ಯಾಕೊಬ 3:5 - ಕ್ಹುದಾನಿ ಕ್ಹರಿನಿ ವಾಕ್ಯಾ

⁵ ತಿನಾ ಲಿಂಗತಜ಼ ಜಿಬ್ಬಬಿ ಅಪನು ಶರಿರಮಾನು ನ್ಹಾನು ಅಂಗ ರ‍್ಹೈತಬಿ ಘನ್ನಾ ಮ್ಹೊಟಾ ವಾತೊ ಬೊಲಸ, ಮಿಜ಼ ವ್ಹೈ ಕೈನ ಕವಸ. ಆಗನಿ ನ್ಹಾನಿ ಚಿಣಕಿ ಮ್ಹೊಟಾ ರಾನನೆ ಬಾಳಸ.

ಯಾಕೊಬ 3:5 ပူးပေါင်းရင်းမြစ်များ

ಯಾಕೊಬ 3:4

ಹಡಗಾನೆಬಿ ದೆಕೊ. ತೆ ಘನ್ನಾ ಮ್ಹೊಟಾ ರ‍್ಹಯಾತಬಿ ಜೊ಼ರ ವಾರಾಕ್ಹು ವಾಟ ಚು಼ಕಸ. ರ‍್ಹೈತಬಿ ಹಡಗಾನೆ ಚ಼ಲಾವಾಲೊ ಘನ್ನಿ ನ್ಹಾನಿ ಚುಕ್ಕಾಣಿಕ್ಹು ತೆ ಜಾ಼ವಾನಿ ಜ಼ಗಾಕನ ಫರಾವಸ.

2 ಪೆತ್ರಾ 2:18

ತ್ಯುನೆ ಮತಲ್ಬನೈಸೊ ವಾತೊ ಬೊಲಿನ ಗ್ವತ್ತ ಛೆ ಕೈನ ಕೈಲಿವಸ. ಕೆಟ್ಟ ವಾಟ್ಮಾ ಚಾ಼ಲಾಲಾ ಮನಕ್ಹೊನಾ ಕ್ಹಾತೆ ನವಾಕ್ಹು ಚು಼ಕೈಲಿನ ಆಯಲ ಮನಕ್ಹೊನೆ ವಾಟ ಚು಼ಕಾವಸ. ತ್ಯುನಾ ಪಾಪಕ್ಹು ಕರಾನೆ ಆಸ ರ‍್ಹಯಲ ಕೆಟ್ಟ ಕಾಮೊ ಕರಿನ ಎ ಸುಳ್ಳ ಬೊದಕೊ ತ್ಯುನೊನೆ ವಾಟ ಚು಼ಕಾವಸ.

ಯುದ ಬರ್ದಲ ಪತ್ರ 1:16

ಎ ದುರ್ಭೊದಕೊ ಗುಣ ಗುಟ್ಟಾಲಾ ತಪ್ಪ ಹುಡ್ಕಾಲಾ ಕೆಟ್ಟ ಆಸಮಾ ಪಡಲವಾಲಾ ಮಿ ವ್ಹೈ ಕೈನ ಕವಾಲಾ ಮ್ಹೊಡು ದೆಕಿನ ಬೊಲಾಲಾ ಥಯಾಸ.