ಯಾಕೊಬ 3:1 - ಕ್ಹುದಾನಿ ಕ್ಹರಿನಿ ವಾಕ್ಯಾ

¹ ಮಾರಾ ಭಾಯೊ ಭೆನೊ, ಭೊದಕ ಥಯಲ ಹಮೊನೆ ಘನ್ನು ಖತರನಾಕ ಫೈಸಲೊ ಥಾವಸ ಕೈನ ತುಮೆ ತಿಳ್ದಿಲಿನ ಘನ್ನಾ ಜ಼ನಾ ಬೊದಕ ಥಾವೊ ನಕೊ.

ಯಾಕೊಬ 3:1 ပူးပေါင်းရင်းမြစ်များ

ಮತ್ತಾಯ 10:24

ಶಿಷ್ಯೊ ಗುರುತಿ ಹೆಚ್ಕಿ ನ್ಹವೈ. ಆಳ ತಿನಾ ಮಾಲಕತಿ ಕ್ಹಾಸ ನ್ಹವೈ.

ಮತ್ತಾಯ 23:13

ಅಯ್ಯೊ ಕಪಟಿಯೊ ಶಾಸ್ತ್ರಯೊ, ಫರಿಸಾಯರೊ, ಪರಲೊಕ ರಾಜ್ಯ ನು ಬಾಕಲ ಮನಕ್ಹೊನಾ ಕ್ಹಾಮಾ ಝಾಕಿಪಾಡೊಸಿತುಮೆತೊ ಮ್ಹೈ ನೈ ಜಾ಼ತಾ. ಮ್ಹೈ ಜಾ಼ವಾಲಾವೊನೆಬಿ ಜಾ಼ವಾನೆ ದೆತಾ ನೈ.

ಮತ್ತಾಯ 23:14

ಅಯ್ಯೊ, ಕಪಟಿಯೊ ಥಯಲ ಶಾಸ್ತ್ರಿಯೊ, ಫರಿಸಾಯರೊ ಮನಕ್ಹೊ ದೆಕು ಕೈನ ಮ್ಹೊಟಿಯೊ ಪ್ರಾಥನಾ ಕರೊಸಿ. ತುಮೆ ಮಾಟಿಯೊ ಮರಲ ಬಾಕ್ಡಿಯೊನಾ ಘರೊಮಾ ಹೊಕ್ಕಿನ ನಾಟಕ ಕರಿಸಿ. ತಿನಾಹುತಿ ತುಮೊನೆ ಮ್ಹೊಟಿ ಶಿಕ್ಷಾ ಮಳಸ.

ಮತ್ತಾಯ 9:11

ಎ ದೆಕಿನ ಪರಿಸಾಯರೊ ಯೆಸುನಾ ಶಿಷ್ಯಾವೊನೆ, ತುಮಾರೊ ಬೊದಕ ಭು ಭಾಡೊ ಲಿವಾಲಾವೊನಾ ಕ್ಹಾತೆ ವರಿ ಕೆಟ್ಟ ಮನಕ್ಹೊನಾ ಕ್ಹಾತೆ ಕಾ ಖಾವಸ?” ಕೈನ ಪುಚ್ಯಾ.

ಲುಕ ಬರ್ದಲ ಸುವಾರ್ತಾ 16:2

ತಿನಾಹುತಿ ತೆ ಸೌಕಾರ ತಿನಾ ಆಳನೆ ಬಲೈನ, ತಾರಾ ಹುತಿ ಮನೆ ಸುದ್ದಿ ಐಸ. ಕದ್ಯೊ. ಮಾರಾ ದೊಕ್ಡಾ ತು ಶಾನಾ ಹುತಿ ಖರಚ್ಯೊ ಕರ‍್ಯೊಸ ಕೈನ? ತು ಮನೆ ಲೆಕ್ಕೊ ದೆ ತು ಕೆ. ಇತ್ತಿ ಉಪ್ಪರ ಮಿ ಕರಾನು ವ್ಯಾಪಾರ ತು ನಕೊ ದೆಕಿಲಿವ, ಕದ್ಯೊ

ಲುಕ ಬರ್ದಲ ಸುವಾರ್ತಾ 6:37

"ಬಿಜಾ಼ವೊನೆ ತಿರಪ ಕರೊ ನಕೊ, ತೆಳಾಮಾ ತುಮೊನೆಬಿ ತಿರಪ ಥಾತು ನೈ. ಅಪರಾದಿ (ಕೆಟ್ಟ ಕರಲವಾಲೊ) ವ್ಹೈ ಕೈನ ಫೈಸಲೊ ಕರೊ ನಕೊ, ತೆಳಾಮಾ ತುಮೆಬಿ ಅಪರಾದಿ ವ್ಹೈ ಕೈನ ಫೈಸಲೊ ಥಾತೊನೈ. ಬಿಜಾ಼ವೊನೆ ತುಮೆ ಮಾಫ ಕರೊ ತುಮೊನೆಬಿ ಮಾಫಿ ಮಳಸ.

ಯೊಹಾನ 3:10

ಯೆಸು"ತು ಇಸ್ರಾಯಲನೊ ಮಾಸ್ತರ ವ್ಹೈ. ತೆನೈಸೊ ತುನೆ ಎ ಸಂಗತಿಯೊ ಹಜು಼ನ ಗ್ವತ್ತ ನತ್ತಿ ಥಯು ಸು?

ಅಪೊಸ್ತಲೊ 13:1

ಅಂತಿಯೊಕ್ಯನಾ ಸಭೆಮಾ ದಕ್ಹಾ ಪ್ರವಾದಿಯೊ ವರಿ ಉಪದೆಶ ಕರಾಲಾ ವ್ಹತ್ತಾ. ತ್ಯುನೆ ಕುನ್ ವ್ಹೈ ಕದ್ಯಾಮ; ಬಾರ್ನಬ, ಸಿಮೆಯೊನ್ ಇನೆ ನಿಗರ ಕೈನಬಿ ಬಲಾತಾತಾ. ಲುಸಿಯಸ ಸಿರೆನ ಗಾಮ ವಾಲೊ ವ್ಹೈ. ಮೆನಹೆನ ಹೆರೊದ ರಾಜಾ಼ನಾ ಕ್ಹಾತೆ ಬೆಳದಲವಾಲೊ ವರಿ ಸೌಲಾ ವ್ಹೈ.

1 ಕೊರಿಂಥ 12:28

ಕ್ಹುದಾ ತುಮಾರಾ ಸಭೆಮಾ, ಪೈಲಾ ಅಪೊಸ್ತಲೊನೆ, ಬೆವಾ ಪ್ರವಾದಿಯೊನೆ, ತನ್ವಾ ಮಾಸ್ತರೊನೆ ನೆಮಿಶೊಸ. ಪಾಚಲ್ತೊ ಪವಾಡ ಕರಾಲಾವೊನೆ, ರೊಗ ಅರಾಮ ಕರಾಲಾವೊನೆ, ಉಪಕಾರ ಕರಾಲಾವೊನೆ, ಸಭೆ ಚ಼ಲೈ ಲಿನ ಜಾ಼ವಾಲಾವೊನೆ, ಘನ್ನಾ ಭಾಷಾ ಬೊಲಾಲಾವೊನೆ ನೆಮಿಶೊಸ.

2 ಕೊರಿಂಥ 5:10

ಅಪೆ ಕ್ಹಾರಾ ನ್ಯಾಯ ವಿಚಾರಣೆನಾ ಹುತಿ ಕ್ರಿಸ್ತನಾ ಕ್ಹಾಮಾ ಹುಬ್ರೌ. ಹರಿಯಕ್ಲೊ ದುನಿಯಾನಿ ಅಂಗಮಾ ರ‍್ಹತಾಮಾ ಕರಲ ಚೊ಼ಕಾನಾ ಹುತಿ ವರಿ ಕೆಟ್ಟನಾ ಹುತಿ ರ‍್ಹೈನೆಕಾ ತಿನೊ ಪ್ರತಿಫಲ ಹೊಂದಸ.

ಎಫೆಸ 4:11

ತೆ ದಕ್ಹಾ ಜ಼ನಾವೊನೆ ಅಪೊಸ್ತಲೊ ಕರಿನ ದಕ್ಹಾ ಜ಼ನಾವೊನೆ ಪ್ರವಾದಿ ಕರಿನ ದಕ್ಹಾ ಜ಼ನಾವೊನೆ ಸುವಾರ್ತೆ ಕವಾಲಾ ಕರಿನ ದಕ್ಹಾ ಜ಼ನಾವೊನೆ ಸಭಾಪಾಲಕ ಕರಿನ ವರಿ ಉಪದೆಶಕ ಕರಿನ ನೆಮಶ್ಯೊ.

1 ತಿಮೊತಿ 1:7

ತ್ಯುನೆ ಧರಮ ಉಪದೆಶ ಕರಾಲಾ ಥೌಕೈನ ತ್ಯುನು ಆಸವೈ. ತೆನೈಸೊ ತ್ಯುನೆ ಸು ಬೊಲ್ಲಿವಾಡಾಸ ಕವಾನು ತ್ಯುನೊನೆ ತಿಳದ್ಯುನತ್ತಿ. ತ್ಯುನೊನೆ ಕ್ಹರಿಮಾಜ಼ ತಿಳದ್ಯುಸ ಕೈನ ತ್ಯುನೆ ಕವಾನಾ ಸಂಗತಿಯೊನೆ ತ್ಯುನೆ ತಿಳ್ದಿಲೆತಾ ನೈ.

1 ತಿಮೊತಿ 2:7

ತಿನಾ ಹುತಿ ಸುವಾರ್ತೆ ಕವಾನಾ ಹುತಿ ಅಪೊಸ್ತಲೊ ಥಾವಾಹುತಿ ಯಹುದ್ಯೊ ನೈರ‍್ಹಯಲ ಮನಕ್ಹೊನೆ ಸುವಾರ್ತೆ ಕವಾಹುತಿ ಮನೆ ಇನಿಲಿದ್ಯೊ. ಎ ಕ್ಹರಿ ವ್ಹೈ ಎ ವಾತ ಸುಳ್ಳ ನ್ಹವೈ. ಕ್ಹರಿ ವಳಕಾದೆ ಕೈನ ಬರೊಕ್ಹೊ ಕರು ಕೈನ ಮಿ ತ್ಯುನೊನೆ ಸುವಾರ್ತೆ ಕದ್ಯೊ.

2 ತಿಮೊತಿ 1:11

ತೆ ಸುವಾರ್ತೆನಾ ಹುತಿ ಮನೆ ಅಪೊಸ್ತಲ ಥೈನ ಮಾಸ್ತರ ಥೈನ ಇನಿಲಿದ್ಯೊ.

ಇಬ್ರಿಯ 13:17

ತುಮಾರಾ ಸಭಾನಾಯಕೊನಾ ವಾತ ಐಕೊ, ತ್ಯುನೊನೆ ಅದಿನ ಥೈನ ರ‍್ಹವೊ. ತ್ಯುನೆ ಲೆಕ್ಕೊ ದಿವಾಲಾ ಥಯಲ ಹುತಿ ತುಮಾರಿಯೊ ಆತ್ಮಾವೊನೆ ಕೈದಾಲಾ ಥಯಾಸ. ತ್ಯುನೆ ದುಖ ಥಯಾವಾಚಿ ಕ್ಹುಶಿಕ್ಹು ಎ ಕರಾನೆ ಥಾಯೆ ಲಿಂಗತ ದೆಕಿಲಿವೊ. ಕಾಕದ್ಯಾಮ ತ್ಯುನೆ ಯಕ್ಕ ತರಾ ರ‍್ಹವಾನು ತುಮೊನೆ ಫೈದೊ ನತ್ತಿ.

ಯಾಕೊಬ 1:16

ಮಾರಾ ಮಯಾನಾ ಭಾಯೊ ಭೆನೊ, ಮೊಸಮಾ ಪಡೊ ನಕೊ.

ಯಾಕೊಬ 1:19

ಮಾರಾ ಮಯಾನಾ ಭಾಯೊ ಭೆನೊ, ತುಮೆ ಆ ವಾತ ಚೊ಼ಕಿತರಾ ತಿಳ್ದಿಲಿವೊ, ಹರಯಕ್ಲೊ ಕಾನದಿನ ಐಕಾಮಾ ಚುರುಕ ರ‍್ಹವಾದೆ, ಬೊಲಾಮಾ ರ‍್ಹೈನಕಾ ಶಿಟ್ಟ ಕರಾಮಾ ರ‍್ಹೈನಕಾ ತಾಳ್ಮೆಕ್ಹು ವರಿ ನಿದಾನ ರ‍್ಹವಾದೆ.

ಯಾಕೊಬ 3:10

ತೆಜ಼ ಮ್ಹೊಡಾಕ್ಹು ಸ್ತುತಿ ವರಿ ಕ್ಹರಾಪ ಭಂಬಿ ಆವಸ. ಮಾರ ಭಾಯೊ ಭೆನೊ, ಇಮ್ಮ ಥೌ ನೈ.

1 ಪೆತ್ರಾ 5:3

ತುಮೆ ಜವ್ದಾರಿರ‍್ಹಯಲವಾಲಾ ತೆ ಹಿಂಡಪರ ಜ಼ಬರದಸ್ತಿ ಕರೊ ನಕೊ. ತುಮೆ ತ್ಯುನೊನೆ ಚೊ಼ಕಿ ಸಾಕ್ಷಿ ಥಾವೊ.