ಯೊಹಾನ 1:34 - ಕ್ಹುದಾನಿ ಕ್ಹರಿನಿ ವಾಕ್ಯಾ

³⁴ ತಿನಾಹುತಿ "ಮಿ ಸು ದೆಕ್ಯೊಸ ತೆಜ಼ ಮಿ ಕೌಸ. ತೆಜ಼ (ಯೆಸು) ಕ್ಹುದಾನೊ ದಿಕ್ರೊ ವ್ಹೈ ಕೈನ ಮಿ ಮನಕ್ಹೊನೆ ತಿಳ್ಸುಸ "ಕದ್ಯೊ.

ಯೊಹಾನ 1:34 ပူးပေါင်းရင်းမြစ်များ

ಮತ್ತಾಯ 11:27

ಮಾರೊ ಬಾ ಮನೆ ಕ್ಹಾರು ದಿದ್ಯೊಸ. ಕುನಜ ದಿಕ್ರಾನೆ ವಳಕ್ಯು ನತ್ತಿ. ಬಾ ಯಕ್ಕಜ ದಿಕ್ರಾನೆ ವಳಕ್ಯೊಸ. ದಿಕ್ರೊ ಯಕ್ಕಜ ಬಾನೆ ವಳಕ್ಯೊಸ. ದಿಕ್ರೊ ಬಾನೆ ಕಿನೆ ದೆಕಾಡು ಕೈನ ಆಸ ಕರಸ ತ್ಯುನೆ ಬಾನೆ ತಿಳ್ದಿಲಿವಸ.

ಮತ್ತಾಯ 16:16

ತೆಳಾಮಾ ಸಿಮೊನ ಪೆತ್ರಾ, ತು ಜಿವ್ತೊ ರ‍್ಹಯಲ ಕ್ಹುದಾನೊ ದಿಕ್ರೊ ಥಯಲ ಕ್ರಿಸ್ತ ವ್ಹೈ ಕೈನ ಜವಾಬ ದಿದ್ಯೊ.

ಮತ್ತಾಯ 17:5

ತೆ ಹಜ಼ುನ ಬೊಲ್ತೊ ರ‍್ಹತಾಮಾಜ಼ ಉಜಾಲಾನು ಮ್ಹಾಡ ಐನ ತ್ಯುನಾ ಉಪ್ಪರ ಐಯು. ತೆನೈಸೊ ತೆ ಮ್ಹಾಡಮಾತು ಎ ಮಾರೊ ಮಯಾನೊ ದಿಕ್ರೊ ವ್ಹೈ. ಇನೆ ಮಿ ಪಸಂದ ಕರ‍್ಯೊಸ. ಎ ಕವಾನು ಐಕೊ ಕೈನ ಅವಾಜ಼ ಅಯು.

ಮತ್ತಾಯ 26:63

ಮಹಾಯಾಜಕ ಯೆಸುನೆ, ತುನೆ ಜಿವ್ತೊ ರ‍್ಹಯಲ ಕ್ಹುದಾನಾ ಉಪ್ಪರ ಖಮ್ಮ ಘಾಲಿನ ಪುಚ್ಚಾ಼ಡೊಸ; ತು ಕ್ಹುದಾನೊ ದಿಕ್ರೊ ಥಯಲ ಕ್ರಿಸ್ತ ರ‍್ಹಯೊಮ, ಹಮೊನೆ ಕೌ ಕೈನ ಕದ್ಯೊ.

ಮತ್ತಾಯ 27:40

"ತು ದೆವಾಲಯನೆ ಪಾಡಿನ, ತಿನೆ ವರಿ ತನ್ನ ದಿನ್ನಮಾ ಭಾಂದುಸ ಕೈನ ಕವಾಡೊತೊ. ತೆನೈಸೊ ಹಮ್ನಾ ತುನೆ ತುಜ಼ ವಚಾ಼ಡಿಲೆ! ತು ಕ್ಹರಿಮಾಜ಼ ಕ್ಹುದಾನೊ ದಿಕ್ರೊ ಥಯಲ ರ‍್ಹಯೊಮ, ಶಿಲಿವಿಪರತೊ ಹೆಟೊ ಉತ್ರಿನ ಆ!” ಕೈನ ಕದ್ರಾಯಾ.

ಮತ್ತಾಯ 27:43

ಎ ಕ್ಹುದಾನೆ ಬರೊಕ್ಹೊ ಕರ‍್ಯೊತೊ. ಹಮ್ನಾ ಕ್ಹುದಾನೆ ಕ್ಹರಿಬಿ ಎ ಛಾಯೆ ಥಯಲ ರ‍್ಹಯೊಮ, ಕ್ಹುದಾಜ಼ ಅನೆ ವಚಾ಼ಡಾದೆ. ‘ಮಿ ಕ್ಹುದಾನೊ ದಿಕ್ರೊ ವ್ಹೈ’ ಕೈನ ಎಜ಼ ಕೈಲಿದ್ಯೊಸತೊ” ಕೈನ ತ್ಯುನೆ ಕದ್ಯಾ.

ಮತ್ತಾಯ 27:54

ಯೆಸುನೆ ಕೈದಾಲೊ ಸೆನಾದಿಪತಿ ವರಿ ಸೈನಿಕೊ ಬುಕಂಪನೆ ವರಿ ಥಯಲ ಕ್ಹಾರು ದೆಕಿನ ಘನ್ನಾ ಭುಚ್ಕಿನ, "ಎ ಕ್ಹರಿಬಿ ಕ್ಹುದಾನೊ ದಿಕ್ರೊ ವ್ಹತ್ತೊ!” ಕೈನ ಕದ್ಯಾ.

ಮತ್ತಾಯ 3:17

ತೆಳಾಮಾ ಸ್ವರ್ಗಮಾತು ಆವಾಜ ಐಯು "ಆ ಮಾರೊ ಮಾಯಾನೊ ದಿಕ್ರೊ ಯೆಸು ವ್ಹೈ, ಅನೆ ಮಿ ಘನ್ನೊ ಮೆಚ್ಚೊಸ".

ಮತ್ತಾಯ 4:3

ತೆಳಾಮ ಯೆಸುನೆ ಪರಿಕ್ಷಾ ಲಿವಾನಾ ಹುತಿ ಸೈತಾನ ಕನ ಐನ ತು ಕ್ಹುದಾನೊ ದಿಕ್ರೊ ರ‍್ಹಯೊಮ ಆ ದಗ್ಡಾನೆ ರೊಟ್ಲೊ ಥಾ ಕೈನ ಆಗನ್ಯಾ ದೆ” ಕದ್ಯೊ.

ಮತ್ತಾಯ 4:6

ತು ಕ್ಹುದಾನೊ ದಿಕ್ರೊ ರ‍್ಹಯೊಮ ಉಪ್ಪರತೊ ಉಡ ತೆ ತಾರಾಹುತಿ ತಿನಾ ದೆವದುತೊನೆ ಆಗನ್ಯಾ ದಿವಸ ತ್ಯುನೆ ತಾರಾ ಪಗೊ ದಗ್ಡಾನೆ ಲಾಗಾನೆ ದಿದ್ಯಾವಾಚಿ ತುನೆ ಹತೊ ಮಾ ಉಚೈಲಿವಸ” ಕೈನ ಬರ್ದಲ ಛೆ ತೊ.

ಮತ್ತಾಯ 8:29

ತ್ಯುನೆ ಭಂಬಿಜ಼ನಾ ಯೆಸುಕನ ಐನ. ತು ಹಮೊನೆ ಸು ಕರು ಕೈನ ವಿಚಾರ ಕರ‍್ಯೊಸ? ಕ್ಹುದಾನಾ ದಿಕ್ರಾ, ಟೈಮ ಆವಾತಿ ಪೈಲಾ ಹಮೊನೆ ಶಿಕ್ಷಾ ದಿವಾನೆ ಆಯೊ ಸು?” ಕೈನ ಜೊ಼ರ ಅಡ್ಡಿನ ಕದ್ಯಾ.

ಮಾರ್ಕ 1:1

ಕ್ಹುದಾನೊ ದಿಕ್ರೊ ಯೆಸು ಕ್ರಿಸ್ತನಿ ಸುವಾರ್ತೆ (ಚೊ಼ಕಿಯೊ ವಾತೊ) ಶುರು.

ಮಾರ್ಕ 1:11

ತೆಳಾಮಾ, ತು ಮಯಾನೊ ಥಯಲ ಮಾರೊ ದಿಕ್ರೊ ವ್ಹೈ. ತುನೆ ಮಿ ಮೆಚ್ಯೊಸ. ಕೈನ ಸ್ವರ್ಗಮಾತು ಆವಾಜ಼ ಐಯು.

ಲುಕ ಬರ್ದಲ ಸುವಾರ್ತಾ 1:35

ದೆವದುತ ಮರಿಯಳನೆ ಪವಿತ್ರ ಆತ್ಮಾ ತುಪರ ಆವಸ. ಕ್ಹಾರಾವೊತಿ ಮ್ಹೊಟೊ ರ‍್ಹಯಲ ಕ್ಹುದಾನಿ ತಾಕತನಿ ಛವ್ಲಿ ತುಪರ ಆವಸ. ತಿನಾ ಹುತಿ ಹುಟ್ಟಾನು ಪವಿತ್ರ ಬಚ್ಚು಼ ಕ್ಹುದಾನೊ ದಿಕ್ರೊ "ಕವೈಲಿವಸ.

ಲುಕ ಬರ್ದಲ ಸುವಾರ್ತಾ 3:22

ತೆಳಾಮಾ ಪವಿತ್ರ ಆತ್ಮಾ ಕ್ಹಹಬುತರನಾ ರುಪಮಾ ತಿಪರ ಐನ ಉತರ‍್ಯು. ತೆಳಾಮಾಜ಼ ಸ್ವರ್ಗಮಾತೊ ಅವಾಜ಼ ಆಯೊ" ತು ಮಾರೊ ಮಯಾನೊ ದಿಕ್ರೊ ವ್ಹೈ, ಮಿ ತುನೆ ಮೆಚ್ಯೊಸ "ಕೈನ ಅವಾಜ಼ ಆಯು.

ಯೊಹಾನ 1:18

ಕ್ಹುದಾನೆ ಕುನ್ನಜ ಕೆಳಾಮಾಜ ದೆಕ್ಯಾ ನತ್ತಿ. ತೆನೈಸೊ ಯಕ್ಲೊಜ ದಿಕ್ರೊ ತೆ ಕ್ಹುದಾನ ಲಿಂಗತ ಛೆ ವರಿ ಬಾನಾ ಬಾಜು಼ಮಾ ಛೆ. ತೆ ದಿಕ್ರೊ ಕ್ಹುದಾನೆ ಅಪೊನೆ ದೆಕಾಡಿನ ದಿದ್ಯೊಸ.

ಯೊಹಾನ 1:49

ತೆಳಾಮಾ ನತಾನಿಯೆಲ ತಿನೆ"ಗುರು, ತುಜ಼಼ ಕ್ಹುದಾನೊ ದಿಕ್ರೊ ವ್ಹೈ. ತು ಇಸ್ರಾಯಲನೊ ರಾಜೊ಼ ವ್ಹೈ" ಕೈನ ಕದ್ಯೊ.

ಯೊಹಾನ 10:30

ಬಾ ವರಿ ಮಿ ಯಕ್ಕಜ಼ ವ್ಹೈ "ಕೈನ ಉತ್ತರ ದಿದ್ಯೊ.

ಯೊಹಾನ 10:36

ಇಮ್ಮ ರ‍್ಹವಾನು ರ‍್ಹಯುಮ ಬಾ ತಿನಾ ಸ್ವಂತವಾಲಾ ವ್ಹೈ ಕೈನ ಇನಿಲಿನ ದುನಿಯಾಮಾ ಮೊಕ್ಲಲವಾಲಾನ ಹುತಿ ಕಿ ರ‍್ಹಸ? ಮಿ "ಕ್ಹುದಾನೊ ದಿಕ್ರೊ ವ್ಹೈ" ಕೈನ ಕದಲ ಹುತಿ ತುಮೆ ಮಿ ದುಷಣೆ ಕರಾಡ್ಯೊಸ ಕೈನ ಕವಾನು ಕಾ?

ಯೊಹಾನ 11:27

ತೆಳಾಮಾ ಮಾರ್ಥಳ"ಹೊ ಪ್ರಭು, ತು ಕ್ರಿಸ್ತ ವ್ಹೈ ಕೈನ ಮಿ ಬರೊಕ್ಹೊ ಕರುಸ, ಕ್ಹುದಾನೊ ದಿಕ್ರೊ ಥಯಲ ಎ ದುನಿಯಾನೆ ಆವಾಲೊ ತುಜ಼಼ ವ್ಹೈ" ಕೈನ ಉತ್ತರ ದಿದಿ.

ಯೊಹಾನ 19:7

ಯೆಹುದಿಯೊ "ಹಮೊನೆ ಯಕ್ಕ ನಿಯಮ ಛೆ ತಿನಾಲಿಂಗತ ಇನಿ ಮರವಾನಿ ಶಿಕ್ಷಾ ಥೌಜ. ಕಾಕದ್ಯಾಮ ಎ ತಿನೆ ಕ್ಹುದಾನೊ ದಿಕ್ರೊ ವ್ಹೈ ಕೈನ ಕೈಲಿದ್ಯೊಸ ಕೈನ ಕದ್ಯೊ.

ಯೊಹಾನ 20:28

ತೊಮಾ ಯೆಸುನೆ "ಮಾರಾ ಪ್ರಭು ಮಾರಾ ಕ್ಹುದಾ "ಕೈನ ಕದ್ಯೊ.

ಯೊಹಾನ 20:31

ಯೆಸು ಹಜು಼ನ ಬಿಜಾ಼ ಅದ್ಭುತ ಕಾಮೊ ತಿನಾ ಶಿಷ್ಯಾನಾ ಕ್ಹಾಮೊ ಕರ‍್ಯೊಸ. ತೆನೈಸೊ ಎ ಬುಕ್ಮಾ ನತ್ತಿ ಬರ್ದ್ಯಾ. ವರಿ ಅಕ್ಲು ಕ್ಹಾರು ಬರ್ದಲ ಛೆ. ಕಾಕದ್ಯಾಮ ತುಮೆ ತಿಪರ ಬರೊಕ್ಹೊ ಮ್ಹೆಲು ಕೈನ ಎ ಕ್ಹಾರು ಬರ್ದಲ ವ್ಹೈ.

ಯೊಹಾನ 6:69

ಹಮೆ ತುಪರ ಬರೊಕ್ಹೊ ಕರಿಯೆಸ. ತು ಕ್ಹುದಾಕಂತೊ ಆಯಲ ಪರಿಶುದ್ಧ ವ್ಹೈ ಕೈನ ಹಮೊನೆ ಗ್ವತ ಛೆ "ಕೈನ ಉತ್ತರ ದಿದ್ಯೊ.

ರೊಮಾಪೂರ 1:4

ತೆನೈಸೊ ಯೆಸು ಪವಿತ್ರ ಆತ್ಮಾನಾ ಮುಲಕ ಮ್ಹೊಟಿ ತಾಕತನಾ ಕ್ಹಾತೆ ಮರಲವಾಲಾವೊಮಾತೊ ಜಿವ್ತೊ ಥೈನ ಉಟಿನ ತೆಜ಼ ಕ್ಹುದಾನೊ ದಿಕ್ರೊ ವ್ಹೈ ಕೈನ ದೆಕಾಡಿನ ದಿದ್ಯೊ.

2 ಕೊರಿಂಥ 1:19

ಮಿ ವರಿ ಸಿಲ್ವಾನ, ತಿಮೊಥಿ ವರಿ ತುಮೊನೆ ಕ್ಹಾರವೊನೆ ಗ್ವತ್ತ ರ‍್ಹಯಲ ಕ್ಹುದಾನೊ ದಿಕ್ರೊ ಯೆಸು ಕ್ರಿಸ್ತ ಹಮ್ನಾ ಹು ಕೈನ ಪಾಚಾ಼ತಾ ಫರಾಲೊ ನ್ಹವೈ. ಕೆಳಾಮಾಬಿ ಕ್ಹರಿನೆ ಕ್ಹರಿಜ ವ್ಹೈ ಕೈನ ಕವಾಲೊ ವ್ಹೈ ತೆ ಕೆಳಾಬಿ ಯಕ್ಕ ಸೆಮ ರ‍್ಹವಾಲೊ ವ್ಹೈ.

ಇಬ್ರಿಯ 7:3

ಮೆಲ್ಕಿಜೆದೆಕನಾ ಮಾ ಬಾಪ ಕುನ ವ್ಹೈ ಕೈನ ತೆ ಕಿಜಾತೊ ಆಯೊಸ ಕವಾನು ತೆ ಕೆಳಾಮಾ ಹುಟ್ಟೊಸ ಕವಾನು ತೆ ಕೆಳಾಮಾ ಮರಿಯೊಸ ಕವಾನು ಕಿನೆಜ಼ ಗೊತ್ತ ನತ್ತಿ. ತೆ ಕ್ಹುದಾನೊ ದಿಕ್ರಾ ಲಿಂಗತ ವ್ಹತ್ತೊ; ತೆ ಹಮೆಶಾಬಿ ಯಾಜಕ ಥಯೊಸ.

1 ಯೊಹಾನ 2:23

ದಿಕ್ರಾನೆ ನೈ ನಂಬಲ ವಾಲೊ ಬಾನೆ ನೈ ವ್ಹಂದಿಲೆತೊ. ತೆನೈಸೊ ದಿಕ್ರಾನೆ ಮಳೈಲಿದಲವಾಲೊ ಬಾನೆ ಬಿ ಹೊಂದಲ ಲಿಂಗತ ವ್ಹೈ.

1 ಯೊಹಾನ 3:8

ಸೈತಾನ ಪೈಲಾತೊಬಿ ಪಾಪೊ ಕರಾಡ್ಯೊಸ. ಪಾಪೊ ಕರಾಲೊ ಸೈತಾನಾ ಕ್ಹಾತೆ ಮಳಲವಾಲೊ ವ್ಹೈ. ಕ್ಹುದಾನೊ ದಿಕ್ರೊ ಕ್ರಿಸ್ತ ಸೈತಾನ್ನಾ ಕಾಮೊ ಹಾಳ ಕರಾನೆಜ಼ ಆಯೊಸ.

1 ಯೊಹಾನ 4:9

ಕ್ಹುದಾ ತಿನಾ ರ‍್ಹಯಲ ಯಕ್ಲಾಜ಼ ದಿಕ್ರಾನಾ ಮುಲಕ ಮನೆ ಜ಼ಲಮ ದಿವಾನಾ ಹುತಿ ದುನಿಯಾಮಾ ಮೊಕಲ್ಯೊ. ಇನಾ ನಿಂಗತ ಕ್ಹುದಾ ತಿನಿ ಮಯಾ ದೆಕಾಡ್ಯೊ.

1 ಯೊಹಾನ 5:20

ಕ್ಹುದಾನೊ ದಿಕ್ರೊ ಆ ದುನಿಯಾಮಾ ಐನ ಅಪೆ ಕ್ಹರಿನಾಜ ಕ್ಹುದಾನೆ ವಳಕಿಲಿವಾನಾ ಹುತಿ ಅಪನೊನೆ ಗ್ಯಾನ ದಿವಸ ಕೈನ ಅಪನೊನೆ ಗೊತ್ತ ಛೆ,ವರಿ ಹಮೆ ಕ್ಹುದಾನಾ ದಿಕ್ರೊ ಥಯಲ ಯೆಸುಕ್ರಿಸ್ತಮಾ ರ‍್ಹವಾಲೊ ಥೈನ ಕ್ಹರಿನಾ ಕ್ಹುದಾಮಾ ರ‍್ಹಹೆಲವಾಲಾ ಛೆ. ತೆ ಕ್ರಿಸ್ತ ಕ್ಹರಿನೊ ಕ್ಹುದಾ ವ್ಹೈ,ಹಮೆಶಾನೊ ಜ಼ಲಮ ಥಯೊಸ.

2 ಯೊಹಾನ 1:9

ಕ್ರಿಸ್ತನ ಉಪದೆಶಮಾ ನೈ ಘಟ ರ‍್ಹಯೆಲವಾಲಾವೊನೆ ತಿನೆ ದಾಟಿ ಜಾ಼ವಾಲಾವೊನೆ ತ್ಯುನಾ ಕ್ಹಾತೆ ಕ್ಹುದಾ ರ‍್ಹತೊ ನೈ. ತೆ ಉಪದೆಶಮಾ ಘಟ ರಹವಾಲಾವೊನಾ ಕ್ಹಾತೆ ಬಾ ಬಿ ರ‍್ಹವಸ ವರಿ ದಿಕ್ರೊ ಬಿ ರ‍್ಹವಸ.

ಪ್ರಕಟನೆ 2:18

"ಥುವತೈರಮಾ ರ‍್ಹಯಲ ದುತನೆ ಎ ಕ್ಹಾರು ಬರದ" ಕ್ಹುದಾನೊ ದಿಕ್ರೊ ಎ ಸಂಗತಿಯೊ ಕವಸ. ಆಗ ಲಾಗಲ ಲಿಂಗತ ಉಜಾಲು ರ‍್ಹಯಲ ಡೊಳಾ ಮಿಂಚಾ಼ನು ತಾಂಬಾ ಲಿಂಗತ ಪಗೊ ರ‍್ಹಯಲವಾಲೊ, ತುನೆ ಎ ಕ್ಹಾರು ಕವಸ.