ಯೊಹಾನ 14:31 - ಕ್ಹುದಾನಿ ಕ್ಹರಿನಿ ವಾಕ್ಯಾ

³¹ ತೆನೈಸೊ ಮಿ ಬಾನೆ ಮಯಾ ಕರುಸ ವರಿ ಮಿ ಮಾರೊ ಬಾ ಆಗನ್ಯಾ ಕರಲ ತಿಮ್ಮಜ ಕರಾಡ್ಯೊಸ ಕೈನ ದುನಿಯಾ ತಿಳ್ದಿಲ್ಯುಜ "ಆವೊ ಅಪೆ ನ್ಹ್ಯಾಂತಾ ಗಯ್ಯೆ"

ಯೊಹಾನ 14:31 ပူးပေါင်းရင်းမြစ်များ

ಮತ್ತಾಯ 26:39

ತೆ ದಕ್ಹೊ ಅಗೊ ಗೈನ ಉಂದೊ ಪಡಿನ, ಮಾರಾ ಬಾ, ತುಕನ ಸಾದ್ಯ ಥಯುರೆ ಎ ತ್ರಾಸನೊ ಘಡೊ ಮನೆ ಛೊಡಿನ ಜಾ಼ವಾದೆ; ತೆನೈಸೊ ಮಾರಿ ಚಿತ್ತನಾ ಪ್ರಕಾರ ಥಯಾವಾಚಿ ತಾರಿ ಚಿತ್ತ ಲಿಂಗತಜ಼ ಥಾವಾದೆ ಕೈನ ಕ್ಹುದಾನೆ ಪ್ರಾರ್ಥನಾ ಕರ‍್ಯೊ.

ಮತ್ತಾಯ 26:46

ಉಟೊ, ಗಯ್ಯೆ; ಮನೆ ಧರೈನ ದಿವಾಲೊ ನಜಿಕ ಆಯೊಸ ದೆಕೊ ಕೈನ ಕದ್ಯೊ.

ಲುಕ ಬರ್ದಲ ಸುವಾರ್ತಾ 12:50

ವರಿ ಮಿ ಬಿಜಿ಼ ತರಾನಿ ಬಾಪ್ತಿಸ್ಮ ವ್ಹಂದು. ತೆ ವ್ಹಂದೆಲಕ್ಕಕಾ ಮಿ ಘನ್ನೊ ಕಷ್ಟಮಾ ಛೆ.

ಯೊಹಾನ 10:18

ಮಾರೊ ಜ಼ಲಮ ಮಕಂತೊ ಕುನ್ನಜ ನೈ ಉದಾಳೆ ಲೆಸಕ್ತು; ಮಿಜ಼ ತಿನೆ ಮಾರಿ ಇಷ್ಟಾಕ್ಹು ದಿವ್ಸ. ಮಾರೊ ಜ಼ಲಮ ದಿವಾನೆಬಿ ವರಿ ತಿನೆ ವಾಪಸ ಲಿವಾನೆಬಿ ಮನೆ ಹಕ್ಕ ಛೆ. ಇಮ್ಮ ಕರು ಕೈನ ಬಾಜ ಮನೆ ಆಗನ್ಯಾ ದಿದ್ಯೊಸ "ಕೈನ ಕದ್ಯೊ.

ಯೊಹಾನ 12:27

ಯೆಸು ವಾತ ಅಗಿ ಬಡೈನ"ಹಮ್ನಾ ಮಾರು ಜ಼ಲಮ ಬುಚ್ಕಾಡ್ಯುಸ. ಮಿ ಸು ಕೌ? ಸು ಅಮ್ಮ ಕೌಸು"ಬಾ, ಎ ಟೈಮ ಮಪರ ಆವಾನೆ ನಕೊ ದ್ಯು? ನ್ಹವೈ! ತೆನೈಸೊ ಇನಾಹುತಿಜ ಮಿ ಆಯೊಸ. ಕಾಕದ್ಯಾಮ ತ್ರಾಸನಾ ಟೈಮ್ಮಾತೊಜ ಜೌ.

ಯೊಹಾನ 12:49

ಎ ಕ್ಹರಿ ವ್ಹೈ ಮಿ ಕದಲ ಕಾಕದ್ಯಾಮ, ಮಾರಾ ಅದಿಕಾರಕ್ಹು ಸುಜ಼ ಕದ್ಯೊ ನತ್ತಿ ಮನೆ ಕುನ್ನ ಮೊಕಲ್ಯುಸ.

ಯೊಹಾನ 13:1

ಫಸ್ಕ ಸನ್ನ ಯಕ್ಕ ದಿನ್ನ ಪೈಲಾನು ದಿನ್ನ ಐಯುತು. ತೆ ಎ ಜಗತ ಛೊಡಿನ ಬಾ ಕನ ಜಾ಼ವಾನೊ ಟೈಮ ನಜಿಕ ಆಯುಸ ಕವಾನು ಯೆಸುನೆ ಗ್ವತ್ತ ಥಯು. ಎ ಲೊಕಮಾ ರ‍್ಹಯಲ ತಿನಾ ಮನಕ್ಹೊನೆ ತೆ ಹಮೆಶಾಬಿ ಮಯಾ ಕರ್ತೊತೊ. ವರಿ ತೆ ತ್ಯುನೊನೊಪರ ರ‍್ಹಯಲ ಘನ್ನಿ ಮಯಾ ದೆಕಾಡ್ಯೊ.

ಯೊಹಾನ 15:9

"ಕಿಮ್ಮ ಬಾ ಮನೆ ಮಯಾ ಕರಸ ತಿಮ್ಮಜ ಮಿ ತುಮೊನೆ ಮಯಾ ಕರುಸ. ಮಾರಿ ಮಯಾಮಾ ರ‍್ಹವೊ.

ಯೊಹಾನ 18:11

ಯೆಸು ಪೆತ್ರಾನೆ"ತಾರಿ ತಲ್ವಾರ ಮ್ಯಾನಮಾ ಘಾಲ! ಬಾ ಮನೆ ದಿದಲ ತ್ರಾಸನೊ ತಾಂಬ್ಯೊ ಮಿ ತೆ ಸ್ವಿಕಾರ ಕರು" ತು ಇಮ್ಮ ಸೊಚತೊ ಸು? ಕೈನ ಕದ್ಯೊ.

ಯೊಹಾನ 4:34

ಯೆಸು ತ್ಯುನೊನೆ, ಮನೆ ಮೊಕ್ಲಲವಾಲೊ ಮಿ ಸು ಕರು ಕೈನ ಆಸ ಕರಸ ತೆ ಕರಾನುಜ ಮನೆ ಅನ್ನ ವ್ಹೈ. ತೆ ಮನೆ ದಿದಲ ಕಾಮ ಪುರಾ ಕರು.

ಫಿಲಿಪ್ಪಿ 2:8

ತೆ ತಿನಾಕ್ಹು ತಗಿಸಿಲಿನ ಮೌತನೆ ಕದ್ಯಾಮ ಶಿಲೆಬಿನಿ ಮೌತ ರ‍್ಹೈನೆಕಾ ಒಪ್ಪಿಲಿವಾನಾಕ್ಲೊ ವಿದೆ ಥಯೊ.