ಯಾಕೊಬ 2:21 - ಕ್ಹುದಾನಿ ಕ್ಹರಿನಿ ವಾಕ್ಯಾ

²¹ ಅಪ್ನೊ ಪಿತೃ ಥಯಲ ಅಬ್ರಹಾಮ ತಿನೊ ದಿಕ್ರೊ ಥಯಲ ಇಸಾಕನೆ ಬಲಿ ದೆತಾಮಾ ಕ್ಹರಿಕ್ಹು ರ‍್ಹಯಲವಾಲೊ ವ್ಹೈ ಕೈನ ಕೈಲಿದಲ ತಿನಾ ಕ್ರಿಯೆಕ್ಹುಜ಼ ವ್ಹೈ ಸು ನೈ?

ಯಾಕೊಬ 2:21 ပူးပေါင်းရင်းမြစ်များ

ಮತ್ತಾಯ 12:37

ತುಮಾರಾ ವಾತೊಕ್ಹುಜ ತುಮೊನೆ ನಿತಿವಂತರೊ ಕೈನ ರ‍್ಹವಾದೆ ಅಪರಾದಿಯೊ ಕೈನ ರ‍್ಹವಾದೆ ಫೈಸಲೊ ದಿವಸ” ಕದ್ಯೊ.

ಮತ್ತಾಯ 3:9

‘ಅಬ್ರಹಾಮ ಅಪ್ನೊ ಬಾ ವ್ಹೈ’ ಕೈನ ತುಮೆ ಸ್ವಕ್ಕ ಕರಾನು ಕಾ? ಕ್ಹುದಾ ಅಬ್ರಹಾಮನಾ ಹುತಿ ನ್ಯ್ಹಾ ರ‍್ಹಯಲ ದಗಡಾವೊಕ್ಹುಬಿ ಬಚ್ಚಾ ಹುಟ್ಸಾವಾನೆ ಥಾವಸ ಕೈನ ಮಿ ತುಮೊನೆ ಕೌಸ.

ಲುಕ ಬರ್ದಲ ಸುವಾರ್ತಾ 1:73

ಕ್ಹುದಾ ಅಪ್ನೊ ಪಿತೃಥಯಲ ಅಬ್ರಹಾಮನೆ ವಾತ ದಿದಲಲಿಂಗತ ಕರ‍್ಯೊಸ.

ಲುಕ ಬರ್ದಲ ಸುವಾರ್ತಾ 16:24

ಹಮಾರೊ ಬಾ ಅಬ್ರಹಾಮ, ಮನೆ ಮರಗಿನ ಲಾಜ಼ರನೆ ಮಕನ ಮೊಕಲ. ತೆ ತಿನೊ ಬೊಟ ಪಾನಿಮಾ ಡುಬೈನ ಮಾರಿ ಜಿಬ್ಬ ಥಂಡಿ ಥಾವಾ ವರಕ್ಹಿ ಕರ, ಮಿ ಆಗಮಾ ಬಳವಾಡ್ಯೊಸ! ಕದ್ಯೊ.

ಲುಕ ಬರ್ದಲ ಸುವಾರ್ತಾ 16:30

ತೆ ವಾತೆ ಸೌಕಾರ, ಬಾ ಅಬ್ರಹಾಮ ತಿಮ್ಮ ಕೌ ನಕೊ ಕುನ್ನಬಿ ಮರಲವಾಲಾವೊಮಾನೊ ಯಕ್ಲೊ ಜಿವ್ತೊ ಥೈನ ಉಟಿನ ಗೈನ ತ್ಯುನೊಕನ ಕವಾದೆ ತೆಳಾಮಾ ತ್ಯುನೆ ಚೊ಼ಕಾ ಥಾಸ ಕದ್ಯೊ.

ಯೊಹಾನ 8:39

ತ್ಯುನೆ"ಅಬ್ರಹಾಮ ಹಮಾರೊ ಬಾ ವ್ಹೈ" ಕೈನ ಕದ್ಯಾ. ಯೆಸು"ತುಮೆ ಕ್ಹರಿಮಾಜ಼ ಅಬ್ರಹಾಮನಾ ಬಚಚಾ ರ‍್ಹಯಾಮ ಅಬ್ರಹಾಮ ಕರಲ ಕಾಮೊಜ ಕರ್ತಾತಾ.

ಯೊಹಾನ 8:53

ಹಮಾರೊ ಬಾ ಥಯಲ ಅಬ್ರಹಾಮತೊ ತು‍ ಮ್ಹೊಟೊ ವ್ಹೈ ಕೈನ ಕೈಲಿದ್ಯೊ ಸು? ಅಬ್ರಹಾಮಬಿ ಮರ‍್ಯೊ ವರಿ ಪ್ರವಾದಿಯೊಬಿ ಮರಿ ಗಯಾ ಇಮ್ಮ ರ‍್ಹತಾಮಾ, ತಾರಾಕ್ಹು ತು ಕುನ್ನ ವ್ಹೈ ಕೈನ ತಿಳ್ದಿಲಿದ್ಯೊಸ? ಕೈನ ಪುಚ್ಯಾ.

ಅಪೊಸ್ತಲೊ 7:2

ತೆ ವಾತೆ ಸ್ತೆಫನ ಅಮ್ಮ ಉತ್ತರ ದಿದ್ಯೊ; "ಮಾರಾ ಬಾವೊ, ಭಾಯೊ, ಮಿ ಕವಾನು ಧ್ಯಾನ ದಿನ್ನ ಐಕೊ. ಅಪ್ನೊ ಪಿತೃ ಥಯಲ ಅಬ್ರಹಾಮನೆ ಸ್ವರ್ಗಮಾತೊ ಕ್ಹುದಾ ದಿಕ್ಹ್ಯೊ. ಅಬ್ರಹಾಮ ಹಾರಾನಮಾ ರ‍್ಹವಾತಿ ಅಗ್ದುರ ಮೆಸಪೊಟೆಮಾ ವ್ಹತ್ತೊ.

ರೊಮಾಪೂರ 3:20

ಕಾಕದ್ಯಾಮ ಧರಮಶಾಸ್ತ್ರ ಲಿಂಗತ ಚಾ಼ಲಾನಾ ಮುಕಾಂತರ ಕಯೊಜ಼ ಮನಕ್ಹ ಕ್ಹುದಾನಿ ನಜ಼ರಮಾ ನಿತಿವಂತವಾಲಾ ಥಾವಾನೆ ಕಿನೆಜ಼ ಸಾದ್ಯ ನತ್ತಿ. ಧರಮಶಾಸ್ತ್ರ ಅಪೆ ಕರಲ ಪಾಪೊ ದೆಕಾಡಿನ ದಿವಸ.

ರೊಮಾಪೂರ 4:1

ತಿಮ್ಮ ರ‍್ಹಯುಮ, ಅಪ್ನೊ ಪಿತೃಥಯಲ ಅಬ್ರಹಾಮನಾ ಹುತಿ ಅಪೆ ಸು ಕ್ಯೆಯೆ? ತೆ ಬರೊಕ್ಹಾನಾ ಹುತಿ ಸು ಶಿಕ್ಯೊ?

ರೊಮಾಪೂರ 4:12

ತೆನೈಸೊ ಸುನ್ನತಿ ಕರೈಲಿದಲ ಮನಕ್ಹೊನೆಬಿ ಅಬ್ರಹಾಮ ಮುಲ ಪಿತೃ ಥಯೊಸ. ತೆನೈಸೊ ತೆ ತ್ಯುನೊನೆ ಮುಲ ಪಿತೃ ಥಯಲ ತ್ಯುನೆ ಕರೈಲಿದಲ ಸುನ್ನತಿ ಕ್ಹು ನ್ಹವೈ. ಅಪ್ನೊ ಮುಲ ಪಿತೃ ಥಯಲ ಅಬ್ರಹಾಮ ಸುನ್ನತಿ ಕರೈಲಿವಾತಿ ಅಗ್ದುರಜ಼ ತೆ ಕಿಮ ಬರೊಕ್ಹಾಮಾ ವ್ಹತ್ತೊ ತಿನಾ ಲಿಂಗತಜ಼ ರ‍್ಹಯಲವಾಲಾವೊನೆ ತೆ ಮುಲ ಪಿತೃ ಥಯೊಸ.

ರೊಮಾಪೂರ 4:16

ತಿನಾಹುತಿ ಮನಕ್ಹೊ ಬರೊಕ್ಹೊನಾ ಮುಲಕ ವಾಗ್ದಾನ ಹೊಂದಿಲಿವಸ. ವಾತೊ ಫ್ರಿಮಾ ಮಳು ಕೈನ ವರಿ ಗಿಫ್ಟ ರ‍್ಹೌ ಕೈನ ಇಮ್ಮ ಥಯು. ವಾಗ್ದಾನ ಫ್ರಿನಿ ಗಿಫ್ಟ ರ‍್ಹಯ್ಯೊಮ, ಅಬ್ರಹಾಮನಾ ಮನಕ್ಹೊ ತೆ ವಾತೊ ಹೊಂದಿಲಿವಸ. ಎ ವಾಗ್ದಾನ ಮೊಶೆನಾ ಧರಮಶಾಸ್ತ್ರನೆ ಅಧಿನ ಥೈನ ಜಿವ್ನಾ ಕರತಾ ರ‍್ಹಯಲ ಮನಕ್ಹೊನೆ ಯಕ್ಕಜ಼ ನ್ಹವೈ, ಅಬ್ರಹಾಮ ಲಿಂಗತ ಬರೊಕ್ಹಾಮಾ ರ‍್ಹಯಲ ಕ್ಹಾರಾ ಮನಕ್ಹೊನಾ ಹುತಿ ವ್ಹೈ. ಅಬ್ರಹಾಮ ಅಪೊನೆ ಕ್ಹಾರಾವೊನೆ ಮುಲ ಪಿತೃ ಥಯೊಸ.

ಇಬ್ರಿಯ 11:17

ಕ್ಹುದಾ ಅಬ್ರಹಾಮನಾ ಬರೊಕ್ಹಾನೆ ಪರಿಕ್ಷಾ ಕರ‍್ಯೊ. ಇಸಾಕನೆ ಬಲಿನಾ ಬಕ್ರಾ ಲಿಂಗತ ಬಲಿ ದೆ ಕೈನ ಕ್ಹುದಾ ತಿನೆ ಕದ್ಯೊ. ಅಬ್ರಹಾಮಾ ಬರೊಕ್ಹೊ ರ‍್ಹಯಲ ಹುತಿ ವಿಧೆಯ ಥಯೊ.

ಯಾಕೊಬ 2:18

ರ‍್ಹೈತಬಿ ಯಕ್ಲೊ; ತುನೆ ಬರೊಕ್ಹೊ ಛೆ ವರಿ ಮಾರಾಮಾ ಕ್ರಿಯೆ ಛೆ ತು ತಾರಾಮಾ ಕ್ರಿಯೆ ನೈಸೊ ಬರೊಕ್ಹೊ ದೆಕಾಡ. ಮಿ ಮಾರಾ ಕ್ರಿಯೆಕ್ಹು ಬರೊಕ್ಹೊ ದೆಕಾಡುಸ ಕೈನ ಕತೊ ನೈ ಸು?

ಯಾಕೊಬ 2:24

ತಿನಾಹುತಿ ಮನಕ್ಹ ತೆ ಚಾ಼ಲಾಕ್ಹು, ತಿನಾ ಕಾಮೊಕ್ಹು ಚೊ಼ಕೊ ವ್ಹೈ ಕೈನ ಕವೈಲಿವಸ. ಕ್ಹಾಲಿ ಬರೊಕ್ಹಾಕ್ಹು ಯಕ್ಕಜ಼ ನ್ಹವೈ ಕೈನ ದೆಕೊಶಿ