ಯೊಹಾನ 10:3 - ಕ್ಹುದಾನಿ ಕ್ಹರಿನಿ ವಾಕ್ಯಾ

³ ಕೈದಾಲೊ ಕುರಬುರ‍್ಯಾನೆ ಬಾಕಲ ಕಾಡಸ. ವರಿ ಬಕ್ರಾ ತಿನಾ ಅವಾಜ಼ ಐಕಸ. ತೆ ಬಕ್ರಾವೊನೆ ನಾಮ ಲಿನ ಬಲಾತಾಮಾ ಬಕ್ರಾ ತಿನಿ ಅವಾಜ಼ ಐಕಸ. ವರಿ ತೆ ತ್ಯುನಾ ಅಗು ಚಾಲ್ತೊ ಪಾಚೊ಼ ಬಲೈ ಲಿನ ಜಾ಼ವಸ.

ಯೊಹಾನ 10:3 ပူးပေါင်းရင်းမြစ်များ

ಯೊಹಾನ 10:14

"ಮಿ ಚೊ಼ಕೊ ಕುರಬುರ‍್ಯೊ ವ್ಹೈ. ತಿಮ್ಮ ಮಿ ಮನೆ ಬಾ ತಿಳ್ದಿಲಿದ್ಯೊಸ ತಿಮ್ಮ ಬಾನೆ ಮಿ ತಿಳ್ದಿಲಿದ್ಯೊಸ. ತಿನಾ ಲಿಂಗತಜ ಮಿ ಮಾರಾ ಬಕ್ರಾವೊನೆ ವಳಕುಸ ವರಿ ತೆ ಮನೆ ವಳಕಸ. ವರಿ ಮಿ ಮಾರಾ ಬಕ್ರಾವೊನಾ ಹುತಿ ಜ಼ಲಮ ದಿವಾನೆ ತಯ್ಯಾರ ಛೆ.

ಯೊಹಾನ 10:16

ತೆ ಬಕ್ರಾ ಮಾರಿ ಸ್ವರ ಐಕಸ. ತೆಳಾಮಾ ಯಕ್ಕಜ಼ ಗುಂಪ ರ‍್ಹವಸ ವರಿ ಯಕ್ಲೊಜ ಕುರಬುರ‍್ಯೊ ರ‍್ಹವಸ.

ಯೊಹಾನ 10:4

ಕೆಳಾಮಾ ತೆ ತಿನಾ ಕ್ಹಾರಾ ಬಕ್ರಾವೊನೆ ಭಾರೊ ಬಲೈ ಲಿನ ಜಾ಼ವಸ ತೆಳಾಮಾ ತೆ ಅಗೊ-ಅಗೊ ಜಾ಼ವಸ ತಿನಾ ಬಕ್ರಾ ತಿನಾ ಪಾಚಾ಼-ಪಾಚಾ಼ ಜಾ಼ವಸ. ಕಾಕದ್ಯಾಮ ತೆ ಬಕ್ರಾ ತಿನಿ ಸ್ವರ ವಳಕಸ..

ಯೊಹಾನ 10:9

ಮಿಜ಼ ಬಾಕಲ ವ್ಹೈ. ಕುನ್ನ ಮಾರಾ ಮುಲಕ ಮ್ಹೈ ಜಾ಼ವಸ ತೆ ಬಿಡುಗಡೆ ವ್ಹಂದಿಲಿವಸ. ತೆ ಮ್ಹೈ ಆ ಸಕಸ. ಭಾರೊಬಿ ಜಾ಼ ಸಕಸ ವರಿ ತಿನೆ ಚಾರೊ ಮಳಸ.

ಯೊಹಾನ 6:37

ಮಾರೊ ಬಾ ದಿವಾನಾ ತೆ ಕ್ಹಾರಾ ಮನಕ್ಹೊ ಮಕನ ಆವಸ. ವರಿ ಕುನ್ನ ಮಕನ ಆವಸ ತ್ಯುನೊನೆ ಮಿ ಕೆಳಾಮಾಜ ಢಕ್ಲಿಪಾಡ್ತೊ ನೈ.

ಯೊಹಾನ 6:45

"ಪ್ರವಾದಿಯೊನಾ ಪುಸ್ತಕೊಮಾ ಅಮ್ಮ ಬರ್ದ್ಯಾಸ ವರಿ ತ್ಯುನೆ ಕ್ಹಾರಾ ಕ್ಹುದಾಕ್ಹು ಶಿಕ್ಕಲವಾಲಾ ರ‍್ಹವಸ. ಕುನ್ನ ಬಾ ಕ್ಹು ಐಕಿನ ಶಿಕ್ಕಿನ ತೆ ಮಕನ ಆವಸ.

ರೊಮಾಪೂರ 8:30

ಇಮ್ಮ ರ‍್ಹತಾಮಾ ಕಿನೆ ತೆ ಬಲಾವಸ ತಿನೆ ಇನಿಲಿದ್ಯೊಸ ವರಿ ತ್ಯುನೊನೆ ತೆ ನಿತಿವಂತ ಥೈನ ಕರಸ ವರಿ ಮಹಿಮಾಮಾಬಿ ಬಲೈಲಿವಸ.

1 ಕೊರಿಂಥ 16:9

ಕಾಕದ್ಯಾಮ ಸೆವೆನೆ ಅನುಕುಲ, ಸಫಲತಾ ಥಯಲ ಮನೆ ಮ್ಹೊಟೊ ಮೌಕೊ ಛೆ. ತಿನಾ ಲಿಂಗತಜ಼ ವಿರೊಧಿಯೊ ಘನ್ನಾ ಜ಼ನಾ ಛೆ.

ಫಿಲಿಪ್ಪಿ 4:3

ಮಾರಾ ದೊಸ್ತ, ತು ಮಾರಾ ಕ್ಹಾತೆ ಕಾಮ್ಮಕರಾವಾಲೊ ಥೈನ ಸೆವೆ ಕರೊತೊ ರ‍್ಹೈಹುತಿ ಯೆ ಬಾಕಡಿನೆ ಬಿ ಮದತ ಕರು ಕೈನ ತುಕನ ಮಾಂಗಿಲ್ಯುಸ. ಯೆ ಬಾಕಡಿಯೊ ಮಾರಾ ಕ್ಹಾತೆ ಸುವಾರ್ತೆನಾ ಹುತಿ ಸೆವೆ ಕರಿಯೊಸ. ಮಾರಾ ಕ್ಹಾತೆ ಸೆವೆ ಕರಾತ್ತಾ ರ‍್ಹಯಲ ಕ್ಲೆಮನ್ಸ ವರಿ ಬಿಜಾ಼ ಸೆವಕೊನೆ ಕ್ಹಾತೆ ಯೆ ಬಾಕಡಿಯೊ ಸೆವೆ ಕರಿಯೊಸ. ಯೆ ಬಾಕಡಿಯೊನು ನಾಮ ಜಿವಭಾದ್ಯ ಬುಕ್ಕಮ್ಮಾ ಬರ್ದಲ ಛೆ.

ಕೊಲೆಸ್ಸೆ 4:3

ಕ್ರಿಸ್ತನಿ ಅಸಲಿ ಅರ್ಥ ಕದ್ಯಾಮ ಕ್ಹಾರಾ ಮನಕ್ಹೊನೆ ಹಮೆ ಸುವಾರ್ತಾ ಕವಾನೆ ಕ್ಹುದಾ ಬಾಕಲ ಕಾಡು ಕೈನ ಪ್ರಾರ್ಥನಾ ಕರೊ. ಆ ಸುವಾರ್ತಾನಾ ಹುತಿಜ ಮಿ ಜೆಲಮಾ ಶೆ.

2 ತಿಮೊತಿ 2:19

ತೆನೈಸೊ ಕ್ಹುದಾನಿ ಮ್ಹೊಟಿ ಬುನಾದಿ ಹಲ್ತಿಜ಼ ನೈ" ಪ್ರಭುನೆ ತಿನಾ ಕುನ್ ವ್ಹೈ ಕೈನ ಗ್ವತ್ತ ಛೆ "ವರಿ "ಪ್ರಭುಮಾ ಬರೊಕ್ಹೊ ಮ್ಹೆಲ್ಯಲವಾಲಾ ಕೆಟ್ಟ ವಾಟ ಛೊಡಿಪಾಡು "ಕೈನ ತೆ ಬುನಾದಿನಾ ಉಪ್ಪರ ಬರ್ದ್ಯಾಸ.

1 ಪೆತ್ರಾ 1:12

ತೆ ಪ್ರವಾದಿಯೊ ಕರಲ ಸೆವಾ ತುಮಾರಾ ಹೊರತಾಗಿ ತಿವ್ನಾ ಹುತಿ ನ್ಹವೈ. ತ್ಯುನೊನೆ ಗ್ವತ್ತ ಥಯು. ಹಮ್ನಾ ತುಮೆ ಐಕಲ ಸಂಗತಿಯೊ ತ್ಯುನೆ ಕತಾಮಾ ತ್ಯುನೆ ತುಮಾರಿ ಸೆವೆ ಕರಾಡಾತಾ. ಸ್ವರಗಾತಾ ಮೊಕ್ಲಲ ಪವಿತ್ರ ಆತ್ಮಾ ಆಸ್ರಾಕ್ಹು ಸುವಾರ್ತೆ ಕದಲ ವಾಲಾಜ಼ ಎ ಸಂಗತಿಯೊ ಕದ್ಯಾ. ತ್ಯುನೊನೆ ತೀಳಸಲ ಸಂಗತಿಯೊನಾ ಹುತಿ ತಿಳದಿಲಿವಾಹುತಿ ದೆವ ದುತೊ ಕೈದಾಡ್ಯಾಸ.

1 ಯೊಹಾನ 4:6

ಹಮೆತೊ ಕ್ಹುದಾಕುತ ಆಯಲ ವ್ಹೈ. ತಿನಾಹುತಿ ಕ್ಹುದಾನೆ ವಳಕಲವಾಲಾ ಮನಕ್ಹೊ. ಹಮೆ ಕವಾನು ಐಕಸ. ತೆನೈಸೊ ಕ್ಹುದಾಕಂತಾ ನೈ. ಅಯಲ ಮನಕ್ಹೊ ಹಮೆ ಕವಾನು ಐಕ್ತಾ ನೈ. ಕಯು ಕ್ಹರಿ ಕವಾನು ಆತ್ಮ ಕಯು ಸುಳ್ಳ ಕವಾನಿ ಆತ್ಮ ಕವಾನು ಇಮ್ಮ ಕವಸ.

3 ಯೊಹಾನ 1:14

ಮಿ ಭೆಗಿನ ಐನ ದೆಕುಸ ಕೈನ ಆಸ ಮ್ಹೆಲುಸ. ತೆಳಾಮಾ ಅಪೆ ಕ್ಹಾಮಾಜ಼ ಬೊಲಿಯೆ.

ಪ್ರಕಟನೆ 20:15

ಜಿವ ಭಾದ್ಯ ಪುಸ್ತಕ್ಕಮಾ ಕಿನೊ ನಾಮ ಬರ್ದಲ ನತ್ತಿ ತೆ ಮನಕ್ಹನೆ ತೆ ಆಗನಿ ಇರಮಾ ನಾಕಾಲಗಡಸ.

ಪ್ರಕಟನೆ 3:20

ದೆಕೊ, ಮಿ ತುಮಾರಾ ಬಾಕಲಕನ ಹುಬ್ರೈನ ವಜಾ಼ಡ್ಯಾಡ್ಯೊಸ. ಕಯೊಬಿ ಮಾರೊ ಗಳೊ ಐಕಿನ ಬಾಕಲ ಕಾಡ್ಯೊಮ, ಮಿ ಮ್ಹೈ ಐನ ತಿನಾ ಕ್ಹಾತೆ ಖಾವಾನೆ ಬೈಟುಸ ವರಿ ತೆ ಮಾರಾ ಕ್ಹಾತೆ ಖಾವಸ.

ಪ್ರಕಟನೆ 7:17

ಸಿಂಹಾಸನ್ನಾ ವಚಾ಼ಮಾ ರ‍್ಹಯಲ ಬಕ್ರಾನು ಬಚ್ಚು಼ ಥಯಲ ತ್ಯುನೊ ಕುರಬುರ‍್ಯೊ ವ್ಹೈ. ತೆ ತ್ಯುನೊನೆ ಜ಼ಲಮ ದಿವಾನು ಪಾನಿನಿಯೊ ಹರಿಯೊಕನ ಬಲೈಲಿನ ಜಾ಼ವಸ. ತ್ಯುನಾ ಡೊಳಾ ಕ್ಹೊಪಡಾನು ಪಾನಿ ಕ್ಹುದಾ ನುಚ್ಚಿಪಾಡಸ. ಕೈನ ಕದ್ಯೊ.