ಇಬ್ರಿಯ 6:2 - ಕ್ಹುದಾನಿ ಕ್ಹರಿನಿ ವಾಕ್ಯಾ

² ತೆ ಟೈಮಮಾ ಬಾಪ್ತಿಸ್ಮಾನಾ ಹುತಿ, ಮರಿನ ಉಟಾಲಾವೊನಾ ಹುತಿ ವರಿ ಹಮೆಶಾನೊ ಫೈಸಲಾನಾ ಹುತಿ ಬೊದನೆ ಕರ‍್ಯಾ. ತೆನೈಸೊ ಹಮ್ನಾ ಅಪೆ ಪುರಾಜ಼ ಗ್ಯಾನಮಾ ಜಾ಼ವಾನೆ ಜ಼ರುರತ್ತ ಛೆ.

ಇಬ್ರಿಯ 6:2 ပူးပေါင်းရင်းမြစ်များ

ಮತ್ತಾಯ 28:19

ತಿನಾಹುತಿ ತುಮೆ ಗೈನ, ದುನಿಯಾಮಾ ರ‍್ಹವಾನಾ ಕ್ಹಾರಾ ಮನಕ್ಹೊನೆ ಮಾರಾ ಶಿಶ್ಯಾ ಕರೊ. ಬಾನಾ, ದಿಕ್ರಾನಾ ವರಿ ಪವಿತ್ರ ಆತ್ಮಾನಾ ನಾಮಪರ ತ್ಯುನೊನೆ ಬಾಪ್ತಿಸ್ಮಾ ಕರಾವೊ.

ಮತ್ತಾಯ 3:14

ತೆನೈಸೊ ಯೊಹಾನ, ಮಿಜ಼ ತಾರಾ ಹತೆ ಬಾಪ್ತಿಸ್ಮಾ ಕರೈ ಲಿವಾನು ಛೆ. ಇಮ್ಮ ರ‍್ಹತಾಮಾ ತು ಮಾರಾಕ್ಹು ಬಾಪ್ತಿಸ್ಮಾ ಲಿವಾನೆ ಮಕನ ಆವಾನು ಕಾ? ಕೈನ ತಿನೆ ಹುಬ್ರಾಡಾನೆ ದೆಕ್ಯೊ.

ಮಾರ್ಕ 16:16

ಕುನ್ನ ಬರೊಕ್ಹೊ ಕರಿನ ಬಾಪ್ತಿಸ್ಮ ಕರೈಲಿವಾಲಾನೆ ರಕ್ಷಣೆ ಮಳಸ ಬರೊಕ್ಹೊ ನೈ ಕರಲ ವಾಲಾನೆ ಶಿಕ್ಷಾನೆ ಗುರಿ ಥಾವಸ.

ಮಾರ್ಕ 7:4

ತಿನಾನಿOಗತ ಬಾಜ಼ರಮಾತಾ ಖಾವಾನು ಸುಬಿಲಾಯಮ ಧ್ವಯಾವಾಚಿ ಖಾತಾನ್ಹೊತಾ ಎ ಯಕ್ಕ ತರಾನಿ ಪದ್ದತ ತ್ಯುನೆ ಘನ್ನಿ ತರಾನಿಯೊ ಪದ್ದತೊ ಕರತಾತಾ ಎನೈಸೊ ತ್ಯುನೊಮಾ ತಾಂಬಿಯಾ ವಾಟಕಾ ತಪಾಲೊ. ಬೆಳಗಿನ ಧವಾನು ವಚ್ಚಾ಼ನಾ ಧೊತಾತಾ ಹಜು಼ನ ಘನಿಯೊ ಶುದ್ಧಾಚಾರ (ಪದ್ದತ) ಕರತಾತಾ.

ಮಾರ್ಕ 7:8

ತುಮೆ ಕ್ಹುದಾನಿಯೊ ಪದ್ದತ ಛೊಡಿನ ಮನಕ್ಹೊನಿ ಪದ್ದತ ಕರೊಶಿ.

ಲುಕ ಬರ್ದಲ ಸುವಾರ್ತಾ 11:38

ಯೆಸು ತಿನಾ ಹತೊ ಧ್ವಲಿದ್ಯಾವಾಚಿ ಖಾವಾನೆ ಬೈಟಲ ದೆಕಿನ ತೆ ಫರಿಸಾಯರ ವಾಲೊ ಘಾಬ್ರೊಥಯೊ.

ಲುಕ ಬರ್ದಲ ಸುವಾರ್ತಾ 12:50

ವರಿ ಮಿ ಬಿಜಿ಼ ತರಾನಿ ಬಾಪ್ತಿಸ್ಮ ವ್ಹಂದು. ತೆ ವ್ಹಂದೆಲಕ್ಕಕಾ ಮಿ ಘನ್ನೊ ಕಷ್ಟಮಾ ಛೆ.

ಲುಕ ಬರ್ದಲ ಸುವಾರ್ತಾ 14:14

ತೆಳಾಮಾ ತುನೆ ಆಶಿರ್ವಾದ ಮಳಸ, ಕಾಕದ್ಯಾಮ, ಎ ಮನಕ್ಹೊ ಖಾವಾನಾ ಹುತಿ ತುನೆ ಘರೆ ಬಲಾತಾ ನೈ. ತ್ಯುನೊಕನ ಸುಜ಼ ನತ್ತಿ. ತೆನೈಸೊ ಕ್ಹರಿನಾ ಮನಕ್ಹೊ ಜಿವ್ತಾ ಥೈನ ಉಟಿನ ಆತಾಮಾ, ತುನೆ ಪ್ರತಿಫಲ ಮಳಸ "ಕದ್ಯೊ.

ಲುಕ ಬರ್ದಲ ಸುವಾರ್ತಾ 3:16

ಯೊಹಾನ, ತ್ಯುನೊನೆ "ಮಿತೊ ತುಮೊನೆ ಪಾನಿಕ್ಹು ಅಂಗ ಧವೌಸ. ವರಿ ಮಾರಾತಿ ಹೆಚ್ಕಿ ತಾಕತವಾಲೊ ಆವಸ. ಮಿ ತಿನಿಯೊ ಚಪ್ಲೊನಿಯೊ ದೊರಿಯೊ ಛೊಡಾನೆಬಿ ಮಿ ಯೊಗ್ಯ ನತ್ತಿ. ತೆ ತುಮೊನೆ ಪವಿತ್ರ ಆತ್ಮಾಕ್ಹು, ಆಗಕ್ಹು ಅಂಗ ಧವಾವಸ.

ಯೊಹಾನ 1:33

ಪವಿತ್ರ ಆತ್ಮಾಕ್ಹು ಬಾಪ್ತಿಸ್ಮ ದಿಲಾವಾಲೊ ತೆಜ಼ ಮನಕ್ಹ ವ್ಹೈ "ಕೈನ ಕದಲ ಎ ಥಾವಾನು ಮಿ ಡೊಳಾ ಕ್ಹಾಮೊ ದೆಕ್ಯೊಸ. ಪವಿತ್ರ ಆತ್ಮಾ ಸ್ವರ್ಗತೊ ಕ್ಹಬುತರನಾ ರುಪಮಾ ಉತ್ರಿನ ಐನ ತಿನಾ ಉಪ್ಪರ ಆವಾನು ಮಿ ದೆಕ್ಯೊ.

ಯೊಹಾನ 5:29

ವರಿ ತ್ಯುನೆ ತಿವ್ನೊ ಮಾತೊ ಉಟಿನ ಆವಸ; ಕುನ್ನ ಚೊ಼ಕು ಕರಲ ರ‍್ಹವಸ ತ್ಯುನೆ ಜಿವ್ತಾ ಥೈನ ಉಟಸ, ವರಿ ಕುನ್ನ ಕೆಟ್ಟ ಕರ‍್ಯುಸ ಜಿವ್ತಾ ಥೈನ ತ್ಯುನೊನೆ ಪೈಸ್ಲೊ ಥಾವಸ.

ಅಪೊಸ್ತಲೊ 10:47

"ಪಾನಿಮಾ ಬಾಪ್ತಿಸ್ಮ ನೈ ಲಿಯೆ ಲಿಂಗತ ಅಪೆ ಎ ಮನಕ್ಹೊನೆ ಅಡ್ಡ ಕರಾನೆ ಸಾಧ್ಯ ನತ್ತಿ. ಅಪೆ ಹೊಂದಿಲಿದಲ ಲಿಂಗತ ಇವ್ನೆ ಪವಿತ್ರ ಆತ್ಮಾ ಹೊಂದಿಲಿದ್ಯಾ "ಕೈನ,

ಅಪೊಸ್ತಲೊ 13:3

ತಿನಾಹುತಿ ಸಭೆವಾಲಾ ಉಪಾಸ ರ‍್ಹೈನ ಪ್ರಾಥನಾ ಕರ‍್ಯಾ. ತ್ಯುನೆ ಬಾರ್ನಬ ವರಿ ಸೌಲಾನಾ ಉಪ್ಪರ ಹಸ್ತಾರ್ಪಣೆ ಕರಿನ ತ್ಯುನೊನೆ ವಳೈನ ದಿದ್ಯಾ.

ಅಪೊಸ್ತಲೊ 16:15

ತಿನಾ ಘರವಾಲಾ ಬಾಪ್ತಿಸ್ಮ ಕರೈಲಿದಲಪರ ತೆ ಕರ್ತಾನೆ ಬರೊಕ್ಹೊ ಕರಾಲಿ ವ್ಹೈ ಖಯನ ತುಮೆ ಮಾರಾ ಹುತಿತಿಳ್ದಿಲಿದಲ ರ‍್ಹವಾಮಾ ಮಾರಾ ಘರ್ಮಾ ಐನ ರ‍್ಹೌ ಕೈನ ಮಾಂಗಿಲಿನ ಹಮೊನೆ ವತ್ತಾಯ ಕರ‍್ಯೊ.

ಅಪೊಸ್ತಲೊ 16:33

ತೆಳಾಮಾ ತೆ ರಾತ್ತನಾ ತೆಜ಼ ಟೈಮ್ಮಾ ತ್ಯುನೊನೆ ಬಲೈಲಿನ ಗೈನ ತ್ಯುನಾ ದುಕೊ ಕ್ಹಾರಾ ನುಚಿನ ತೆಳಾಮಾ ತೆ ತ್ಯುನಾ ಕ್ಹಾರಾವೊನಾ ಕ್ಹಾತೆ ಮಳಿನ ಬಾಪ್ತಿಸ್ಮ ಲಿದ್ಯೊ.

ಅಪೊಸ್ತಲೊ 17:18

ತೆನೈತೊ ಎಪಿಕೊರಿಯೊನೆ ಸ್ತೊಯಿಕರೊನೆ ಕವಾಲಾ ತತ್ವ ವಿಚಾರವಾಲಾ ದಕ್ಹಾಜ಼಼ನಾ ತಿನಾ ಕ್ಹಾತೆ ವಾದಾ ಕರಾಡಾತಾ. ತ್ಯಾ ರಹೆಲ ದಕ್ಹಜ಼ನಾ ತೆ ಸು ವಾತ ಕವಾನೆ ಕೊಶಿಶ ಕರಾಡ್ಯೊಸ ಕೈನ ಕದ್ಯಾ. ತೆ ಯೆಸುನಾ ಹುತಿ ವರಿ ಮರಿನ ಜುತೊ ಥಯಲ ಹುತಿ ಕವಡೊಸ ಕೈನ ವರಿ ತೆ ಭಾರ ಗಾಮಾನಾ ದೆವಸ್ಥಾನವೊನಾ ಬಗೆ ಪ್ರಚಾರ ಕರಾವಾಲೊ ದಿಕ್ಹಾಡೊಸ ಕೈನ ಬಿಜಾ಼ ದಕ್ಹಾಜ಼಼ನಾ ಕವಾಡ್ಯಾತಾ.

ಅಪೊಸ್ತಲೊ 2:38

ಪೆತ್ರಾ ತ್ಯುನೊನೆ"ತುಮೊಮಾನೊ ಹರಯಕ್ಲೊ ತುಮಾರಾ ಪಾಪೊನಾ ಹುತಿ ಪಶ್ಚಾತಾಪ ಪಡಿನ ಕ್ಹುದಾನಾ ಬಗಲ ಫರೊ ಯೆಸು ಕ್ರಿಸ್ತನಾ ನಾಮಮಾ ಬಾಪ್ತಿಸ್ಮ ಕರೈಲಿವೊ. ತೆಳಾಮಾ ಕ್ಹುದಾ ತುಮಾರಾ ಪಾಪೊ ಮಾಫ ಕರಸ. ತೆನೈಸೊ ಕ್ಹುದಾ ವಾಗ್ದಾನ ಕರಲ ಪವಿತ್ರ ಆತ್ಮಾನೆ ವ್ಹಂದಿಲಿವೊಶಿ.

ಅಪೊಸ್ತಲೊ 2:41

ಪೆತ್ರಾನಿ ವಾತೊನೆ ವಪ್ಪಿಲಿದ್ಯಲವಾಲಾ ಬಾಪ್ತಿಸ್ಮ ಕರೈಲಿದ್ಯಾ. ತೆ ದಿನ್ನ ತನ್ನ ಹಜಾ಼ರ ಮನಕ್ಹೊ ತ್ಯಾ ಮಳ್ಯಾತಾ.

ಅಪೊಸ್ತಲೊ 23:6

ಸಬೆಮಾ ಮನಕ್ಹೊನೆ ದೆಕತ್ತಾಮಾ ದಕ್ಹಾ ಜ಼ನಾ ಸದ್ದುಕಾಯಿವಾಲಾ,ವರಿ ದಕ್ಹಾ ಜ಼ನಾ ಫರಿಸಾಯರೊ,ರಹೆಲ ಪೌಲಾ ದೆಕಿನ; ಮಿ ಪರಿಸಾಯನೊ, ಪರಿಸಾಯನೊ ದಿಕ್ರೊ; ಮರೆಲವಾಲಾ ಪುನರುತಾನ ಥಾವಸ ಕೈನ ಆಸನಾ ಹುತಿ ಫೈಸೊಲೊ ಕರ‍್ಯೊಸೊ. ಕೈನ ವದರ‍್ಯೊ.

ಅಪೊಸ್ತಲೊ 24:15

ತೆನೈಸೊ ನಿತಿವಂತವಾಲಾವೊನೆ ವರಿ ಅನಿತಿವಂತವಾಲಾವೊನೆ ಪುನರುತ್ಥಾನ ಥಾವಾಸ ಕೈನ ಇನ್ವೆ ಕ್ಹುದಾಪರ ಬರಿಕ್ಹೊ ಮ್ಹೆಲಲ ಲಿಂಗತಜ಼ ಮಿಬಿ ಆಸ ಮ್ಹೆಲಲವಾಲೊ ಥಯೊಸ.

ಅಪೊಸ್ತಲೊ 24:21

ಮಿ ಇವ್ನಾ ವಚ್ಮಾ಼ ಹುಬ್ರ್ಯೆನ; ಮರಿನ ಪುನರುತ್ಥಾನ ಥಾವಸ ಕೈನ ನಂಬಾನಾಹುತಿ ತುಮೊಕ್ಹೊ ಮನೆ ವಿಚಾರಣೆನೆ ಗುರಿ ಥಾವಾಸ’ ಕೈನ ಜೊ಼ರ ವದ್ರಿನ ಕದಲ ಹುತಿ ಕೌ ಯಕ್ಕಜ಼ ತೆನೈಸೊ ಬಿಜು಼ ಸುಜ಼ ಕತಾ ನೈ ಕೈನ ಕದ್ಯೊ.

ಅಪೊಸ್ತಲೊ 24:25

ತಿನಾಹುತಿ ತ್ಯಾಂತೊ ಗೈನ ಪೌಲಾ ಸ್ವ ನಿಯಂತ್ರಣ ವರಿ ಅಗು ಥಾವಾನು ಚೊ಼ಕಾನಾಹುತಿ ಚೆರ್ಚಾ ಕರಿನಾಹುತಿ ಇವ್ನಾ ಹುತಿ ಕತಾಮಾ ಫೆಲಿಕ್ಸ ಭುಚಿ಼ಕಿನ ತಿನೆ; ತೆ ಕವಸ ಹಮ್ನಾ ತು ಜಾ಼; ಮಿ ತುನೆ ಟೈಮ ಮಳಲಪರ ತುನೆ ಬಲೌಸ ಕೈನ ಕದ್ಯೊ.

ಅಪೊಸ್ತಲೊ 26:8

(ಮಲಾಕಿ 7:9) ಕ್ಹುದಾ ಮರಲವಾಲಾವೊನೆ ಉಟಾಡಲ ಬರೊಕ್ಹೊ ಕರಾನೆ ಅಸಾದ್ಯ ವ್ಹೈ ಕೈನ ತುಮೆ ಕಾ ಫೈಸ್ಲೊ ಕರೊಶಿ?

ಅಪೊಸ್ತಲೊ 4:2

ಎ ಭಂಬಿ ಅಪೊಸ್ತಲೊ ಮನಕ್ಹೊನೆ ಉಪದೆಶ ಕರಾನು ದೆಕಿನ ತ್ಯುನೆ ಶಿಟ್ಟ ಥಯಾತಾ. ಯೆಸುನಿ ತಾಕತಕ್ಹು ಮನಕ್ಹೊ ಪುನರುತ್ಥಾನ ಥಾವಸ ಕೈನ ಪೆತ್ರಾ ವರಿ ಯೊಹಾನ ಕವಾಡಾತಾ.

ಅಪೊಸ್ತಲೊ 6:6

ತೆ ಥಯಲ್ಪರ ಅಪೊಸ್ತಲೊ ತ್ಯುನೊನೆ ಖಾಮಾ ಬಲೈನ ತಿವ್ನಾ ಮಾತಾಪರ ಹತೊ ಮುಕ್ಕಿನ ಪ್ರಾರ್ಥನಾ ಕರಿನ ತೆ ಕಾಮನಾ ಹುತಿ ನೆಮಶ್ಯಾ.

ರೊಮಾಪೂರ 2:16

ಮನಕ್ಹೊನು ಮನಸ್ಮಾ ದಡಿ ರ‍್ಹಯಲ ಸಂಗತಿಯೊನೆ ಕ್ಹುದಾ ಫೈಸಲೊ ಕರಾನಾ ದಿನ್ನೆ ಎ ಕ್ಹಾರು ಥಾವಸ. ಕ್ಹುದಾ ಯೆಸು ಕ್ರಿಸ್ತನಾ ಮುಲಕ ಮನಕ್ಹೊನೆ ಫೈಸಲೊ ಕರಸ ಕವಾನು ಸುವಾರ್ತೆ ಕೈನ ದಿವಸ. ಮಿ ಮನಕ್ಹೊನೆ ಕವಾನು ತೆಜ಼ ಸುವಾರ್ತೆ ವ್ಹೈ.

1 ಕೊರಿಂಥ 10:2

ಇಮ್ಮ ತ್ಯುನೆ ಮ್ಹಾಡಮಾಬಿ ಸಮುಂದರಮಾಬಿ ಬಾಪ್ತಿಸ್ಮ ಕರೈಲಿನ ಮೊಶೆನೆ ಶಿಷ್ಯಾ ಥಯಾ.

1 ಕೊರಿಂಥ 12:13

ಯಹುದ್ಯೊ ರ‍್ಹವಾದೆ, ಗ್ರಿಕವಾಲಾ ರ‍್ಹವಾದೆ, ಗುಲಾಮೊ ರ‍್ಹವಾದೆ, ಆಜಾ಼ದ ರ‍್ಹಯಲವಾಲಾ ರ‍್ಹವಾದೆ- ಅಪೆ ಕ್ಹಾರಾ ಯಕ್ಕಜ಼ ಅಂಗ ಥೌ ಕೈನ ಯಕ್ಕಜ಼ ಆತ್ಮಾಕ್ಹು ಬಾಪ್ತಿಸ್ಮ ಹೊಂದಿಲಿದ್ಯಾಸ. ಯಕ್ಕಜ಼ ಆತ್ಮಾನೆ ಅಪೊನೆ ಕ್ಹಾರಾವೊನೆ ಪಾನ ಥೈನ ದಿದಲ ಛೆ.

2 ಕೊರಿಂಥ 5:10

ಅಪೆ ಕ್ಹಾರಾ ನ್ಯಾಯ ವಿಚಾರಣೆನಾ ಹುತಿ ಕ್ರಿಸ್ತನಾ ಕ್ಹಾಮಾ ಹುಬ್ರೌ. ಹರಿಯಕ್ಲೊ ದುನಿಯಾನಿ ಅಂಗಮಾ ರ‍್ಹತಾಮಾ ಕರಲ ಚೊ಼ಕಾನಾ ಹುತಿ ವರಿ ಕೆಟ್ಟನಾ ಹುತಿ ರ‍್ಹೈನೆಕಾ ತಿನೊ ಪ್ರತಿಫಲ ಹೊಂದಸ.

ಫಿಲಿಪ್ಪಿ 3:21

ತೆ ಕ್ಹಾರುಜ ತಿನಾ ಅದಿನಮ್ಮಾ ಕರಲಿವಾನು ಕ್ಹಾರಾವೊ ಪರ ಅದಿಕಾರ ವ್ಹಂದಲವಾಲೊ ಥೈನ ದಿನ್ನ ಸ್ವಭಾವಾಲೊ ಥೈನ ಅಪನು ಅಂಗ ಘನು ತಾಕತವರ ಥೈನ ತಿನಾ ಅಂಗ ಲಿಂಗತ ರುಪಾಂತರ ಕರಸ.

ಕೊಲೆಸ್ಸೆ 2:12

ತುಮೆ ಬಾಪ್ತಿಸ್ಮ ಕ್ರಿಸ್ತನಾ ಕ್ಹಾತೆ ಬುರ‍್ಯಾ ವರಿ ತಿನೆ ಮರಲವಾಲಾವೊಮಾತೊ ಉಟಾಡಲ ಕ್ಹುದಾನಿ ತಾಕತಮಾ ಬರಕ್ಹೊ ಮ್ಹೆಲಾನಾ ಮುಲಕ ತಿನಾ ಕ್ಹಾತೆ ತುಮೆ ಉಟಿನ ಆಯಾಸ.

2 ತಿಮೊತಿ 2:18

ತ್ಯುನೆ ಕ್ಹರಿನು. ಕ್ಹಾರಾ ಮನಕ್ಹೊನೆ ಥಾವಾನು ಪುನರುತ್ಥಾನ ಕೆಳಾಮಾಜ಼ ಥೈ ಗಯುಸ ಕೈನ ತ್ಯುನೆ ಕವಸ. ತ್ಯುನೆ ಭಂಬಿಜ಼ನಾ ದಕ್ಹಾ ಮನಕ್ಹೊನೊ ಬರೊಕ್ಹೊ ಹಾಳ ಕರ‍್ಯಾಸ.

ಇಬ್ರಿಯ 11:35

ಬಾಕ್ಡಿಯೊ ಮರಿಗಯಲವಾಲಾ ತ್ಯುನಾ ಮನಕ್ಹೊನೆ ಪುನರುತ್ಥನಕ್ಹು ವರಿ ವಚಾ಼ಡಿಲಿದ್ಯಾ. ಬಿಜಾ಼ ದಕ್ಹಾಜ಼಼ನಾ ತ್ರಾಸ ಖಾತಾಮಾಬಿ ಪುನರುತ್ಥಾನ ಥಯಲ್ಪರ ಚೊ಼ಕಿ ರ‍್ಹಯಲ ಜಿವಿತನಾ ಹುತಿ ಬಿಡುಗಡೆ ಥಾವಾನೆ ಒಪ್ಪಿಲಿದ್ಯಾ ನೈ.

ಇಬ್ರಿಯ 9:10

ತೆ ಕ್ಹಾವಾ ಪಿವಾನಾ ವರಿ ತರಾ ತರಾನು ಪಂಕ್ಶನೊನೆ ಮ್ಹೈ ರ‍್ಹಯಲ ಅಂಗ ಧವಾನು ರ‍್ಹಯಲಬಿ ಅಂಗನೆ ಯಕ್ಕಜ಼ ಸಂಬಂದ ರ‍್ಹಯಲ ನಿಯಮೊ ವ್ಹೈ. ಆ ಚೊ಼ಕಾ ರ‍್ಹಯಲ ಕಾಲ ಲಕ್ಕಾ ನೆಮಕ ಥಾವಸ.

2 ಪೆತ್ರಾ 3:7

ಹಮ್ನಾ ರ‍್ಹಯಲ ಹಬಾಳ ವರಿ ಜಿಮಿನ್ನೆ ಕ್ಹುದಾನಿ ವಾಕ್ಕಯಾಜ಼ ಆಸ್ರೊ ಥೈಸ. ಹಬಾಳ ವರಿ ಜಿಮಿನ ಆಗಕ್ಹು ಹಾಳ ಥಾವಾನೆ ಮುಕ್ಯಾಸ. ಕ್ಹುದಾನಾ ವಿರುದ್ದ ರ‍್ಹಯಲ ಮನಕ್ಹೊನೆ ಥಾವಾನಾ ಫೈಸಲಾನಾ ದಿನ್ನಾ ಹುತಿ ಹಾಳಥಾನಾಹುತಿ ಹಬಾಳ ಜಿಮಿನ ಮುಕ್ಯಾಸ.