ಇಬ್ರಿಯ 9:16 - ಕ್ಹುದಾನಿ ಕ್ಹರಿನಿ ವಾಕ್ಯಾ

¹⁶ ಯಕ್ಲೊ ಮರಾತಿ ಪೈಲಾಜ ಉಯಿಲ ಬರ್ದಿನ ಮ್ಹೆಲಸ. ತೆನೈಸೊ ಮರಲವಾಲೊ ತೆ ಉಯಿಲನೆ ಬರ್ದಲವಾಲೊ ವ್ಹೈ ಕೈನ ಮನಕ್ಹೊ ಕರಿನ ದೆಕಾಡು.

ಇಬ್ರಿಯ 9:16 ပူးပေါင်းရင်းမြစ်များ

ರೊಮಾಪೂರ 5:12

ಯಕ್ಕ ಮನಕ್ಹ ಆದಾಮ ಕರಲ ಕಾಮೊಕ್ಹು ಪಾಪ ಕ್ಹಾರಿ ಜಗತ್ನೆಜ಼ ಐಯು. ತಿನಾಹುತಿ ತೆ ಪಾಜ಼ ಮರಣ ಕವಾನು ಐಯು. ತಿನಾಹುತಿ ಕ್ಹಾರಾ ಮನಕ್ಹೊ ಮರುಜ಼; ಕಾಕದ್ಯಾಮ ಕ್ಹಾರಾ ಮನಕ್ಹೊ ಪಾಪ ಕರ‍್ಯಾಸ.

ರೊಮಾಪೂರ 6:23

ಕಾ ಕದ್ಯಾ ಪಾಪನಿ ಪಗಾರ ಮರಣ ವ್ಹೈ. ತೆನೈಸೊ ಕ್ಹುದಾ ಫ್ರಿ ದಿವಾನು ಅಪ್ನೊ ಪ್ರಭು ಥಯಲ ಕ್ರಿಸ್ತ ಯೆಸುಮಾ ರ‍್ಹಯಲ ಹಮೆಶಾನೊ ಜ಼ಲಮ ವ್ಹೈ.

1 ಕೊರಿಂಥ 15:22

ಆದಾಮನಾ ಸಂಬಂಧಕ್ಹು ಕ್ಹಾರಾ ಜ಼ನಾ ಮರಣನೆ ಗುರಿ ಥಯಲ ಲಿಂಗತ ಕ್ರಿಸ್ತ ಯೆಸುನಾ ಸಂಬಂಧಕ್ಹು ಕ್ಹಾರಾ ಜ಼ನಾ ಜಿವ್ತಾ ಥೈನ ಉಟಸ.

ಇಬ್ರಿಯ 1:3

ಕ್ಹುದಾನಿ ಮಹಿಮಾ ತಿಮಾ ದಿಕ್ಹಿನ ಐ. ತೆ ಕ್ಹುದಾನಾ ಲಿಂಗತಜ ವ್ಹತ್ತೊ, ತೆ ತಿನಾ ತಾಕತ ಭರಲ ವಾಕ್ಯಾಕ್ಹು ಕ್ಹಾರಾವೊನೆ ಆಸ್ರೊ ವ್ಹತ್ತೊ. ವರಿ ತೆ ಮನಕ್ಹೊನೆ ತ್ಯುನಾ ಪಾಪೊಕ್ಹು ಶುದ್ಧ ಕರಿನ ಕ್ಹಾರಾವೊತಿ ಉಪ್ಪರ ರ‍್ಹಯಲ ಸ್ವರ್ಗಮಾ ಕ್ಹುದಾನಾ ಸಿದಾ ಬಗಲ ಬೈಟ್ಯೊ.

ಇಬ್ರಿಯ 13:20

ಹಮೆಶಾ ರ‍್ಹಯಲ ವಡಂಬಡಿಕೆನೆ, ರಗತಕ್ಹು ಪುರಾ ಕರಾನಾ ಹುತಿ, ಸಭೆ ಕವಾನು ಹಿಂಡನೆ ಮ್ಹೊಟೊ ಪಾಲಕ ಥಯಲ ಅಪ್ನೊ ಕರ್ತಾ ಥಯಲ ಯೆಸುನೆ ಮರಲವಾಲಾಮಾತೊ ಆವಾಲಗಾಡ್ಯಲ, ಶಾಂತಿದಾಯಕ ಥಯಲ ಕ್ಹುದಾ,

ಇಬ್ರಿಯ 9:15

ಕ್ಹುದಾಕು ಬಲಾಯಲ ಮನಕ್ಹೊ, ಕ್ಹುದಾನಾ ವಾಗ್ದಾನನೆ ವ್ಹಂದಿಲ್ಯು ಕೈನ ಕ್ರಿಸ್ತ ಆ ನವೊ ವಡಂಬಡಿಕೆ ಕ್ಹುದಾಕಂತೊ ಲಾಯೊ. ಕ್ಹುದಾನಾ ಮನಕ್ಹೊ ತೆ ಕ್ಹಾರು ಹಮೆಶಾಬಿ ವ್ಹಂದಿಲಿವಾನೆ ಸಾಧ್ಯ ಛೆ. ಕಾಕದ್ಯಾಮ ಪೈಲಾನು ವಡಂಬಡಿಕೆನಾ ಕಾಲಮಾ ಕರಲ ಪಾಪೊನೆ ಮನಕ್ಹೊನೆ ಬಿಡಗಡೆ ಥೌ ಕೈನ ಕ್ರಿಸ್ತಬಿ ಮರಣ ವ್ಹಂದ್ಯೊ.

ಇಬ್ರಿಯ 9:17

ತೆ ಲಿಕ್ಕಲವಾಲೊ ಹಜಿಬಿ ಜ್ಯುತೊ ರ‍್ಹಯಾಮ ತಿನೆ ಸುಜ಼ ಕಿಮ್ಮತ ನತ್ತಿ. ತಿನೆ ಬರ್ದಲವಾಲೊ ಮರಲ್ಪರ ತೆ ಉಪಯೊಗ ಥಾವಸ.

ಯಾಕೊಬ 2:10

ಕಾಕದ್ಯಾಮ ಯಕ್ಲೊ ಪವಿತ್ರ ಗ್ರಂಥಮಾ ರ‍್ಹಯಲ ಪುರಾ ಚಾ಼ಲಿನ ಗೈನ ಕ್ಹಾಲಿ ಯಕ್ಕಮಾ ಚು಼ಕ್ಯೊಮ ತೆ ಕ್ಹಾರಾ ವಿಶಯಮಾ ಅಪರಾದಿ ಥಾವಸ.