ಯಾಕೊಬ 1:25 - ಕ್ಹುದಾನಿ ಕ್ಹರಿನಿ ವಾಕ್ಯಾ

²⁵ ತೆನೈಸೊ ಅಪೊನೆ ಬಿಡುಗಡೆ ಕರಾನಿ ವಾಕ್ಯಾನೆ ಧ್ಯಾನದಿನ ಒದಿನ, ಶೆಂ ಕರಿಲಿನ ತಿನಾ ಲಿಂಗತ ಚಾ಼ಲಾಲೊ, ವಾಕ್ಯಾ ಐಕಿನ ಇಕ್ಹರ‍್ಯಾ ಬಗರ ತಿನಾ ಲಿಂಗತ ಚಾ಼ಲ್ತೊ ತಿನಿ ನಡತೆಕ್ಹು, ವರಿ ತಿನಾ ಕಾಮೊಕ್ಹು ಧನ್ಯ ಥಾವಸ.

ಯಾಕೊಬ 1:25 ပူးပေါင်းရင်းမြစ်များ

ಲುಕ ಬರ್ದಲ ಸುವಾರ್ತಾ 11:28

ಯೆಸು ತಿನೆ, ಕ್ಹುದಾನಿಯೊ ವಾತೊ ಐಕಿನ ತಿನೆ ಕರೆಟ್ಟ ಚಾ಼ಲಾಲಾ ಧನೈ ವ್ಹೈ ಕದ್ಯೊ.

ಯೊಹಾನ 13:17

ತುಮೆ ಎ ಸಂಗತಿಯೊ ತಿಳದಿಲಿನ ಇನಾಲಿಂಗತ ಚಾ಼ಲಿಲಿನ ಗಯಾಮ ಖುಶಿಕ್ಹು ರ‍್ಹವೊಸಿ.

ಯೊಹಾನ 8:36

ತಿನಾಹುತಿ ದಿಕ್ರೊ ತುಮೊನೆ ಸ್ವತಂತ್ರ ಕರ‍್ಯೊಮ, ತುಮೆ ಕ್ಹರಿಮಾಜ಼ ಸ್ವತಂತ್ರ ಥಯಾಸ.

ಅಪೊಸ್ತಲೊ 13:43

ಸಭೆ ಕ್ಹರಲ ಪರ ಘನ್ನಾ ಯಹುದಿಯೊ ಪೌಲಾ ಬಾರ್ನಬನೆ ತೆ ಜ಼ಗಾತಾ ಪಾಚಾ಼ ಲಾಗ್ಯಾ. ಯೆಹುದಿಯೊನಾ ಧರ್ಮನೆ ಮಳಲ ಘನ್ನಾ ಬಿಜಾ಼ ಮತನಾ ತೆ ಯೆಹುದಿಯೊನಾ ಕ್ಹಾತೆ ವ್ಹತ್ತಾ. ಧರ್ಮ ಬದ್ಲಿ ಕರಲ ಇವ್ನೆಬಿ ಕ್ಹರಿನಾ ಕ್ಹುದಾನೆ ಆರಾಧನೆ ಕರಾಡಾತಾ. ಪೌಲಾ ಬಾರ್ನಬ ತ್ಯುನಾ ಕ್ಹಾತೆ ಬೊಲಿನ, ಕ್ಹುದಾನಿ ಕೃಪೆಮಾ ಬರೊಕ್ಹೊ ಮ್ಹೆಲಿನ ಅಗು ಬಡು ಕೈನ ಪ್ರೊತ್ಸಾಹ ಕರ‍್ಯಾ.

ಅಪೊಸ್ತಲೊ 2:42

ಇವ್ನೆ ಅಪೊಸ್ತಲೊನಿ ಬೊಧನೆ ಐಕಾಮಾಬಿ ಭಾಯೊನಾ ಕ್ಹಾತೆ ರೊಕ್ಲೊ ತೊಡಾಮಾಬಿ ಪ್ರಾಥನಾ ಕರಾಮಾ ವ್ಹತ್ತಾ.

ಅಪೊಸ್ತಲೊ 26:22

ತೆಳಾಮಾ ಕ್ಹುದಾ ಮನೆ ಮದತ ಕರ‍್ಯೊ. ತೆ ಹಮನಾತೊ ಹಮನೊನೆ ಮದತ ಕರಾಡ್ಯೊಸ. ತಿನಾಹುತಿ ಹಮ್ನಾ ಯ್ಹಾ ಹುಬರಯೊತೊ ವರಿ ಮಿ ದೆಕೆಲ ಸಂಗತಿಯೊನಾ ಹುತಿ ಮನಕ್ಹೊನೆ ಸಾಕ್ಷಿ ಕವಾಡೊತೊ. ತಿನಾಹುತಿ ಮಿ ಕೈಜ಼ ನವು ಕದೆವಾಚಿ, ಮೊಶೆ ವರಿ ಪ್ರವಾದಿಯೊನಾ ಕ್ಹಾಮೊ ನೆರವೆರಸ ಕೈನ ಕದಲ ಸಂಗತಿಯೊ ಕತೊವ್ಹತ್ತೊ.

ರೊಮಾಪೂರ 11:22

ತಿನಾಹುತಿ ಕ್ಹುದಾ ಮರಗಾಲೊ ವ್ಹೈ ಘನ್ನೊ ಕಠೊರಬಿ ವ್ಹೈ ಕವಾನೊ ವಳಕ. ಕ್ಹುದಾ ತಿನೆ ಪಾಚಾ಼ ನೈ ಆವಾಲಾ ಮನಕ್ಹೊನೆ ಶಿಕ್ಷಾ ದಿವಸ. ತೆನೈಸೊ ತು ಕ್ಹುದಾನಿ ಮರಗಾಮಾ ರ‍್ಹಯೊಮ, ಕ್ಹುದಾ ತುನೆ ಮರಗಾಲೊ ರ‍್ಹವಸ. ನೈತೊ, ತುನೆ ಝಾಡತೊ ಕತ್ರಿನ ನಾಕಿ ಪಾಡಸ.

ರೊಮಾಪೂರ 2:13

ಧರಮಶಾಸ್ತ್ರನೆ ಐಕಲಕ್ಹು ಮನಕ್ಹೊ ಕ್ಹುದಾನಿ ನಜ಼ರಮಾ ನಿತಿವಂತವಾಲಾ ಥಾತಾ ನೈ. ತೆನೈಸೊ ಧರಮಶಾಸ್ತ್ರ ಕವಾನಿ ಹರಿ ಯಕ್ಕ ವಾತನೆ ವಿಧೆಯ ಥಾವಾಲಾ ಮನಕ್ಹೊನೆ ಧರಮಶಾಸ್ತ್ರ ನಿತಿವಂತವಾಲಾ ಕರಸ.

ರೊಮಾಪೂರ 7:12

ಇಮ್ಮ ರ‍್ಹತಾಮಾ ಧರಮಶಾಸ್ತ್ರ ಪವಿತ್ರ ವ್ಹೈ. ಆಗನ್ಯಾ ಪವಿತ್ರ ಫೈಸಲೊ ಚೊ಼ಕು ವ್ಹೈ.

ರೊಮಾಪೂರ 8:15

ಅಪೆ ಹೊಂದಿಲಿದಲ ಆತ್ಮಾ ವರಿ ಅಪೊನೆ ಗುಲಾಮೊ ಕರ‍್ತೊ ನೈ ವರಿ ಅಪೊಮಾ ಬೆ ಹುಟ್ಸಾತೊ ನೈ. ಅಪೆ ಹೊಂದಲಿದಲ ಪವಿತ್ರ ಆತ್ಮಾ ಅಪೊನೆ ಕ್ಹುದಾ ಬಚ್ಚಾಲಿಂಗತ ಕರಸ. ಎ ಆತ್ಮಾನಾ ಮುಲಕ ಅಪೆ ಕ್ಹುದಾನೆ ಬಾ ಬಲೈಯೆಸ.

ರೊಮಾಪೂರ 8:2

ಕಾಕದ್ಯಾಮ ಯೆಸು ಕ್ರಿಸ್ತಮಾ ಜ಼ಲಮ ದಿವಾನಿ ಆತ್ಮಾನಿ ನಿಲಯ ಮನೆ ಮೌತನೆ ಲಿನ ಜಾ಼ವಾನಾ ಪಾಪನಾ ನಿಯಮಕ್ಹು ಮನೆ ಸ್ವತಂತ್ರ ಕರ‍್ಯುಸ.

1 ಕೊರಿಂಥ 15:58

ತಿನಾ ಹುತಿ ಮಾರಾ ಮಯಾನಾ ಭಾಯೊ ಭೆನೊ, ಘಟ್ಟ ಥೈನಬಿ ನಿಶ್ಚಲ ಥೈನ ರ‍್ಹವೊ. ಕಾಕದ್ಯಾಮ ತುಮೆ ಕ್ಹುದಾನಿ ಸೆವಾಮಾ ಕರಾನಿ ಕೊಶಿಶ ವ್ಯರ್ಥ ನೈ ಥಾತು. ತೆ ತಿಳ್ದಿಲಿನ ಕ್ಹುದಾನು ಕಾಮ ಹಮೆಶಾಬಿ ಘನ್ನಿ ಆಸಕ್ತಿಕ್ಹು ವರಿ ಹಮೆಶಾಬಿ ಶ್ರಧ್ದಾ ರ‍್ಹಯಲವಾಲಾ ಥೈನ ಕರಾಲಾ ಥಾವೊ.

2 ಕೊರಿಂಥ 13:5

ತುಮ ಕ್ರಿಸ್ತ ಬರೊಕ್ಹ ಛೆ ಕೈನ ನೈ ಕವಾನು ತುಮಾರಾ ತುಮ ವಳಕ. ತುಮ ಚೊ಼ಕ ರ‍್ಹಯಲ ರ‍್ಹ.

ಗಲಾತ್ಯ 2:4

ಎ ಸಮಶ್ಯಾನಾ ಹುತಿ ಹಮೆ ಬೊಲಾನೆಜ಼ ವ್ಹತ್ತು. ಕಾಕದ್ಯಾಮ ದಕ್ಹಾ ಸುಳ್ಳ ಭಾಯೊ ಐನ ಅಪ್ನಾ ಸಬೆಮಾ ಮಳೈಗಯಾತಾ. ಯೆಸು ಕ್ರಿಸ್ತಮಾ ಹಮೊನೆ ರ‍್ಹಯಲ ಆಜಾ಼ದಿನಾ ಹುತಿ ದಡಿ ರ‍್ಹಯಲ ಗ್ವತ್ತ ಕರಲಿವಾನೆ ವರಿ ತ್ಯುನಾ ಗುಲಾಮೊ ಕರ್ಲಿವಾನಾ ಹುತಿ ಆಯಾತಾ.

ಗಲಾತ್ಯ 5:1

ಹಮ್ನಾ ಅಪೊನೆ ಸ್ವತಂತ್ರ ಛೆ. ಕ್ರಿಸ್ತ ಅಪೊನೆ ಸ್ವತಂತ್ರ ಕರ‍್ಯೊ. ತಿನಾಹುತಿ ಘಟ್ಟ ಥೈನ ರ‍್ಹವೊ. ಮನಸ ಬದಲಿ ಕರಲಿನ ವರಿಬಿ ಗುಲಾಮ ಗಿರಿಮಾ ರ‍್ಹವೊ ನಕೊ.

ಗಲಾತ್ಯ 6:2

ತುಮಾರು ವಜ್ಜು಼ ಉಚಾವೊ. ಇಮ್ಮ ತುಮೆ ಕ್ರಿಸ್ತನಿ ಆಗನ್ಯಾ ಕ್ಹರಿಮಾಜ಼ ಕರೊ.

ಕೊಲೆಸ್ಸೆ 1:23

ಹಬಾಳನಾ ಹೆಟು ರ‍್ಹಯಲ ಕ್ಹಾರಿ ಸೃಷ್ಟಿನೆ ಕದಲ ಸುವಾರ್ತೆಕ್ಹು ಹುಟ್ಟಲ ಆಸಕ್ಹು ಹಲ್ಲು ನೈ ಕೈನ ಬರೊಕ್ಹಾಮಾ ಘಟ್ಟ್ಟ ಹುಬ್ರಯಲ ರ‍್ಹಯಾಮ

1 ತಿಮೊತಿ 2:15

ತೆನೈಸೊ ಹೆಣ್ಣ ಮನಕ್ಹ ಬರೊಕ್ಹಾಮಾ, ಮಯಾಮಾ, ಪರಿಶುದ್ಧತೆಮಾ ವರಿ ಪವಿತ್ರತಾಮಾ ಘಟ್ಟ ಥೈನ ರ‍್ಹಯ್ಯೊಮ ಬಚ್ಚಾ ಜನ್ನತಾಮಾ ರಕ್ಷಣೆ ಮಳಸ.

1 ತಿಮೊತಿ 4:16

ತಾರಿ ಜಿವಿತ್ಮಾ ತಾರಿ ಬೊಧನೆಮಾ ಹುಷಾರಕಿಮಾ ರ‍್ಹೆ. ಚೊ಼ಕಿ ತರಾನಿ ಜಿವ್ನಾ ಕರತೊ ಬೊಧನೆ ಕರತೊ ತೆಳಾಮಾ ತು. ತುನೆ ತಾರಿ ಬೊದನೆ ಐಕಾಲಾವೊನೆ ವಚಾ಼ಡುಸ.

ಇಬ್ರಿಯ 12:15

ತುಮೊಮಾ ಕುನ್ನಜ಼ ಕ್ಹುದಾನಿ ಮರ್ಗಾ ಜ಼ವೈಲ್ಯು ನೈಸೊ ಹುಶಾರಕಿಮಾ ರ‍್ಹವೊ. ತಿನಾಕ್ಹು ತುಮಾರು ಗುಂಪಜ಼ ಹಾಳ ಥಾವಸ.

ಯಾಕೊಬ 2:12

ತುಮೆ ಅಪೊನೆ ವಚಾಡಾನಾ ಪವಿತ್ರ ಗ್ರಂಥನಾ ಲಿಂಗತ ಫೈಸಲೊ ವ್ಹಂದಿಲಿವಾಲಾವೊನೆ ತ್ಯುನಾ ಲಿಂಗತಜ಼ ಬೊಲೊ ವರಿ ವಿಧೆಯ ಥಾವೊ.

1 ಪೆತ್ರಾ 2:16

ಸ್ವತಂತ್ರ ಮಳಲವಾಲಾವೊಲಿಂಗತ ಜಿವ್ನಾ ಕರೊ. ತೆನೈಸೊ ತುಮೆ ಕರಾನು ಕೆಟ್ಟ ಕಾಮೊ ಝಾಕಾಹುತಿ ತೆ ಸ್ವತಂತ್ರ ಉಪಯೊಗ ಕರೊನಕೊ. ತುಮೆ ಕ್ಹುದಾನಿ ಸೆವೆ ಕರತಾ ಜಿವ್ತಾ ರ‍್ಹವೊ.

1 ಯೊಹಾನ 2:24

ತುಮೆ ಶುರುತಾಬಿ ಐಕಲ ಭೊದನೆ ಲಿಂಗತ ಚಾ಼ಲೊ. ತೆ ಭೊದನೆ ಲಿಂಗತ ಚಾ಼ಲಾಲಾ ತುಮೆ ದಿಕ್ರಾಮಾ ಬಿ ಬಾಮಾ ಬಿ ರ‍್ಹಯಲ ಲಿಂಗತ ವ್ಹೈ.

ಪ್ರಕಟನೆ 14:13

ಪಾಚಲ್ತೊ ಮಿ ಸ್ವರಗತೊ ಯಕ್ಕ ಆವಾಜ಼ ಐಕ್ಯೊ. ತೆ ಆವಾಜ಼ ಅಮ್ಮ ವ್ಹತ್ತು; "ಎ ಬರದ; ಆಜ಼ತಾ ಪ್ರಭುನಾ ಭಕ್ಕತೊ ಥೈನ ಮರಾಲಾ ಮನಕ್ಹೊ ಧನ್ಯ ವ್ಹೈ" ಹೊ ಎ ಕ್ಹರಿ ವ್ಹೈ. ತೆ ಮನಕ್ಹೊ ತ್ಯುನಾ ಕಷ್ಟನಾ ಕಾಮೊ ಕ್ಹರೈನ ಅರಾಮ ಕರಸ. ತ್ಯುನೆ ಕರಲ ಕ್ಹಾರು ತ್ಯುನಾ ಕ್ಹಾತೆ ರ‍್ಹವಸ" ಕೈನ ಪವಿತ್ರ ಆತ್ಮಾ ಕವಸ.

ಪ್ರಕಟನೆ 22:14

ತ್ಯುನು ಮ್ಹೊಟು ಅಂಗ್ಡು ರ‍್ಹಯಲವಾಲಾ ಧ್ವಲಿದವಾಲಾ ಧನ್ಯ ವ್ಹೈ. ತ್ಯುನೆ ಜ಼ಲಮ ದಿವಾನು ಝಾಡನು ಫಲ ಖಾವಾನೆ ತ್ಯುನೊನೆ ಹಕ್ಕಕ ರ‍್ಹವಸ. ತ್ಯುನೆ ಬಾಕಲನಾ ಮುಕಾಂತರ ತೆ ಗಾಮ್ಮಾ ಜಾ಼ವಾಸ.