ಯೊಹಾನ 1:11 - ಕ್ಹುದಾನಿ ಕ್ಹರಿನಿ ವಾಕ್ಯಾ

¹¹ ತೆ ತಿನಾ ಸ್ವಂತ ದೆಶೆ ಆಯೊ. ತೆನೈಸೊ ತಿನಾ ಸ್ವಂತ ಮನಕ್ಹೊ ತಿನೆ ವಪ್ಪಿಲಿದ್ಯಾ ನೈ.

ಯೊಹಾನ 1:11 ပူးပေါင်းရင်းမြစ်များ

ಮತ್ತಾಯ 15:24

ತೆ ವಾತೆ ಯೆಸು ಸು ಕದ್ಯೊ ಕದ್ಯಾಮ ಜ಼ವೈಗಯಲ ಬಕ್ರಾ ಲಿಂಗತ ರ‍್ಹವಾಲಾ ಇಸ್ರಾಯೆಲ ಘರ್ದಾನವಾಲಾವೊನಾ ಕನ ನೈಸೊ ಬಿಜಾ಼ ಕಿಕನಜ಼ ಮನೆ ವಳಾಯಲವಾಲೊ ನ್ಹವೈ ಕದ್ಯೊ.

ಲುಕ ಬರ್ದಲ ಸುವಾರ್ತಾ 19:14

ತೆನೈಸೊ ತಿನಾ ಸ್ವಂತ ದೆಶನಾ ಮನಕ್ಹೊ ತಿಪರ ಶಿಟ್ಟ ರ‍್ಹಯಲ ಹುತಿ, ಮನಕ್ಹೊನು ಯಕ್ಕ ಗುಂಪನೆ ತಿನಾ ಪಾಚಾ಼ ಮೊಕ್ಕಲ್ಯಾ. ತೆ ಗುಂಪನಾ ಮನಕ್ಹೊ ಭಾರಲ್ಯಾ ದೆಶಮಾ ಎ ಮನಕ್ಹ ಹಮೊಪರ ರಾಜೊ಼ ಥಾವಾನೆ ಹಮೊನೆ ಮನಸ ನತ್ತಿ. ಕದ್ಯಾ.

ಯೊಹಾನ 1:10

ವಾಕ್ಯಾ ಕವಾಲೊ ತೆಳಾಮಾಜ಼ ದುನಿಯಾಮಾ ವ್ಹತ್ತೊ. ವರಿ ಕ್ಹುದಾ ತಿನಾ ಮುಕಾಂತರ ದುನಿಯಾ ತಯ್ಯಾರ ಕರ‍್ಯೊ. ವರಿಬಿ ತಿನೆ ಎ ದುನಿಯಾವಾಲಾ ವಳಕ್ಯಾ ನೈ.

ಯೊಹಾನ 1:12

ತೆನೈಸೊ ಕುನ್ನ-ಕುನ್ನ ತಿನೆ ವಪ್ಪಿಲಿದ್ಯಾ ಕದ್ಯಾಮ ತಿನಾ ನಾಮ ಪರ ಬರೊಕ್ಹೊ ಕರ‍್ಯಾ ತ್ಯುನೊನೆ ತೆ ಕ್ಹುದಾನಾ ಬಚ್ಚಾ ಥಾವಾನೆ ಹಕ್ಕ ದಿದ್ಯೊ.

ಯೊಹಾನ 19:27

ಪಾಚಲ್ತೊ ಯೆಸು ತೆ ಶಿಷ್ಯಾನೆ"ದೆಕ, ತಾರಿ ಯಾ" ಕದ್ಯೊ. ತೆ ದಿನ್ನತೊ ತೆ ಶಿಷ್ಯೊ ತಿನೆ ಬಲೈಲಿನ ಗೈನ ತಿನಾ ಘರಮಾ ಮ್ಹೆಲಿದ್ಯೊ.

ಯೊಹಾನ 3:32

ತೆ ದೆಕಲ ಕ್ಹಾರಾನಾ ಹುತಿ ವರಿ ಐಕಲ ಕ್ಹಾರಾನಾ ಹುತಿ ಸಾಕ್ಷಿ ದಿವಸ. ತೆನೈಸೊ ತಿನಿ ಸಾಕ್ಷಿನೆ ಮನಕ್ಹೊ ಸ್ವಿಕಾರ ನೈ ಕರ‍್ತಾ.

ಅಪೊಸ್ತಲೊ 13:26

"ಮಾರಾ ಭಾಯೊ, ಅಬ್ರಹಾಮನಾ ಕುಟುಂಬನಾ ಬಚ್ಚಾ಼, ಕ್ಹರಿನಾ ಕ್ಹುದಾನೆ ಆರಾಧನಾ ಕರಾಲಾ ಯೆಹುದಿಯೊ ನೈ ರ‍್ಹಯಲವಾಲಾ, ಐಕೊ! ಎ ರಕ್ಷಣೆನಾ ಸಂದೆಶನೆ ವಳಾಯಲ ಅಪ್ನಾ ಹುತಿಜ಼ ವ್ಹೈ.

ಅಪೊಸ್ತಲೊ 13:46

ತೆನೈಸೊ ಪೌಲಾ ಬಾರ್ನಬ ಘನ್ನಾ ಧೈರ್ಯಾಕ್ಹು ಬೊಲಿನ"ಹಮೆ ಕ್ಹುದಾನಿ ವಾಕ್ಯಾ ಯೆಹುದಿಯೊ ಥಯಲ ತುಮೊನೆ ಪೈಲಾ ಕೌ. ತೆನೈಸೊ ತುಮೆ ತುಮೊನೆ ಹಮೆಶಾನು ಜ಼ಲಮನೆ ಪಾತ್ರ ನ್ಹವೈ ಕೈನ ತಿರಸ್ಕಾರ ಕರಾಡಾಸ. ತಿನಾಹುತಿ ಹಮೆ ಬಿಜಾ಼ ಧರ್ಮವಾಲಾವೊ ಕನ ಗೈಯೆಸ!

ಅಪೊಸ್ತಲೊ 21:6

ಎಕನಾ ಎಕ ವಂದನೆ ಕರಿನ ಹಡ್ಗೊ ಚಡ್ಯಾ. ತ್ಯುನೆ ಪಾಚಾ಼ ಫರಿನ ತ್ಯುನಾ ತ್ಯುನಾ ಘರೆ ಗಯಾ.

ರೊಮಾಪೂರ 15:8

ಕ್ಹುದಾ ಅಪ್ನಾ ಪಿತೃವೊನೆ ದಿದಲ ವಾತ ಕ್ಹರಿನಿಯೊ ವ್ಹೈ ಕೈನ ದೆಕಾಡಾನಾ ಹುತಿ ಕ್ಹುದಾ ತೆ ವಾತೊ ಪುರಾ ಕರಸ ಕೈನ ಕವಾನು ದೆಕಾಡಾನಾ ಹುತಿ

ರೊಮಾಪೂರ 9:1

ಮಿ ಕ್ರಿಸ್ತಮಾ ಛೆ ವರಿ ತುಮೊನೆ ಕ್ಹರಿಜ಼ ಕವಾಡ್ಯೊಸ. ಮಿ ಸುಳ್ಳ ನೈ ಬೊಲ್ತೊ. ಮಾರಿಯೊ ವಿಚಾರೊ ಪವಿತ್ರ ಆತ್ಮಾನಿ ಅದಿಕಾರಮಾ ಛೆ. ಎಜ಼ ಅನೆ ಸಾಕ್ಷಿ ವ್ಹೈ.

ರೊಮಾಪೂರ 9:5

ತ್ಯುನೆ ಅಪ್ನಾ ಪಿತೃವೊನಾ ಸಂತಾನೊನೆ ಮಳಲವಾಲಾ ಥಯಾಸ; ಕ್ರಿಸ್ತ ಮನಕ್ಹನು ಅಂಗ ಲಿನ ಇವ್ನಾ ಖಾಂದಾನಮಾ ಹುಟ್ಯೊ. ಕ್ರಿಸ್ತ ಕ್ಹಾರಾನೆಬಿ ಮಾಲಕ ಥಯೊಸ. ಕ್ಹಾರಾವೊಪರ ಅದಿಕಾರ ಕರಾಲಾ ಕ್ಹುದಾನೆ ಹಮೆಶಾಬಿ ಸ್ತೊತ್ರಾ ಥಾವಾದೆ! ಆಮೆನ್.

ಗಲಾತ್ಯ 4:4

ತೆನೈಸೊ ಕರೆಟ್ಟ ಟೈಮ ಆಯಲ್ಪರ ತಿನಾ ದಿಕ್ರಾನೆ ಮೊಕಲ್ಯೊ. ಕ್ಹುದಾನೊ ದಿಕ್ರೊ ಹೆಣ ಮನಕ್ಹನಾ ಪೆಟಮಾತೊ ಹುಟ್ಟಿನ, ಧರಮಶಾಸ್ತ್ರನಿ ಅಧಿನಮಾ ಜಿವ್ನಾ ಕರ‍್ಯೊ.