ಯೊಹಾನ 10:36 - ಕ್ಹುದಾನಿ ಕ್ಹರಿನಿ ವಾಕ್ಯಾ

³⁶ ಇಮ್ಮ ರ‍್ಹವಾನು ರ‍್ಹಯುಮ ಬಾ ತಿನಾ ಸ್ವಂತವಾಲಾ ವ್ಹೈ ಕೈನ ಇನಿಲಿನ ದುನಿಯಾಮಾ ಮೊಕ್ಲಲವಾಲಾನ ಹುತಿ ಕಿ ರ‍್ಹಸ? ಮಿ "ಕ್ಹುದಾನೊ ದಿಕ್ರೊ ವ್ಹೈ" ಕೈನ ಕದಲ ಹುತಿ ತುಮೆ ಮಿ ದುಷಣೆ ಕರಾಡ್ಯೊಸ ಕೈನ ಕವಾನು ಕಾ?

ಯೊಹಾನ 10:36 ပူးပေါင်းရင်းမြစ်များ

ಮತ್ತಾಯ 27:43

ಎ ಕ್ಹುದಾನೆ ಬರೊಕ್ಹೊ ಕರ‍್ಯೊತೊ. ಹಮ್ನಾ ಕ್ಹುದಾನೆ ಕ್ಹರಿಬಿ ಎ ಛಾಯೆ ಥಯಲ ರ‍್ಹಯೊಮ, ಕ್ಹುದಾಜ಼ ಅನೆ ವಚಾ಼ಡಾದೆ. ‘ಮಿ ಕ್ಹುದಾನೊ ದಿಕ್ರೊ ವ್ಹೈ’ ಕೈನ ಎಜ಼ ಕೈಲಿದ್ಯೊಸತೊ” ಕೈನ ತ್ಯುನೆ ಕದ್ಯಾ.

ಮತ್ತಾಯ 27:54

ಯೆಸುನೆ ಕೈದಾಲೊ ಸೆನಾದಿಪತಿ ವರಿ ಸೈನಿಕೊ ಬುಕಂಪನೆ ವರಿ ಥಯಲ ಕ್ಹಾರು ದೆಕಿನ ಘನ್ನಾ ಭುಚ್ಕಿನ, "ಎ ಕ್ಹರಿಬಿ ಕ್ಹುದಾನೊ ದಿಕ್ರೊ ವ್ಹತ್ತೊ!” ಕೈನ ಕದ್ಯಾ.

ಲುಕ ಬರ್ದಲ ಸುವಾರ್ತಾ 1:35

ದೆವದುತ ಮರಿಯಳನೆ ಪವಿತ್ರ ಆತ್ಮಾ ತುಪರ ಆವಸ. ಕ್ಹಾರಾವೊತಿ ಮ್ಹೊಟೊ ರ‍್ಹಯಲ ಕ್ಹುದಾನಿ ತಾಕತನಿ ಛವ್ಲಿ ತುಪರ ಆವಸ. ತಿನಾ ಹುತಿ ಹುಟ್ಟಾನು ಪವಿತ್ರ ಬಚ್ಚು಼ ಕ್ಹುದಾನೊ ದಿಕ್ರೊ "ಕವೈಲಿವಸ.

ಯೊಹಾನ 10:35

ಯಕ್ಕೆಳೆ ತೆ ತ್ಯುನೊನೆ ಕ್ಹುದಾವೊ ವ್ಹೈ ಕೈನ ಕ್ಹುದಾನಿ ವಾತೊ ಐಯೊಸ ತ್ಯುನೊನೆ ಕ್ಹುದಾವೊ ವ್ಹೈ ಕೈನ ಬಲಾವಾನು ರ‍್ಹಯುಮ ಪವಿತ್ರ ಗ್ರಂಥನೆ ಸುಳ್ಳ ಕವಾನೆ ಥಾತು ನೈ.

ಯೊಹಾನ 17:18

ತು ಮನೆ ಎ ದುನಿಯಾಮಾ ವಳಾಯಲ ಲಿಂಗತ ಮಿ ಇವ್ನೊನೆ ಎ ದುನಿಯಾಮಾ ಮೊಕ್ಲೊಸ.

ಯೊಹಾನ 17:21

ಬಾ, ಮಪರ ಬರೊಕ್ಹೊ ಮ್ಹೆಲಾಲಾ ಕ್ಹಾರಾ ಮನಕ್ಹೊ ಯಕ್ಕಜ಼ ಥೌ. ಕಿಮ್ಮ ತು ಮಾರಾಮಾ ಛೆ ವರಿ ಮಿ ತಾರಾ ಛೆ. ತ್ಯುನೆಬಿ ಅಪ್ನಾಮಾ ಯಕ್ಕ ಥಾವಾದೆ ತಿನಾಹುತಿ ದುನಿಯಾ ತುಜ಼಼ ಮನೆ ವಳಾಯೊಸ ಕೈನ ಬರೊಕ್ಹೊ ಕರಾದೆ.

ಯೊಹಾನ 17:8

ತು ಮನೆ ದಿದಲ ಸಂದೆಶ ಮಿ ಇವ್ನೊನೆ ದಿದ್ಯೊಸ. ಇವ್ನೆ ತೆ ಸಂದೆಶ ಸ್ವಿಕಾರ ಕರಿಲಿದ್ಯಾಸ. ಮಿ ಕ್ಹರಿಬಿ ತುಕಂತೊ ಆಯೊಸ ತ್ಯುನೊನೆ ಗ್ವತ್ತ ಛೆ. ತುಜ಼಼ ಮನೆ ವಳಾಯಲ ವ್ಹೈ ಕೈನ ಇವ್ನೆ ಬರೊಕ್ಹೊ ಕರ‍್ಯಾಸ.

ಯೊಹಾನ 19:7

ಯೆಹುದಿಯೊ "ಹಮೊನೆ ಯಕ್ಕ ನಿಯಮ ಛೆ ತಿನಾಲಿಂಗತ ಇನಿ ಮರವಾನಿ ಶಿಕ್ಷಾ ಥೌಜ. ಕಾಕದ್ಯಾಮ ಎ ತಿನೆ ಕ್ಹುದಾನೊ ದಿಕ್ರೊ ವ್ಹೈ ಕೈನ ಕೈಲಿದ್ಯೊಸ ಕೈನ ಕದ್ಯೊ.

ಯೊಹಾನ 20:28

ತೊಮಾ ಯೆಸುನೆ "ಮಾರಾ ಪ್ರಭು ಮಾರಾ ಕ್ಹುದಾ "ಕೈನ ಕದ್ಯೊ.

ಯೊಹಾನ 20:31

ಯೆಸು ಹಜು಼ನ ಬಿಜಾ಼ ಅದ್ಭುತ ಕಾಮೊ ತಿನಾ ಶಿಷ್ಯಾನಾ ಕ್ಹಾಮೊ ಕರ‍್ಯೊಸ. ತೆನೈಸೊ ಎ ಬುಕ್ಮಾ ನತ್ತಿ ಬರ್ದ್ಯಾ. ವರಿ ಅಕ್ಲು ಕ್ಹಾರು ಬರ್ದಲ ಛೆ. ಕಾಕದ್ಯಾಮ ತುಮೆ ತಿಪರ ಬರೊಕ್ಹೊ ಮ್ಹೆಲು ಕೈನ ಎ ಕ್ಹಾರು ಬರ್ದಲ ವ್ಹೈ.

ಯೊಹಾನ 3:17

ಕ್ಹುದಾ ತಿನಾ ದಿಕ್ರಾನೆ ಎ ದುನಿಯಾಮಾ ವಳಾಯಲ, ತಿನಾ ಮುಲಕ ಎ ದುನಿಯಾನಾ ಮನಕ್ಹೊನೆ ಅಪರಾದಿ ವ್ಹೈ ಕೈನ ಫೈಸಲೊ ಕರಾನೆ ನ್ಹವೈ. ತೆನೈಸೊ ರಕ್ಷಣೆ ವ್ಹಂದಿಲ್ಯು ಕೈನ ಕ್ಹುದಾ ತಿನೆ ವಳಾಯೊ.

ಯೊಹಾನ 3:34

ಕಾಕದ್ಯಾಮ ಕ್ಹುದಾ ಕಿನೆ ಮೊಕ್ಲ್ಯೊಸ ತೆ ಕ್ಹುದಾನಿಯೊ ವಾತೊ ಬೊಲಸ. ಕಾಕದ್ಯಾಮ ಕ್ಹುದಾ ತಿನೆ ಪರಿಪುರ್ಣ ಆತ್ಮಾ ದಿದ್ಯೊಸ.

ಯೊಹಾನ 5:30

"ಮಾರಾಕ್ಹು ಮಿಜ಼ ಸುಜ಼ ಕರತೊ ನೈ. ಕ್ಹುದಾ ಕದಲ ತಿಮ್ಮಜ ಮಿ ಐಕಿನ ಫೈಸಲೊ ಕರುಸ. ತಿನಾಹುತಿ ಮಾರೊ ಫೈಸಲೊ ಕರೆಟ್ಟ ವ್ಹೈ. ಕಾಕದ್ಯಾಮ, ಮಾರಿ ಮರ್ಜಿ ಲಿಂಗತ ಕರಾಡ್ಯೊ ನತ್ತಿ. ಮನೆ ವಳಾಯಲವಾಲಾನಿ ಮರ್ಜಿ ಲಿಂಗತ ಕರುಸ.

ಯೊಹಾನ 6:27

ಹಾಳ ಥಾವಾನು ರ‍್ಹಯಲ ಅನ್ನನಾ ಹುತಿ ರಾಬೊ ನಕೊ ತೆನೈಸೊ ಹಮೆಶಾನಾ ಜ಼ಲಮ ದಿವಾನು ಅನ್ನನಾಹುತಿ ರಾಬೊ. ತೆ ಮನಕ್ಹನೊ ದಿಕ್ರೊ ದಿವಸ. ತಿಪರ ಬಾ ಥಯಲ ಕ್ಹುದಾ ಅದಿಕಾರನೊ ಶಿಕ್ಕೊ ಮಾರ‍್ಯೊಸ.

ಯೊಹಾನ 6:38

ಕಾಕದ್ಯಾಮ ಮಿ ಸ್ವರ್ಗತೊ ಮಾರಿ ಚಿತ್ತ ಲಿಂಗತ ಕರಾನೆ ಆಯೊಸ ಕೈನ ತಿಳ್ದೊ ನಕೊ. ತೆನೈಸೊ ಕುನ್ನ ಮನೆ ವಳಾಯೊಸ ತಿನಿ ಚಿತ್ತ ಪುರಾ ಕರಾನೆ ಆಯೊಸ.

ಯೊಹಾನ 6:57

"ಜಿವ್ತೊ ರ‍್ಹಯಲ ಬಾಜ ಮನೆ ವಳಾಯೊ. ವರಿ ತಿನಾಕ್ಹುಜ ಮಿ ಜಿವ್ತೊ ರ‍್ಹೌಸ, ತಿನಾಹುತಿ ಕುನ್ನ ಮನೆ ಖಾವಸ ತೆ ಮಾರಾಕ್ಹುಜ ಜಿವ್ತೊ ರ‍್ಹವಸ.

ಯೊಹಾನ 6:69

ಹಮೆ ತುಪರ ಬರೊಕ್ಹೊ ಕರಿಯೆಸ. ತು ಕ್ಹುದಾಕಂತೊ ಆಯಲ ಪರಿಶುದ್ಧ ವ್ಹೈ ಕೈನ ಹಮೊನೆ ಗ್ವತ ಛೆ "ಕೈನ ಉತ್ತರ ದಿದ್ಯೊ.

ಯೊಹಾನ 8:42

ಯೆಸು ತೆ ಯಹುದಿಯೊನೆ"ಕ್ಹುದಾ ಕ್ಹರಿಮಾಜ಼ ತುಮಾರೊ ಬಾ ರ‍್ಹಯೊಮ, ತುಮೆ ಮನೆ ಮಯಾ ಕರ್ತಾತಾ. ಕಾಕದ್ಯಾಮ, ಮಿ ಕ್ಹುದಾ ಕಂತೊ ಆಯೊಸ ವರಿ ಮಿ ನ್ಹ್ಯಾ ಛೆ. ಮಿ ಆಯಲ ಮಾರು ಸ್ವಂತ ಅದಿಕಾರಕ್ಹು ನ್ಹವೈ. ಕ್ಹುದಾಜ ಮನೆ ಮೊಕ್ಲ್ಯೊಸ.

ರೊಮಾಪೂರ 1:4

ತೆನೈಸೊ ಯೆಸು ಪವಿತ್ರ ಆತ್ಮಾನಾ ಮುಲಕ ಮ್ಹೊಟಿ ತಾಕತನಾ ಕ್ಹಾತೆ ಮರಲವಾಲಾವೊಮಾತೊ ಜಿವ್ತೊ ಥೈನ ಉಟಿನ ತೆಜ಼ ಕ್ಹುದಾನೊ ದಿಕ್ರೊ ವ್ಹೈ ಕೈನ ದೆಕಾಡಿನ ದಿದ್ಯೊ.

ರೊಮಾಪೂರ 8:3

ಧರಮಶಾಸ್ತ್ರ ತಾಕತ ನೈಸೊ ವ್ಹತ್ತು. ಕಾಕದ್ಯಾಮ ಅಪ್ನಾ ಮಾನವ ಸ್ವಭಾವನಿಯೊ ಚಾಳಿಯೊಜ಼ ತಿನೆ ತಾಕತ ನೈಸೊ ಕರ‍್ಯು. ಇಮ್ಮ ರ‍್ಹತಾಮಾ, ಧರಮಶಾಸ್ತ್ರ ನೈ ಕರಾನು ಕ್ಹುದಾ ಕರ‍್ಯೊ. ಕ್ಹುದಾ ತಿನಾ ಸ್ವಂತ ದಿಕ್ಕರಾನೆಜ಼ ಪಾಪನಾ ಚಾಳಿಯೊನಾ ಮನಕ್ಹನಾ ಚಾಳಿಯೊಮಾ ಪಾಪನೆ ಪ್ರಾಯಶ್ಚಿತ ಥೈನ ವಳೈನ ದಿದ್ಯೊ. ತಿನಾಹುತಿ ಕ್ಹುದಾ ಪಾಪನೆ ಮೌತನೊ ಫೈಸಲೊ ದಿವಾನೆ ಮನಕ್ಹನಾ ಚಾಳಿಯೊನೆ ಉಪಯೊಗ ಕರ‍್ಯೊ.

ರೊಮಾಪೂರ 9:5

ತ್ಯುನೆ ಅಪ್ನಾ ಪಿತೃವೊನಾ ಸಂತಾನೊನೆ ಮಳಲವಾಲಾ ಥಯಾಸ; ಕ್ರಿಸ್ತ ಮನಕ್ಹನು ಅಂಗ ಲಿನ ಇವ್ನಾ ಖಾಂದಾನಮಾ ಹುಟ್ಯೊ. ಕ್ರಿಸ್ತ ಕ್ಹಾರಾನೆಬಿ ಮಾಲಕ ಥಯೊಸ. ಕ್ಹಾರಾವೊಪರ ಅದಿಕಾರ ಕರಾಲಾ ಕ್ಹುದಾನೆ ಹಮೆಶಾಬಿ ಸ್ತೊತ್ರಾ ಥಾವಾದೆ! ಆಮೆನ್.

ಗಲಾತ್ಯ 4:4

ತೆನೈಸೊ ಕರೆಟ್ಟ ಟೈಮ ಆಯಲ್ಪರ ತಿನಾ ದಿಕ್ರಾನೆ ಮೊಕಲ್ಯೊ. ಕ್ಹುದಾನೊ ದಿಕ್ರೊ ಹೆಣ ಮನಕ್ಹನಾ ಪೆಟಮಾತೊ ಹುಟ್ಟಿನ, ಧರಮಶಾಸ್ತ್ರನಿ ಅಧಿನಮಾ ಜಿವ್ನಾ ಕರ‍್ಯೊ.