ಇಬ್ರಿಯ 9:9 - ಕ್ಹುದಾನಿ ಕ್ಹರಿನಿ ವಾಕ್ಯಾ

⁹ ತೆ ಹಮ್ನಾನಿ ದುನಿಮಾ ದೆಕಾಡಿನ ದಿವಸ. ತೆ ಸುವೈ ಕದ್ಯಾಮ ತಿನಾ ಪದ್ದತನಾ ಪ್ರಕಾರ ಬಲಿ ಥಾವಾನಿ ಕಾಣಿಕಿಯೊ ವರಿ ಬಲಿಯೊ ಆರಾಧನಾ ಕರಾಲಾವೊನಾ ಮನಸಾಕ್ಷಿಯೊ ಪುರಾ ಕರಾನೆ ಥಯು ನೈ.

ಇಬ್ರಿಯ 9:9 ပူးပေါင်းရင်းမြစ်များ

ರೊಮಾಪೂರ 5:14

ತೆನೈಸೊ ಆದಾಮಾನಾ ಕಾಲ್ತೊ ಮೊಶೆನಾ ಕಾಲ ಲಕ್ಕಾ ಕ್ಹಾರಾ ಮನಕ್ಹೊ ಮರಾನು ಥೈಯು. ಆದಾಮ ಪಾಪ ಕರಲ ಹುತಿ ಮರ‍್ಯೊ. ಕ್ಹುದಾನಿ ವಾತ ದಾಟಿನ ಗೈಯಲ ತೆ ಪಾಪ ವ್ಹೈ. ವರಿಬಿ ಆದಾಮ ಕರಲ ಪಾಪ ಲಿಂಗತ ಮ್ಹೊಟು ಪಾಪ ನೈ ಕರಲವಾಲಾಬಿ ಮರವಾನೆಜ಼ ಥಯು. ಆದಾಮ ಅಗಲ್ಯಾ ಲೊಕಮಾ ಆವಾನೊ ರ‍್ಹಯಲ ಯಕ್ಲಾನೆ (ಕ್ರಿಸ್ತನೆ) ವಳಕ ಥಯೊತೊ.

ಗಲಾತ್ಯ 3:21

ಧರಮಶಾಸ್ತ್ರ ಕ್ಹುದಾನಿ ವಾಗ್ದಾನನೆ ವಿರುದ್ದ ವ್ಹೈ ಕೈನ ಇನೊ ಮತಲ್ಬ ವ್ಹೈ ಸು? ನ್ಹವೈ! ಜ಼ಲಮ ದಿವಾನು ಧರಮಶಾಸ್ತ್ರ ರ‍್ಹವತ್ತೊ. ತಿನೆ ಚಾ಼ಲಿಲಿನ ಜಾ಼ವಾನಾ ಮುಕಾಂತರ ನಿತಿವಂತವಾಲಾ ಥಾತಾತಾ.

ಇಬ್ರಿಯ 10:11

ತೆನೈಸೊ ಹರಯಕ್ಲೊ ಯಾಜಕ ದಿನೆಬಿ ಸೆವೆ ಕರತೊ ಕೆಳಾಮ್ಮಾಜ ಪಾಪ ನೈ ಕಡಾವಾನು, ಯಕ್ಕ ತರಾನಾ ಬಲಿಯೊ ಹಗ್ಲೆಲಾ ಚಡಾತೊ ಹುಬ್ರಯೊಸ.

ಇಬ್ರಿಯ 11:19

ಕ್ಹುದಾ ಮರಲವಾಲಾವೊನೆ ಜಿವ್ತಾ ಕರಸ ಕೈನ ತೆ ಬರೊಕ್ಹೊ ಕರ‍್ಯೊತೊ. ಇಸಾಕನೆ ಬಲಿದೆತಾಮಾ ಕ್ಹುದಾ ತಿನೆ ತರಬತಾಮಾ, ತಿನೆ ಕ್ಹರಿಮಾಜ಼ ಇಸಾಕನೆ ಮರಣಮಾತೊ ವಾಚ಼ಲ ಲಿಂಗತ ಥಯು.

ಇಬ್ರಿಯ 5:1

ಹರಿಯಕ್ಕ ಖಾಸ ಯಾಜಕನೆ ಮನಕ್ಹೊಮಾತೊ ಇನಿಲಿನ ಕ್ಹುದಾನೆ ಸಂಬಂಧ ರ‍್ಹಯಲ ಕಾಮೊ ಮನಕ್ಹೊನಾ ಹುತಿ ಕರಾನೆ ಹುಬ್ರಾಡಸ. ತೆ ಯಾಜಕ ತ್ಯುನಾ ಪಾಪೊನಾ ಹುತಿ ಕ್ಹುದಾನೆ ಕಾಣಿಕೆ ವರಿ ಬಲಿಯೊ ದಿವಸ.

ಇಬ್ರಿಯ 7:11

ಇಸ್ರಾಯೆಲೊನೆ ದಿದಲ ಧರಮ ಶಾಸ್ತ್ರ ಲೆವಿಯೊನಾ ಯಾಜಕತ್ವನಾ ಉಪ್ಪರ ಆಧಾರ ಛೆ. ಲೆವಿಯೊನಾ ಎ ಯಾಜಕತ್ವಕ್ಹುಜ಼ ಪುರಾ ರಡಿ ಥಾವಾನು ರ‍್ಹವತ್ತೊ, ಆರೊನನಿ ಪರಂಪರಾನೆ ನೈ ಮಳಾನಾ, ಮೆಲ್ಕಿಜೆದೆಕನಿ ಪರಂಪರಾನೆ ಮಳಲ ಬಿಜೆಕ್ಕ ಯಾಜಕ ಆವಾನಿ ಜ಼ರುರತ ಸು ವ್ಹತ್ತಿ?

ಇಬ್ರಿಯ 8:4

ತೆ ಹಜು಼ನಬಿ ಜಿಮಿನಪರ ರ‍್ಹಯಲ ಹುತಿ ಯಾಜಕ ಥಾತೊ ನ್ಹೊತೊ. ಕಾಕದ್ಯಾಮ ಧರಮಶಾಸ್ತ್ರನಾ ಪ್ರಕಾರ ಕಾಣಿಕೆ ಚ಼ಡಾವಾಲಾ ವ್ಹತ್ತಾತೊ.

ಇಬ್ರಿಯ 9:24

ಕಾಕದ್ಯಾಮ ಕ್ರಿಸ್ತಬಿ ಕ್ಹರಿ ರ‍್ಹಯಲ ದೆವಾಲಯನೆ ಭೌಲು ಥೈನ ಹತ್ತಕ್ಹು ಭಾಂದಲ ಪವಿತ್ರ ಜ಼ಗಾನೆ ನೈ ಗೈನ, ಕ್ಹುದಾನಿ ಸನ್ನಿದಿಮಾ ಅಪ್ನಾಹುತಿ ಹಮ್ನಾ ಪ್ರತ್ಯಕ್ಷ ಥಾವಾನೆ ಪರಲೊಕಮಾ ಗಯೊ.

1 ಪೆತ್ರಾ 3:21

ತೆ ಪಾನಿ ಹಮ್ನಾ ತುಮೊನೆ ವಚಾ಼ಡಾನು ರ‍್ಹಯಲ ತೆ ದಿಕ್ಕಷಾಸ್ನಾನ ರ‍್ಹಯಲ ಲಿಂಗತ ಛೆ. ಬಾಪ್ತಿಸ್ಮ ಅಂಗನಿ ರಾಡಿ ಧ್ವಯಲ ಲಿಂಗತ ನ್ಹವೈ. ತೆ ಚೊ಼ಕಿ ಮನಸ ಸಾಕ್ಷಿ ಚಾ಼ಯೆ ಕೈನ ಮಾಂಗಿಲಿದಲ ಲಿಂಗತ ಛೆ. ಯೆಸು ಕ್ರಿಸ್ತ ಮರಣಕ್ಹು ಉಟಿನ ಆಯಲಕ್ಹು ತೆ ತುಮೊನೆ ವಚಾ಼ಡಸ್.