ಯೊಹಾನ 15:21 - ಕ್ಹುದಾನಿ ಕ್ಹರಿನಿ ವಾಕ್ಯಾ

²¹ ಮನಕ್ಹೊ ಮಾರಾ ರ‍್ಹಯಲ ಹುತಿ ಎ ಕ್ಹಾರು ತುಮೊನೆ ಕರಸ. ಮನೆ ವಳಾಯಲವಾನೆ ತ್ಯುನೆ ತಿಳ್ದಿಲಿದ್ಯಾ ನತ್ತಿ.

ಯೊಹಾನ 15:21 ပူးပေါင်းရင်းမြစ်များ

ಮತ್ತಾಯ 10:18

ತುಮೊನೆ ಅದಿಕಾರಿಯೊನಾ ಕ್ಹಾಮಾ ರಾಜಾ಼ವೊನಾ ಕ್ಹಾಮಾ ಬಲೈಲಿನ ಜಾ಼ವಸ. ಮಾರಾ ಹುತಿ ಮನಕ್ಹೊ ತುಮೊನೆ ಇಮ್ಮ ಕರಸ. ತೆನೈಸೊ ತುಮೆ ತೆ ರಾಜಾ಼ವೊನೆಬಿ ಅದಿಕಾರಿಯೊನೆಬಿ ಯಹುದಿಯೊ ತೆ ಮನಕ್ಹೊನೆ ಮಾರಾ ವಿಶಯಮಾ ಕವೊಶಿ.

ಮತ್ತಾಯ 10:22

ತುಮೆ ಮಾರಾ ಪಾಚಾ಼ ಆವಾಕ್ಹು ಕ್ಹಾರಾ ಮನಕ್ಹೊ ತುಮೊನೆ ದ್ವೆಶ ಕರಸ. ತೆನೈಸೊ ಲಾಸ್ಟ ಲಕ್ಕಾ ತಡ್ದಿಲಿವಾಲೊ ರಕ್ಷಣೆ ವ್ಹಂದಿಲಿವಸ.

ಮತ್ತಾಯ 10:39

ಮನೆ ಮಯಾ ಕರಾತಿ ಜಾಸ್ತ ತಿನಾ ಜಲಮನೆ ಮಯಾ ಕರಾಲೊ ತಿನೆ ಜವೈಲಿವಸ. ಮಾರಾಹುತಿ ತಿನು ಜ಼ಲಮ ಜವೈಲಿವಾಲೊ ತಿನೆ ಪಡ್ದಿಲಿವಸ.

ಮತ್ತಾಯ 24:9

ತೆಳಾಮಾ ತುಮೊನೆ ತ್ರಾಸ ಕರಿನ ಖಲಾಸ ಕರಸ; ಮಾರಾ ಹುತಿ ತುಮೊನೆ ಕ್ಹಾರಾ ಮನಕ್ಹೊ ದ್ವೆಶಕರಸ.

ಮತ್ತಾಯ 5:11

ತುಮೆ ಮಾರಾ ಪಾಚಾ಼ ಆವಾಕ್ಹು ಮನಕ್ಹೊ ತುಮೊನೆ ಕದ್ರಾಯಮ, ತ್ರಾಸ ಕರ‍್ಯಾಮ ವರಿ ತುಮಾರಾ ಉಪ್ಪರ ಕೆಟ್ಟ ವಿಶಯ ಸುಳ್ಳ ಘಾಲ್ಯಮ ತುಮೆ ಧನ್ಯ ವ್ಹೈ.

ಮಾರ್ಕ 13:13

ವರಿ ಮಾರಾ ನಾಮಪರ ತುಮೊನೆ ಕದ್ರಾವಸ. ತಿಮ್ಮ ಥಯಲ್ಪರಬಿ ಕುನ್ನ-ಕುನ್ನ ಲಾಸ್ಟಲಕ್ಕಕಾ ತಡ್ದಿಲಿವಾಲಾನೆ ರಕ್ಷಣೆ ಮಳಸ.

ಲುಕ ಬರ್ದಲ ಸುವಾರ್ತಾ 21:12

ವರಿ ಎ ಕ್ಹಾರು ಥಾವಾತಿ ಅಗ್ದುರ ಮನಕ್ಹೊ ತುಮೊನೆ ಧರಿಲಿನಗೈನ ತ್ರಾಸ ಕರಸ ವರಿ ತುಮೊನೆ ಸಭಾಮಂದಿರಮಾ ಲಿನಜಾ಼ವಸ, ತುಮೊನೆ ಫೈಸಲೊ ಕರಿನ ಜೆಲಮಾ ಘಾಲಾಲಗಾಡಸ. ವರಿ ರಾಜಾ಼ವೊನಾ ಕ್ಹಾಮಾ ಹುಬ್ರಾಡಸ, ತುಮೊಪರ ಅಪವಾದ ಘಾಲಸ. ತುಮೆ ಮಾರಾ ಪಾಚಾ಼ ಆವಾಕ್ಹು ಮನಕ್ಹೊ ತುಮೊನೆ ಎ ಕ್ಹಾರು ಕರಸ.

ಲುಕ ಬರ್ದಲ ಸುವಾರ್ತಾ 21:17

ವರಿ ತುಮೆ ಮಾರಾ (ಯೆಸುನಾ) ಪಾಚಾ಼ ಆವಾಕ್ಹು ಮನಕ್ಹೊ ತುಮಾರಾ ದುಶ್ಮನೊ ಥಾವಸ.

ಲುಕ ಬರ್ದಲ ಸುವಾರ್ತಾ 6:22

ಮನಕ್ಹನಾ ದಿಕ್ರಾನಾ ಹುತಿ ಮನಕ್ಹೊ ತುಮೊಪರ ಸಿಟ್ಟ ಮ್ಹೆಲಸ ತುಮೊನೆ ಕೆಟ್ಟ ವ್ಹೈ ಕವಸ ವರಿ ತುಮಾರಿ ಮರ್ಯಾದಿ ಕಾಡಸ ವರಿ ಎ ಕ್ಹಾರು ತಡ್ದಿಲಿವಾಲಾ ತುಮೆ ಧನೈ ವ್ಹೈ.

ಯೊಹಾನ 15:24

ಯಕ್ಕೆಳೆ ಮಿ ತ್ಯುನಾ ವಚ್ಮಾ ತೆ ಕಾಮೊ ನೈ ಕರತೊ ವರಿ ತೆ ಕಾಮೊ ಕುನ್ನಜ಼ ನೈ ಕರಲ ರ‍್ಹವತ್ತೊ, ತ್ಯುನೆ ಪಾಪ ಕರಲವಾಲಾ ಥಾತಾ ನ್ಹೊತಾ. ಹಮ್ನಾ ತ್ಯುನೆ ಎ ದೆಕ್ಯಾಸ ರ‍್ಹೈತುಬಿ ತ್ಯುನೆ ಮನೆ ವರಿ ಮಾರಾ ಬಾನೆ ದ್ವೆಶ ಕರಸ.

ಯೊಹಾನ 16:3

ಮನಕ್ಹೊ ಬಾನೆ ವರಿ ಮನೆ ನೈ ತಿಳ್ದಿಲಿದಲ ಹುತಿ ಎ ಕ್ಹಾರು ಕರಸ.

ಯೊಹಾನ 17:25

ನಿತಿ ಕ್ಹು ರ‍್ಹಯಲ ಬಾ, ಎ ದುನಿಯಾ ತುನೆ ವಳಕಿ ನತ್ತಿ ವರಿಬಿ ಮಿ ತುನೆ ವಳಕ್ಕಯೊಸ. ವರಿ ತುಜ಼಼ ಮನೆ ಮೊಕ್ಕಲ್ಯೊಸ ಕವಾನು ಎ ಮನಕ್ಹೊನೆ ಗ್ವತ್ತ ಛೆ.

ಯೊಹಾನ 8:19

ತೆಳಾಮಾ ತ್ಯುನೆ"ತಾರೊ ಬಾ ಕಿಜಾ಼ ಛೆ? ಕೈನ ಪುಚ಼್ಚಾ. ಯೆಸು ತ್ಯುನೊನೆ "ತುಮೊನೆ ಮಿ ರ‍್ಹೈನೆಕಾ ಮಾರೊ ಬಾ ರ‍್ಹೈನೆಕಾ ಗ್ವತ್ತ ನತ್ತಿ. ಯಕ್ಕೆಳೆ ತುಮೆ ಮನೆ ತಿಳ್ದಿಲಿದಲ ರ‍್ಹವತ್ತೊ, ಮಾರಾ ಬಾನೆಬಿ ತಿಳ್ದಿಲಿದಲ ರ‍್ಹತಾತಾ" ಕೈನ ಕದ್ಯೊ.

ಯೊಹಾನ 8:54

ಯೆಸು ತ್ಯುನೊನೆ"ಮಾರಾಕ್ಹು ಮಿಜ಼ ಮಹಿಮಾ ಕರ್ಲಿದ್ಯೊಮ, ತೆ ಮಹಿಮಾನೆ ಕಯುಜ಼ ಕಿಮ್ಮತ ನತ್ತಿ. ಮಾರೊ ಬಾಜ ಮನೆ ಮಹಿಮಾನೆ ಕರಾವಸ. ತುಮೆ ಕಿನೆ ತುಮಾರೊ ಬಾ ಕವೊಶಿ ತೆ ಕ್ಹುದಾಜ ವ್ಹೈ.

ಯೊಹಾನ 8:55

ತೆನೈಸೊ ತುಮೆ ತಿನೆ ಕ್ಹರಿಮಾಜ಼ ವಳಕ್ಯಾ ನತ್ತಿ. ತೆನೈಸೊ ಮಿ ತಿನೆ ವಳಕ್ಯೊಸ. ಮಿ ತಿನೆ ವಳಕ್ಯೊ ನತ್ತಿ ಕದ್ಯಾಮ ತುಮಾರಾ ಲಿಂಗತ ಸುಳ್ಳ ಕವಾಲೊ ಥೌಸ. ಮಿ ತಿನೆ ವಳಕ್ಯೊಸ. ತೆನೈಸೊ ಮಿ ತಿನಿ ವಾಕ್ಯಾನೆ ವಿಧಯ ಥೌಸ.

ಅಪೊಸ್ತಲೊ 17:23

ಮಿ ತಮಾರಾ ಗಾಮ್ಮಾ ಮಿ ಫರತಾಮಾ ಮನೆ ತಮೆ ಪೊಜಾ ಕರಾನಾ ದೆವಸ್ಥಾನೊ ಮೊರ್ತಿಯೊ ದೆಕ್ತಾಮಾ ತಿಮಾ ಮನೆ ಎಕ ಬಲಿಪಿಟ ಡೊಳಾನೆ ಪಡ್ಯು ತಿನಾ ಉಪ್ಪರ ‘ಅಜ್ಞಾತ ರ‍್ಹಯಲ ದೆವಸ್ಥಾನ ಕೈನ ಲಿಕ್ಯಾತಾ. ತಿನಾ ಹುತಿ ತಮೆ ಸುಜ಼ ತಿಳದ್ಯಾವಾಚಿ ಪುಜಾಕರಾನು ತಮನೊನೆ ತಿಳಸಿನ ಕವಾನೆ ಆಯೊಸ ಕದ್ಯೊ.

ಅಪೊಸ್ತಲೊ 26:9

ಯಕ್ಕ ಕಾಲ್ಮಾ ನಜೆರೆತನಾ ಯೆಸುನಾ ನಾಮನೆ ವಿರುದ್ದ ಘನ್ನಾ ಕಾರ‍್ಯೊ ಕರು ಕೈನ ಹಮೆ ವಿಚಾರ ಕರ್ಲಿದ್ಯಾಸ.

ಅಪೊಸ್ತಲೊ 3:17

"ಭಾಯೊ ತುಮೆ ಕರಲ ರ‍್ಹವಾದೆ, ತುಮೆ ಗ್ವತ್ತ ವಾಚಿ ಯೆಸುನೆ ಇಮ್ಮ ಕರ‍್ಯಾಸ ಕೈನ ಮನೆ ಗ್ವತ್ತ ಛೆ. ತುಮಾರಾ ನಾಯಕೊಬಿ ತಿಳ್ದಿಲಿದ್ಯಾ ನೈ.

ಅಪೊಸ್ತಲೊ 4:17

ತೆನೈಸೊ ತೆ ಮನಕ್ಹನಾ ಹುತಿ ಮನಕ್ಹೊನೆ ಕಯೆ ನೈಸೊ ಅಪೆ ತ್ಯುನೊನೆ ಭುಚ್ಕಾಡು. ತೆಳಾಮಾ ಎ ಸಮಾಚಾರ ಮನಕ್ಹೊನಾ ವಚ್ಮಾ಼ ಫೈಲ್ತಿ ನೈ" ಕೈನ ತ್ಯುನೆ ಬೊಲಿಲಿದ್ಯಾ.

ಅಪೊಸ್ತಲೊ 5:41

ಅಪೊಸ್ತಲೊ ತ್ಯುನೆ ಯೆಸುನು ನಾಮಕ್ಹು ಮರ್ಯಾದಿ ಕಾಡಾನಾಹುತಿ ಯೊಗ್ಯ ನತ್ತಿ ಕೈನ ಕ್ಹುಶಿ ಥಯಾ.

ಅಪೊಸ್ತಲೊ 9:14

ತೆ ಹಮ್ನಾ ದಮಸ್ಕ ಗಾಮೆ ಆಯೊಸ ವರಿ ತುಪರ ಬರೊಕ್ಹೊ ಮ್ಹೆಲಾವಾಲಾ ಮನಕ್ಹೊನೆ ಜೆಲಮಾ ಘಾಲಾನು ಅದಿಕಾರ ಮ್ಹೊಟಾ ಯಾಜಕೊ ತಿನೆ ದಿದ್ಯಾಸ ಕೈನ ಕದ್ಯೊ.

ಅಪೊಸ್ತಲೊ 9:16

ತೆ ಮಾರಾ ನಾಮಪರ ಕೆಕ್ಲೊ ತ್ರಾಸ ಖೌ ಕೈನ ತಿನೆ ಮಿಜ಼ ದೆಕಾಡಿನ ದ್ಯುಸ ಕೈನ ಕದ್ಯೊ.

ರೊಮಾಪೂರ 1:28

ಕ್ಹುದಾನು ಕ್ಹರಿನು ಗ್ಯಾನ ಹೊಂದಿಲಿವಾನೆ ವಪ್ಪಿಲಿದ್ಯಾ ನೈ ತ್ಯುನೊನೆ ಕ್ಹುದಾ ತ್ಯುನೊನೆ ತ್ಯುನಾ ಅಯೊಗ್ಯ ಮನಸನೆ ವಪ್ಸಿನ ದಿದ್ಯೊ. ತಿನಾಹುತಿ ತ್ಯುನೆ ನೈಸೊ ಕರಾನಾ ಕಾಮೊ ಕರಸ.

1 ಕೊರಿಂಥ 15:34

ಗೌರ ಕರಿನ ವಿಚಾರ ಕರೊ! ನಿತಿವಂತವಾಲಾ ಥೈನ ಹುಶಾರಕ್ಹು ರ‍್ಹವೊ. ಪಾಪ ಕರೊ ನಕೊ. ದಕ್ಹಾ ಜ಼ನಾವೊನೆ ಕ್ಹುದಾನಾ ಹುತಿ ಗ್ಯಾನಜ಼ ನತ್ತಿ; ತುಮೊನೆ ಸರಮ ಔಜ಼ ಕೈನ ಎ ಕವಾಡ್ಯೊಸ.

1 ಕೊರಿಂಥ 2:8

ಎ ದುನಿಯಾನಾ ಕಯಾಜ಼ ಅದಿಪತಿಯೊ ಎ ಗ್ಯಾನ ತಿಳ್ದಿಲಿದ್ಯಾ ನೈ ತ್ಯುನೆ ತಿಳ್ದಿಲಿದಲ ರ‍್ಹವತ್ತೊ, ಮಹಿಮಾನಾ ಪ್ರಭುನೆ ಶಿಲುಬಿ ಪರ ಚ಼ಡಾತಾ ನ್ಹೊತಾ.

2 ಥೆಸಲೊನಿಕ 1:8

ಪ್ರಭು ಯೆಸು ಕ್ರಿಸ್ತ ಸ್ವರಗತೊ ಆಗನಿ ಜ್ವಾಲಾನಾ ಕ್ಹಾತೆ ಆತಾಮಾ ಸುವಾರತೆನೆ ನೈ ವಿಧೆಯ ಥಯಲವಾಲಾವೊನೆ ವರಿ ಇನ್ಕಾರಲ ವಾಲಾವೊನೆ ಶಿಕ್ಷಾ ದಿವಸ.

1 ಯೊಹಾನ 3:1

ಬಾ ಅಪೊನೆ ಘನ್ನೊ ಮಯಾ ಕರ‍್ಯೊ! ಕ್ಹುದಾನಾ ಬಚ್ಚಾ಼ ವ್ಹೈ ಕೈನ ಕವೈಲಿವಾನಾ ಯಕ್ಲೊ ಕ್ಹುದಾ ಅಪೊನೆ ಮಯಾ ಕರ‍್ಯೊ. ಅಪೆ ಕ್ಹರಿಮಾಜ಼ ಕ್ಹುದಾನ ಬಚ್ಚಾ಼ ವ್ಹೈ. ತೆನೈಸೊ ಜಗತ್ಮಾ ರ‍್ಹಯಲ ಮನಕ್ಹೊತೊ ಹಮೆ ಕ್ಹುದಾನಾ ಬಚ್ಚಾ಼ ವ್ಹೈ ಕವಾನು ತಿಳ್ದಿಲಿದ್ಯಾ ನತ್ತಿ. ಕಾಕದ್ಯಾಮ ತ್ಯುನೆ ಕ್ಹುದಾನೆ ವಳಕ್ಯಾ ನತ್ತಿ.

3 ಯೊಹಾನ 1:7

ಕಾ ಕದ್ಯಾಮ ತ್ಯುನೆ ಕ್ರಿಸ್ತನಾ ನಾಮನೆ ಪ್ರಚಾರ ಕರಾನಾ ಹುತಿ ಚಾ಼ಲ್ಯಾಸ. ಬಿಜಾ ಮನಕ್ಹೊ ಕಂತ್ತಾ ಸುಜ಼ ಲಿವಾಲಾ ನ್ಹೈ.

ಪ್ರಕಟನೆ 2:3

ತು ತಡ್ದಿಲಿನ ಹಮೆಶಾಬಿ ಕೊಶಿಶ ಕರಾಡ್ಯೊಸ. ಮಾರಾ ನಾಮನಾ ಹುತಿ ತ್ರಾಸನೆ ಧೈರ್ಯಕ್ಹು ತಡ್ದಿಲಿದ್ಯೊ.