45 ಕುನ್ನ ಮನೆ ದೆಕಸ ತೆ ಮನೆ ವಳಾಯಲವಾಲಾನೆಬಿ ದೆಕಸ.
ಯೆಶಾಯ ಎ ಕದಲ ತೆ ತಿನಿ ಮಹಿಮಾ ದೆಕ್ಯೊತೊ ವರಿ ತಿನಾಹುತಿ ಬೊಲ್ಯೊತೊ.
ಯಕ್ಕೆಳೆ ಮಿ ತ್ಯುನಾ ವಚ್ಮಾ ತೆ ಕಾಮೊ ನೈ ಕರತೊ ವರಿ ತೆ ಕಾಮೊ ಕುನ್ನಜ಼ ನೈ ಕರಲ ರ‍್ಹವತ್ತೊ, ತ್ಯುನೆ ಪಾಪ ಕರಲವಾಲಾ ಥಾತಾ ನ್ಹೊತಾ. ಹಮ್ನಾ ತ್ಯುನೆ ಎ ದೆಕ್ಯಾಸ ರ‍್ಹೈತುಬಿ ತ್ಯುನೆ ಮನೆ ವರಿ ಮಾರಾ ಬಾನೆ ದ್ವೆಶ ಕರಸ.
ದಿಕ್ರಾನೆ ದೆಕಿನ ತಿಪರ ಬರೊಕ್ಹೊ ಮ್ಹೆಲಾಲೊ ಹರಿ ಯಕ್ಲೊ ಹಮೆಶಾನೊ ಜ಼ಲಮ ವ್ಹಂದ್ಯೊಸ. ಲಾಸ್ಟನಾ ದಿನ್ಮಾ ಮಿ ತೆ ಮನಕ್ಹನೆ ಜಿವ್ತೊ ಕರಿನ ಉಟಾಡುಸ ಮಾರೊ ಬಾ ಆಸ ಕರಾನು ಎಜ಼ ವ್ಹೈ" ಕದ್ಯೊ.
ತಿನಾಹುತಿ ಅಂದಾರಾಮಾತು ಉಜಾಲು ಆವಸ ಕೈನ ಕ್ಹುದಾ ಯಕ್ಕ ದಿನ ಕದ್ಯೊ ಎಜ಼ ಕ್ಹುದಾ ಅಪ್ನಾ ತಿನು ಉಜಾಲು ಥಯೊಸ. ಕ್ರಿಸ್ತನಾ ಮ್ಹೊಡಾಪರ ರ‍್ಹಯಲ ಅಪೊನೆ ದೆಕಾಡಿನೆ ದಿವಾನಾ ಮುಲಕ ತೆ ಅಪೊನೆ ಉಜಾಲು ದಿದ್ಯೊಸ.
ಕ್ರಿಸ್ತ ನೈ ದಿಕ್ಹಾನು ಕ್ಹುದಾನು ರೊಪ ವ್ಹೈ. ಕ್ಹಾ ಸೃಷ್ಠಿನೆ ತೆಜ಼ ಮ್ಹೊಟೊ ವ್ಹೈ.
ಕ್ಹುದಾನಿ ಮಹಿಮಾ ತಿಮಾ ದಿಕ್ಹಿನ ಐ. ತೆ ಕ್ಹುದಾನಾ ಲಿಂಗತಜ ವ್ಹತ್ತೊ, ತೆ ತಿನಾ ತಾಕತ ಭರಲ ವಾಕ್ಯಾಕ್ಹು ಕ್ಹಾರಾವೊನೆ ಆಸ್ರೊ ವ್ಹತ್ತೊ. ವರಿ ತೆ ಮನಕ್ಹೊನೆ ತ್ಯುನಾ ಪಾಪೊಕ್ಹು ಶುದ್ಧ ಕರಿನ ಕ್ಹಾರಾವೊತಿ ಉಪ್ಪರ ರ‍್ಹಯಲ ಸ್ವರ್ಗಮಾ ಕ್ಹುದಾನಾ ಸಿದಾ ಬಗಲ ಬೈಟ್ಯೊ.
ಕ್ಹುದಾನೊ ದಿಕ್ರೊ ಆ ದುನಿಯಾಮಾ ಐನ ಅಪೆ ಕ್ಹರಿನಾಜ ಕ್ಹುದಾನೆ ವಳಕಿಲಿವಾನಾ ಹುತಿ ಅಪನೊನೆ ಗ್ಯಾನ ದಿವಸ ಕೈನ ಅಪನೊನೆ ಗೊತ್ತ ಛೆ,ವರಿ ಹಮೆ ಕ್ಹುದಾನಾ ದಿಕ್ರೊ ಥಯಲ ಯೆಸುಕ್ರಿಸ್ತಮಾ ರ‍್ಹವಾಲೊ ಥೈನ ಕ್ಹರಿನಾ ಕ್ಹುದಾಮಾ ರ‍್ಹಹೆಲವಾಲಾ ಛೆ. ತೆ ಕ್ರಿಸ್ತ ಕ್ಹರಿನೊ ಕ್ಹುದಾ ವ್ಹೈ,ಹಮೆಶಾನೊ ಜ಼ಲಮ ಥಯೊಸ.
