ಯೊಹಾನ 10:4 - ಕ್ಹುದಾನಿ ಕ್ಹರಿನಿ ವಾಕ್ಯಾ

⁴ ಕೆಳಾಮಾ ತೆ ತಿನಾ ಕ್ಹಾರಾ ಬಕ್ರಾವೊನೆ ಭಾರೊ ಬಲೈ ಲಿನ ಜಾ಼ವಸ ತೆಳಾಮಾ ತೆ ಅಗೊ-ಅಗೊ ಜಾ಼ವಸ ತಿನಾ ಬಕ್ರಾ ತಿನಾ ಪಾಚಾ಼-ಪಾಚಾ಼ ಜಾ಼ವಸ. ಕಾಕದ್ಯಾಮ ತೆ ಬಕ್ರಾ ತಿನಿ ಸ್ವರ ವಳಕಸ..

ಯೊಹಾನ 10:4 ပူးပေါင်းရင်းမြစ်များ

ಮತ್ತಾಯ 16:24

ಪಾಚ಼ಲ್ತೊ ಯೆಸು ತಿನಾ ಶಿಶ್ಯಾವೊನೆ ಸು ಕದ್ಯೊ ಕದ್ಯಾಮ ಕುನತುಬಿ ಮಾರಒ ಪಾಚೊ಼ ಆವಾನೆ ಮನಸ ಕರ‍್ಯೊಮ ತೆ ತಿನೆಜ಼ ಇನ್ಕಾರಿನ ತಿನಿ ಶಿಲುವಿ ಉಚೈಲಿನ ಮಾರಾ ಪಾಚೊ಼ ಆವಾದೆ.

ಯೊಹಾನ 10:16

ತೆ ಬಕ್ರಾ ಮಾರಿ ಸ್ವರ ಐಕಸ. ತೆಳಾಮಾ ಯಕ್ಕಜ಼ ಗುಂಪ ರ‍್ಹವಸ ವರಿ ಯಕ್ಲೊಜ ಕುರಬುರ‍್ಯೊ ರ‍್ಹವಸ.

ಯೊಹಾನ 10:27

ಮಾರಾ ಬಕ್ರಾ ಮಾರಿ ಆವಾಜನೆ ಐಕಸ. ಮಿ ತ್ಯುನೊನೆ ತಿಳ್ದಿಲಿದ್ಯೊಸ ವರಿ ತೆ ಬಕ್ರಾ ಮಾರಾ ಪಾಚಾ಼ ಆವಸ.

ಯೊಹಾನ 10:3

ಕೈದಾಲೊ ಕುರಬುರ‍್ಯಾನೆ ಬಾಕಲ ಕಾಡಸ. ವರಿ ಬಕ್ರಾ ತಿನಾ ಅವಾಜ಼ ಐಕಸ. ತೆ ಬಕ್ರಾವೊನೆ ನಾಮ ಲಿನ ಬಲಾತಾಮಾ ಬಕ್ರಾ ತಿನಿ ಅವಾಜ಼ ಐಕಸ. ವರಿ ತೆ ತ್ಯುನಾ ಅಗು ಚಾಲ್ತೊ ಪಾಚೊ಼ ಬಲೈ ಲಿನ ಜಾ಼ವಸ.

ಯೊಹಾನ 10:5

ತೆನೈಸೊ ಬಕ್ರಾ ತ್ಯುನೊನೆ ನೈ ಗ್ವತ್ತ ರ‍್ಹಯಲ ಮನಕ್ಹನಾ ಪಾಚಾ಼ ಕೆಳಾಮಾಜ ನೈ ಜಾ಼ತಾ. ತಿನಾಹುತಿ ತ್ಯುನೆ ತೆ ತಿಕಂತಾ ದುರ ಜಾ಼ವಸ. ಕಾಕದ್ಯಾಮ ತ್ಯುನೆ ನೈ ಗ್ವತ್ತ ರ‍್ಹಯಲ ಮನಕ್ಹನೊ ಅವಾಜ಼ ವಳಕ್ತಾ ನೈ "ಕೈನ ಕದ್ಯೊ.

ಯೊಹಾನ 10:8

ಮಿ ಆವಾತಿ ಪೈಲಾ ಆಯಲವಾಲಾ ಚವಟ್ಟಾ ವ್ಹತ್ತಾ ವರಿ ಉದಾಳ್ಳಿವಾಲಾ ವ್ಹತ್ತಾ. ಬಕ್ರಾ ತ್ಯುನು ಐಕ್ಯಾ ನೈ.

ಯೊಹಾನ 12:26

ಕುನ್ನ ಮಾರಿ ಸೆವೆ ಕರು ಕೈನ ಛೆ ತೆ ಮಾರಾ ಪಾಚೊ಼ ಔ. ವರಿ ಮಿ ಕಿಜಾ಼ ರ‍್ಹೌಸ ತ್ಯಾ ಮಾರಾ ಸೆವಕೊಬಿ ರ‍್ಹವಸ ವರಿ ಮಾರೊ ಬಾ ಮಾರಿ ಸೆವಾ ಕುನ್ನ ಕರಸ ತ್ಯುನೊನೆ ಮರ್ಯಾದಿ ದಿವಸ ಕದ್ಯೊ.

ಯೊಹಾನ 13:15

ಎ ಕಾಮೊನೆ ಮಿಜ಼ ಸಾಕ್ಷಿ ಥಯೊಸ. ಕಾಕದ್ಯಾಮ ಮಿ ತುಮೊನೆ ಕರಲ ತಿಮ್ಮಜ಼ ತುಮೆಬಿ ಬಿಜಾ಼ವೊನಾ ಕ್ಹಾತೆ ಕರು.

ಯೊಹಾನ 18:37

ಪಿಲಾತನ"ತಿಮ್ಮ ರ‍್ಹಯುಮ ತು ರಾಜೊ಼ ವ್ಹೈ ಸು? ಕದ್ಯೊ. ಯೆಸು ತಿನೆ"ತುಜ಼಼ ಮನೆ ರಾಜೊ಼ ವ್ಹೈ ಕೈನ ಕವಾಡ್ಯೊಸ. ಮಿ ಮನಕ್ಹೊನೆ ಕ್ಹರಿ ಹುತಿ ಕವಾನೆ ಮಿ ಎ ದುನಿಯಾಮಾ ಹುಟ್ಯೊಸ. ಕ್ಹರಿಮಾ ರ‍್ಹಯಲ ಹರಿ ಯಕ್ಲೊ ಮಿ ಕದಲ ಐಕಸ ಕೈನ ಕದ್ಯೊ.

ಯೊಹಾನ 3:29

ನೌರಿ ನೌರಾನಿಜ ವ್ಹೈ. ನೌರಾನೆ ಸಹಾಯ ಕರಾಲೊ ದೊಸ್ತ ನೌರೊ ಆವಾನಾ ಹುತಿ ಕೈದತೊ ರ‍್ಹವಸ ವರಿ ತೆ ಬಲಾವಸ ಕೈನ ಕಾನ ದಿನ್ನ ಐಕ್ತೊ ರ‍್ಹವಸ. ನೌರಾನೊ ಗಳೊ ಐಕ್ತಾಮಾ ತೆ ದೊಸ್ತ ಘನ್ನೊ ಖುಶಿ ಥಾವಸ. ತೆಜ಼ ಮಾರಿ ಖುಶಿ ಪುರಾ ಥಯು.

1 ಕೊರಿಂಥ 11:1

ಮಿ ಕ್ರಿಸ್ತ ಯೆಸುನೆ ಅನುಸರಿಸಲ ಲಿಂಗತ, ತುಮೆ ಮನೆ ಅನುಸರಿಸೊ.

ಎಫೆಸ 5:1

ತುಮೆ ಕ್ಹುದಾನಾ ಮಯಾನಾ ಬಚ್ಚಾ಼ ವ್ಹೈ; ತಿನಾಹುತಿ ತುಮೆ ತಿನಾ ಲಿಂಗತ ರ‍್ಹೌ.

ಇಬ್ರಿಯ 12:2

ಅಪೆ ಹಮೆಶಾಬಿ ಯೆಸುನೆಜ಼ ಮಾದರಿ ಕರಿನ ಮ್ಹೆಲ್ಲಿದಲ ರ‍್ಹೌ. ಅಪೊನೆ ಬರೊಕ್ಹೊ ದಿವಾಲೊ ಪುರಾ ಕರಾಲೊ ತೆಜ಼ ವ್ಹೈ. ತೆ ತಿನಾ ಕ್ಹಾಮಾ ಮ್ಹೆಲಲ ಖುಶಿಕ್ಹು ಮರ್ಯಾದಿ ಅಲಕ್ಶ ಕರಿನ ಶಿಲುಬೆನು ಮರಣ ತಡ್ದಿಲಿದ್ಯೊ. ಹಮ್ನಾ ತೆ ಕ್ಹುದಾನಾ ಸಿಂಹಾಸನನಾ ಶಿದಾ ಹತ ಬಗಲ ಬೈಟ್ಯೊಸ.

ಇಬ್ರಿಯ 6:20

ಅಪ್ನಾ ಹುತಿ ಯೆಸು ಅಪ್ನಾತಿ ಪೈಲಾ ತ್ಯಾ ಗಯೊಸ ವರಿ ತೆ ಮೆಲ್ಕೆಜೆದೆಕ ಲಿಂಗತ ಹಮೆಶಾಬಿ ರ‍್ಹವಾಲೊ ಮ್ಹೊಟೊ ಯಾಜಕ ಥಯೊಸ.

1 ಪೆತ್ರಾ 2:21

ಇನಾಹುತಿ ತುಮೊನೆ ಬಲಾಯಾಸ. ತುಮೊನೆ ರ‍್ಹವಾನೊ ತರಿಕೊ ಯೆಸು ಕ್ರಿಸ್ತಜ಼ ವ್ಹೈ. ತೆ ಕರಲ ಲಿಂಗತಜ಼ ತುಮೆ ಕರೊ. ತುಮೊನೆ ತ್ರಾಸ ಆತಾಮಾ ತಡ್ದಿಲಿನ ರ‍್ಹೌ. ಕಾಕದ್ಯಾಮ ಕ್ಕರಿಸ್ತಬಿ ತ್ರಾಸ ಖಾದ್ಯೊ.

1 ಪೆತ್ರಾ 4:1

ಕ್ರಿಸ್ತ ಮನಕ್ಹನು ಅಂಗ ಲಿದಲ ಟೈಮ್ಮಾ ತ್ರಾಸ ಅನುಭವಿಶೊ. ತಿನಾಹುತಿ ಕ್ರಿಸ್ತಮಾ ರ‍್ಹಯಲ ಮನಸ ತುಮೆ ವ್ಹಂದಲಿನ ತುಮಾರಾ ಕ್ಹು ತುಮೆ ತಾಕತ ಭರಲಿವೊ. ಅಂಗಕ್ಹು ತ್ರಾಸ ಖಾದಲ ಮನಕ್ಹ ಪಾಕ್ಹು ಮುಕ್ತ ಥಯೊಸ.

1 ಪೆತ್ರಾ 5:3

ತುಮೆ ಜವ್ದಾರಿರ‍್ಹಯಲವಾಲಾ ತೆ ಹಿಂಡಪರ ಜ಼ಬರದಸ್ತಿ ಕರೊ ನಕೊ. ತುಮೆ ತ್ಯುನೊನೆ ಚೊ಼ಕಿ ಸಾಕ್ಷಿ ಥಾವೊ.