ಯೊಹಾನ 1:26 - ಕ್ಹುದಾನಿ ಕ್ಹರಿನಿ ವಾಕ್ಯಾ

²⁶ ಯೊಹಾನ ಕದ್ಯೊ"ಮಿ ಮನಕ್ಹೊನೆ ಪಾನಿಕ್ಹು ಬಾಪ್ತಿಸ್ಮ ಕರೌಸ. ತೆನೈಸೊ ತುಮೊನೆ ಗ್ವತ ನೈ ರ‍್ಹಯಲವಾಲೊ ನ್ಹ್ಯಾ ಛೆ.

ಯೊಹಾನ 1:26 ပူးပေါင်းရင်းမြစ်များ

ಮತ್ತಾಯ 3:11

ತುಮಾರಾ ಮನಸೊ ಕ್ಹುದಾ ಬಗಲ ಫರ್xಯಾಸ ಕವಾನೆ ದೆಕಾಡಾನಾ ಹುತಿ ಮಿ ತುಮೊನೆ ಪಾನಿಮಾ ಬಾಪ್ತಿಸ್ಮಾ ಕರೌಸ. ತೆನೈಸೊ ಮಾರಾ ಪಾಚೊ಼ ಆವಾಲೊ ಮಾರಾತಿ ತಾಕತವಾಲೊ ವ್ಹೈ. ತಿನಾ ಚಪ್ಲೊ ಛೊಡಾವಾನೆಬಿ ಮಿ ಯೊಗ್ಯ ನ್ಹವೈ. ತೆ ತುಮೊನೆ ಪವಿತ್ರ ಆತ್ಮಾಮಾ ಆಗಮಾ ಬಾಪ್ತಿಸ್ಮಾ ಕರಾವಸ.

ಮತ್ತಾಯ 3:6

ಮನಕ್ಹೊ ತ್ಯುನೆ ಕರಲ ಪಾಪ ವಪ್ಪಿ ಲಿದಲ್ಪರ ಯೊಹಾನ ತ್ಯುನೊನೆ ಯೊರ್ದನ ನದಿಮಾ ಬಾಪ್ತಿಸ್ಮಾ ದಿವಾಡೊತೊ.

ಮಾರ್ಕ 1:8

ಮಿ ತುಮೊನೆ ಪಾನಿಕ್ಹು ಬಾಪ್ತಿಸ್ಮ ಕರಾಯೊಸ. ತೆ ತುಮೊನೆ ಪವಿತ್ರ ಆತ್ಮಾಕ್ಹು ಬಾಪ್ತಿಸ್ಮ ಕರಾವಸ ಕೈನ ಕದ್ಯೊ.

ಲುಕ ಬರ್ದಲ ಸುವಾರ್ತಾ 3:16

ಯೊಹಾನ, ತ್ಯುನೊನೆ "ಮಿತೊ ತುಮೊನೆ ಪಾನಿಕ್ಹು ಅಂಗ ಧವೌಸ. ವರಿ ಮಾರಾತಿ ಹೆಚ್ಕಿ ತಾಕತವಾಲೊ ಆವಸ. ಮಿ ತಿನಿಯೊ ಚಪ್ಲೊನಿಯೊ ದೊರಿಯೊ ಛೊಡಾನೆಬಿ ಮಿ ಯೊಗ್ಯ ನತ್ತಿ. ತೆ ತುಮೊನೆ ಪವಿತ್ರ ಆತ್ಮಾಕ್ಹು, ಆಗಕ್ಹು ಅಂಗ ಧವಾವಸ.

ಯೊಹಾನ 16:3

ಮನಕ್ಹೊ ಬಾನೆ ವರಿ ಮನೆ ನೈ ತಿಳ್ದಿಲಿದಲ ಹುತಿ ಎ ಕ್ಹಾರು ಕರಸ.

ಯೊಹಾನ 17:25

ನಿತಿ ಕ್ಹು ರ‍್ಹಯಲ ಬಾ, ಎ ದುನಿಯಾ ತುನೆ ವಳಕಿ ನತ್ತಿ ವರಿಬಿ ಮಿ ತುನೆ ವಳಕ್ಕಯೊಸ. ವರಿ ತುಜ಼಼ ಮನೆ ಮೊಕ್ಕಲ್ಯೊಸ ಕವಾನು ಎ ಮನಕ್ಹೊನೆ ಗ್ವತ್ತ ಛೆ.

ಯೊಹಾನ 17:3

ಯಕ್ಲೊಜ ಕ್ಹರಿನೊ ಕ್ಹುದಾ ರ‍್ಹಯಲ ತುನೆ ವರಿ ತು ವಳಾಯಲ ಯೆಸು ಕ್ರಿಸ್ತನೆ ತಿಳ್ದಿಲಿವಾನುಜ ಹಮೆಶಾನೊ ಜ಼ಲಮ ವ್ಹೈ.

ಯೊಹಾನ 8:19

ತೆಳಾಮಾ ತ್ಯುನೆ"ತಾರೊ ಬಾ ಕಿಜಾ಼ ಛೆ? ಕೈನ ಪುಚ಼್ಚಾ. ಯೆಸು ತ್ಯುನೊನೆ "ತುಮೊನೆ ಮಿ ರ‍್ಹೈನೆಕಾ ಮಾರೊ ಬಾ ರ‍್ಹೈನೆಕಾ ಗ್ವತ್ತ ನತ್ತಿ. ಯಕ್ಕೆಳೆ ತುಮೆ ಮನೆ ತಿಳ್ದಿಲಿದಲ ರ‍್ಹವತ್ತೊ, ಮಾರಾ ಬಾನೆಬಿ ತಿಳ್ದಿಲಿದಲ ರ‍್ಹತಾತಾ" ಕೈನ ಕದ್ಯೊ.

ಅಪೊಸ್ತಲೊ 1:5

ಯೊಹಾನ ಮನಕ್ಹೊನೆ ಪಾನಿಮಾ ಬಾಪ್ತಿಸ್ಮ ಕರಾಯೊ, ತೆನೈಸೊ ಹಜು಼ನ ದಕ್ಹಾ ದಿನೊಮಾ ತುಮೊನೆ ಪವಿತ್ರ ಆತ್ಮಾಮಾ ಬಾಪ್ತಿಸ್ಮ ಥಾವಸ" ಕದ್ಯೊ.

ಅಪೊಸ್ತಲೊ 11:16

ತೆಳಾಮಾ ಮಿ ಪ್ರಭುನಾ ವಾತೊ ಶೆಂ ಕರ‍್ಯೊ. ‘ಯೊಹಾನ ಮನಕ್ಹೊನೆ ಪಾನಿಮಾ ಬಾಪ್ತಿಸ್ಮ ಕರಾಯೊ, ತೆನೈಸೊ ತುಮೆ ಪವಿತ್ರ ಆತ್ಮಾಮಾ ಬಾಪ್ತಿಸ್ಮ ಲಿವೊಶಿ. ಕೈನ ಪ್ರಭು ಕದ್ಯೊತೊ.

ಅಪೊಸ್ತಲೊ 19:4

ತಿನಾಹುತಿ ಪೌಲಾ ಯೊಹಾನ ಪಶ್ಚಾತ್ತಾಪ ಪಡಿನ ಕ್ಹುದಾ ಕನ ಫರಿನ ಬಾಪ್ತಿಸ್ಮ ಕರೈನ ಕದ್ಯೊ ತಿನ್ಯಾ ಐನ ವರಿ ತಿಪರ ಬರೊಕ್ಹೊ ಕರಾವಾಲಾ ಮನಕ್ಹೊವೈ ಕದ್ಯೊ.

1 ಯೊಹಾನ 3:1

ಬಾ ಅಪೊನೆ ಘನ್ನೊ ಮಯಾ ಕರ‍್ಯೊ! ಕ್ಹುದಾನಾ ಬಚ್ಚಾ಼ ವ್ಹೈ ಕೈನ ಕವೈಲಿವಾನಾ ಯಕ್ಲೊ ಕ್ಹುದಾ ಅಪೊನೆ ಮಯಾ ಕರ‍್ಯೊ. ಅಪೆ ಕ್ಹರಿಮಾಜ಼ ಕ್ಹುದಾನ ಬಚ್ಚಾ಼ ವ್ಹೈ. ತೆನೈಸೊ ಜಗತ್ಮಾ ರ‍್ಹಯಲ ಮನಕ್ಹೊತೊ ಹಮೆ ಕ್ಹುದಾನಾ ಬಚ್ಚಾ಼ ವ್ಹೈ ಕವಾನು ತಿಳ್ದಿಲಿದ್ಯಾ ನತ್ತಿ. ಕಾಕದ್ಯಾಮ ತ್ಯುನೆ ಕ್ಹುದಾನೆ ವಳಕ್ಯಾ ನತ್ತಿ.