ಯೊಹಾನ 11:55 - ಕ್ಹುದಾನಿ ಕ್ಹರಿನಿ ವಾಕ್ಯಾ

⁵⁵ ತೆಳಾಮಾ ಯೆಹುದಿಯೊನು ಪಸ್ಕ ಸನ್ನ ನಜಿಕ ವ್ಹತ್ತು. ಪಸ್ಕ ಸನ್ನನಾ ಪೈಲಾಜ ತ್ಯುನಾ ಗಾಮೊತಾ ಘನ್ನಾ ಮನಕ್ಹೊ ಯೆರುಸಲೆಮೆ ಗಯಾತಾ. ಖಾಸ ರ‍್ಹಯಲ ಕಾಮೊ ಕರಿನ ಪಸ್ಕ ಸನ್ನನೆ ತ್ಯುನೊನೆ ಖುದ್ದ ಕರಿಲ್ಯು ಕೈನ ತ್ಯುನೆ ಗಯಾತಾ.

ಯೊಹಾನ 11:55 ပူးပေါင်းရင်းမြစ်များ

ಮತ್ತಾಯ 26:1

ಯೆಸು ತೆ ಕ್ಹಾರಿಯೊ ವಾತೊ ಕೈನ ಮುಗ್ಸಲ್ಪರ ತಿನಾ ಶಿಶ್ಯಾವೊನೆ ಬೆ ದಿನ್ನ ಥಯಲ್ಪರ ಫಸ್ಕ ಸನ್ನ ಆವಾನೊ ಛೆ ಕೈನ ತುಮೊನೆ ಗ್ವತ್ತ ಛೆ;

ಮತ್ತಾಯ 26:2

ತೆಳಾಮಾ ಮನಕ್ಹೊನೊ ದಿಕ್ರಾನೆ ಶಿಲುಬಿಪರ ಘಾಲಾನಾ ಹುತಿ ವಪ್ಸಿನ ದಿವಸ ಕೈನ ಕದ್ಯೊ.

ಮಾರ್ಕ 14:1

ಪಸ್ಕಾನೊ ಸನ್ನ ವರಿ ಖಾಟು ನೈಸೊ ರೊಕ್ಲಾನೊ ಸನ್ನ ಆವಾನೊ ಹಜು಼ನ ಬೆ ದಿನ್ನ ರ‍್ಹತಾಮಾ ಖಾಸ ಯಾಜಕೊ ಶಾಸ್ತ್ರಿಯೊ ಯೆಸುನೆ ಉಪಾಯಕ್ಹು ಕಿನೆ ಗೊತ್ತವಾಚಿ ಧರಿನ ಖಲಾಸ ಕರಿಪಾಡಿಯೆ ಕೈನ ವಾಟ ದೆಕಾಡಾತಾ.

ಲುಕ ಬರ್ದಲ ಸುವಾರ್ತಾ 22:1

ಖಾಟೊ ನೈಸೊ ರೊಕ್ಲಾನೊ ಸನ್ನ ಕದ್ಯಾಮ ಫಸ್ಕ ಸನ್ನ ನಜಿಕ ಆಯೊತೊ.

ಯೊಹಾನ 12:1

ಪಸ್ಕ ಸನ್ನೆ ಹಜು಼ನ ಛೆ ದಿನ್ನ ರ‍್ಹತಾಮಾಜ ಯೆಸು ಬೆಥಾನಿಯೆ ಗಯೊ. ಲಾಜರ ರ‍್ಹಯಲ ಗಾಮಜ ಬೆಥಾನ್ಯ ವ್ಹೈ. ಯೆಸು ಮರಲವಾಲಾವೊಮಾತೊ ಉಟಾಡಲ ಮನಕ್ಹಜ ಲಾಜರ ವ್ಹೈ.

ಯೊಹಾನ 13:1

ಫಸ್ಕ ಸನ್ನ ಯಕ್ಕ ದಿನ್ನ ಪೈಲಾನು ದಿನ್ನ ಐಯುತು. ತೆ ಎ ಜಗತ ಛೊಡಿನ ಬಾ ಕನ ಜಾ಼ವಾನೊ ಟೈಮ ನಜಿಕ ಆಯುಸ ಕವಾನು ಯೆಸುನೆ ಗ್ವತ್ತ ಥಯು. ಎ ಲೊಕಮಾ ರ‍್ಹಯಲ ತಿನಾ ಮನಕ್ಹೊನೆ ತೆ ಹಮೆಶಾಬಿ ಮಯಾ ಕರ್ತೊತೊ. ವರಿ ತೆ ತ್ಯುನೊನೊಪರ ರ‍್ಹಯಲ ಘನ್ನಿ ಮಯಾ ದೆಕಾಡ್ಯೊ.

ಯೊಹಾನ 18:28

ಪಾಚಾ಼ತಾ ಯಹುದ್ಯೊ ಯೆಸುನೆ ಕಾಯಫನಾ ಘರತಾ ರೊಮ ರಾಜ್ಯಪಾಲನಾ ಭವನ ಕನ ಲಿನ ಆಯಾ. ತೆಳಾಮಾ ಪಾಟ ಥೈತಿ. ಯಹುದ್ಯೊ ಭವನನಾ ಮ್ಹೈ ಗಯಾ ನೈ. ತ್ಯುನೆ ಪಸ್ಕ ಸನ್ನನು ಅನ್ನ ಚಾ಼ಯೆ ಕೈನ ರ‍್ಹಯಲ ಹುತಿ ತ್ಯುನೊನೆ ಅಶುದ್ಧೊ ಥೈನ ಕರಿಲಿವಾನೆ ಪಸಂದ ಕರ‍್ಯಾ ನೈ.

ಯೊಹಾನ 2:13

ತೆಳಾಮಾ ಯೆಹುದಿಯೊನು ಫಸ್ಕ ಸನ್ನ ನಜಿಕ ವ್ಹತ್ತು. ತಿನಾಹುತಿ ಯೆಸು ಉಪ್ಪರ ಯೆರುಸಲೆಮೆ ಗಯೊ.

ಯೊಹಾನ 2:6

ದಗ್ಡಾಕ್ಹು ಕರಲ ಛೆ ಮ್ಹೊಟಿಯೊ ಡೊಣಿಯೊ ತ್ಯಾ ವ್ಹತ್ತಿಯೊ. ಯಹುದಿಯೊನಿ ಪದ್ದತ ಲಿಂಗತ ಶುದ್ಧಾಚಾರಿಯೊನೆ ಎ ದಗ್ಡಾನಿಯೊ ಡೊಣಿಯೊ ಉಪಯೊಗ ಕರ್ತಾತಾ. ಹರಿ ಯಕ್ಕ ಡೊಣಿಯೊಮಾ ಕಮ್ಮಶಿ ಕಮ್ಮ 80 ತು 120 ಲಿಟರ ಪಾನಿ ಧರ್ತುತು.

ಯೊಹಾನ 5:1

ಎ ಥಯಲ್ಪರ ಯೆಸು ಯೆಹುದಿಯೊನಾ ಯಕ್ಕ ಸನ್ನನಾ ಹುತಿ ಯೆರುಸಲೆಮೆ ಗಯೊ.

ಯೊಹಾನ 6:4

ಯಹುದ್ಯೊನಾ ಫಸ್ಕ ಸನ್ನ ಘನ್ನು ನಜಿಕ ವ್ಹತ್ತು.

ಅಪೊಸ್ತಲೊ 21:24

ತು ತ್ಯುನೊನೆ ಬಲೈಲಿನ ಗೈನ ತ್ಯುನಾಕ್ಹಾತೆ ತುನೆಬಿ ಶುದ್ಧಕರಲಿನ ತ್ಯುನೆ ತಿನಾ ಕ್ಷೌರನಿ ಕ್ಹಮ್ಮ ಪುರಾ ಕರಾಹುತಿ ಥಾವೊನಾ ಖರ್ಚೊ ತುಬಿ ದ್ಯು. ತಿಮ್ಮ ಕರ‍್ಯಾಮ ಕ್ಹಾರಾ ತಾರಾ ವಿಷಯಮಾ ತ್ಯುನೆ ಐಕೆಲ ಸುದ್ದಿ ಕ್ಹರಿ ನ್ಹವೈ ಕೈನ ತು ಮೊಶೆನು ಧರಮಶಾಸ್ತ್ರನೆ ಕೈದಿನ ಚಾ಼ಲಾಲೊ ಕೈನ ತಿಳಿಲಿದ್ಯಾತ್ತಾ.

ಅಪೊಸ್ತಲೊ 21:26

ತೆಳಾಮಾ ಪೌಲಾ ಮರ್ನಾ ದಿನೆ ತೆ ಚಾರ ಜನ್ನಾನಾ ಕ್ಹಾತೆ ಗೈನ ಶುದ್ಧ ರ‍್ಹಯಲ ಪದ್ದತೊ ಪುರಾ ಕರ‍್ಯೊ. ತೆಳಾಮಾ ಶುದ್ಧಚಾರನ್ಯೊ ಪದ್ದತಿಯೊ ಖಲಾಸ ಥಾವಾನಾ ದಿನ್ನಾ ಹುತಿ ಕವಾನಾ ಹುತಿ ದೆವಾಲಯಮಾ ಗಯೊ. ತ್ಯುನೊಮಾ ಹರಯಕ್ಕಲಾನಾ ಹುತಿ ಕೆಳಾಮಾ ಬಲಿ ದ್ಯುಕೈನ ತ್ಯುನೊನೆ ಕೈನ ದಿದ್ಯೊ.

ಅಪೊಸ್ತಲೊ 24:18

ಮಿ ಶುದ್ಧಿಕರಿಲಿದಲ ಲಿಂಗತ, ತೆ ವಪಸ್ತಾಮಾ,ತ್ಯುನೆ ಮನೆ ದೆವಾಲಯಮಾ ದೆಕ್ಯಾ, ತೆಳಾಮಾ ಮಾರಾಕ್ಹಾತೆ ಮನಕ್ಹೊನು ಗುಂಪ ನ್ಹೊತು. ಗದ್ದಲಬಿ ನ್ಹೊತಿ. ಮನೆ ದೆಕಲವಾಲಾ.

1 ಕೊರಿಂಥ 11:28

ಹರಯಕ್ಲೊ ಪೈಲಾ ತಿನೆ ತೆಜ಼ ಪರಿಕ್ಷಾ ಕರಲಿನ ಪಾಚಲ್ತೊ ತೆ ರೊಕ್ಕಲಾನೆ ಖಾವಾದೆ; ವರಿ ತೆ ಪಾತ್ರೆತೊ ಪಾನ ಕರಾದೆ.

ಯಾಕೊಬ 4:8

ಕ್ಹುದಾನಾ ನಜಿಕ ಆವೊ, ತೆಳಾಮಾ ತೆ ತುಮಾರಾ ನಜಿಕ ಆವಸ. ಪಾಪಿಯೊ, ತುಮಾರಾ ಹತೊ ಶುದ್ದ ಕರಿಲಿವೊ; ಬೆ ಮನಸೊ ರ‍್ಹಯಲವಾಲಾ, ತುಮಾರಾ ಮನಸೊ ಚೊ಼ಕಾ ಕರಿಲಿವೊ.