ಯೊಹಾನ 10:32 - ಕ್ಹುದಾನಿ ಕ್ಹರಿನಿ ವಾಕ್ಯಾ

³² ತೆನೈಸೊ ಯೆಸು ತ್ಯುನೊನೆ"ಮಿ ಬಾಕಂತೊ ಘನ್ನಾ ಚೊ಼ಕಾ ಕಾಮೊ ಕರಿನ ದೆಕಾಡ್ಯೊಸ. ವರಿ ಎ ಚೊ಼ಕಾ ಕಯಾ ಕಾಮ್ನಾ ಹುತಿ ತುಮೆ ಮನೆ ದಗ್ಡಾಲಿನ ಮಾರಾನೆ ದೆಕಾಡ್ಯಾಸ? ಕೈನ ಪುಚ್ಯಾ.

ಯೊಹಾನ 10:32 ပူးပေါင်းရင်းမြစ်များ

ಮತ್ತಾಯ 11:5

ಕುಡ್ಡಾವೊನೆ ಡೊಳಾ ಆವಸ; ಲಂಗ್ಡಾ ರ‍್ಹಯಲ ಚಾ಼ಲಸ; ಕುಷ್ಟ ರೊಗಿಯೊ ಅರಾಮ ಥಾವಸ; ಕಿವ್ಡಾ ಐಕಸ; ಮರಲವಾಲಾ ಜಿವ್ತಾ ಥಾವಸ ವರಿ ಗರಿಬ ರ‍್ಹಯಲವಾಲಾವೊನೆ ಕ್ಹುದಾನಿ ವಾತೊ ಕವಸ.

ಯೊಹಾನ 10:25

ತೆ ವಾತೆ ಯೆಸು "ಮಿ ತೆಳಾಮಾಜ಼ ತುಮೊನೆ ಕದ್ಯೊ. ತೆನೈಸೊ ತುಮೆ ಬರೊಕ್ಹೊ ಕರ‍್ಯಾ ನೈ. ಮಿ ಮಾರಾ ಬಾನಾ ಅದಿಕಾರಕ್ಹು ಕರಾನಾ ಅದ್ಭುತ ಕಾಮೊ ಮಾರಾಹುತಿ ಸಾಕ್ಷಿ ದಿವಸ.

ಯೊಹಾನ 10:31

ತೆಳಾಮಾ ವರಿ ಯಹುದ್ಯೊ ಯೆಸುನೆ ಮಾರಾನಾ ಹುತಿ ದಗ್ಡಾ ಇನಿಲಿದ್ಯಾ.

ಯೊಹಾನ 10:33

ಯಹುದ್ಯೊ"ಹಮೆ ತುನೆ ದಗ್ಡಾಲಿನ ಮಾರಾನು ತು ಕರಲ ಕಯಾಜ ಕಾಮೊಕ್ಹು ನ್ಹವೈ. ತು ಕರಾನಾ ಕ್ಹುದಾನಿ ದುಷಣೆನಾ ಹುತಿಜ ವ್ಹೈ. ತು ಖಾಲಿ ಯಕ್ಕ ಮನಕ್ಹ ರ‍್ಹೈನ ತುನೆ ತುಜ಼಼ ಕ್ಹುದಾಜ ವ್ಹೈ ಕೈನ ಕೈಲಿವಾಡ್ಯೊಸ! ಕೈನ ಉತ್ತರ ದಿದ್ಯಾ.

ಯೊಹಾನ 10:37

ಮಾರೊ ಬಾ ಕಾಮೊ ಮಿ ನೈ ಕರ‍್ಯಾಮ, ಮಿ ಕವಾನು ಬರೊಕ್ಹೊ ಕರೊ ನಕೊ.

ಯೊಹಾನ 5:36

ತೆನೈಸೊ ಮಾರಿ ಸಾಕ್ಷಿ ಯೊಹಾನತಿಬಿ ಮ್ಹೊಟಿ ಸಾಕ್ಷಿ ಛೆ. ಮಿ ಕರಾನಾ ಕಾಮೊಜ ಮಾರಿ ಸಾಕ್ಷಿಯೊ ಥಯೊಸ. ಬಾ ಮನೆ ದಿದಲ ಎ ಕಾಮೊಜ, ಬಾ ಮನೆ ವಳಾಯೊಸ ಕೈನ ದೆಕಾಡಸ.

ಅಪೊಸ್ತಲೊ 10:38

ನಜರೆತನಾ ಯೆಸುನಾ ಹುತಿ ತುಮೊನೆ ಗ್ವತ್ತ ಛೆ. ಕ್ಹುದಾ ತಿನೆ ಪವಿತ್ರ ಆತ್ಮಾನೆ ತಾಕಾತನೆ ದಿವಾನಾ ಮುಲಕ ತಿನೆ ಅಭಿಶೆಕ ಕರ‍್ಯೊ. ತೆ ಕ್ಹಾರಿ ಜ಼ಗಾ ಮನಕ್ಹೊನೆ ಚೊ಼ಕು ವರಿ ಅರಾಮ ಕರ್ತೊ ಫರ‍್ಯೊ. ಭುತ್ಡಾವೊಕ್ಹು ತ್ರಾಸ ಖಾವಾಲಾವೊನೆ ಯೆಸು ಅರಾಮ ಕರ‍್ಯೊ. ಕ್ಹುದಾ ಯೆಸುನಾ ಕ್ಹಾತೆ ವ್ಹತ್ತೊ ಕವಾನು ತೆ ದೆಕಾಡಿನ ದಿದ್ಯು.

ಅಪೊಸ್ತಲೊ 2:22

ಇಸ್ರಾಯಲನಾ ಮನಕ್ಹೊ ಎ ವಾತೊ ಐಕೊ ಕ್ಹುದಾನಜರೆತನಾ ಯೆಸುನಾ ಮುಲಕ ಕರಲ ಮ್ಹೊಟಾ ಕಾಮೊ ವರಿ ಅದ್ಭುತ ಕಾಮೊನಾ ಮುಲಕ ತೆ ಚೊ಼ಕಿ ತರಾ ದೆಕಾಡಿನ ದಿದ್ಯೊಸ. ಎ ಸಂಗತಿಯೊ ತುಮೆ ಕ್ಹಾರಾ ಜ಼ನಾ ದೆಕ್ಯಾಸ. ತಿನಾಹುತಿ ಎ ಕ್ಹಾರು ಕ್ಹರಿಜ಼ ವ್ಹೈ ಕೈನ ತುಮೊನೆ ಗ್ವತ್ತ ಛೆ.

1 ಯೊಹಾನ 3:12

ತುಮೆ ಕಾಯಿನ ಲಿಂಗತ ರ‍್ಹವೊ ನಕೊ. ತೆ ಕೆಟ್ಟನಾ ಕ್ಹಾತೆ ರ‍್ಹಯಲವಾಲೊ ವ್ಹತ್ತೊ. ತೆ ತಿನಾ ಭೈನೆ (ಹೆಬಲ) ಖಲಾಸ ಕರಿಪಾಡ್ಯೊ. ತೆ ತಿನಾ ಭೈನೆ ಖಲಾಸ ಕರಲ ಶಾನಾ ಹುತಿ ವ್ಹೈ? ತಿನಾ ಕಾಮೊ ಕೆಟ್ಟಜ಼ ವ್ಹೈ. ತಿನಾ ಭೈನಾ ಕಾಮೊ ಚೊ಼ಕಾ ರ‍್ಹಯಲ ಹುತಿ ವ್ಹೈ.