ಯೊಹಾನ 15:6 - ಕ್ಹುದಾನಿ ಕ್ಹರಿನಿ ವಾಕ್ಯಾ

⁶ ಮಾರಾಮಾ ರ‍್ಹಯಲವಾಲೊ ವರಾಯಲ ಠೊಂಗಿ ಲಿಂಗತ ರ‍್ಹವಸ. ತಿನೆ ಜಮಾ ಕರಿನ ಆಗಮಾ ಘಾಲಸ. ತೆ ಆಗಮಾ ಪಡಿನ ಮರಿ ಜಾ಼ವಸ.

ಯೊಹಾನ 15:6 ပူးပေါင်းရင်းမြစ်များ

ಮತ್ತಾಯ 13:41

ಮನಕ್ಹನೊ ದಿಕ್ರೊ ತಿನಾ ದುತೊನೆ ಮೊಕ್ಲಸ.ತ್ಯುನೆ ತಿನಾ ರಾಜ್ಯಮಾ ಪಾಪನೆ ಕಾರಣಥಯಲವಾಲಾ ಕ್ಹಾರಾ ಅಧರ್ಮಿಯೊನೆ ಮಳೈನ ಆಗನಿ ಇರಮಾ ಘಾಲಿಪಾಡಸ.

ಮತ್ತಾಯ 27:5

ತೆಳಾಮಾ ತೆ ದೆವಾಲಯಮಾ ತೆ ರುಪ್ಪಾನಾ ಬಿಲ್ಲಾ ನಾಕಿನ ಗೈನ ಪಾಕ್ಹೊ ಘಾಲ್ಲಿನ ಮರಿಗಯೊ.

ಮತ್ತಾಯ 3:10

ಝಾಡೊ ಕತ್ರಿನ ನಾಕಾನೆ ಕೊಡ್ಲಿ ಹಮ್ನಾಜ ತಯ್ಯಾರ ಛೆ. ಚೊ಼ಕು ಫಲ ನೈ ದಿವಾನಾ ಹರಯಕ್ಕ ಝಾಡನೆ ಕತ್ರಿನ ಆಗಮಾ ಘಾಲಸ.

ಮತ್ತಾಯ 7:19

ಚೊ಼ಕು ಫಲ ನೈ ದಿವಾನಾ ಝಾಡನೆ ಕತ್ರಿನ ಆಗಮಾ ನಾಕಸ.

ಯೊಹಾನ 15:2

ಮಕನ ರ‍್ಹಯಲ ಫಲ ನೈ ದಿವಾನು ಹರಯಕ್ಕ ಜಡನೆ ತೆ ಕತ್ರಿನ ನಾಕಸ. ಫಲ ದಿವಾನು ಠೊಂಗಿ ಹಜು಼ನ ಹೆಚ್ಕಿ ಫಲಾ ದಿಯೆ ಲಿಂಗತ ತಿನೆ ಶುದ್ಧ ಕರಸ.

ಇಬ್ರಿಯ 10:27

ತಿನಾ ಬದಲ ಘನ್ನು ಭುಚ಼ಕಾನು ರ‍್ಹಯಲ ನ್ಯಾಯನಾ ಫೈಸಲಾನಿ ಆಸ ವರಿ ಕ್ಹುದಾನಾ ವಿರೊದಿಯೊನೆ ಬಾಳಾನಿ ಘನಿ ಶಿಟ್ಟನಿ ಆಗ ರ‍್ಹವಸ.

2 ಪೆತ್ರಾ 2:20

ಎ ಜಗತ್ಮಾನಾ ಕೆಟ್ಟ ಕಾಮೊಕ್ಹು ತೆ ಮನಕ್ಹೊನೆ ವಚಾ಼ಡ್ಯಾ. ಅಪ್ನೊ ಪ್ರಭು ಥಯಲ ವರಿ ರಕ್ಷಕ ಥಯಲ ಯೆಸು ಕ್ರಿಸ್ತನೆ ತಿಳದಿಲಿವಾನಾಹುತಿ ತ್ಯುನೊನೆ ಬಿಡುಗಡೆ ಥೈ. ತೆನೈಸೊ ತೆ ಮನಕ್ಹೊ ತ್ಯುನಾ ಪಾಚ಼ಲ್ಯಾ ಸಂಗತಿಯೊನೆ ಪಾಚಾ಼ ಫರಿನ ಗಯಾಮಾ ವರಿ ತೆ ತ್ಯುನೊನೆ ಹತೊಟಿಮಾ ಮ್ಹೆಲ್ಲಿದಲ ರ‍್ಹಯಾಮ ತ್ಯುನೆ ಪೈಲಾತಿಬಿ ಘನ್ನಾ ಕೆಟ್ಟ ಥೈ ಜಾ಼ವಸ.

1 ಯೊಹಾನ 2:19

ಕ್ರಿಸ್ತನೊ ದುಶ್ಮನೊ ಅಪ್ನಾ ಗುಂಪಮಾ ರ‍್ಹಯಾತಬಿ. ತ್ಯುನೆ ಅಪೊನೆ ಛೊಡಿನ ಗಯಾ. ತ್ಯುನೆ ಕ್ಹರಿಮಾಜ಼ ಅಪ್ನಾ ನ್ಹೊತಾ. ತ್ಯುನೆ ಕ್ಹರಿಮಾಜ಼ ಅಪ್ನಾ ಸಭೆವಾಲಾ ರ‍್ಹವತ್ತೊ ಅಪ್ನಾ ಕ್ಹಾತೆ ರ‍್ಹತಾತಾ. ತೆನೈಸೊ ತ್ಯುನೆ ಗೈ ಪಡ್ಯಾ. ತ್ಯುನೆ ಕ್ಹರಿಮಾಜ಼ ಅಪ್ನಾ ನ್ಹೊತಾ ಕವಾನು ಇಕ್ಹು ದೆಕಾಡಿನ ದಿವಸ.

ಪ್ರಕಟನೆ 20:15

ಜಿವ ಭಾದ್ಯ ಪುಸ್ತಕ್ಕಮಾ ಕಿನೊ ನಾಮ ಬರ್ದಲ ನತ್ತಿ ತೆ ಮನಕ್ಹನೆ ತೆ ಆಗನಿ ಇರಮಾ ನಾಕಾಲಗಡಸ.

ಪ್ರಕಟನೆ 21:8

ತೆನೈಸೊ ಭುಚ್ಕವಾವೊಲನೆ ಬರೊಕ್ಹೊ ನೈಸೊ ವಾಲಾವೊನೆ, ವ್ಹಲಸ ಕಾಮೊ ಕರಾಲಾವೊನೆ, ಮನಕ್ಹೊನೆ ಖಲಾಸ ಕರಾಲಾವೊನೆ, ಲೈಂಗಿಕ ಪಾಪೊ ಕರಾಲಾವೊನೆ, ಮಾಟಾ ಮಂತ್ರಾ ಕರಾಲಾವೊನೆ, ಮೊರತಿಯೊನೆ ಆರಾಧನಾ ಕರಾಲಾವೊನೆ, ಸುಳ್ಳ ಕವಾಲಾವೊನೆ ಮಳಾನಿ ಜ಼ಗಾ ಆಗ ರ‍್ಹಯಲ ಇರಜ಼ ವ್ಹೈ ಎ ಭೆವಾ ಮರಣ ವ್ಹೈ.