ಇಬ್ರಿಯ 7:19 - ಕ್ಹುದಾನಿ ಕ್ಹರಿನಿ ವಾಕ್ಯಾ

¹⁹ ಮೊಶೆನೊ ಧರಮಶಾಸ್ತ್ರ ಸುಜ಼ ಸಿದ್ದ ಲಯು ನೈ. ಹಮ್ನಾ ಅಪೊನೆ ಚೊ಼ಕೊ ರ‍್ಹಯಲ ಯಕ್ಕ ಆಸ ದಿವಾಲಗಾಡ್ಯಾ. ಆ ಆಸ ಅಪೊನೆ ಕ್ಹುದಾನಾ ನಜಿಕ ಲಿಂಜಾ಼ವಸ.

ಇಬ್ರಿಯ 7:19 ပူးပေါင်းရင်းမြစ်များ

ಯೊಹಾನ 1:17

ಕ್ಹುದಾ ಮೊಶೆನಾ ಮುಲಕ ನಿಯಮೊ ದಿದ್ಯೊತೊ. ತೆನೈಸೊ ಕೃಪಾ ಕ್ಹರಿ ಯೆಸು ಕ್ರಿಸ್ತನಾ ಮುಲಕ ಆಯು.

ಯೊಹಾನ 14:6

ಯೆಸು "ಮಿಜ಼ ವಾಟ ವರಿ ಕ್ಹರಿ ವರಿ ಜ಼ಲಮ ಥಯೊಸ. ಕಿನೆಬಿ ಮಾರಾ ಮುಲಕ ನೈಸೊ ಬಿಜಾ಼ ಕಿನಾಜ ಮುಲಕ ಬಾಕನ ಆವಾನೆ ನೈ ಥಾತು.

ಅಪೊಸ್ತಲೊ 13:39

ತಿನಾಹುತಿ ಪ್ರವಾದಿಯೊ ತಿಳಸಾಯಲ ಎ

ರೊಮಾಪೂರ 5:2

ಹಮ್ನಾ ಅಪೆ ಕ್ಹುಶಿ ಕರತಾ ರ‍್ಹಯಲ ಕ್ಹುದಾನಿ ಮರಗಾ ಕ್ಹು ಕ್ರಿಸ್ತಜ಼ ಅಪೊನೆ ಅಪ್ನೊ ಬರೊಕ್ಹಾನಾ ಮುಲಕ ಲಾಯೊಸ. ಕ್ಹುದಾನಿ ಮಹಿಮಾ ಹೊಂದಿಲಿಯೆಸ ಕವಾನು ಆಸ ಅಪೊನೆ ರ‍್ಹಯಲ ಹುತಿ ಅಪೆ ಬರೊಕ್ಹಾನಿ ಘಮಂಡಿ ಕ್ಹು ಛೆ.

ರೊಮಾಪೂರ 7:7

ಪಾಪ ವರಿ ಧರಮಶಾಸ್ತ್ರ ಎ ಭಂಬಿ ಯಕ್ಕಜ಼ ವ್ಹೈ ಕೈನ ಮಿ ಕವಾಡ್ಯೊಸ ಕೈನ ತುಮೆ ತಿಳದಿಲಕ್ಹು. ತೆನೈಸೊ ತೆ ಕ್ಹರಿ ನ್ಹವೈ. ಪಾಪ ಕದ್ಯಾಮ ಸು ವ್ಹೈ ಕವಾನು ಶಿಕ್ಕಾನೆ ಧರಮಶಾಸ್ತ್ರ ಯಕ್ಕಜ಼ ಮನೆ ಯಕ್ಕಜ಼ ಯಕ್ಕ ವಾಟ ಥೈಸ. ಧರಮಶಾಸ್ತ್ರ ನೈ ರ‍್ಹವತ್ತೊ, ಕೆಟ್ಟ ಆಸ ಸುವೈ ಕವಾನು ಮನೆ ಗ್ವತ್ತ ಥಾತು ನ್ಹೊತು. ಬಿಜ಼ಾವೊನಾ ಸಾಮ್ನೊನೆ ತುಮೆ ಆಸ ಕರು ನೈ" ಕೈನ ಧರಮಶಾಸ್ತ್ರ ಕದಲಕ್ಹುಜ಼ ತೆ ಮನೆ ಗ್ವತ್ತ ಥಯು.

ರೊಮಾಪೂರ 8:3

ಧರಮಶಾಸ್ತ್ರ ತಾಕತ ನೈಸೊ ವ್ಹತ್ತು. ಕಾಕದ್ಯಾಮ ಅಪ್ನಾ ಮಾನವ ಸ್ವಭಾವನಿಯೊ ಚಾಳಿಯೊಜ಼ ತಿನೆ ತಾಕತ ನೈಸೊ ಕರ‍್ಯು. ಇಮ್ಮ ರ‍್ಹತಾಮಾ, ಧರಮಶಾಸ್ತ್ರ ನೈ ಕರಾನು ಕ್ಹುದಾ ಕರ‍್ಯೊ. ಕ್ಹುದಾ ತಿನಾ ಸ್ವಂತ ದಿಕ್ಕರಾನೆಜ಼ ಪಾಪನಾ ಚಾಳಿಯೊನಾ ಮನಕ್ಹನಾ ಚಾಳಿಯೊಮಾ ಪಾಪನೆ ಪ್ರಾಯಶ್ಚಿತ ಥೈನ ವಳೈನ ದಿದ್ಯೊ. ತಿನಾಹುತಿ ಕ್ಹುದಾ ಪಾಪನೆ ಮೌತನೊ ಫೈಸಲೊ ದಿವಾನೆ ಮನಕ್ಹನಾ ಚಾಳಿಯೊನೆ ಉಪಯೊಗ ಕರ‍್ಯೊ.

ಗಲಾತ್ಯ 2:16

ಕ್ಹಾಲಿ ಧರಮಶಾಸ್ತ್ರಮಾ ರ‍್ಹಯಲ ಕರಾಲೊ ಯಕ್ಲೊಬಿ ಕ್ಹರಿಕ್ಹು ರ‍್ಹವಾನೆ ಸಾದ್ಯ ನತ್ತಿ ಹಮೊನೆ ಗ್ವತ್ತ ಛೆ. ಯೆಸು ಕ್ರಿಸ್ತಮಾ ಬರೊಕ್ಹೊ ಮ್ಹೆಲಾಕ್ಹುಜ಼ ಯಕ್ಲೊ ನಿತಿವಂತನೊ ಥಾವಾನೆ ಸಾದ್ಯೆ ಛೆ. ತಿನಾಹುತಿ ನಿತಿವಂತನೊ ಥಾವಾನೆ ಹಮೆ ಯೆಸು ಕ್ರಿಸ್ತಮಾ ಬರೊಕ್ಹೊ ಮ್ಹೆಲ್ಯಾ. ಇಮ ರ‍್ಹತಾಮಾ, ಹಮೆ ನಿತಿವಂತವಾಲಾ ಥಯಲ ಯೆಸು ಕ್ರಿಸ್ತಮಾ ಬರೊಕ್ಹೊ ಮ್ಹೆಲಲಕ್ಹುಜ಼ ವ್ಹರತಾಗಿ ಧರಮಶಾಸ್ತ್ರಮಾ ರ‍್ಹಯಲ ಲಿಂಗತ ಕರಲಕ್ಹು ಕುನ್ನಜ಼ ನಿತಿವಂತವಾಲಾ ಥಾವಾನೆ ಸಾದ್ಯ ನತ್ತಿ.

ಗಲಾತ್ಯ 3:21

ಧರಮಶಾಸ್ತ್ರ ಕ್ಹುದಾನಿ ವಾಗ್ದಾನನೆ ವಿರುದ್ದ ವ್ಹೈ ಕೈನ ಇನೊ ಮತಲ್ಬ ವ್ಹೈ ಸು? ನ್ಹವೈ! ಜ಼ಲಮ ದಿವಾನು ಧರಮಶಾಸ್ತ್ರ ರ‍್ಹವತ್ತೊ. ತಿನೆ ಚಾ಼ಲಿಲಿನ ಜಾ಼ವಾನಾ ಮುಕಾಂತರ ನಿತಿವಂತವಾಲಾ ಥಾತಾತಾ.

ಗಲಾತ್ಯ 3:24

ತಿನಾಹುತಿ ಕ್ರಿಸ್ತ ಆಯೆಲಕ್ಕಾ ಧರಮಶಾಸ್ತ್ರ ಅಪೊನೆ ಮಾಲಕ ಥೈನ ವ್ಹತ್ತು. ಕ್ರಿಸ್ತ ಆಯೆಲಪರ ಅಪೆ ಬರೊಕ್ಹೊ ಕರಲಹುತಿ ನಿತಿವಂತವಾಲಾ ಥಾವಾನೆ ಸಾದ್ಯ ಥಯು.

ಎಫೆಸ 3:12

ಅಪೆ ಕ್ರಿಸ್ತಮಾ ರ‍್ಹವಾನಾ ಬರೊಕ್ಹಾನಾ ಮುಲಕ ಕ್ಹುದಾ ಕನ ಸ್ವಾತಂತ್ರ ಕ್ಹು ವರಿ ಭೆವಾಚಿ ಜಾ಼ವಾನೆ ಸಾಧ್ಯ ಥಯು.

ಕೊಲೆಸ್ಸೆ 1:27

ಎ ಮರ್ಮಾನಿ ಮಹಿಮಾ ಕೆಕ್ಲು ಛೆ ಕವಾನು ಬಿಜಾ಼ ಮನಕ್ಹೊನೆ ಕವಾನಾ ಹುತಿ ಕ್ಹುದಾ ಮನಸ ಕರ‍್ಯೊ.

1 ತಿಮೊತಿ 1:1

ಹಮ್ಮಾರೊ ರಕ್ಷಕ ಥಯಲ ಕ್ಹುದಾ ವರಿ ಯೆಸುಕ್ರಿಸ್ತ ತೆ ಹಮಾರಾ ಕೈದಾನಿ ಆದೆಶಕ್ಹು ಪೌಲಾ ಥಯಲ ಯೆಸುಕ್ರಿಸ್ತನೊ ಅಪೊಸ್ತಲ ಥಯೊ.

ಇಬ್ರಿಯ 10:1

ಧರಮಶಾಸ್ತ್ರ ಅಗು ಆವಾನು ರ‍್ಹಯಲ ಚೊ಼ಕಿಯೊ ಸಂಗತಿಯೊನು ಭೌಲೊ ಯಕ್ಕಜ಼ ವ್ಹೈ. ತಿನಾಹುತಿ ತೆ ಧರಮಶಾಸ್ತ್ರ ಹರಿಯಕ್ಕ ವರಕ್ಹೆ ಹಮೆಶಾಬಿ ಯಕ್ಕಜ಼ ತಾರಾನಿ ಬಲಿ ಚ಼ಡಾವೊ, ಕ್ಹುದಾನಾ ನಜಿಕ ಆವಾಲಾವೊನೆ ಕೆಳಾಮಾಜ಼ ಪರಿಪುರ್ಣ ಕರಿನ ಲಾವಾನೆ ಥಾತು ನೈ.

ಇಬ್ರಿಯ 11:40

ಕ್ಹುದಾ ಅಪೊನೆ ಚೊ಼ಕು ರ‍್ಹಯಲಜ಼ ದಿವಾನೆ ವಿಚಾರ ಕರ‍್ಯೊ. ಅಪ್ನಾ ಕ್ಹಾತೆ ತ್ಯುನೆ ಪುರಾ ಥಾವಾದೆ ಕೈನ ತೆ ವಿಚಾರ ವ್ಹೈ.

ಇಬ್ರಿಯ 11:6

ಬರೊಕ್ಹೊ ನೈಸೊ ಕ್ಹುದಾನೆ ಮೆಚಸಾನೆ ಥಾತು ನೈ. ಕ್ಹುದಾಕನ ಆವಾಲಾ ಕುನಬಿ ರ‍್ಹೈನೆಕಾ, ಕ್ಹುದಾ ಛೆ ಕೈನ ಮನಸೆ ಹುಡಕಾಲಾ ಮನಕ್ಹೊನೆ ತೆ ಪ್ರತಿ ಫಲ ದಿವಸ ಕವಾನು ಬರೊಕ್ಹೊ ಕರು.

ಇಬ್ರಿಯ 3:6

ಕ್ರಿಸ್ತತಬಿ ದಿಕ್ರೊ ಥೈನ ಕ್ಹುದಾನಾ ಘರಮಾ ಅದಿಕಾರ ಚಲಾವಾಲೊ ವ್ಹೈ. ವಿಶ್ವಾಸಿಯೊ ಥಯಲ ಅಪೆ ಅಪೊನೆ ರ‍್ಹಯಲ ಬರೊಕ್ಹೊ ವರಿ ವಿಶ್ವಾಸ ತಿಪರ ಮ್ಹೆಲಿನ ಲಾಸ್ಟ ಲಕ್ಕಾ ಘಟ್ಟ್ಟ ಹುಬ್ರಯಾರೆ ಅಪೆ ತಿನು ಘರ ಥಯೆಸ.

ಇಬ್ರಿಯ 4:16

ತಿನಾಹುತಿ ಅಗಾ ಪಾಚಾ಼ ಕರ‍್ಯಾವಾಚಿ ತಿನಿ ಕೃಪಾ ಕವಾನಿ ಸಿಂಹಾಸನನಾ ನಜಿಕ ಧೈರ್ಯಕ್ಹು ಐಯೆ. ಅಪೊನೆ ಜರುರತ ರ‍್ಹತಾಮಾ ಅಪೊನೆ ಚಾ಼ಯೆ ಥಯಲ ಮದತ ಅಪೆ ತ್ಯಾ ಕೃಪಾ ವರಿ ಮರಗಾ ವ್ಹಂದಿಲಿಯೆಸ.

ಇಬ್ರಿಯ 6:18

ಕ್ಹುದಾನಿ ವಾಗ್ದಾನ ವರಿ ಕ್ಹಮ ಘಟ್ಟ್ಟ ರ‍್ಹಯಲ ಬೆ ಆದಾರ ಛೆ. ಇನಾಹುತಿ ಅಪೊನೆ ಕೆಳಾಮಾಜ಼ ಮೊಸ ಥಾತು ನೈ. ಇನಾಹುತಿ ಕ್ಹುದಾನಾ ರಕ್ಷಣೆನಾ ಹುತಿ ನ್ಹಾಟಿನ ಆಯಲ ಅಪೆ ಅಪ್ನಾ ಆಸಮಾ ಘಟ್ಟ್ಟ ಥೈನ ರ‍್ಹವಾನೆ ಪ್ರೊತ್ಸಹ ಮಳ್ಯೊ.

ಇಬ್ರಿಯ 7:11

ಇಸ್ರಾಯೆಲೊನೆ ದಿದಲ ಧರಮ ಶಾಸ್ತ್ರ ಲೆವಿಯೊನಾ ಯಾಜಕತ್ವನಾ ಉಪ್ಪರ ಆಧಾರ ಛೆ. ಲೆವಿಯೊನಾ ಎ ಯಾಜಕತ್ವಕ್ಹುಜ಼ ಪುರಾ ರಡಿ ಥಾವಾನು ರ‍್ಹವತ್ತೊ, ಆರೊನನಿ ಪರಂಪರಾನೆ ನೈ ಮಳಾನಾ, ಮೆಲ್ಕಿಜೆದೆಕನಿ ಪರಂಪರಾನೆ ಮಳಲ ಬಿಜೆಕ್ಕ ಯಾಜಕ ಆವಾನಿ ಜ಼ರುರತ ಸು ವ್ಹತ್ತಿ?

ಇಬ್ರಿಯ 7:20

ತಿನಾಹುತಿ, ಕ್ಹುದಾನಿ ಪ್ರತಿಜ್ಞೆ ಎಜ಼ ವ್ಹೈ. ಬಿಜಾ಼ ಮನಕ್ಹೊನೆ ಯಾಜಕೊ ಕರ‍್ತಾಮಾ ತೆವಿ ಪ್ರತಿಜ್ಞೆ ನ್ಹೊತಿ.

ಇಬ್ರಿಯ 7:25

ತಿನಾಹುತಿ ತಿನಾ ಮುಲಕ ಕ್ಹುದಾಕನ ಆವಾಲಾ ಮನಕ್ಹೊನೆ ಯೆಸು ಕೆಳಾಮಾಬಿ ರಕ್ಷಾಕರಸ. ಕಾಕದ್ಯಾಮ ತೆ ಹಮೆಶಾಬಿ ಜ್ಯುತು ರ‍್ಹವಾಲೊ ಥಯೊಸ ವರಿ ಮನಕ್ಹೊ ಕ್ಹುದಾನಿ ಸನ್ನಿಧಿನೆ ಆಯಾಮ ಮನಕ್ಹೊನೆ ಮದತ ಕರಾನೆ ಸಿದ್ದ ಥಯೊಸ.

ಇಬ್ರಿಯ 8:6

ಎಜ಼ ತರಾಮಾ ಯೆಸು ತಿನಾ ಮನಕ್ಹೊನಾ ಹುತಿ ಕ್ಹುದಾಕಂತು ಲಾಯಲ ನವೊ ವಡಂಬಡಿಕೆ ಜುನ್ನಾತಿ ಚೊ಼ಕು ಛೆ. ಚೊ಼ಕಾ ಸಂಗತಿಯೊನಾ ವಾಗ್ದಾನನಾ ಆಧಾರನಾ ಉಪ್ಪರ ನವೊ ವಡಂಬಡಿಕೆ ಚಾ಼ಲು ಥಯುಸ. ತೆನೈಸೊ ಯೆಸುನೆ ದಿದಲ ಕಾಮೊ ತೆ ಯಾಜಕೊನೆ ದಿದಲ ಕಾಮತುಬಿ ಕೆಕ್ಲು ಮಹತ್ವ ಥಯುಸ.

ಇಬ್ರಿಯ 9:9

ತೆ ಹಮ್ನಾನಿ ದುನಿಮಾ ದೆಕಾಡಿನ ದಿವಸ. ತೆ ಸುವೈ ಕದ್ಯಾಮ ತಿನಾ ಪದ್ದತನಾ ಪ್ರಕಾರ ಬಲಿ ಥಾವಾನಿ ಕಾಣಿಕಿಯೊ ವರಿ ಬಲಿಯೊ ಆರಾಧನಾ ಕರಾಲಾವೊನಾ ಮನಸಾಕ್ಷಿಯೊ ಪುರಾ ಕರಾನೆ ಥಯು ನೈ.

ಯಾಕೊಬ 4:8

ಕ್ಹುದಾನಾ ನಜಿಕ ಆವೊ, ತೆಳಾಮಾ ತೆ ತುಮಾರಾ ನಜಿಕ ಆವಸ. ಪಾಪಿಯೊ, ತುಮಾರಾ ಹತೊ ಶುದ್ದ ಕರಿಲಿವೊ; ಬೆ ಮನಸೊ ರ‍್ಹಯಲವಾಲಾ, ತುಮಾರಾ ಮನಸೊ ಚೊ಼ಕಾ ಕರಿಲಿವೊ.