ಯೊಹಾನ 14:7 - ಕ್ಹುದಾನಿ ಕ್ಹರಿನಿ ವಾಕ್ಯಾ

⁷ ಯಕ್ಕೆಳೆ ತುಮೆ ಮನೆ ಕ್ಹರಿಬಿ ತಿಳ್ದಿಲಿದಲ ರ‍್ಹಯಮ, ಮಾರಾ ಬಾನೆಬಿ ಚೊ಼ಕಿ ತರಾ ತಿಳ್ದಿಲೆತಾತಾ. ತೆನೈಸೊ ಹಮ್ನಾತಾ ತುಮೆ ಬಾನೆ ತಿಳ್ದಿಲಿದ್ಯಾಸ ವರಿ ದೆಕ್ಯಾಸ "ಕೈನ ಕದ್ಯೊ.

ಯೊಹಾನ 14:7 ပူးပေါင်းရင်းမြစ်များ

ಮತ್ತಾಯ 11:27

ಮಾರೊ ಬಾ ಮನೆ ಕ್ಹಾರು ದಿದ್ಯೊಸ. ಕುನಜ ದಿಕ್ರಾನೆ ವಳಕ್ಯು ನತ್ತಿ. ಬಾ ಯಕ್ಕಜ ದಿಕ್ರಾನೆ ವಳಕ್ಯೊಸ. ದಿಕ್ರೊ ಯಕ್ಕಜ ಬಾನೆ ವಳಕ್ಯೊಸ. ದಿಕ್ರೊ ಬಾನೆ ಕಿನೆ ದೆಕಾಡು ಕೈನ ಆಸ ಕರಸ ತ್ಯುನೆ ಬಾನೆ ತಿಳ್ದಿಲಿವಸ.

ಲುಕ ಬರ್ದಲ ಸುವಾರ್ತಾ 10:22

ಮಾರೊ ಬಾ ಮನೆ ಕ್ಹಾರುಜ಼ ದಿದ್ಯೊಸ. ದಿಕ್ರೊ ಕುನ್ನ ವ್ಹೈ ಕಿನೆಜ಼಼ ಗೊತ್ತ ನತ್ತಿ. ಬಾ ನೆ ಯಕಜ಼ ಗೊತ್ತ ಛೆ. ವರಿ ಬಾ ಕುನ್ನ ವ್ಹೈ ಕವಾನು ದಿಕ್ರಾನೆ ಯಕಜ಼ ಗೊತ ಛೆ. ದಿಕ್ರೊ ಬಾನಾ ಹುತಿ ಕಿನೆ ತಿಳ್ಸಸ ತೆ ಯಕ್ಕಲೊಜ಼ ಬಾನಾ ಹುತಿ ತಿಳದಿಲಿವಸ.

ಯೊಹಾನ 1:18

ಕ್ಹುದಾನೆ ಕುನ್ನಜ ಕೆಳಾಮಾಜ ದೆಕ್ಯಾ ನತ್ತಿ. ತೆನೈಸೊ ಯಕ್ಲೊಜ ದಿಕ್ರೊ ತೆ ಕ್ಹುದಾನ ಲಿಂಗತ ಛೆ ವರಿ ಬಾನಾ ಬಾಜು಼ಮಾ ಛೆ. ತೆ ದಿಕ್ರೊ ಕ್ಹುದಾನೆ ಅಪೊನೆ ದೆಕಾಡಿನ ದಿದ್ಯೊಸ.

ಯೊಹಾನ 15:24

ಯಕ್ಕೆಳೆ ಮಿ ತ್ಯುನಾ ವಚ್ಮಾ ತೆ ಕಾಮೊ ನೈ ಕರತೊ ವರಿ ತೆ ಕಾಮೊ ಕುನ್ನಜ಼ ನೈ ಕರಲ ರ‍್ಹವತ್ತೊ, ತ್ಯುನೆ ಪಾಪ ಕರಲವಾಲಾ ಥಾತಾ ನ್ಹೊತಾ. ಹಮ್ನಾ ತ್ಯುನೆ ಎ ದೆಕ್ಯಾಸ ರ‍್ಹೈತುಬಿ ತ್ಯುನೆ ಮನೆ ವರಿ ಮಾರಾ ಬಾನೆ ದ್ವೆಶ ಕರಸ.

ಯೊಹಾನ 16:3

ಮನಕ್ಹೊ ಬಾನೆ ವರಿ ಮನೆ ನೈ ತಿಳ್ದಿಲಿದಲ ಹುತಿ ಎ ಕ್ಹಾರು ಕರಸ.

ಯೊಹಾನ 17:21

ಬಾ, ಮಪರ ಬರೊಕ್ಹೊ ಮ್ಹೆಲಾಲಾ ಕ್ಹಾರಾ ಮನಕ್ಹೊ ಯಕ್ಕಜ಼ ಥೌ. ಕಿಮ್ಮ ತು ಮಾರಾಮಾ ಛೆ ವರಿ ಮಿ ತಾರಾ ಛೆ. ತ್ಯುನೆಬಿ ಅಪ್ನಾಮಾ ಯಕ್ಕ ಥಾವಾದೆ ತಿನಾಹುತಿ ದುನಿಯಾ ತುಜ಼಼ ಮನೆ ವಳಾಯೊಸ ಕೈನ ಬರೊಕ್ಹೊ ಕರಾದೆ.

ಯೊಹಾನ 17:23

ಮಿ ಇವ್ನೊಮಾ ರ‍್ಹೌಸ ವರಿ ತು ಮಾರಾಮಾ ಛೆ. ಇಮ್ಮ ತ್ಯುನೆ ಪುರಾಜ ಯಕ್ಕ ಥೈನ ರ‍್ಹವಸ. ತುಜ಼಼ ಮನೆ ಮೊಕ್ಲಲ ಹುತಿ ತು ಮನೆ ಮಯಾ ಕರಲ ಲಿಂಗತ ಎ ಮನಕ್ಹೊನೆಬಿ ಮಯಾ ಕರಶಿ ಕೈನ ಎ ದುನಿಯಾ ವಳಕಸ.

ಯೊಹಾನ 17:26

ಮಿ ತಾರು ಕ್ಹರಿನು ರುಪ ಇವ್ನೊನೆ ವಳಕ ಲಗಾಡ್ಯೊಸ. ಮಿ ತಾರು ರುಪ ವರಿ ಇವ್ನೊನೆ ದೆಕಾಡುಸ. ತೆಳಾಮಾ ತಾರಿ ಮಯಾ ಮಪರ ಕಿಮ್ಮ ಛೆ, ತೆಜ಼ ಮಯಾ ಇವ್ನೊಮಾ ರ‍್ಹವಸ ವರಿ ಮಿ ಇವ್ನೊಮಾ ರ‍್ಹೌಸ"

ಯೊಹಾನ 17:3

ಯಕ್ಲೊಜ ಕ್ಹರಿನೊ ಕ್ಹುದಾ ರ‍್ಹಯಲ ತುನೆ ವರಿ ತು ವಳಾಯಲ ಯೆಸು ಕ್ರಿಸ್ತನೆ ತಿಳ್ದಿಲಿವಾನುಜ ಹಮೆಶಾನೊ ಜ಼ಲಮ ವ್ಹೈ.

ಯೊಹಾನ 17:6

"ತು ಎ ದುನಿಯಾನಾ ಮನಕ್ಹೊನೆ ಮನೆ ದಿದ್ಯೊ ಮಿ ತ್ಯುನೊನೆ ತುನೆ ದೆಕಾಡಿನ ದಿದ್ಯೊ. ತ್ಯುನೆ ತಾರಾ ವ್ಹತ್ತಾ, ತೆನೈಸೊ ತು ತ್ಯುನೊನೆ ಮನೆ ದಿದ್ಯೊ ವರಿ ತ್ಯುನೆ ತಾರಿ ಆಗನ್ಯಾವೊನೆ ವಿಧೆಯ ಥಯಾ.

ಯೊಹಾನ 17:8

ತು ಮನೆ ದಿದಲ ಸಂದೆಶ ಮಿ ಇವ್ನೊನೆ ದಿದ್ಯೊಸ. ಇವ್ನೆ ತೆ ಸಂದೆಶ ಸ್ವಿಕಾರ ಕರಿಲಿದ್ಯಾಸ. ಮಿ ಕ್ಹರಿಬಿ ತುಕಂತೊ ಆಯೊಸ ತ್ಯುನೊನೆ ಗ್ವತ್ತ ಛೆ. ತುಜ಼಼ ಮನೆ ವಳಾಯಲ ವ್ಹೈ ಕೈನ ಇವ್ನೆ ಬರೊಕ್ಹೊ ಕರ‍್ಯಾಸ.

ಯೊಹಾನ 6:46

ಬಾ ಕ್ಹು ಆಯಲವಾಲೊ ಯಕ್ಕಜ಼ ಬಾನೆ ದೆಕಲವಾಲೊ ವ್ಹೈ. ಬಿಜೊ ಕಯೊಜ ಬಾನೆ ಕೆಳಾಮಾಜ ದೆಕ್ಯಾ ನತ್ತಿ.

ಯೊಹಾನ 8:19

ತೆಳಾಮಾ ತ್ಯುನೆ"ತಾರೊ ಬಾ ಕಿಜಾ಼ ಛೆ? ಕೈನ ಪುಚ಼್ಚಾ. ಯೆಸು ತ್ಯುನೊನೆ "ತುಮೊನೆ ಮಿ ರ‍್ಹೈನೆಕಾ ಮಾರೊ ಬಾ ರ‍್ಹೈನೆಕಾ ಗ್ವತ್ತ ನತ್ತಿ. ಯಕ್ಕೆಳೆ ತುಮೆ ಮನೆ ತಿಳ್ದಿಲಿದಲ ರ‍್ಹವತ್ತೊ, ಮಾರಾ ಬಾನೆಬಿ ತಿಳ್ದಿಲಿದಲ ರ‍್ಹತಾತಾ" ಕೈನ ಕದ್ಯೊ.

2 ಕೊರಿಂಥ 4:6

ತಿನಾಹುತಿ ಅಂದಾರಾಮಾತು ಉಜಾಲು ಆವಸ ಕೈನ ಕ್ಹುದಾ ಯಕ್ಕ ದಿನ ಕದ್ಯೊ ಎಜ಼ ಕ್ಹುದಾ ಅಪ್ನಾ ತಿನು ಉಜಾಲು ಥಯೊಸ. ಕ್ರಿಸ್ತನಾ ಮ್ಹೊಡಾಪರ ರ‍್ಹಯಲ ಅಪೊನೆ ದೆಕಾಡಿನೆ ದಿವಾನಾ ಮುಲಕ ತೆ ಅಪೊನೆ ಉಜಾಲು ದಿದ್ಯೊಸ.

ಇಬ್ರಿಯ 1:3

ಕ್ಹುದಾನಿ ಮಹಿಮಾ ತಿಮಾ ದಿಕ್ಹಿನ ಐ. ತೆ ಕ್ಹುದಾನಾ ಲಿಂಗತಜ ವ್ಹತ್ತೊ, ತೆ ತಿನಾ ತಾಕತ ಭರಲ ವಾಕ್ಯಾಕ್ಹು ಕ್ಹಾರಾವೊನೆ ಆಸ್ರೊ ವ್ಹತ್ತೊ. ವರಿ ತೆ ಮನಕ್ಹೊನೆ ತ್ಯುನಾ ಪಾಪೊಕ್ಹು ಶುದ್ಧ ಕರಿನ ಕ್ಹಾರಾವೊತಿ ಉಪ್ಪರ ರ‍್ಹಯಲ ಸ್ವರ್ಗಮಾ ಕ್ಹುದಾನಾ ಸಿದಾ ಬಗಲ ಬೈಟ್ಯೊ.

1 ಯೊಹಾನ 2:13

ಬಾವೊ, ಆದಿತೊ ರ‍್ಹಯಲವಾಲಾನೆ ತುಮೆ ತಿಳದಲ ಹುತಿ ಮಿ ತುಮೊನೆ ಬರ್ದಾಡ್ಯೊಸ. ಜಾಂಜಿಮಾನೊ, ತುಮೆ ಕೆಟ್ಟ ರ‍್ಹಯಲವಾಲಾನೆ ಹರಾಡಲ ಹುತಿ ಮಿ ತುಮೊನೆ ಬರ್ದಾಡ್ಯೊಸ.