ಯೊಹಾನ 1:33 - ಕ್ಹುದಾನಿ ಕ್ಹರಿನಿ ವಾಕ್ಯಾ

³³ ಪವಿತ್ರ ಆತ್ಮಾಕ್ಹು ಬಾಪ್ತಿಸ್ಮ ದಿಲಾವಾಲೊ ತೆಜ಼ ಮನಕ್ಹ ವ್ಹೈ "ಕೈನ ಕದಲ ಎ ಥಾವಾನು ಮಿ ಡೊಳಾ ಕ್ಹಾಮೊ ದೆಕ್ಯೊಸ. ಪವಿತ್ರ ಆತ್ಮಾ ಸ್ವರ್ಗತೊ ಕ್ಹಬುತರನಾ ರುಪಮಾ ಉತ್ರಿನ ಐನ ತಿನಾ ಉಪ್ಪರ ಆವಾನು ಮಿ ದೆಕ್ಯೊ.

ಯೊಹಾನ 1:33 ပူးပေါင်းရင်းမြစ်များ

ಮತ್ತಾಯ 3:11

ತುಮಾರಾ ಮನಸೊ ಕ್ಹುದಾ ಬಗಲ ಫರ್xಯಾಸ ಕವಾನೆ ದೆಕಾಡಾನಾ ಹುತಿ ಮಿ ತುಮೊನೆ ಪಾನಿಮಾ ಬಾಪ್ತಿಸ್ಮಾ ಕರೌಸ. ತೆನೈಸೊ ಮಾರಾ ಪಾಚೊ಼ ಆವಾಲೊ ಮಾರಾತಿ ತಾಕತವಾಲೊ ವ್ಹೈ. ತಿನಾ ಚಪ್ಲೊ ಛೊಡಾವಾನೆಬಿ ಮಿ ಯೊಗ್ಯ ನ್ಹವೈ. ತೆ ತುಮೊನೆ ಪವಿತ್ರ ಆತ್ಮಾಮಾ ಆಗಮಾ ಬಾಪ್ತಿಸ್ಮಾ ಕರಾವಸ.

ಲುಕ ಬರ್ದಲ ಸುವಾರ್ತಾ 3:16

ಯೊಹಾನ, ತ್ಯುನೊನೆ "ಮಿತೊ ತುಮೊನೆ ಪಾನಿಕ್ಹು ಅಂಗ ಧವೌಸ. ವರಿ ಮಾರಾತಿ ಹೆಚ್ಕಿ ತಾಕತವಾಲೊ ಆವಸ. ಮಿ ತಿನಿಯೊ ಚಪ್ಲೊನಿಯೊ ದೊರಿಯೊ ಛೊಡಾನೆಬಿ ಮಿ ಯೊಗ್ಯ ನತ್ತಿ. ತೆ ತುಮೊನೆ ಪವಿತ್ರ ಆತ್ಮಾಕ್ಹು, ಆಗಕ್ಹು ಅಂಗ ಧವಾವಸ.

ಯೊಹಾನ 1:31

ತೆ ಕುನ್ನ ವ್ಹೈ ಕವಾನು ಮನೆಬಿ ಗ್ವತ ನ್ಹೊತು. ತೆನೈಸೊ ತಿನೆ ಇಸ್ರಾಯಲೊನೆ ತಿಳ್ಸಾನಿ ಹುತಿ ಮಿ ಮನಕ್ಹೊನೆ ಪಾನಿಕ್ಹು ಬಾಪ್ತಿಸ್ಮ ದಿಲಾವಾಡ್ಯೊತೊ" ಕೈನ ಕದ್ಯೊ.

ಯೊಹಾನ 14:26

ತೆನೈಸೊ ಬಾ ಮಾರಾ ನಾಮ ಪರ ವಳೈನ ದಿವಾನು ಪವಿತ್ರ ಆತ್ಮಾ ತುಮೊನೆ ಹರಿ ಯಕ್ಕಬಿ ಉಪದೆಶ ಕರಸ. ವರಿ ಮಿ ತುಮೊನೆ ಕದಲ ಕ್ಹಾರಾ ಸಂಗತಿಯೊ ತುಮೊನೆ ಶೆ ದಿಲಾವಸ.

ಯೊಹಾನ 3:34

ಕಾಕದ್ಯಾಮ ಕ್ಹುದಾ ಕಿನೆ ಮೊಕ್ಲ್ಯೊಸ ತೆ ಕ್ಹುದಾನಿಯೊ ವಾತೊ ಬೊಲಸ. ಕಾಕದ್ಯಾಮ ಕ್ಹುದಾ ತಿನೆ ಪರಿಪುರ್ಣ ಆತ್ಮಾ ದಿದ್ಯೊಸ.

ಯೊಹಾನ 3:5

ತಿನೆ ಯೆಸು"ಮಿ ತುನೆ ಕ್ಹರಿಜ ಕೌಸ. ಯಕ್ಲೊ ಪಾನಿಕ್ಹು ಆತ್ಮಾಕ್ಹು ಹುಟ್ಟುಜ. ನೈತೊ ತೆ ಕ್ಹುದಾನಿ ರಾಜ್ಯನೆ ನೈ ಜಾತೊ.

ಯೊಹಾನ 7:39

ಯೆಸು ಪವಿತ್ರಾ ಆತ್ಮಾನಾ ಹುತಿ ಎ ಕುನ್ನ ತಿಪರ ಬರೊಕ್ಹೊ ಮ್ಹೆಲಲವಾಲಾನೆ ತೆ ತ್ಯುನೆ ಪಡ್ದಿಲಿವಾನು ವ್ಹತ್ತು. ತೆಳಕ್ಕಾ ಪವಿತ್ರ ಆತ್ಮಾ ದಿದಲ ನ್ಹೊತಿ ಕಾಕದ್ಯಾಮ ಹಜುಬಿ ಯೆಸು ಮಹಿಮಾತು ಜಿವ್ತೊ ಥೈನ ಉಟ್ಯೊ ನ್ಹೊತೊ. ಕದ್ಯೊತೊ ತಿನೆ ಬರೊಕ್ಹೊ ಕರಲವಾಲಾ ವ್ಹಂದಿಲಿವಾನು ಪವಿತ್ರ ಆತ್ಮಾನಾ ಹುತಿ ಕದ್ಯೊ. ತೆ ಹಜು಼ನ ತಿನಿ ಮಹಿಮಾ ನೈ ವ್ಹಂದಿಲಿದಲಕ್ಹು ಪವಿತ್ರ ಆತ್ಮಾ ಹಜು಼ನ ದಿದ್ಯೊ ನ್ಹೊತೊ.

ಅಪೊಸ್ತಲೊ 1:5

ಯೊಹಾನ ಮನಕ್ಹೊನೆ ಪಾನಿಮಾ ಬಾಪ್ತಿಸ್ಮ ಕರಾಯೊ, ತೆನೈಸೊ ಹಜು಼ನ ದಕ್ಹಾ ದಿನೊಮಾ ತುಮೊನೆ ಪವಿತ್ರ ಆತ್ಮಾಮಾ ಬಾಪ್ತಿಸ್ಮ ಥಾವಸ" ಕದ್ಯೊ.

ಅಪೊಸ್ತಲೊ 2:4

ತ್ಯುನೆ ಕ್ಹಾರಾ ಪವಿತ್ರ ಆತ್ಮಾಕ್ಹು ಭರ‍ಲ ವ್ಹತ್ತಾ ವರಿ ಬಿಜಾ಼-ಬಿಜಾ಼ ಭಾಶಾಮಾ ಬೊಲಾನು ಶುರು ಕರ‍್ಯಾ. ಪವಿತ್ರ ಆತ್ಮಾಜ಼಼ ತ್ಯುನೊನೆ ತೆ ತಾಕತ ದಿದ್ಯುತು.

1 ಕೊರಿಂಥ 12:13

ಯಹುದ್ಯೊ ರ‍್ಹವಾದೆ, ಗ್ರಿಕವಾಲಾ ರ‍್ಹವಾದೆ, ಗುಲಾಮೊ ರ‍್ಹವಾದೆ, ಆಜಾ಼ದ ರ‍್ಹಯಲವಾಲಾ ರ‍್ಹವಾದೆ- ಅಪೆ ಕ್ಹಾರಾ ಯಕ್ಕಜ಼ ಅಂಗ ಥೌ ಕೈನ ಯಕ್ಕಜ಼ ಆತ್ಮಾಕ್ಹು ಬಾಪ್ತಿಸ್ಮ ಹೊಂದಿಲಿದ್ಯಾಸ. ಯಕ್ಕಜ಼ ಆತ್ಮಾನೆ ಅಪೊನೆ ಕ್ಹಾರಾವೊನೆ ಪಾನ ಥೈನ ದಿದಲ ಛೆ.