ಯೊಹಾನ 1:18 - ಕ್ಹುದಾನಿ ಕ್ಹರಿನಿ ವಾಕ್ಯಾ

¹⁸ ಕ್ಹುದಾನೆ ಕುನ್ನಜ ಕೆಳಾಮಾಜ ದೆಕ್ಯಾ ನತ್ತಿ. ತೆನೈಸೊ ಯಕ್ಲೊಜ ದಿಕ್ರೊ ತೆ ಕ್ಹುದಾನ ಲಿಂಗತ ಛೆ ವರಿ ಬಾನಾ ಬಾಜು಼ಮಾ ಛೆ. ತೆ ದಿಕ್ರೊ ಕ್ಹುದಾನೆ ಅಪೊನೆ ದೆಕಾಡಿನ ದಿದ್ಯೊಸ.

ಯೊಹಾನ 1:18 ပူးပေါင်းရင်းမြစ်များ

ಮತ್ತಾಯ 11:27

ಮಾರೊ ಬಾ ಮನೆ ಕ್ಹಾರು ದಿದ್ಯೊಸ. ಕುನಜ ದಿಕ್ರಾನೆ ವಳಕ್ಯು ನತ್ತಿ. ಬಾ ಯಕ್ಕಜ ದಿಕ್ರಾನೆ ವಳಕ್ಯೊಸ. ದಿಕ್ರೊ ಯಕ್ಕಜ ಬಾನೆ ವಳಕ್ಯೊಸ. ದಿಕ್ರೊ ಬಾನೆ ಕಿನೆ ದೆಕಾಡು ಕೈನ ಆಸ ಕರಸ ತ್ಯುನೆ ಬಾನೆ ತಿಳ್ದಿಲಿವಸ.

ಲುಕ ಬರ್ದಲ ಸುವಾರ್ತಾ 10:22

ಮಾರೊ ಬಾ ಮನೆ ಕ್ಹಾರುಜ಼ ದಿದ್ಯೊಸ. ದಿಕ್ರೊ ಕುನ್ನ ವ್ಹೈ ಕಿನೆಜ಼಼ ಗೊತ್ತ ನತ್ತಿ. ಬಾ ನೆ ಯಕಜ಼ ಗೊತ್ತ ಛೆ. ವರಿ ಬಾ ಕುನ್ನ ವ್ಹೈ ಕವಾನು ದಿಕ್ರಾನೆ ಯಕಜ಼ ಗೊತ ಛೆ. ದಿಕ್ರೊ ಬಾನಾ ಹುತಿ ಕಿನೆ ತಿಳ್ಸಸ ತೆ ಯಕ್ಕಲೊಜ಼ ಬಾನಾ ಹುತಿ ತಿಳದಿಲಿವಸ.

ಯೊಹಾನ 1:14

ವಾಕ್ಯಾ ಕವಾಲೊ ಮನಕ್ಹನೊ ರುಪತಾಳಿನ. ತೆ ಪುರಾ ಕೃಪಾಕ್ಹು ವರಿ ಕ್ಹರಿಕ್ಹು ಭರ‍್ಯೊತೊ. ಅಪ್ನಾ ಕ್ಹಾತೆ ಜಿವ್ನಾ ಕರ‍್ಯೊ ಅಪೆ ತಿನಿ ಮಹಿಮಾ ದೆಕ್ಯಾ. ತೆ ಮಹಿಮಾ ಬಾನೊ ಯಕ್ಲೊಜ ದಿಕ್ರೊ ರ‍್ಹಯಲ ತಿನೆ ಮಹಿಮಾ ವ್ಹತ್ತಿ.

ಯೊಹಾನ 12:41

ಯೆಶಾಯ ಎ ಕದಲ ತೆ ತಿನಿ ಮಹಿಮಾ ದೆಕ್ಯೊತೊ ವರಿ ತಿನಾಹುತಿ ಬೊಲ್ಯೊತೊ.

ಯೊಹಾನ 13:23

ಶಿಷ್ಯಾವೊಮಾನೊ ಯಕ್ಲೊ ಯೆಸುನಾ ಬಾಜು಼ಮಾ ವ್ಹತ್ತೊ. ತಿನೆ ಯೆಸು ಘನ್ನೊ ಮಯಾ ಕರ್ತೊತೊ.

ಯೊಹಾನ 14:9

ಯೆಸು "ಫಿಲಿಪ್ಪ ಮಿ ಅಕ್ಲಾ ಟೈಮತೊ ತುಮಾರಾ ಕ್ಹಾತೆ ರ‍್ಹೈತಬಿ ತು ಮನೆ ತಿಳ್ದಿಲಿದ್ಯೊ ನತ್ತಿ ಸು? ಮನೆ ದೆಕಲವಾಲೊ ಬಾನೆಬಿ ದೆಕಲವಾಲೊ ವ್ಹೈ. ತಿನಾಹುತಿ "ಬಾನೆ ಹಮೊನೆ ದೆಕಾಡ, ಕೈನ ಕಾ ಪುಚ್ಚಾಡಾಸ? ಕೈನ ಉತ್ತರ ದಿದ್ಯೊ.

ಯೊಹಾನ 17:26

ಮಿ ತಾರು ಕ್ಹರಿನು ರುಪ ಇವ್ನೊನೆ ವಳಕ ಲಗಾಡ್ಯೊಸ. ಮಿ ತಾರು ರುಪ ವರಿ ಇವ್ನೊನೆ ದೆಕಾಡುಸ. ತೆಳಾಮಾ ತಾರಿ ಮಯಾ ಮಪರ ಕಿಮ್ಮ ಛೆ, ತೆಜ಼ ಮಯಾ ಇವ್ನೊಮಾ ರ‍್ಹವಸ ವರಿ ಮಿ ಇವ್ನೊಮಾ ರ‍್ಹೌಸ"

ಯೊಹಾನ 17:6

"ತು ಎ ದುನಿಯಾನಾ ಮನಕ್ಹೊನೆ ಮನೆ ದಿದ್ಯೊ ಮಿ ತ್ಯುನೊನೆ ತುನೆ ದೆಕಾಡಿನ ದಿದ್ಯೊ. ತ್ಯುನೆ ತಾರಾ ವ್ಹತ್ತಾ, ತೆನೈಸೊ ತು ತ್ಯುನೊನೆ ಮನೆ ದಿದ್ಯೊ ವರಿ ತ್ಯುನೆ ತಾರಿ ಆಗನ್ಯಾವೊನೆ ವಿಧೆಯ ಥಯಾ.

ಯೊಹಾನ 3:11

ಮಿ ತುನೆ ಕ್ಹರಿಜ ಕೌಸ. ಅಪೊನೆ ಗ್ವತ್ತ ರ‍್ಹಯಲನಾ ಹುತಿ ಅಪೆ ಬೊಲಿಯೆಸ. ಅಪೆ ದೆಕಲನೆ ಸಾಕ್ಷಿ ದಿಯೆಸ. ತೆನೈಸೊ ಹಮೆ ಕವಾನು ತುಮೆ ಸ್ವಿಕಾರ ಕರ್ಲೆತಾ ನೈ.

ಯೊಹಾನ 6:46

ಬಾ ಕ್ಹು ಆಯಲವಾಲೊ ಯಕ್ಕಜ಼ ಬಾನೆ ದೆಕಲವಾಲೊ ವ್ಹೈ. ಬಿಜೊ ಕಯೊಜ ಬಾನೆ ಕೆಳಾಮಾಜ ದೆಕ್ಯಾ ನತ್ತಿ.

2 ಕೊರಿಂಥ 4:4

ಎ ದುನಿಯಾನೊ ಅದಿಪತಿ ಬರೊಕ್ಹೊ ನೈಸೊವಾಲಾವೊನೆತ್ಯುನಾ ಮನಸೊ ಕುಡ್ಡಾ ಕರ‍್ಯೊಸ. ಕ್ರಿಸ್ತನಿ ಮಹಿಮಾನಾ ಹುತಿ ರ‍್ಹಯಲ ಸುವಾರ್ತೆನು ಉಜಾಲು ತ್ಯುನೆ ದೆಕ್ತಾ ನೈ. ಕ್ರಿಸ್ತ ಯಕ್ಲೊಜ ಕ್ಹುದಾನು ಪ್ರತಿರುಪ ಥಯೊಸ.

ಕೊಲೆಸ್ಸೆ 1:15

ಕ್ರಿಸ್ತ ನೈ ದಿಕ್ಹಾನು ಕ್ಹುದಾನು ರೊಪ ವ್ಹೈ. ಕ್ಹಾ ಸೃಷ್ಠಿನೆ ತೆಜ಼ ಮ್ಹೊಟೊ ವ್ಹೈ.

1 ತಿಮೊತಿ 1:17

ಹಮೆಶಾ ರಾಜ಼ ಕರಾಲಾ ರಾಜಾ಼ನೆ ಮಹಿಮಾ ವರಿ ಮರ್ಯಾದಿ ರ‍್ಹವಾದೆ. ತಿನಾ ಹತೆ ನೈ ಥಾವಾನು ಕಯುಜ಼ ನತ್ತಿ. ತೆ ದಿಕ್ಹೆ ನೈಸೊ ರ‍್ಹವಸ. ಯಕ್ಕಲೊಜ಼ ಕ್ಹುದಾ ಥಯಲ ತಿನೆ ಮರ್ಯಾದಿ ವರಿ ಮಹಿಮಾ ಹಮೆಶಾಬಿ ಥಾವಾದೆ. ಆಮೆನ್.

1 ತಿಮೊತಿ 6:16

ಮರಣ ನೈಸೊವಾಲೊ ತೆ ಯಕ್ಕಲೊಜ಼ ವ್ಹೈ. ತೆ ಘನ್ನಿ ಉಜಾಲಾಮಾ ರ‍್ಹವಾಲೊ ರ‍್ಹಯಲಕ್ಹು ತಿನಾ ಕ್ಹಾಮಾ ಮನಕ್ಹೊ ಜಾ಼ವಾನೆ ನೈ ಥಾತು. ತಿನೆ ಹಜು಼ನ ಲಕ್ಕಾ ಕುನ್ನಜ಼ ದೆಕ್ಕಯು ನತ್ತಿ; ದೆಕಾನೆ ಥಾತುಬಿ ನೈ. ತಿನೆ ಮರಯಾದಿಬಿ ಅದಿಕಾರಬಿ ಹಮೆಶಾ ರ‍್ಹವಾದೆ. ಆಮೆನ್.

1 ಯೊಹಾನ 4:12

ಕ್ಹುದಾನೆ ಕುನ್ನಜ಼ ಕೆಳಾಮಾ ದೆಕ್ಯು ನತ್ತಿ. ಅಪೆ ಯಕ್ಲಾನೆ ಯಕ್ಲಾ ಮಯಾ ಕರ‍್ಯಾರೆ ಕ್ಹುದಾ ಅಪ್ನೊಮಾ ರ‍್ಹಯಲ ರ‍್ಹವಸ, ವರಿ ತಿಕ್ಹು ಮಳಾನಿ ಮಯಾ ಅಪ್ನೊಮಾಬಿ ಆವಸ.

1 ಯೊಹಾನ 4:20

ಯಕ್ಲೊ ತೆ ಕ್ಹುದಾನೆ ಮಯಾ ಕರಸ ತೆ ಕೈನ ತಿನಾ ಭಾಯೊನೆ ದುಶ್ಮನಿ ಕರ‍್ಯಾಮ ತೆ ಸುಳ್ಳ ಬೊಲಾಲೊ ಥಯೊಸ. ಕಾ ಕದ್ಯಾಮ್ಮಾ ತಿನಾ ಕ್ಹಾತೆ ರ‍್ಹಯಲ ಭಾಯೊನೆಬಿ ಮಯಾ ಕರವಾಲೊ, ತೆ ನೈ ದೆಕೆಲ ಕ್ಹುದಾನೆ ಕಿಮ್ಮ ಮಯಾ ಕರಸಕ?

1 ಯೊಹಾನ 4:9

ಕ್ಹುದಾ ತಿನಾ ರ‍್ಹಯಲ ಯಕ್ಲಾಜ಼ ದಿಕ್ರಾನಾ ಮುಲಕ ಮನೆ ಜ಼ಲಮ ದಿವಾನಾ ಹುತಿ ದುನಿಯಾಮಾ ಮೊಕಲ್ಯೊ. ಇನಾ ನಿಂಗತ ಕ್ಹುದಾ ತಿನಿ ಮಯಾ ದೆಕಾಡ್ಯೊ.

1 ಯೊಹಾನ 5:20

ಕ್ಹುದಾನೊ ದಿಕ್ರೊ ಆ ದುನಿಯಾಮಾ ಐನ ಅಪೆ ಕ್ಹರಿನಾಜ ಕ್ಹುದಾನೆ ವಳಕಿಲಿವಾನಾ ಹುತಿ ಅಪನೊನೆ ಗ್ಯಾನ ದಿವಸ ಕೈನ ಅಪನೊನೆ ಗೊತ್ತ ಛೆ,ವರಿ ಹಮೆ ಕ್ಹುದಾನಾ ದಿಕ್ರೊ ಥಯಲ ಯೆಸುಕ್ರಿಸ್ತಮಾ ರ‍್ಹವಾಲೊ ಥೈನ ಕ್ಹರಿನಾ ಕ್ಹುದಾಮಾ ರ‍್ಹಹೆಲವಾಲಾ ಛೆ. ತೆ ಕ್ರಿಸ್ತ ಕ್ಹರಿನೊ ಕ್ಹುದಾ ವ್ಹೈ,ಹಮೆಶಾನೊ ಜ಼ಲಮ ಥಯೊಸ.