಬಿ ಪಿದ್ಯಾತಬಿ ಸು ಕರಿತಬಿ ಕ್ಹುದಾನಿ ಮಹಿಮಾನಾ ಹುತಿ ಕರೊ.

1 ಕೊರಿಂಥ 6:20

ಕಾಕದ್ಯಾಮ, ತುಮೊನೆ ಕಿಮ್ಮತ ದಿನ್ನ ಲಿದಲವಾಲಾ ವ್ಹೈ. ತಿನಾಹುತಿ ತುಮಾರಾ ಅಂಗೊನೆ ಕ್ಹುದಾನಿ ಮಹಿಮಾ ಕರಾ ವರಕ್ಹು ಕರೊ.

ಫಿಲಿಪ್ಪಿ 1:11

ಯೆಸು ಕ್ರಿಸ್ತನಾ ಮುಲಕ ರ‍್ಹಯೆಲ ನಿತಿ ಕವಾನು ಫಲ ಭರೆಯೆಲ ವಾಲಾರೊನೆ ರವಾನು ರ‍್ಹಯೆಲ ಕ್ಹುದಾನೆ ಮರ್ಯಾದಿ ಸ್ತೊತ್ರಾ ಕರ‍್ಯಾ ಕೈನ ಮಾಗಿಲಿದ್ಯಾ.

ತಿತನೆ 2:10

ತ್ಯುನೆ ಸಾಮನೊ ಚೊ಼ರಿ ಕರುನೈ ವರಿ ತ್ಯುನೆ ಬರೊಕ್ಹು ರ‍್ಹಯಲವಾಲಾ ವ್ಹೈ ಕೈನ ದೆಕಾಡಿನ ದಿವೊ. ಆಳೊ ಇಮ್ಮ ಚಾ಼ಲಿನ ಜಾ಼ತಾ ರ‍್ಹಯಾಮ, ತ್ಯುನೆ ಕರಾನಾ ಹರ ಯಕ್ಕ ಕಾಮಮಾ ಅಪ್ನೊ ರಕ್ಷಕ ಥಯಲ ಕ್ಹುದಾನು ಉಪದೆಶ ಚೊ಼ಕು ವ್ಹೈ ಕೈನ ದೆಕಾಡಾನೆ ಥಾವಸ.

ತಿತನೆ 2:5

ತ್ಯುನೆ ಖುದ್ದನಾ ಹತೊಟಿಮಾ ಪರಿಶುದ್ಧ ಚೊ಼ಕಿಯೊ ಘರ್ಮಾನಿಯೊ ಹೆಣ ಮನಕ್ಹೊ ಥೈನ ತ್ಯುನಾ ಮಾಟಿಯೊನೆ ಅದಿನ ಥೈನ ರ‍್ಹೌ. ಇಮ್ಮ ಕ್ಹುದಾನಿ ವಾಕ್ಯಾನೆ ಕುನ್ನಜ಼ ಹಿನಾವಾನೆ ದ್ಯುನೈ.

1 ಪೆತ್ರಾ 2:12

ಬರೊಕ್ಹೊ ನೈಸೊ ಮನಕ್ಹೊ ಸುತ್ತೆ ಮುತ್ತೆ ಛೆ. ತುಮೆ ತಪ್ಪ ಕರಾಡಾಸ ಕೈನ ತ್ಯುನೆ ಕಸ. ತಿನಾಹುತಿ ಚೊ಼ಕಾ ಥೈನ ರ‍್ಹವೊ. ತುಮೆ ಕರಾನಾ ಚೊ಼ಕಾ ಕಾಮೊ ತ್ಯುನೆ ದೆಕಸ ವರಿ ಕ್ಹುದಾ ಆವಾನು ದಿನೆ ತಿನೆ ಸ್ತುತಿ ಕರಸ.

1 ಪೆತ್ರಾ 4:11

ಭೊದನೆ ಕವಾಲೊ ಕ್ಹುದಾನಿಯೊ ವಾತೊಜ಼ ಕವಾದೆ. ಸೆವೆ ಕರಾಲೊ ಕ್ಹುದಾ ದಿದಲ ತಾಕತಕ್ಹುಜ಼ ಸೆವೆ ಕರಾದೆ. ತುಮೆ ಇಮ್ಮ ಕರ‍್ಯಾಮ. ತುಮೆ ಕರಾನು ಹರಿಯಕ್ಕಮಾ ಯೆಸು ಕ್ರಿಸ್ತನಾ ಮುಲಕ ಕ್ಹುದಾನೆ ಸ್ತುತಿ ಥಾವಸ. ಅದಿಕಾರ ವರಿ ಮಹಿಮಾ ಯುಗೊ ಯುಗೊಮಾ ತಿನೆಜ಼ ಮಳಲ ವ್ಹೈ. ಆಮೆನ್.