ಇಬ್ರಿಯ 9:12 - ಕ್ಹುದಾನಿ ಕ್ಹರಿನಿ ವಾಕ್ಯಾ

¹² ತೆ ಯಕ್ಕಜ಼ ಯಕ್ಕ ಸಲಾ ಮ್ಹೊಟಿ ಪವಿತ್ರ ಜ಼ಗಾನೆ ಪ್ರವೆಶ ಕರ‍್ಯೊ. ತೆ ಗಾಯಿಯೊನೆ ವರಿ ಬೈಲನಾ ಬಕ್ರಾನಾ ಬಚ್ಚಾವೊನೊ ರಗತ ನೈ ಲಿನ ತಿನಾ ಸ್ವಂತ ರಗತಕ್ಹು ಮಹಾ ಪವಿತ್ರ ಜ಼ಗಾಕನ ಐನ ಹಮೊನೆ ಹಮೆಶಾ ಸ್ವಾತಂತ್ರ ಲಿನ ಐನ ದಿದ್ಯೊ.

ಇಬ್ರಿಯ 9:12 ပူးပေါင်းရင်းမြစ်များ

ಮಾರ್ಕ 3:29

ತೆನೈಸೊ ಪವಿತ್ರ ಆತ್ಮಾನೆ ದೊಶದಿವಾಲಾನೆ ಕೆಳಾಮಾಜ಼ ಮಾಫಿ ನೈ ಮಳ್ತಿ. ತೆ ಹಮೆಶಾಬಿ ಪಾಪನೊ ಅಪರಾದಿ ಥಾವಸ ಕೈನ ಯೆಸು ಕದ್ಯೊ.

ಲುಕ ಬರ್ದಲ ಸುವಾರ್ತಾ 1:68

"ಇಸ್ರಾಯಲನಾ ಮನಕ್ಹೊನೊ ಕ್ಹುದಾ ಥಯಲ ಕರ್ತಾನೆ ಸ್ತೊತ್ರಾ ತೆ ತಿನಾ ಮನಕ್ಹೊನಾ ಹುತಿ ಆಯೊ ವರಿ ತೆ ಮನಕ್ಹೊನೆ ಛೊಡಾವಾನೆ ಆಯೊ.

ಅಪೊಸ್ತಲೊ 20:28

ಕರ್ತಾ ತಿನಾ ಸ್ವಂತನು ರಗತಕ್ಹು ಕಮಾಯಲ ಕ್ಹುದಾನಿ ಸಬೆವಾಲಾ ಪಾಲನ ಕರಾನಾಹುತಿ ಪವಿತ್ರ ಆತ್ಮಾ ತುಮೊನೆ ಎ ಗುಂಪಮಾ ಸಭಾದಕ್ಷ ಕರಿನ ಮ್ಹೆಲಲ ಹುತಿ ತುಮಾರಾ ಹುತಿ, ಕ್ಹಾರಿ ಗುಂಪನಾ ಹುತಿ ಹುಷಾರಮಾ ರ‍್ಹವೊ.

ಎಫೆಸ 1:7

ತಿನಾ ರಗತಕ್ಹು ಅಪೊನೆ ಬಿಡುಗಡೆ ಮಳಿ. ಕ್ಹುದಾನಿ ಮ್ಹೊಟಿ ಮರಗಾಕ್ಹು ಅಪ್ನಾ ಪಾಪೊ ಮಾಫ ಥಯಾ.

ಕೊಲೆಸ್ಸೆ 1:14

ಎ ದಿಕ್ರಾಮಾ ಅಪ್ನಾ ಪಾಪೊ ಮಾಫಕರಿನ ಅಪೊನೆ ಬಿಡುಗಡೆ ಥೈ.

1 ಥೆಸಲೊನಿಕ 1:10

ಕ್ಹುದಾನೊ ದಿಕ್ರೊ ಸ್ವರಗತೊ ಆವಾನು ದೆಕಾನಾ ಹುತಿ ತುಮೆ ಇಮ್ಮ ಕರ‍್ಯಾ. ಕ್ಹುದಾಜ಼ ತಿನಾ ದಿಕ್ರಾನೆ ಮರಲವಾಲಾವೊಮಾತೊ ಜಿವ್ತೊ ಕರಿನ ಉಟಾಡ್ಯೊ. ತೆಜ಼ ಯೆಸು ವ್ಹೈ. ಅಗು ಥಾವಾನಿ ಕ್ಹುದಾನಿ ಶಿಟ್ಟನೊ ಫೈಸಲಾಕ್ಹು ತುಮೊನೆ ವಚಾ಼ಡಾಲೊ ಎಜ಼ ವ್ಹೈ.

ತಿತನೆ 2:14

ತೆ ಅಪ್ನಾಹುತಿ ತಿನೆ ತೆಜ಼ ಒಪ್ಸಿನ ದಿದ್ಯೊಸ. ಅಪೊನೆ ಪಾಪಕ್ಹು ಛೊ಼ಡಾವಾನೆ ವರಿ ಕೆಳಾಮಾಬಿ ಚೊ಼ಕಾ ಕಾಮೊಜ಼ ಕರಾಲಾ ತಿನಾ ಪರಿಶುದ್ಧ ಮನಕ್ಹೊ ಥೈನ ಕರಾನೆ ತೆ ಮರಣ ವ್ಹಂದ್ಯೊ.

ಇಬ್ರಿಯ 1:3

ಕ್ಹುದಾನಿ ಮಹಿಮಾ ತಿಮಾ ದಿಕ್ಹಿನ ಐ. ತೆ ಕ್ಹುದಾನಾ ಲಿಂಗತಜ ವ್ಹತ್ತೊ, ತೆ ತಿನಾ ತಾಕತ ಭರಲ ವಾಕ್ಯಾಕ್ಹು ಕ್ಹಾರಾವೊನೆ ಆಸ್ರೊ ವ್ಹತ್ತೊ. ವರಿ ತೆ ಮನಕ್ಹೊನೆ ತ್ಯುನಾ ಪಾಪೊಕ್ಹು ಶುದ್ಧ ಕರಿನ ಕ್ಹಾರಾವೊತಿ ಉಪ್ಪರ ರ‍್ಹಯಲ ಸ್ವರ್ಗಮಾ ಕ್ಹುದಾನಾ ಸಿದಾ ಬಗಲ ಬೈಟ್ಯೊ.

ಇಬ್ರಿಯ 10:19

ಇಮ್ಮ ರ‍್ಹಯಾಮಾ ಭಾಯೊ, ಯೆಸು ತಿನಾ ರಗತಕ್ಹು ತಿನಾ ಅಂಗನಾ ಮುಲಕ ಅಪೊನೆ ನಯಾ ಜ಼ಲಮನಿ ವಾಟ ಖುಲಾ ಕರಿನ ದಿದ್ಯೊಸ.

ಇಬ್ರಿಯ 10:4

ಕಾಕದ್ಯಾಮ ಹೊರಿಯೊನು ವರಿ ಬಕ್ರಾವೊನು ರಗತಕ್ಹು ಪಾಪ ಪರಿಹಾರ ಕರಾನು ಸಾಧ್ಯ ನತ್ತಿ.

ಇಬ್ರಿಯ 13:12

ತಿನಾ ಲಿಂಗತ ಯೆಸುಬಿ ಸ್ವಂತ ರಗತಕ್ಹು ತಿನಾ ಮನಕ್ಹೊನೆ ಶುದ್ಧ ಕರಾನಾ ಹುತಿ ಗಾಮನಾ ಭಾರೊ ಮರ‍್ಯೊ.

ಇಬ್ರಿಯ 5:9

ಅಮ್ಮ ತೆ ಪರಿಶುದ್ಧ ವ್ಹತ್ತೊ. ಕ್ಹುದಾನೆ ವಿದೆಯ ಥಾವಾನಾ ಕ್ಹಾರಾ ಮನಕ್ಹೊ ಹಮೆಶಾ ರ‍್ಹಯಲ ರಕ್ಷಣೆ ವ್ಹಂದಿಲಿವಾನೆ ತೆಜ಼ ಕಾರಣ ವ್ಹೈ.

ಇಬ್ರಿಯ 7:27

ತೆ ಬಿಜಾ಼ ಯಾಜಕ ಲಿಂಗತ ನವ್ಹೈ. ತ್ಯುನೆ ಥಯಾಮ ಹರಯಕ್ಕ ದಿನ್ನೆ ಬಲಿ ಚಡೌ. ತ್ಯುನೆ ತ್ಯುನಾ ಸ್ವಂತ ಪಾಪೊನಾ ಹುತಿ ಬಲಿ ಚಡಾಯಲ್ಪರ ಬಿಜಾ಼ವೊನಾ ಹುತಿ ಚಡೌ. ತೆನೈಸೊ ಕ್ರಿಸ್ತ ತಿಮ್ಮ ಕರ‍್ತೊ ನೈ. ತೆ ತಿನೆಜ಼ ಬಲಿ ಚ಼ಡೈನ ಯಕ್ಕ ಸಲಾ ಕಾಮ ಕರಿನ ಮುಗ್ಸಿಪಾಡ್ಯೊ.

ಇಬ್ರಿಯ 9:13

ಗಾಯೊನು ವರಿ ಬೈಲೊನು ರಗತನೆ ಬೈಲೊನಾ ಬಚ್ಚಾ಼ವೊನಾ ರಾಕನೆ ವರಿ ತೆ ಆರಾದನೆನಾ ಜ಼ಗಾಮಾ ಪ್ರವೆಶ ಕರಾ ಅಕ್ಲಾ ಶುದ್ಧ ನೈ ರ‍್ಹಯಲ ಮನಕ್ಹೊನಾ ಉಪ್ಪರ ಚುಪಡತಾತಾ. ತೆ ರಗತ ವರಿ ರಾಕ ಮನಕ್ಹೊನಾ ಕ್ಹಾಲಿ ಅಂಗನೆ ಶುದ್ಧ ಕರತಾತಾ.

ಇಬ್ರಿಯ 9:14

ಹಮೆಶಾಬಿ ರ‍್ಹಯಲ ಆತ್ಮಾ ತಿನಾಕ್ಹು ತೆಜ಼ ಕಯೊಜ಼ ದೊಶ ನೈಸೊ ಕ್ಹುದಾನೆ ತಿನಾಕ್ಹು ತಿನೆ ಚ಼ಡಾಯಲ ಕ್ರಿಸ್ತನು ರಗತ ಕೆಕ್ಲುಕಿ ಘನ್ನು, ಅಪೊನೆ ನೈ ಜು ರ‍್ಹಯಲ ಕಾಮೊಕ್ಹು ಛೊಡೈನ, ಅಪೆ ಜು ರ‍್ಹಯಲ ಕ್ಹುದಾನೆ ಆರಾಧನಾ ಕರಾಲಾ ಲಿಂಗತ ಅಪ್ನಾ ಮನಸನೆ ಶುದ್ಧ ಕರಸ ನೈ. ಅಪ್ನಾ ಮನಸೊ ಪರಿಶುದ್ಧ ಥಾವಸ.

ಇಬ್ರಿಯ 9:15

ಕ್ಹುದಾಕು ಬಲಾಯಲ ಮನಕ್ಹೊ, ಕ್ಹುದಾನಾ ವಾಗ್ದಾನನೆ ವ್ಹಂದಿಲ್ಯು ಕೈನ ಕ್ರಿಸ್ತ ಆ ನವೊ ವಡಂಬಡಿಕೆ ಕ್ಹುದಾಕಂತೊ ಲಾಯೊ. ಕ್ಹುದಾನಾ ಮನಕ್ಹೊ ತೆ ಕ್ಹಾರು ಹಮೆಶಾಬಿ ವ್ಹಂದಿಲಿವಾನೆ ಸಾಧ್ಯ ಛೆ. ಕಾಕದ್ಯಾಮ ಪೈಲಾನು ವಡಂಬಡಿಕೆನಾ ಕಾಲಮಾ ಕರಲ ಪಾಪೊನೆ ಮನಕ್ಹೊನೆ ಬಿಡಗಡೆ ಥೌ ಕೈನ ಕ್ರಿಸ್ತಬಿ ಮರಣ ವ್ಹಂದ್ಯೊ.

ಇಬ್ರಿಯ 9:19

ಪೈಲಾ, ಮೊಶೆ ಕ್ಹುದಾನಾ ಹರಯಕ್ಕ ಆಗ್ಯಾನೆ ಧರಮಶಾಸ್ತ್ರನಾ ಲಿಂಗತ ಕ್ಹಾರಾ ಮನಕ್ಹೊನೆ ಕದಲ್ಪರ, ತೆ ಪಾನಿ, ಲಾಲ ಕಾಪುಕ, ಹಿಸ್ಸೊಪನಿ ಕಾಡಿ ಅನಾಕ್ಹಾತೆ ಬೈಲೊನಾ ಬಚ್ಚಾ಼ವೊನಾ ವರಿ ಗೈಯೊನಾ ಬಚ್ಚಾವೊನಾ ವರಿ ಬೈಲನು ರಗತ ಲಿನ ಸುರಳಿನಾ ಉಪ್ಪರ ಕ್ಹಾರಾ ಮನಕ್ಹೊನಾ ಉಪ್ಪರ ಛಿಪಡ್ಯೊ.

ಇಬ್ರಿಯ 9:28

ತಿಮ್ಮಜ ಕ್ರಿಸ್ತಬಿ ಘನ್ನಾ ಮನಕ್ಹನಾ ಪಾಪೊನೆ ಉಚೈಲಿವಾನಾಹುತಿ ಯಕ್ಕ ಸಲಾ ಸಮರ್ಪಿತ ಥಯೊ. ತೆ ಬೆವಾ ಸಲಾ ಪ್ರತ್ಯಕ್ಷ ಥಾವಾನು ಪಾಪ ಪರಿಹಾರ ಕರಾನಾಹುತಿ ನವ್ಹೈ ತಿನೆ ನಿರಿಕ್ಷೆ ಕರಾಲಾವೊನೆ ರಕ್ಷಣೆ ದಿವಾನಾ ಹುತಿ ವ್ಹೈ.

ಇಬ್ರಿಯ 9:7

ತೆನೈಸೊ ಬೆವಾ ಭಾಗಮಾ ಮ್ಹೊಟೊ ಯಾಜಕ ಯಕ್ಕಜ಼ ವರಕ್ಹಮಾ ಯಕ್ಕ ಸಲಾ ಜಾ಼ತೊತೊ. ತೆ ತಿನಾ ಕ್ಹಾತೆ ರಗತ ಲಿದ್ಯಾವಾಚಿ ಜಾ಼ತೊ ನ್ಹೊತೊ. ತೆ ರಗತ ಲಿನ ತೆ ಕರಲ ವರಿ ಮನಕ್ಹೊ ಕರಲ ತಪ್ಪನಾ ಹುತಿ ಚ಼ಡಾತೊತೊ.

ಪ್ರಕಟನೆ 1:5

ಯೆಸು ಕ್ರಿಸ್ತಕ್ಹು ತುಮೊನೆ ಕೃಪಾ ಶಾಂತಿ ಮಳಾದೆ. ಯೆಸು ಬರೊಕ್ಹಾನಿ ಸಾಕ್ಷಿ ಥಯೊಸ. ಮರಲವಾಲಾವೊಮಾತೊ ಜಿವ್ತೊ ಥೈನ ಉಟಿನ ಆಯಲವಾಲಾವೊಮಾ ಎಜ಼ ಪೈಲಾ ವ್ಹೈ. ತೆ ಜಗತ್ನಾ ರಾಜಾ಼ ರ‍್ಹಯಲವಾಲಾವೊನೆ ಅಧಿಪತಿ ಥಯೊಸ. ಯೆಸು ಅಪೊನೆ ಮಯಾ ಕರಸ. ತೆ ತಿನಾ ರಗತ ಕ್ಹು ಅಪ್ನಾ ಪಾಪೊ ಧ್ವಯಿನ ಬಿಡುಗಡೆ ಕರ‍್ಯೊ;

ಪ್ರಕಟನೆ 5:9

ತ್ಯುನೆ ಕ್ಹಾರಾ ಬಕ್ರಾನಾ ಬಚ್ಚಾ಼ನಾ ಹುತಿ ಯಕ್ಕ ನೌ ಗಿದ್ದ ಕದ್ಯಾ; ತು ಖಲಾಸ ಬಲಿ ಥಯಲ ಹುತಿ, ಸುರುಳಿ ಲಿನ, ತಿನಾ ಮುದ್ರೆನೆ ತೊಡಾನೆ ಯೊಗ್ಯ ಛೆ. ತು ತಾರಾ ರಗತಕ್ಹು ಘನ್ನಾ ಕುಲ, ಭಾಷಾ, ದೆಶೊ ಬಿಜಯೊ ಬಿಜಿಯೊ ಜಾ಼ತೊನಾ ಮನಕ್ಹೊನೆ ಕ್ಹುದಾನಾ ಹುತಿ ಕಿಮ್ಮತ ದಿನ ಲಿದ್ಯೊಸ.