ಯಾಕೊಬ 3:15 - ಕ್ಹುದಾನಿ ಕ್ಹರಿನಿ ವಾಕ್ಯಾ

¹⁵ ತೆ ತುಮೊಕಂತು ಆಯಲ ಗ್ಯಾನ ನ್ಹವೈ. ತೆ ಲೊಕನೆ ಸಂಬಂದ ರ‍್ಹಯಲ ವ್ಹೈ, ಲೌಕಿಕ ರ‍್ಹಯಲ ವ್ಹೈ, ಭುತ್ಡಾವೊನೆ ಸಂಬಂದ ರ‍್ಹಯಲ ವ್ಹೈ.

ಯಾಕೊಬ 3:15 ပူးပေါင်းရင်းမြစ်များ

ಲುಕ ಬರ್ದಲ ಸುವಾರ್ತಾ 16:8

ಪಾಚಲ್ತೊ ತೆ ಸೌಕಾರ ತಿನೊ ಮೊಸ ಕರಲ ಆಳನೆ ಬಲೈನ. ತು ಕೆಕ್ಲಿ ಶಾಣೆತನಾ ಕರ‍್ಯೊಸ, ಕದ್ಯೊ. ಹೊ ಲೊಕ್ಮಾನಾ ಮನಕ್ಹೊ ಘನ್ನಾ ಶಾಣ್ಯಾ ವ್ಹೈ.

ಯೊಹಾನ 3:17

ಕ್ಹುದಾ ತಿನಾ ದಿಕ್ರಾನೆ ಎ ದುನಿಯಾಮಾ ವಳಾಯಲ, ತಿನಾ ಮುಲಕ ಎ ದುನಿಯಾನಾ ಮನಕ್ಹೊನೆ ಅಪರಾದಿ ವ್ಹೈ ಕೈನ ಫೈಸಲೊ ಕರಾನೆ ನ್ಹವೈ. ತೆನೈಸೊ ರಕ್ಷಣೆ ವ್ಹಂದಿಲ್ಯು ಕೈನ ಕ್ಹುದಾ ತಿನೆ ವಳಾಯೊ.

ಯೊಹಾನ 8:44

ಸೈತಾನಜ ತುಮಾರೊ ಬಾ ವ್ಹೈ. ತುಮೆ ತಿನಾಜ ಸಂತಾನ ವ್ಹೈ. ವರಿ ತುಮಾರಾ ಬಾ ಲಿಂಗತ ಚಾಲಾನೆ ಮನಸ ಕರೊಶಿ. ತೆ ಪೈಲಾತೊಬಿ ಖಲಾಸ ಕರಾಲೊ ರ‍್ಹಯಲ ಹುತಿ ಕ್ಹರಿನೆ ವಿರೊಧಿ ವ್ಹೈ. ತಿಮಾ ಕ್ಹರಿ ಕವಾನು ನತ್ತಿಜ ತೆ ಸ್ವಭಾವ ಲಿಂಗತ ಸುಳ್ಳ ಬೊಲಸ. ತೆ ಸುಳ್ಳ ಕವಾಲು ವ್ಹೈ ತೆ ಸುಳ್ಳನೊ ಬಾ ವ್ಹೈ.

ಅಪೊಸ್ತಲೊ 13:10

ತಿನೆ, ತು ಸೈತಾನನೊ ದಿಕ್ರೊ ವ್ಹೈ! ಹರಯಕ್ಕ ಚೊ಼ಕಾನೆ ತು ದುಶ್ಮನ ವ್ಹೈ! ತು ಕೆಟ್ಟ ತಂತ್ರೊಕ್ಹು ಸುಳ್ಳಕ್ಹು ಭರಲ ಛೆ. ಪ್ರಭುನಿ ಸತ್ಯನೆ ಸುಳ್ಳ ಕೈನ ಬದಲಾನೆ ತು ಕೊಶಿಶ ಕರಾಡ್ಯೊಸ!

ರೊಮಾಪೂರ 1:22

ತ್ಯುನಾಕ್ಹು ತ್ಯುನೊನೆ ಗ್ಯಾನಿಯೊ ವ್ಹೈ ಕೈನ ಕೈಲಿನ ಪಿಸಾಳಾ ಥಯಾಸ.

1 ಕೊರಿಂಥ 1:27

ತೆನೈಸೊ ಕ್ಹುದಾ ಎ ದುನಿಯಾನಾ ಗ್ಯಾನಿಯೊನೆ ಸರಮ ಲಾವಾನಾ ಹುತಿ ಪಿಸಾಳಾವೊನೆ ಇನಿಲಿದ್ಯೊಸ. ತಾಕತ ರ‍್ಹಯಲವಾಲಾವೊನೆ ಸರಮ ಲಾವಾನಾ ಹುತಿ ತಾಕತ ನೈಸೊವಾಲಾವೊನೆ ಇನಿಲಿದ್ಯೊಸ.

1 ಕೊರಿಂಥ 2:14

ಆತ್ಮಿಕ ನೈಸೊ ಮನಕ್ಹ ಕ್ಹುದಾನಿ ಆತ್ಮಾನಿಯೊ ವಾತೊನೆ ಇನ್ಕಾರಸ. ತೆ ತಿನೆ ಪಿಸಾಳು ಪನ ಥೈನ ದಿಕ್ಹಸ. ತೆ ಕ್ಹಾರು ತಿಳ್ದಿಲಿವಾನೆ ತಿಕನ ನೈ ಥಾತು. ಕಾಕದ್ಯಾಮ ತೆ ವಿಷಯೊ ಆತ್ಮಿಕ ಥೈನ ವಿಚಾರ ಕರಾನೆ ಸಾಧ್ಯ ಥಾವಸ.

1 ಕೊರಿಂಥ 3:19

ಕಾಕದ್ಯಾಮ, ಎ ದುನಿಯಾನಿ ಗ್ಯಾನ ಕ್ಹುದಾನಿ ನಜ಼ರಮಾ ಪಿಸಾಳು ಪನ್ನ ಥಯುಸ" ಕ್ಹುದಾ ಗ್ಯಾನಿಯೊನೆ ತ್ಯುನಾ ಚಾಲಕತನಾಮಾ ತ್ಯುನೊನೆಜ಼ ಧರಸ" ಕೈನ ಪವಿತ್ರ ಗ್ರಂಥಮಾ ಬರ್ದಲ ಛೆ. (ಯೊಬ 5:13)

1 ಕೊರಿಂಥ 3:3

ತುಮೆ ಹಜು಼ನಬಿ ದುನಿಯಾನಾ ಮನಕ್ಹೊ ಲಿಂಗತ ರ‍್ಹವಾಡಾಸ. ತುಮಾರಾ ವಚ್ಮಾ ದ್ವೆಶ, ವಾದ ವಿವಾದ ಛೆ ತುಮೆ ಹಜು಼ನಬಿ ಸಾಧಾರಣ ಮನಕ್ಹೊ ಲಿಂಗತ ದೆಕಾಡಾನೆ ದೆತು ನೈಸು?

2 ಕೊರಿಂಥ 1:12

ಹಮೆ ಕ್ಹಾಲಿ ಮನಕ್ಹೊನು ಗ್ಯಾನ ಕ್ಹು ಕಾಮ ಕರ‍್ಯಾ ಬಗರ ಕ್ಹುದಾನಿ ಕೃಪಾನೆ ಧರ್ಲಿನ ಪರಿಶುದ್ಧ ವರಿ ನಿಯತ್ತಕ್ಹು ರ‍್ಹೈನ ಆ ದುನಿಯಾಮಾ ಕ್ಹಾರಾವೊತಿಬಿ ಪೈಲಾ ತುಮಾರಿ ವಿಷಯಮಾ ಚಾ಼ಲಿನ ಗಯಾಸ ಕೈನ ಹಮಾರಿ ಮನಸ ಸಾಕ್ಷಿ ಕವಸ. ಆಜ ಹಮೊನೆ ರ‍್ಹಯಲ ಘಮಂಡ ವ್ಹೈ.

2 ಕೊರಿಂಥ 11:3

ಕುಯುಕ್ತಿ ಕ್ಹ ಕುಯುಕ್ತಿ ಕ್ಹ ಮೊಸ ಲಿಂಗತ ತಾರ ಹವ್ವ ಮನಸ ಕ್ರಿಸ್ತ ಹುತ ಹುತಿ ರ‍್ಹಯಲ ಯಕ್ಕಜ಼ ಮನಸ ಪವಿತ್ರ ಛೊಡಿನ ಕೆಟ ಕೈನ ಭೆ ನೈ ಮನೆ ಛೆ ಕೈನ.

ಫಿಲಿಪ್ಪಿ 3:19

ಹಾಳಥವಾನುಜ ತ್ಯುನಿ ಲಾಸ್ಟನಿ ಪರಿಸ್ಥಿ ವ್ಹೈ, ಪೆಟಜ ತ್ಯುನು ಕ್ಹುದಾವೈ, ಸರಾಮಾವುನಜ ಕಾಮ್ಮ ತ್ಯುನೊನೆ ಚುಕು ವ್ಹೈ ತ್ಯುನೆ ದುನಿಯಾಮ್ಮಾ ರ‍್ಹಯಲ ಕಾಮೊನೆ ಚಿಂತಾ ಕರಸ.

2 ಥೆಸಲೊನಿಕ 2:9

ತೆ ವಿರೊದಿ ಸೈತಾನನಿ ಮ್ಹೊಟಿ ತಾಕತಕ್ಹು ಮಳಲ ರ‍್ಹವಸ ತೆ ಘನ್ನಿಯೊ ಮೊಸನಾ ಪವಾಡೊ ಮ್ಹೊಟಾ ಕಾಮೊ ಅದ್ಭುತ ಕಾಮೊ ಕರಸ.

1 ತಿಮೊತಿ 4:1

ತಿನಾಹುತಿ ಅಗಲ್ಯಾ ದಿನೊಮಾ ದಕ್ಹಾ ಮನಕ್ಹೊ ಮೊಸ ಕರಾನು ಆತ್ಮನಾ ವಾತೊಪರ, ಸೈತಾನನಾ ವಾತೊಪರ ಬರೊಕ್ಹೊ ಕರಿನ ಸುಳ್ಳನಾ ಆತ್ಮನಾ ಆಜ್ಞಾ ಐಕಿನ ಪಾಲ್ಸಸ,ವರಿ ಸೈತಾನನಾ ಶಿಕ್ಷಣ ನಿಂಗತ ಚಾಲಸ.

ಯಾಕೊಬ 1:17

ಎ ಕ್ಹಾರಾ ಚೊ಼ಕಾ ವರಾ ವರಿ ಸುಜ಼ ಕಮ್ಮ ನೈ ರ‍್ಹಯಲ ವರಾ ಉಪ್ಪರತಾ ಆಯಲ ವ್ಹೈ, ತೆ ಕ್ಹಾರಾ ಚೊ಼ಕಾ ಕಾಮೊನೆ ಕಾರಣ ಥಯಲ ಕ್ಹುದಾ ಕಂತಾ ಆವಸ. ತೆ ಭೌಲಾ ಲಿಂಗತ ಬದಲಿ ಥಾವಾಲೊ ನವೈ, ಕೈನ ಫರಿ ಜಾ಼ವಾಲೊಬಿ ನವೈ.

ಯಾಕೊಬ 1:5

ತುಮೊಮಾ ಕಿನೆಬಿ ಗ್ಯಾನ ಕಮ್ಮ ರ‍್ಹಯಾಮ ತೆ ಕ್ಹುದಾಕನ ಮಾಂಗಿಲಿವಾದೆ, ತೆ ತ್ಯುನೊನೆ ಮಳಸ. ಕಾಕದ್ಯಾಮ ಕ್ಹುದಾ ಹಟಕ್ಯಾ ಬಗರ ಕ್ಹಾರಾವೊನೆ ಉದಾರ ಮನಸಕ್ಹು ದಿವಾಲೊ ಥಯೊಸ.

ಯಾಕೊಬ 3:17

ತೆನೈಸೊ ಉಪ್ಪರತಿ ಆವಾನಿ ಗ್ಯಾನ ಪೈಲಾ ಪರಿಶುದ್ದ ರ‍್ಹಯಲ ವ್ಹೈ ವರಿ ಸಮಾಧಾನ ರ‍್ಹಯಲ ವ್ಹೈ, ವಿನಯ ರ‍್ಹಯಲ ವ್ಹೈ, ವಿದೆಯತೆಕ್ಹು ರ‍್ಹಯಲ ವ್ಹೈ, ಮರ್ಗಾ ವರಿ ಚೊ಼ಕಾ ಫಲೊಕ್ಹು ಭರಲ ವ್ಹೈ, ಬೆದ ಭಾವ ನೈ ರ‍್ಹಯಲ ವ್ಹೈ, ಇಮಾಂದಾರಿಕ್ಹು ರ‍್ಹಯಲ ವ್ಹೈ ಕೈನ ಕ್ಹುಶಿಕ್ಹು ವಪ್ಪಿಲಿವಾನು ಥಯುಸ.

ಯುದ ಬರ್ದಲ ಪತ್ರ 1:19

ಎ ಮನಕ್ಹೊ ತುಮೊಮಾ ಭೆದ ಹುಟ್ಸಾವಸ.ಎ ಮನಕ್ಹೊ ತ್ಯುನಿಯೊ ಪಾಪನಿಯೊ ಚಾಳಿಯೊ ನಿಂಗತ ಯಕ್ಕಜ಼ ಕರಸ.ತ್ಯುನೊಮಾ ಪವಿತ್ರ ಆತ್ಮಾ ನತ್ತಿ.

ಪ್ರಕಟನೆ 12:9

ತೆ ಮ್ಹೊಟಾ ಕ್ಹಾಪನೆ ಸ್ವರಗತೊ ತೆ ಮ್ಹೊಟಾ ಕ್ಹಾಪನೆ ಸೈತಾನ ಕೈನ. ವರಿ ರಾಕ್ಷೆತ ಕೈನ ನಾಮ ವ್ಹೈ ತೆ. ಜಗತ್ಯೆ ಕೆಟ ಟವಾಟ್ಮಾ ಚ಼ಲಾವಸ) ತಿನಾ ದುತೊನೆ ಲಿಮಿನಪರ ನಾಕ್ಯಾತಾ.

ಪ್ರಕಟನೆ 2:24

"ತೆನೈಸೊ ಥುವತೈರಮಾ ರ‍್ಹಯಲ ಬಿಜಾ಼ವೊನೆ ಮಿ ಕವಾನು ಸುವೈ ಕದ್ಯಾಮ ತುಮೆ ತಿನಿ ಭೊದನೆ ಲಿಂಗತ ಚಾ಼ಲ್ಯಾ ನೈ. ಸೈತಾನನು ಘನ್ನಿ ರಹಸ್ಯ ರ‍್ಹಯಲ’ ಕೈನ ತ್ಯುನೆ ಕವಾನಿಯೊ ಸಂಗತಿಯೊ ತುಮೆ ಸಿಕ್ಯಾ ನೈ. ತಿನಾಹುತಿ ಮಿ ಬಿಜಿ ಯಕ್ಕ ವಜ್ಜು಼ ತುಮೊಪರ ಘಾಲ್ತೊ ನೈ.

ಪ್ರಕಟನೆ 9:11

ಪ್ಹಿರಕಾವೊಪರ ಯಕ್ಕ ರಾಜೊ಼ ವ್ಹತ್ತೊ. ಪಾತಾಳಮಾ ರ‍್ಹವಾಲೊ ದುತ ತ್ಯುನೊ ರಾಜೊ಼ ಥಯೊತೊ. ತಿನೆ ಹಿಬ್ರುಮಾ "ಅಬದ್ದೊನ; ಕೈನ ನಾಮ ವ್ಹತ್ತೊ. ಗ್ರಿಕ್ಕಮಾ "ಅಪೊಲ್ಲ್ಯೊನ "ಕೈನ ನಾಮ ವ್ಹತ್ತು.